https://www.patreon.com/posts/49421051
【呢一代廢老就係唔捱得，郁啲就放棄】
過去廢老最鍾意批評年青人嘅其中幾句說話分別係「呢一代年青人真係唔捱得」、「年輕一代無耐性、無毅力」、「年輕人就係太心急，乜都要一蹴而就，唔明白忍辱負重、響體制內抗爭、妥協嘅重要性」……
然後去到今日，當中共以大石責死蟹之力響香港進行各種破壞嘅時候，你先發現原來最唔捱得、最容易放棄嘅，就係呢班廢老。
由劉細良去到燒山，而家都不停鼓吹「港台不如執咗佢算啦」，又或者林行止叫大家響呢個時候唔會再做任何激嬲共慘黨嘅抗爭；更甚者一眾黃標KOL一邊尻叫「我真係好撚鍾意香港」，一邊不停呼籲香港經已玩完，叫大家盡快移民早走早著，然後以「國際線」三個字作為自己無恥嘅掩飾。
響度我首先要強調，作為焦土派，我好早已支持全面放棄國際戰線；港台而家搞到一PAT屎咁，執咗佢亦唔覺得可惜；甚至乎我係可以體諒香港人因為怕死、追尋自由空氣而選擇移民。
我所睇唔起嘅只係，成班黃屍廢老，不過係短短半年間，就將自己多年黎對年輕一代嘅批判，用番響自己身上。
喂，當日你地唔係開口埋口寸土必爭架咩？依照呢個邏輯，點解唔係繼續鼓勵港台員工做得一日得一日，盡量響體制入面抗爭，直到全部被炒魷為止？點解因為少少唔如意就發爛渣話「執咗佢就算」？
當日焦土派話要攬炒，白票黨話要杯葛議會戰線，唔撚係比你班廢老大肆抨擊係分化撚係鬼咩？當日你地唔撚係話就算希特拉毛澤東翻生都要選個Lesser Evil、飯民留響垃圾會至少可以睇文件同探手足咩？點解因為比共慘黨Cut走幾個議席就索性杯葛選舉益咗建制派？
之前邊撚個話要忍辱負重、靜待時機？而家又點撚個走去同人一拍兩散、做盡當日佢地鄙視嘅焦土、白票行為？
講撚到尾，其實呢班黃屍廢老根本從來都無抗爭意志。以前之所以支持「體制內抗爭」，不過係妄想可以透過體制奪權、又或者曾經係體制內嘅既得利益者，例如前中策組顧問劉細良、葉國華契仔，親共組織成員沈旭暉，同共慘黨不嬲有計傾，覺得習近平一定會出於統戰考慮收買佢地──
點撚知雜種因為特朗普敗選睇穿敗登底牌，露出猙獰面目一刻，廢老們先至突然發現，原來以前所謂「體制內奪權」全部都係騙局，響共慘黨統治下嘅民主遊戲根本無可能贏，於是黃屍廢老就好似一個任性嘅小朋友咁立刻反檯唔玩，之前講過果堆漂亮說話完全唔算數。
更加諷刺嘅係，當日一早睇穿咗議會戰線無用嘅後生，用佢地嘅血同汗同共產黨響街頭作殊死鬥爭；即使今時今日隨時有被捕坐監之險，仍然有唔少人選擇留響香港──其實我已聽過唔止一個拒絕離港嘅前線勇武講，相比起終身流亡海外，佢地寧願選擇響香港坐幾年監。掉番轉你睇幾多廢老黃屍，其實要拉根本未拉到佢地，經已爭先恐後跳船走難，然後仲要恐嚇啲未肯走嘅人「再遲啲連走都無得走」，黎將自己拋棄香港嘅行為正當化。
所以唔好再同我講乜嘢「後生仔就係急進想一步到位」、「後生仔就係唔捱得」呢堆廢話啦。收成期廢老之所以等得，係因為佢地經已收割緊因為自己資歷、社會地位嘅成果；所謂「捱得」，其實係因為佢地根本唔係捱緊，而係嘆緊既得利益。但當去到局勢對自己不利時，以劉細良、燒山之流嘅廢老，往往就係意志最薄弱、最撚容易放棄嘅一班。
當然，同無嘢好輸、只有赤子之心嘅後生仔唔同，呢班廢老古惑在明明自己係推牌放棄撒賴，偏偏都仲可以扮到自己仲外國「打緊國際線幫緊手足」、「建立海外港人身份認同」，繼續呃蠢撚黃屍錢，老而不死，是為賊也。
石責 在 UXI Design 遊石設計- 拯救世界，人人有責。(有圖有真相) 的推薦與評價
拯救世界，人人有責。(有圖有真相) ... UXI Design 遊石設計, profile picture. Join. or. Log In. UXI Design 遊石設計, profile picture. ... <看更多>