阿妹,想食乜!同你介紹返咩係菜!
亂鳩咁黎系列,啊,應該係全職炒散系列話做就做,今日,我係菜檔陪同店主賣左半日菜,真係眼界大開,唔講太多,去點!
1)是日任務,賣菜!地點,屯門新墟街市,下午時段
2)政府街市,非領匯,檔口係兩個連位,目測菜品種類超過三十款,每款都唔算多
3)第一單生意,菜芯,一斤,廿蚊(覺得貴?咁要睇埋落去)
4)首先介紹返店主先,八十後,用五百蚊入行,零晨五點係街市前走鬼,然後投標入左街市擺檔,新墟檔口已經有八年歷史
5)店主只有一人,無請員工,返工時間,未發達前,凌晨四點幾五點,到晚上八點,幾乎你收工就要返屋企訓等聽日再開檔;發達後,朝早七點半,去到檔口叫早餐嘆,六點收檔走人
6)賣菜都會發達?一日搵幾多?黃金年代一日純利四五千走唔甩,今日就唔同講法,想知今日埋數賺幾多?慢慢睇到最後一點
7)如果想入行賣菜人工幾多?店主分享,你連菜芯同芥蘭都唔識分咁做,都一日700,當你熟手,甚至一手就可以精準拎到一斤菜時,就由一日900-1200不等,但你要搬菜,無體力請自重
8)有冇假放?你見街市有冇休息?幾乎只放新年,唔好講周末假期,長短周,連紅日你都要返工,店主聲稱只會去旅行時先會放假
9)付出咁多,你得到咩?養妻活兒,買樓唔太大既樓絕對無問題
10)睇到呢度,想入行做店主?請睇後面,會講晒所有條件比你聽
11)開始你問我答環節,咩季節食乜最好,低級問題,夏天食瓜果豆,冬天就菠菜豆苗西洋菜西芹粟米蘿蔔
12)菜芯公價係幾多?無所謂公價,唔同地方有唔同價錢,同樣係菜芯,由貴至平既排列大約如下:City Super,一田,大型連鎖超市,街市「執」菜檔,街市「唔執」菜檔,街邊大型菜店(夜晚會放晒出黎一份份平到五蚊有交易個種),而店主既菜芯係20蚊一斤
13)五蚊斤菜芯其實你都買到,點解店主會賣20蚊斤?上面講到一個「執」字,會執既菜檔普遍都貴,因為店主會將唔靚既菜頭菜尾都幫你處理好,唔好睇同壞既菜會丟左,你返到屋企只需要洗一洗就可以直接煮,有別於「唔執」檔,其實佢地有三分一都用唔到,佢貴係貴在個人工錢(其一)
14)有機菜合集,點去分辨有機菜?當你發現檔口有一大個「有機產品」Logo時,佢先「有機會」係有機菜,無Logo就一定唔係,想保證有機,請去大型超市就一定唔會呃你
15)有機菜係咪無農藥?錯,有機菜都有機會有農藥,只係係規管下你唔可以用多過幾多農藥,就算你食有機都「可能」有農藥使用過
16)有機菜係咪好食D,店主話根本難以分辨,味道口感同營養都唔係因為有機同無機而出現分別,你覺得有機菜好食既就食有機,開心就好
17)店主係咪賣有機菜?唔係,但店主主要係賣本地農場既菜,亦因為咁,呢個係佢貴過外面既原因之二
18)本地農場係咪好食D?唔一定,但一定會比進口菜新鮮,因為係運送過程會比進口菜短好多,本地菜由佢收割到街市,大約一兩日,店主話,大陸菜芯係寧夏過黎,唔通飛機空運咩,陸路過黎,又要車程又要過關,黎到香港去批發再派貨,自己計放左幾多日啦,當菜新鮮,自然就無咁老咁多渣
19)幾點前買菜最好?中午前啦,中午後就開始有野賣晒,當然你食大路野都會比較易買到
20)幾多錢先送蔥?店主話真話係,睇佢心情,我見佢有時送蔥有時送辣椒有時送蘑菇,靚女係有多D野送(以我觀察)
