[巴塞帝國興亡史]5000幾字,不過應唔算難明。又,原文仲長,唔關我事。循例利申:唔捧巴塞,但亦唔憎巴塞。畢竟我在魯營入場睇美斯。
TLDR: 西瓜共蟹,唔識莫買。呢篇真係極長。但你要搵人鬧嘅,好簡單,Bartomeu就係屌靶。條友完全唔識足球,亦唔識足球嘅生意。自己唔識都算,又唔知人善任。全歐洲都知佢係水魚,玩到佢謝。尼馬嗰2.2億歐羅,最後去咗邊?另外,買親人都畀貴價,簽親都水貨,人工又畀得高,唔死就奇。但話說回頭,邊個選佢上去架呢?聽講巴塞唔係老細足球油王波喎,咩人選佢上去?最後,美斯份糧亦有一定嘅角色,當然佢係落場征戰嗰個,貪錢嗰個好似係佢老豆,冇乜人會怪佢。同場加映 多蒙特同彭美拉斯點樣玩到Bartomeu謝,笑死無命賠。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
1. 真係英雄所見樂瞳,我諗到呢個題,然後原文Simon Kuper最後亦都係用羅馬帝國比喻巴塞。記住,你覺得篇文垃圾覺得我唔識波嘅,請你去鬧Simon Kuper,「不過鬧之前睇下人地咩料子先」。內容主要都係取材自篇文,當然有啲我個人想法,我盡量分開。一係你睇原文咯,唔使錢的(https://bit.ly/3fI5AVE),但你又唔想英文或唔鍾意睇字嘅,咁咪只能聽我講,你自己選擇的。
2. 篇文其實嚟自Simon Kuper本新書,幾日後出(https://bit.ly/3iwl9kN)。唔記得佢係咪特別捧巴塞,但之前見佢都寫唔少巴塞或美斯文,訪問好多人,絶對有資格講。佢本書原本係寫巴塞成功史,點知寫寫下已經見到巴塞盛極轉衰,佢篇文寫嗰時都未知美斯走,但已經預言好大機會。
3. 上篇文比較technical(https://bit.ly/37Hxr3T),而且只係講一單球員交換,講巴塞大鑊到要搞埋啲咁嘅怪雞嘢,但冇解到巴塞點搞到咁,不過個故事太過過癮。今篇我保證,易明好多。真係你打football manger都知係乜事
4. 好似講歷史咁,遠因,近因,導火線。巴塞搞到咁大鑊,導火線當然係疫情,同埋西甲嘅salary cap,巴塞要瘦身。但差不多間間球會都受影響,點解唯獨佢地咁大鑊?
5. 巴塞財政問題,你可以睇Twitter @Swissramble,7月尾已經講巴塞好大鑊,唔係事後孔明.但講真佢啲嘢真係純金融,唔易入口。所以你可以睇我呢篇文講。
6. 近因係巴塞財政狀況近幾年都差,年年都只係勉強頂住,但一個疫情打落嚟咪出事。有幾差?普通人都睇得明:巴塞係全世界收入最高嘅足球會,疫情前唯一一間一年收入過10億美金嘅球會(不過,都係少過一間維他奶!)。但欠落嘅債,去到14億美金。冇錯,長命債可以慢慢還,但大鑊在啲債好多都係短債,好快要找數。咁明晒啦?
7. 你想賣人?嘿,成班老嘢,邊有人買?況且,人人知你莫財,點會唔壓你價?就算其他人真係咁好心,亦都有心無力,其他球會都係十分水緊。好可能De Jong,Ansu Fati或Pedri之類都只能平賣。冇錢就係咁架啦(題外話:所以叫你唔好借錢買股票)
8. 之但係,呢啲都係近因。巴塞點解搞到負債咁多?同埋點解年年蝕錢(收入高都可以蝕錢)?就係遠因。
9. 巴塞嘅收入,疫情前一路係全球頭兩三位。固然疫情下打擊大,仲有啲贊助商又縮數,但照計唔應該咁快出事。咁收入冇問題,就梗係開支出事啦。於是你普通人都估到,球會可以有乜開支?咪就係買人出事,同埋人工出事。
=========================================================
10. 香港文化興搵禍首,我都明。咁今次畀定個屌靶你,肯定係前任會長Bartomeu,佢就係亡國之君。去到現任Laporta時肯定返魂乏術了。今年3月先接手,可以做乜?
