【百變鼻祖-羅文（八問）】
1. 點解羅文咁執著自己嘅形象？
答：同之前描述過嘅一樣，一就係因為佢細細個已經睇好多粵劇、芭蕾舞、電影等藝術，所以細細個已經培養左獨特嘅藝術/潮流嘅觸覺。另外一個原因就係因為佢去左日本發展。
2. 日本發展？
答：根據劉培基喺無線節目《羅文·歌在人心》第二集就話羅文係去左日本之後先開始鍾意著釘珠片同膠片嘅衫，因為燈光打落去好靚。（文末有link重溫）
3. 有無例子佢有幾執著「靚」呢件事？
答：根據劉培基喺無線節目《羅文·歌在人心》第二集就話，羅文曾經搵人幫佢做衫釘珠片上去，叫人送去劉培基屋企。點知羅文一見到之後覺得件衫好樣衰，一手由住喺二十幾樓嘅劉培基屋企掉左落街，十幾分鐘管理處就搵佢話「劉生，你有件衫跌左落街。」（文末有link重溫）
補充：歌迷憶述，有一次有一個宣傳活動淨係招待傳媒，經人介紹佢就有機會出席。原先佢唔想出席，因為佢知道放工之後無時間換衫，如果著便服去會比羅文鬧。但係佢最後都去左，之後比羅文黑面。之後一次羅文嘅生日會，歌迷就特登著西裝去，羅文見到即刻好開心話：「今日終於著得靚靚見我啦！」
4. 佢對衫又有咩執著？
答：歌迷憶述，羅文70年代嘅時候已經好注重唱片封套設計，每一首歌都有特定嘅形象或者舞步。每當佢出碟嘅時候佢就好鍾意著同一件衫出場唱歌，好多呢d衫都係特別訂製。而呢d歌衫佢曾經有過一個貨倉保存。有d歌衫佢仲有改裝之後再著，例如佢件好出名嘅孔雀毛斗篷，佢就改裝左三次。
（呢件衫用大約5000支孔雀羽毛整成，件衫佢著過幾次，一次係1981年演唱會，第二次係1981年金唱片，第三次就係1996年演唱會。）
補充：羅文似乎好鍾意改裝衫，歌迷補充有一次羅文同甄妮上歡樂今宵做特輯，著左一件金色皮西裝，完場之後羅文就問歌迷：「套衫得唔得？」歌迷就話好似有少少怪怪地，羅文就回應：「我見著一次，我攞塊料落廟街d 街邊檔造架！佢仲話塊皮車死佢！哈哈！」
5. 羅文係咪特別鍾意著名牌？
答：唔係。歌迷憶述，佢見靚就買。不過西裝佢就特別偏好Giorgio Armani (同陳百強一樣）。羅文嘅名牌固然多，但係佢唔會話唔係名牌就唔著。
6. 話說羅文唱激光中嘅時候果副眼鏡好出名。
答：其實羅文唱激光中嘅時候有過幾副眼鏡，但係最出名就可能係93年歡樂滿東華果副，印象中mv裡面都有戴過。呢副眼鏡羅文好鍾意，佢2001年《名曲滿天星》都攞翻出黎介紹，佢話當年要接近$8000，我做過少少資料搜集之後發現原來呢副眼鏡喺法國人手製造，牌子係Alain Mikli，係眼鏡入面嘅名牌。（文末有link重溫）
7. 羅文不斷挑戰性別界限。
答：有人話羅文嘅影響係首澤田研二嘅影響，又喺日本見識左好多野之後就開始塑造佢嘅個人風格，佢自己都非常鍾意Elton John所以或許都有影響到佢嘅個人風格。其實1983年《激光中》嘅mv佢已經開始戴耳環，當年相信根本無咩人接受到，而且佢嘅風格又妖妖地，又公開全裸相片，再唱埋《波斯貓》其實當年唔係好多人接受到。但係羅文呢種突破，就正正不斷咁挑戰性別定型，呢種曖昧成就左佢獨一無二嘅風格。
8.就算佢開始老嘅時候仲係咁有style。
答：睇下2001年《名曲滿天星》第一集就知道，羅文雖然年紀開始大但係依然咁有style，每唱一首歌佢依然仲係會換一個精心設計嘅造型。件衫淨係扣一粒鈕，又著皮嬲，又戴耳環，仲戴住條Vivienne Westwood皮帶，潮！
羅文做事認真，佢嘅造型個個都係精心設計，永不過時。
參考資料：
名曲滿天星第一集：https://www.bilibili.com/video/BV12x411y79Z?p=1
《羅文·歌在人心》第二集：https://www.bilibili.com/video/BV1gs411Y71B?p=2
第一頁相片來源：羅文唱片《舞台上》封面
第二頁孔雀斗篷：
第五屆金唱片（右上角）截自：https://www.bilibili.com/video/BV1hb411V7Mu?from=search&seid=15428789997594986803
羅文1996年演唱會（左下角）來自：
https://www.hkmemory.hk/collections/Roman_Tam/All_Items/images/201710/t20171010_86730_cht.html?f=classinfo&cp=%E8%88%9E%E5%8F%B0%E8%88%87%E7%BE%85%E6%96%87(%E5%9C%96%E7%89%87)&ep=The%20Stage%20and%20Roman%20Tam(Photo)&path=/collections/Roman_Tam/All_Items/9883/9892/index_cht.html
第三頁左上角《1978年歡樂今宵賀台慶》珠片衫截自：https://www.bilibili.com/video/BV1Ut41167Da/?spm_id_from=333.788.videocard.9
第三頁中間《浮世驚情特輯》眼鏡造型 截自：https://www.bilibili.com/video/BV1NW411u7Cy?from=search&seid=9639456450114265331
第三頁左下角羅文早期造型 截自《羅文·歌在人心》第一集：https://www.bilibili.com/video/BV1gs411Y71B?p=1
第四頁左上角《歡樂滿東華》1993截自：https://www.youtube.com/watch?v=E-XiR3U6M2w
第四頁中間《激光中》眼鏡截自：https://www.hkmemory.hk/collections/Roman_Tam/All_Items/images/201710/t20171010_86698_cht.html?f=classinfo&cp=%E8%88%9E%E5%8F%B0%E8%88%87%E7%BE%85%E6%96%87(%E5%9C%96%E7%89%87)&ep=The%20Stage%20and%20Roman%20Tam(Photo)&path=/collections/Roman_Tam/All_Items/9883/9892/index_cht_4.html
第四頁左下角截自《名曲滿天星》第一集2001 ：https://www.bilibili.com/video/BV12x411y79Z?p=1
第五頁兩張照片截自《名曲滿天星》第一集2001 ：https://www.bilibili.com/video/BV12x411y79Z?p=1
羽賀研二 在 羽賀研二Profiles 的推薦與評價
People named 羽賀研二. 羽賀研二 · 羽賀研二 · Kenji Haga (誠意大将軍) · Kenji Haga · Te Er. Works at Batu Pahat. Chinese High School. Lives in Batu Pahat. ... <看更多>