21)超甜粟係咪真係甜?係,但你要確認到佢真係超甜粟,最簡單分辨係粟米粒有黃有白,如果粟米鬚呈銀色就係極品(我打開粟米見到有條死蟲,店主話呢種通常都會捐去食物銀行,黑心店就會切走照賣)
22)讀者你問我答環節,有部份我都答左係上面,蕃茄係咪個底有粒星就甜?唔係,最緊要紅同軟,因為熟到軟既先代表甜
23)有機菜係咪會多d蟲,係,因為用少左農藥,整體會「樣衰」過無機菜
24)點樣洗菜最好?浸,然後洗兩轉都夠晒
25)入貨有冇MOQ,你一百蚊都可以買,有錢就得,有機菜要買唔難,但你要再轉賣有機菜就要有牌
26)菜係咪一定要噴水,係咪呃秤?店主即時展示佢既霧化噴壺,噴完之後佢問我,你覺得重左幾多?點解要噴水,店主有兩個解釋,一,依家街市有冷氣,比冷氣吹到菜乾左會唔好睇同老,所以冷氣位一定會噴水;二,因為大家都理解有水既菜先新鮮,為左滿足大家既心態,佢噴比大家開心下
27)菜有水係咪好快爛?唔係,店主話,你條菜乾到無晒水份,你放幾耐佢都係咁,但一定唔係好事,水係有助保存
28)如果買左菜食唔晒點保存?浸冰水,溫度會令菜保鮮;想放雪櫃點好?浸完水,飛水,唔好滴住咁放入雪櫃,唔駛乜報紙啊保鮮袋等等,其實都差唔多,因為家用雪櫃有抽濕功能,所以放保鮮格係會有助菜保留水份
29)菜係咪海鮮價?可以話係又可以話唔係,之前講到,有機、無機、本地、進口、地點、有冇執過都會影響價錢,當一棵菜芯係你眼中只係菜芯,咁就係海鮮,但你知道佢係一條本地有機執過既菜芯時,就係物有所值
30)冰菜上面既冰係咩?鹽份,所以冰菜有咸味
31)點氹師奶?店主教路,男既全部叫老闆,女既全部叫阿妹,呢個問題係我聽到佢叫緊一個六字頭既阿嬸「阿妹」後問……
32)點打敗家農呢類菜品店?有錢,你有一百億既可以同佢鬥過,但店主表示自己有一百億不如收息嘆世界,點解仲要賣菜?
33)仲請唔請Partner?店主無意開分店,依家佢賣菜係興趣(從佢撩阿姐既行為中,我信佢係真心喜歡賣菜)
34)點解每種菜唔同價錢但收幾錢就咁快計到?店主話當你日日都計,計足十年,你都可以
35)芫茜同蒽點樣可以放得耐啲?店主無奈表示,食左佢啦,真係要放,冰水,曾經有客問佢菜可唔可以放兩個月,店主指左對面間菜乾店叫佢買菜乾
36)每日賣淨既菜會點處理?一,食物銀行;二,賣比餐廳,通常都唔會掉,收檔時我見佢薯仔、薑、蒜頭呢類貨會留之外,其他全部入膠袋,夜少少會有人收走送去餐廳
37)平均一斤菜有幾多利潤?唔定,愈大路既菜利潤愈少
38)有冇人收陀地?無,最多都係舞獅派財神,十蚊打發走個種(佢係政府街市)
39)老老實實賣菜係咪生存唔到?係,答案太長,下回分解
40)如果你想入行,可以點?店主表示,如果你可以申請到政府街市,一個月租金平到你唔信,只要你開舖都唔會憂,領匯就唔好諗,原因太長,下回分解;以佢舖位做例子,起動成本只係兩萬以內,是日入貨1052,本真係唔算多
41)如果聽日係世界末日,店主只可以食三種蔬果,佢會食乜?非本地系列:日本產香菜、法國番薯、荷蘭甜椒;本地系列:香港椰菜、荷蘭豆、扁豆(原來兩種豆係唔同)
42)有關點揀菜……篇章太長,我會之後再解釋,今日記野都記到我頭都暈
43)是日進貨成本,1052;是日銷售額(只計紙幣)3800
44)是日本人收獲,老細請左我食外賣,一條老細精心挑選既蘿蔔同粟米,同埋一堆聽極都唔厭既賣菜知識趣事,請容我叫老細一聲,師傅!!!!
