Search
I have booked my appointment. You can too❤️
逆境下依然可以盡己所能，關懷身邊嘅人。現時血庫存量處於極低水平，有機會增加病患者嘅風險及醫護體系嘅壓力。作為捐血大使，我衷心呼籲大家喺可行嘅情況下嚟捐血，捐1次血，可以救3個人。
常設捐血站分佈喺旺角、觀塘、銅鑼灣、中環、荃灣、沙田、元朗同西九龍。
亦鼓勵大家可以利用電話及網上預約捐血，或者使用手機應用程式 HK Blood 預約，縮短等候時間，避免人群聚集。
基本條件：
健康、41公斤以上、16至66歲
防疫措施：
🙌🏻戴口罩入站，量體溫，用酒精搓手液消毒
外遊紀錄：
🚫28日內去過內地、北美洲、瘧疾地區都要等一等再捐血 (曾於歐洲長住者有機會不適宜捐血)
以下旅遊熱點則唔影響捐血：
✅日本 ✅台灣 ✅南韓 ✅泰國曼谷 ✅新加坡
有關捐血站資料、預約流程及常見問題，請瀏覽 #香港紅十字會輸血中心 網站了解更多！https://bit.ly/2uaacz0
I have booked my appointment. You can too❤️
逆境下依然可以盡己所能，關懷身邊嘅人。現時血庫存量處於極低水平，有機會增加病患者嘅風險及醫護體系嘅壓力。作為捐血大使，我衷心呼籲大家喺可行嘅情況下嚟捐血，捐1次血，可以救3個人。
常設捐血站分佈喺旺角、觀塘、銅鑼灣、中環、荃灣、沙田、元朗同西九龍。
亦鼓勵大家可以利用電話及網上預約捐血，或者使用手機應用程式 HK Blood 預約，縮短等候時間，避免人群聚集。
基本條件：
健康、41公斤以上、16至66歲
防疫措施：
🙌🏻戴口罩入站，量體溫，用酒精搓手液消毒
外遊紀錄：
🚫28日內去過內地、北美洲、瘧疾地區都要等一等再捐血 (曾於歐洲長住者有機會不適宜捐血)
以下旅遊熱點則唔影響捐血：
✅日本 ✅台灣 ✅南韓 ✅泰國曼谷 ✅新加坡
有關捐血站資料、預約流程及常見問題，請瀏覽 #香港紅十字會輸血中心 網站了解更多！https://bit.ly/2uaacz0
近幾天自己犯賤，心癢看相關報道裡讀者的留言，看得我怒氣沖沖。一方面心想為何人竟然可以政治、身份認同等藉口掩飾自己的自私，另一方面也為香港變得如此兩極化而心痛。後來轉念一想，指摘或許源於誤解，所以發表意見前，希望大家都先盡力了解事實。
//而每一包血製品去左邊，化驗室都有紀錄，例如會有病人 label、病人名、因咩事輸血、幾點要、邊個病房要、邊個人拎走左...所以要乜野紀錄同統計，花少少時間就可以得到。// （按：紅十字會已經澄清醫管局有使用血包的詳細資料供公眾查閱，至於醫管局會否公開就另一回事了。）
// 公立醫院收你一日百幾全包呀，你話私院賺？不如話公院連成本都唔要。//
紅十字會星期四宣佈血庫存量僅餘四日，呼籲香港人踴躍捐輸。小弟我好支持捐血救人，但我對頻密既「緊急呼籲」就有少少意見。
醫療資源並非簡單供求經濟，當中涉及 elasticity of demand and supply，即係供求彈性。醫療資源並非空氣，可以隨便因應需求增加而源源不絕咁供應，所以政府同醫療系統係控制醫療資源需求上必定要有特別關卡，嚴防濫用或浪費。
我唔評論現今香港社會係咪要鼓勵係人都去捐血，亦唔評論現今香港人所捐既血究竟去左邊。我當然有個人立場，但我最想講下我十年前仲做緊醫務化驗時，當值負責血庫既見聞。我只係將事實，記住，係事實覆述一次，各位係讀者，思考部份由你地揸主意：
1. 每一間醫院化驗室都係醫院既一部份，所以化驗室個電腦系統係會睇到病人資料，而每一張 lab request form 都會寫病人姓名、身份證號碼（或旅行證件號碼，如果病人無香港身份證）、病人地址、簡略既臨床病徵或診斷、要求何種化驗服務。所以，我地會有齊一切資料，除非資料係假既。
