話說中國歷史，是滿滿的權鬥史，正所謂「同學愛開片，私怨大過天」與人鬥自然是其樂無窮，川習會議落幕不過一星期，已經有黨媒倒戈，雖然及後緊急撒文，但如同中學生「扮send 錯message 示愛」一樣的拙劣，也是名副其實的司馬昭之心，路人皆知。
我一直堅持一個觀點：中國不會亦不能打大仗，因為兵一動，守軍不足，立刻就會有人謀反。所以你見中國近代都是說得很硬，但一做起上黎就軟了，基本上所有國際糾紛，都係同啲MK古惑仔咁，一路大叫「你唔好拉住我，我X你，你唔好俾我再見到你呀，見鑊打鑊」，但一路向後退。
你再看看中國人花在維穩、安內與監控的費用，遠超於軍費 — 中國不是不會打仗，而是不能打仗，內部需要大量的軍事力量鎮壓。中國外交部常常對外國說的十三億人口，其實是雙面刃，要人海戰術攻打外國當然令人頭痛，但人海戰術內戰起來，也不是好受。
總的來說，美國係睇死左中國呢點，只要美國不出兵打中國本土，中國是不可能主動出擊— 對比起龍椅的穩固，所謂的中國經濟利益、十三億人民的情感都不是什麼的一回事了。
事實上香港01的老闆于品海，也不是第一次和習近平交鋒，至於背後原因，和整個佈局，我作為一個師奶仔，當然看不清楚。到底于品海和他背後的勢力，到底在籌謀怎樣的下一著？老實說，我也不知道。在這場瘋狂的遊戲裡，我只是一個不屬於任何勢力的NPC，但我作為一個旁觀者，很清楚可以看到派系間的鬥爭，也可以很現實地告訴你：媒體必須為主人服務，多維網如是、01亦如是，據聞多維與01赤字頻見，（業績）紅底紅到出晒面，兩個媒體上年一共蝕足3.2億，除非係鍾意見紅，否則我想不到有任何原因可以支持到老闆繼續年年蝕錢。
抱歉，離題了。我只是想說：好多好鍾意分享某數字霉體的非建制人士，請重新想想「小罵大幫忙」的意思。我其實不介意人蠢，我也不是怎樣的聰明，但我好介意你明知有啲人嘅工作係「自導自演控制災難範圍和民怨水平兼帶風向」，但你依舊樂於分享這些內容...
仲要覺得自己為民主出了一分力。
你話你幾咁可愛😂😂😂
啊，對了！大家千萬唔好誤會于先生係建制又或是大陸派來什麼的，2012年新聞有講過：民主黨太子恆利總部，原來都係于品海持有的。
無錯，正如「只要有心，人人都可以做食神」，只要有心，人人都可以係民主鬥士！原來于先生都係同路人，大家唔好怪錯佢，佢係「開明資本家」，大家要繼續努力分享01，愛國愛港，我地齊齊建設民主中華。話說呢期泛民話要同本土派對話，我連口號都幫大家諗埋— 「民主黨，My香港，Yeah（跳起俾V）！！！」😇😇😇
#係囉一定係好想為大家提供免費新聞
#蝕三億都要做俾你
#簡直是活菩薩
#其實我都會睇01
#望下人地點樣帶議題係大開眼界
#咩時候薄責咩時候轉移視線
#好睇過連續劇
#我只係一個唔太跟規矩說話的NPC而已
#利申
#本人文字不代表本人思想
#本人思想不代表本人意見
#本人意見不代表本人立場
#據聞呢個叫秘銀頭盔
#電磁炮都打唔穿