作者的話,今日真係獲益良多……我對菜真係一無所知,比佢笑左我好多次,對於一個完全無架子,願意分享成行所有情報同潛規則既店主,仲完全不求回報,佢話唔好開佢名,以免比人點錯相!我代讀者們再一次多謝佢,而我都同佢講,我仲有好多問題想知,一定會定期再搵佢!
所以讀者們如果有問題想再問既,請留言!!!!!!!!!
如果喜歡呢個系列,同埋想感謝店主既分享,請比Like Comment and Share!!!!!店主有偷偷睇Post!
賣菜系列將會下周再來!而我亦準備做圖文版本,需要較長,敬請留意我既更新
「粟米芯營養」的推薦目錄:
粟米芯營養 在 唐安麒 Angel Tong Facebook 的最讚貼文
立秋🍃起至秋分(2021年9月23日)前這段日子為「長夏」,長夏養生,重在護脾。中醫認為五色、五味入五臟,黃色、甘甜食物均對應脾臟。
一條粟米🌽周身寶。粟米微寒,味甘鹹,歸腎、脾、胃三經。中醫角度,粟米不同的部分各具療效👍🏻——粟米衣清熱解毒、粟米鬚利尿祛濕、粟米芯清心火、粟米粒健脾開胃。西醫營養學則認為,黃色粟米含豐富類胡蘿蔔素、葉黃素與玉米黃素,有助保護視力及護眼、預防乾眼病及夜盲症👀。
長夏宜養脾祛水腫,應多飲粟米鬚水,可以祛除體內濕氣,三高人士飲用更可降血脂、血壓、血糖。做法很簡單:將適量粟米鬚加水大火煮約10分鐘,然後轉小火。用漏勺將玉米須篩出即可,任何體質人士也能飲用。
#粟米 #不時不吃 #養脾 #養生 #祛濕 #水腫 #食療 #粟米鬚水 #唐安麒
------------------------------
大家記得like我的各個channel啦😁
Mewe:https://bit.ly/39KEGs6
IG 名:DR.ANGELTONG
YouTube:https://bit.ly/3ic4LDT
Blog:http://blog.angeltong.com.hk
KK Box:bit.ly/3r6x6Q3
Sound Cloud:bit.ly/3q8iI8x
SoundOn:bit.ly/2MFFiIg
Spotify:spoti.fi/3q57KB1
Listen Notes:bit.ly/3q61tom
------------------------------
粟米芯營養 在 Emily Happy Sharing Facebook 的最讚貼文
精緻美味Fusion菜 ✨ CHEWY FOOD TASTING PARTY 2021
.
喜歡超力食品既我,真是由細食到大 😋
上星期有幸出席「超力試食會派對 2021」,品嘗多
款製作擺設極具吸引、精緻美味的 Fusion菜式 😍 又
玩咗互動遊戲,同時親臨現場的著名漫畫家Bill Yim
以閃電的速度繪畫搞鬼人像素描,很厲害!
.
.
🍽️ 多款 Fusion 菜式試食 💕
🍣 海膽壽司 & 拖羅丼
米是採用著名日本米產區愛知縣,連續三年得到 A’ 以上
評價,味道芳香醇厚。海膽壽司食落味道濃郁甘甜滋味。
拖羅丼的魚肉油香都是一級棒,甘香軟嫩,啖啖鮮味。
.