2. 如果醫生要求為病人輸血，佢地係要寫因咩事要輸血、緊急定非緊急、臨床病徵或診斷、要乜血製品同要幾多。空白表格或者寫D唔寫D，化驗室有權彈回頭。例如，醫生可能會寫病人係緊急剖腹生產/緊急手術等等。醫生又會寫低症狀例如 hx low platelet (有血小板低病史）、PPH（產後血崩）、abnormal PT/PTT (不正常血凝）。然後醫生一定會寫例如XM4 (配血4包）、cryoprecipitate x 2 （冷凍沈澱品2包）或 FFP x 4 (冷凍血漿4包）等等。
3. 醫院化驗室既血庫會定時定候檢查雪櫃每個血型及每種血製品既數量同有效日期。如果有需要既話，化驗室係會向紅十字會取 stock (一般存貨），不過唔係要幾多就會俾幾多。
4. 我2006年最後一年做醫務化驗，當時每次 check stock （檢查血庫存量）都總會有兩三包血因為過期而要倒左佢。我地真係未試過好頻密咁用大量既血。而化驗室每個月用左幾多同倒掉幾多血，係必須呈報紅十字會，因為紅十字會係會因應大家提供既數據去決定每一間醫院化驗室血庫可以派幾多血。你要求多左，紅十字會會問點解。
5. 如果醫生要求緊急輸血而醫院血庫剛巧唔夠存貨，化驗室會先問附近醫院有無得借，無既話就要 fax 緊急 blood request form 去紅十字會京士柏血庫要求緊急供應。呢張 form 要填好多野，例如病人咩事要輸血、有咩臨床病徵、有咩診斷、病人既血紅素/血小板/紅血球等指數幾多、要乜同要幾多血製品、主診醫生係邊個、咩專科等等。如果紅十字會血庫醫生認為有問題，佢會打電話來化驗室問問題，甚至會叫化驗室搵主診醫生傾，然後先決定俾幾多血製品你。假設醫生要求過多，紅十字會既醫生可能會俾住一半你先，甚至俾好少你，唔係你話要20包就20包。
6. 每一包血來到醫院化驗室血庫既時候，我地都要做足紀錄，例如記低 serial number、使用期限、血型、乜野血製品類型等。而紀錄低所有呢類資料既 log book 係內部或者外部審核既時候會有專人覆核。而每一包血製品去左邊，化驗室都有紀錄，例如會有病人 label、病人名、因咩事輸血、幾點要、邊個病房要、邊個人拎走左（佢要簽名，我地 counter sign）。所以要乜野紀錄同統計，花少少時間就可以得到。
7. 唔係只得意外、緊急手術、生仔先要輸血。有時有某D血癌、血友病、地中海貧血症、複雜而又可能有事既手術、換大腿骨關節等大型手術都需要輸血（或者配血 stand by）。以往香港醫療同衛生都越來越好，安全意識都越來越高，因此我仲做緊化驗既時候，並唔會成日都需要輸血。而且，香港人生育率低，就算生都會做足產檢，咁仲點樣為血友病同地中海貧血症提供新力軍？另外，香港醫療系統唔錯，病人好少話搞到滿身問題同 complications 先夾硬開刀。
8. 病人要輸血或者血製品，醫療成本係相當高既。唔係話私家醫院拎免費血就賺病人錢，而係公立醫院收你一百幾十然後用納稅人既錢包底。你估公立醫院會平D？以我既認知，假設你因為大量失血而要輸血，私家醫院會收你每包血既配血化驗費、輸血用既輸血用具費用、穩定你病情既藥物費用、吊水既費用、病房費用、一般消耗品既費用等等，如果緊急取血，醫院要安排交通工具去京士柏取血，果度都要收你錢。我亦記得，當年我地私院配血，大約要千幾蚊四包，如果配幾十包血，真係淨係化驗都幾皮野。公立醫院收你一日百幾全包呀，你話私院賺？不如話公院連成本都唔要。不過咁，社會上既教育、醫療同好多公共開支，係唔可以計成本同收益既，否則就會社會大亂。你話咁點算？咪唔好亂用囉！
我可以講就係咁多啦。
紅十字會捐血紀錄 在 Blood for Life 熱血使命(HK Red Cross BTS 香港紅十字會輸血 ... 的推薦與評價
溫馨提示: 各位如想查詢下次捐血日期及過往捐血紀錄, 大家可登入以下網頁https://blooddonor.org.hk/ ... <看更多>