11. 陣間會慢慢鬧Bartomeu,但此人根本完全外行,唔識足球,亦都唔識足球嘅生意,絶對係一條水魚,畀人玩到佢謝。自己唔識都算,但佢又唔知人善任。
12. 但,巴塞唔係老細足球嘛,唔係油王大陸錢,喂,會員制架喎。咁所以,第二屌咪屌啲球迷咯。唔係你同我(除非你係有份投票嘅),我地呢啲電視機球迷反而最聖潔。喂,Bartomeu係你班友選上台架嘛,咁唔係啲選民負責返?原本佢只係過渡角色,但2015年(記住呢個日子)6月巴塞在柏林對祖雲達斯,10年內第5次拎歐聯後,佢就大票數再當選。呢次亦係巴塞暫時最後一次拎歐聯。
13. 當然仲有,美斯。或者應該話美斯份糧,可能係美斯老豆。美斯有幾好波已經唔使討論,佢在賽場上絶對冇欠巴塞半分。巴塞近年戰績可能未如球迷預期,但絶對唔係巴塞財困嘅原因,畢竟巴塞唔係搞到冇歐聯踢嗰種情況。不過,美斯份糧,同埋佢對球會轉會嘅參與,似乎亦同巴塞財困有一定關係。
14. 關於美斯,我仲想講多兩句。Simon Kuper寫過好多美斯嘅文,場上固然唔使討論,足球場外美斯並唔係一個特別鍾意權力嘅人,特別麻煩嘅人,甚至唔係一個特別貪錢嘅人(佢老豆就可能係)。美斯要嘅嘢好簡單:佢要勝利,佢要一隊戰無不勝嘅夢幻隊,就係咁簡單。「其他嘢你地幫我搞掂佢」。球員冇理由要理埋球會財政嘅嘢,關我春事。但美斯份糧,弔詭地就搞到巴塞搵唔到美斯想要嘅球員。況且球員亦都知道美斯呼風喚雨,權力好大,佢撐你,高層唔敢唔加人工。邉個高層夠膽同美斯作對?美斯唔係一個權力慾好大嘅人,但佢知自己有影響力(以上都係作者啲文講,你可以去質疑)
15. 我目測香港巴塞球迷遠多過皇馬。但唔好忘記,在美斯嚟之前,巴塞戰績並唔係一間咁「神」嘅球會。固然巴塞more than a club,你亦可以話係中央馬德里打壓,由佛朗哥之類講起。但客觀事實係巴塞在美斯之前,只係拎過一次歐聯冠軍(當然05-06嗰次都唔多關佢事),美斯同拉馬西亞嘅黃金一代,就改變咗巴塞。但,之後呢?
16. 既然巴塞場上表現唔係導致財困嘅原因,咁所以亦唔使鬧朗奴高文之類,歷任主帥都唔關事。球場上嘅得失冇搞到巴塞陷入困境,至於咩轉會簽人,唔係主師話到事嘅。頂多係體育總監,但實際上係Bartomeu,或者其他高層,或者美斯。朗奴高文之類,會務上冇乜say
=============================
17. 頭先講過,巴塞2015年拎歐聯後,Bartomeu就大熱再當選。所以就由2015年講起。
18. 正如頭先提到,2015年,巴塞如日中天,10年拎咗5次歐聯。多得拉馬西亞黃金一代,當時巴塞財政情況極好,冇人會相信巴塞有一日會冇錢,當時巴塞要乜人有乜人。但就係呢度開始出事。
19. 巴塞嘅轉會,向來都亂嚟。董事局好多人都有唔同意見,至於教波嗰個往往係唔會知嘅。唔好忘記,仲有體育總監要講嘢,仲有……美斯。
20. 但,始終罪魁都係Bartomeu。好簡單,因為呢條友係真係唔識的!但你地選佢上台嘛。原本佢嘅體育總監係蘇比沙列特(Zubizarreta),巴塞名宿,幫佢簽咗尼馬同蘇亞雷斯,聞風喪膽嘅MSN組合。但2015年Bartomeu就炒咗蘇比沙列特,6年換咗5個體育總監。自己唔識唔緊要,但你搵件識嘅好冇?
