米媽今次要好多謝米契媽介紹呢檔菜檔俾米媽。因為佢地可以送上門，價錢仲平過我呢邊街市。 所以米媽已經唔駛再托十幾廿斤餸喇，特別肉類，海魚，凍肉，烏冬呢啲都可以靠佢佢，佢地仲唔額外收費，話順便幫手買埋咋麻。超好人，所以米媽一星期只係去一轉街市買啲特別既食材。
菜檔訂菜送上門，代買埋街市食材。米媽訂左咁多次都無分享，因為都唔想介紹錯俾大家。圍內朋友就一早同佢訂開。
呢個菜檔做開酒樓批發，但係因為疫症先開始第一次做送貨，如果唔夠$500，都係俾一程車錢就得。 米媽覺得好合理，因為唔需要迫自己買滿$500。 代買慳返自己托餐死來回車程同感染風險，果幾十蚊車費係值得俾的。同埋訂菜時，加埋肉類魚類凍肉，果度都$100-200。好快夠數。最緊要唔好夾硬買，雪櫃邊有位，俾車費就得。🤣
菜檔既菜9成都好新鮮，係同你自己去街市買既一樣咁新鮮， 但都有唔靚既時候，例如有時三色椒，茄仔，油麥菜，洋蔥，有一次半次唔靚，同老闆講完，下次老闆一定會再跟返足，有改善！ 呢個好重要。 而咩菜米媽訂開都一定新鮮勁靚。 菜心勁靚乾水，放一星期絕對無問題， 白菜仔好靚，菠菜苗又乾水好靚，蕃茄，茄仔好靚，西蘭花。 米媽仲叫佢幫手買開飛排，肉，牛肉牛腩，紅衫魚，烏頭呢啲。 水果就一般，所以米媽就平時會去一轉街市只係買下其他少量既蔬菜呀，同水果。😊😊
如果你地少去街市，只去超市捱貴菜，或者買餸托到死。都可以試下既。 幫輕大半真係輕鬆好多，仲要多數都好靚。 因為真係好難要求百分百，會有啲唔靚但米媽欣賞佢地老字號老闆又好有禮貌肯溝通，下次即改善。 值得讚。（啲菜唔靚係相度）
米媽真心分享完畢。 （米媽遲遲唔分享都驚大家搵佢，之後米媽難訂。🙈🙈）
米媽要求好高..佢過到米媽，算係咁，之前唔敢上網訂，一黎mark up貴，二黎又唔知靚唔靚，貴既點買得多呀，師奶數黎。
平時點訂？米媽習慣whatsapp 一個list俾佢，等佢果日去街市秤時報價。
價錢岩就過數俾錢，網上又得atm又得。
之後買落熟左，多數都叫佢唔駛報喇，直接幫米媽買完送黎，之後佢覆價錢，breakdown,米媽過數。(你地可以睇下最後一張相。）
米媽覺得， 要代買餸，都要啲餸真係靚得黎價錢合理食得起先得，你見超市$30一包菜心仔。要買幾多包先夠一晚成家人食。😂 所以你地同佢訂既話，師奶計數係佢慳左唔少，少少錢俾車費，自己著數好多。win win la.
你地有興趣係post留言啦，米媽之後先覆你地
菜檔資料：https://www.facebook.com/430493420343469/posts/3273625382696911/
紅衫魚價錢 在 紅杉食品、紅衫魚價錢在PTT/mobile01評價與討論 的推薦與評價
红烧红衫鱼这种做法，适合于大部分冰鲜鱼，方法非常简单：先将鱼用盐腌1个小时，这样腌过的鱼，肉质变得紧实细腻，然后再放入油锅里煎香。红烧时要加点广东米酒，提鲜去腥; ... ... <看更多>