🍚 經典豬油撈飯配脆豬皮
產自廣西優質絲苗產區的中糧金滿家香稻絲苗,飯粒明亮
光澤,有中國米中之王美譽。白色的豬油放入熱飯中溶化,
配合脆豬皮,鹹味濃郁,香脆可口,好惹味。
.
🍲 牛肝菌法國蘑菇珍珠米燴飯
用美國加州種植的熊井美國珍珠米,是美國一級大米。
珍珠米煙韌有咬口,香濃、彈牙又Creamy的燴飯。
.
🥣 酸菜魚濃湯配芝麻泡沫
這款用天鵝牌星洲炒米粉,泰國大米製造,爽滑彈牙,很美味!
.
🌽 北海道牛乳鮮粟米濃湯
以天然粟米芯加北海道牛乳煲製而成,清甜奶味香濃,口感幼滑。
.
🥩 澳洲牛肉薏米蔬菜湯
湯底用優質澳洲牛肉煲製,牛味濃厚,薏米有
口感,加上蔬菜增加甜度,營養好味的蔬菜湯。
.
☘️ 班蘭椰汁糕 & 🍓 士多啤梨椰汁糕
顏色好靚嘅兩款糕點都是採用超力純淨木薯粉,高質木薯
磨製而成,Q感十足。班蘭椰汁糕質感煙韌軟糯,好香
椰汁味。士多啤梨椰汁糕,外香內軟,清甜嘅夢幻滋味。
.
🍙 皇牌飯糰推介 : 黑松露蛋黃醬三文魚、XO醬櫻花蝦
紅蟹沙律、意大利火腿芝士蛋黃汁、金平牛蒡、辛口明
太子及蟹醬油沙律。飯糰低脂、低糖、低鈉,健康又好味。
.
🥣 十款精選營養湯品 : RBF豚肉蔬菜麵豉湯、澳洲牛肉薏米
蔬菜湯、北海道牛乳鮮粟米濃湯、西蘭花煙肉忌廉湯、番
茄紫蘇濃湯、烤椰菜花濃湯、四式蘑菇忌廉濃湯、法式農
夫蔬菜湯、日本香蔥煙肉薯蓉忌廉湯及日本南瓜濃湯。
.
🦐 🦀 口味創新的 XO醬櫻花蝦紅蟹沙律飯糰,品嚐到淡
淡米香與甜味,米飯香氣四溢,櫻花蝦酥脆鹹香,紅蟹肉
鮮甜,豐盛的餡料,品嚐到營養豐富的飯糰,好幸福呀!
.
🥓 🧀 百吃不厭的意大利火腿芝士蛋黃汁飯糰,軟糯香甜的
米飯,芝士火腿的鹹香美味,與蛋黃汁很配在一起,高級享受 ~
.
🥢 新款醬爆杯米粉有3款口味 : 黑蒜牛蘑王、藤椒火辣雞、
紫蘇海八鮮,採用進口泰國大米製造,幼身爽滑,口感煙
韌。用熱水焗3分鐘就食得,非油炸,健康又方便。
.
超力食品
#超力試食會派對2021 #超力食品 #CHEWYFOOD #GrandHyatt
#FoodTastingParty #精緻菜式 #hkfood #hongkongfoodieblogger
#hkiger #hklifestyleblogger #EmilyHappySharing
粟米芯營養 在 XO醬拌盧筍粟米芯 - YouTube 的推薦與評價
![影片讀取中](/images/youtube.png)
聚友廚房#xo醬#盧筍# 粟米芯 #玉米芯#健康今次與大家分享這個XQ醬拌盧荀 粟米芯, 食材配搭 營養 豐富, 而且XO醬與兩種食材的結合味道非常配合, 清新可口, ... ... <看更多>
粟米芯營養 在 連中間的梗都能整根食用 玉米筍(粟米芯)營養價值高 - Facebook 的推薦與評價
其實, 玉米筍(粟米芯) 就是玉米的小時候,跟筍可沒有關係。 一般種植玉米時,為了讓養分更集中,⛏會把多餘的幼嫩果穗摘除, 玉米筍就是疏果之後的產物。 ... <看更多>