21. 事後睇,2017年,就係巴塞惡夢嘅開始,但當時你都唔會估到。發生咩事?尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚,對不?巴塞拎住2.2億歐,可以買好多人
22. 但,就係Bartomeu將呢舊錢亂咁用。有好多好好笑嘅故事,但,總之好快,全歐洲就知呢條友好多錢洗,又要好快咁用咗佢,亦知道呢條友乜都唔識。真係千載難逢嘅一條水魚,唔昆你對唔住自己球迷。
23. 當其時嘅巴塞,在轉會市場上呼風喚雨,仲要有錢在手,冇乜球員或經理人會say no,未必單單都成,但所有人都會同你傾。2017年尼馬走後,巴塞原本有機會平價買到麥巴比同夏蘭特,但Bartomeu唔要。不過我覺得呢啲不能怪佢,總有走漏眼,況且其他人都有異議,唔係話個個都話要簽但Bartomeu一票阻止。
24. 咁買唔到最好嘅,冇咁好都OK啦,畢竟2.2億歐真係好多錢(雖然PSG都係分期)。問題係,巴塞結果去買嘅,係多蒙特嘅丹比利Ousmane Dembélé。應該冇乜人反對係水貨啦?仲要係用咗1.5億歐羅。
25. 而成件事係好Q好笑的,好似拍賣會咁,明明另一高層同Bartomeu之前一早講明,我地底線只會畀8000萬歐買丹比利。入蒙地卡羅酒店房(同多蒙特傾)前仲夾好,多過呢個價我地就拍枱起身走。結果入到去,多蒙特嘅德國佬,就話冇時間傾,趕住坐飛機,唔會同你講價,1.5億,要就要唔要就拉倒。但結果?Bartomeu都係話好!咁佢係大佬嘛,另外件高層當然冇聲出。因為Bartomeu要同球迷交代,況且佢根本唔識。事後佢仲話丹比利好波過尼馬。
26. 然後大家都知,之後巴塞亦都用咗1.6歐去買古天奴,利物浦合埋眼都識笑,居然有啲咁嘅水魚。錦上添花當然係後來借埋古天奴畀拜仁,然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此,尼馬嘅錢已經嘔突,而丹比利同古天奴,在巴塞嘅表現,大家有目共睹。
======================================================
27. 當然,某程度上巴塞係慣咗做水魚的。背後未必係佢地特別笨(Bartomeu就應該係),亦因為佢地嘅文化係「我要嘅嘢就要得到」,反正選會長個個都係拍心水「我要簽邊個邊個」,有問題留畀下手,球迷係唔會理咩財政狀況,話知你下季畀個警務署長我做,今季我就要捧盃。你搵件「理性撚」去選,同人講「我為巴塞長遠著想,我唔會簽人,因為我地再咁搞呢,5年後會爆煲,大家要接受我地未來幾年都唔會有盃捧」,我保撚證你唔使選。球迷就係咁,呢啲就係「民粹」。
28. 又例如,de Jong應該唔算水貨,但巴塞畀7500萬歐。個問題唔係你同我覺得值唔值,最好笑係阿積士都覺得唔值,原本係出面開價3000-4000萬,但有人畀錢要志在必得獨家買斷,唔通唔要咩。
29. 巴塞嘅文化,痴心情長劍,非君不娶。我唔會要一個「de Jong咁類型但平一半」,我就要de Jong本人,幾多錢都要。聽落好型,但你咁拎去做生意,就死得。對家一定當你水魚咁劏。公平地講,似乎呢個唔係Bartomeu年代獨有嘅事。
=======================================================
30. 至於美斯嗰部份,都講過下,佢份人工實在極高。當然我無意批評美斯,波一定係好到不得了,無可取代(否則巴塞就塞走佢啦),咁你可以話「全世界最好波嘅球員要加人工有乜問題?」(同意),況且,亦有話係佢老豆嘅主意,佢自己只係專心踢波,呢啲真相冇乜人會知。但反正文入面都引述巴塞高層講,美斯都唔係一個問題,最大問題係佢加,其他人又會要加,而大家都知美斯出名鍾意幫朋友,Other people’s money,有錢齊齊搵。
31. 當然美斯對外一直都聲稱自己只係專心踢波,但文中又引述巴塞高層講,美斯都成日背後發功。邊個先真,我都唔知。但話說2019年,尼馬同美斯講話想離開PSG,美斯應該係有大力要求巴塞去買。但巴塞真係冇錢,而且覺得唔值(即係,冇錢),PSG開價2億歐喎。結果真係不停做大龍鳳,扮到好似想買,其實只係安撫美斯,「我地盡晒力啦」。但似乎美斯冇咁好呃。最後大家都知,巴塞買咗基沙文,又係1.2億歐,美斯似乎唔多高興。當然美斯係專業嘅,冇因為咁就hea踢,但文入面話佢完全不能原諒Bartomeu。美斯並唔係一個特別鍾意權力嘅人,佢鍾意人地幫佢搞掂晒,「但我話想要邊個嚟你就幫我搞掂佢」,而由始到終佢都係想要尼馬(所以,我估佢真係一定去PSG)。至於基沙文,嚟到巴塞當然亦係唔係嗰回事,更重要係。呢1.2億歐,仲要壯大埋馬體會,反咬返巴塞。「益利物浦多蒙特都算啦,唔好益自己西甲對手嘛」
===================================================================
32. 事情發展到呢度,巴塞已經好似畀白蟻蛀咁,越嚟越吃力。2014-2019年使咗10億歐羅買人(未計賣尼馬嘅收益嘅),多過任何一間球會,但成績明顯唔成正比。
33. 去到2020年頭,蘇亞雷斯受傷,巴塞要搵人,只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇,剛果人收到電話,十分歡喜,卒之唔使在北京睇電視機,就坐飛機去香港,轉機去巴塞。點知嚟到香港開返電話,Abidal先同佢講:唔好意思我地改變主意,你在香港玩得開心啲。我肯定剛果人屌咗佢老母N次。最後剛果人返返北京繼續睇電視機,而家仲在國安(彩蛋:FC過,其實北京有機直航去巴塞,咁點解會去香港?可能剛果人想嚟香港去重慶大廈食咖喱,可能剛果人唔想坐國航,又或者嗰日咁啱冇機。如果係直航件事仲好笑,剛果人去到西班牙人地先同佢講唔好意思)
34. 剛果人鬧劇之後,應該好多人都知巴塞最後簽咗乜水。丹麥人Martin Braithwaite。此人應該都算係水貨啦?呢條友米杜士堡都未踢得掂,居然去咗踢巴塞,好似話在個介紹新球員環節,條友的波晒球技都出晒醜,波都控唔到。「可能太緊張」。文入面都有講,當年連尼加同曉士(Mark Hughes)去巴塞,話有個介紹會,曉士有啲緊張,連尼加同佢,驚春咩,最多咪一百十人嚟! —點知去到魯營有6萬人睇佢!連尼加幫曉士開脫,話巴塞嘅壓力,唔係人人受得住。
35. 當然,Bartomeu年代嘅轉會,沒有最好笑,只有更好笑。另外有個叫Matheus Fernandes(我聽都冇聽過)嘅球員,亦係同時簽落。係由巴西彭美斯拉買嘅,仲要只係預備組,我以為係隱世球王拿度尼添。固然只係1000萬歐,散紙,但完全唔知係乜事!呢條友甚至冇一個正式介紹會。最後借咗去華拉度列,出咗幾場,返返巴塞出咗十幾分鐘,就踢咗佢返巴西。
36. 當然只係好少錢,但畀你見到巴塞啲轉會係如何亂嚟。連彭美拉斯個體育總監都覺得神奇,「啲人話我發神經呀,叫艾比度嚟買個踢彭美拉斯預備組都冇乜點有得上場嘅小朋友,點知真係有人買喎」。果然水魚唔怕多。大家可以諗下,美斯見到Braithwaite同Fernandes,有乜感想(彩蛋:Fernandes著咗件19號波衫,因為Covid—19,冇人肯著,成件事真係19得很)
37. 然後,就發生咗上篇文講,同祖雲達斯交換球員嘅事件。美路去祖雲達斯,巴塞簽比真歷。巴塞當時已經好唔掂,但急需要一筆「盈利」。上篇文都冇講,因為再搞唔掂,就要Bartomeu自己上身,咁佢當然諗呢啲方法。但啲蘇洲屎就留下之後嘅人解決了。
==================================
38. 已經打咗5000字,都只係講咗巴塞轉會如何操作。買貴人嘅後果好嚴重,你賣固然蝕錢,但你唔賣一樣每年同你「折舊」,例如比真歷之類,當然cash唔使點比(同祖雲達斯offset咗嘛),但profit -wise每年都仲要拖低條數。
39. 寫得太長,但以上都只係講轉會。唔好忘記,巴塞除咗轉會出手豪,人工亦出得高,美斯份糧亦係一個問題。本來就收入多開支多冇問題,但以wage as a percentage of income,巴塞都係離晒罩嘅(comment會貼圖)
40. 固然Bartomeu任內,都簽咗Pedri返嚟,好好嘅收購,不過真係十件水貨先扑中一件掂嘅。你話拉馬西亞完全斷層,亦唔係,Ansu Fati亦都擔到大旗。但,真係遠水不能夠近火,都講過巴塞嘅問題唔係場上,係財政。你Ansu Fati踢得再好又點?巴塞似乎只能係賣走呢啲好球員,而疫情下,對家都冇乜錢,況且人人知你莫財,當然再壓你價。
41. 爆煲?就唔似會嘅,但,照計賣走啲主力不能避免,點都要幾年調整下。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
同時也有1部Youtube影片,追蹤數超過25萬的網紅森零,也在其Youtube影片中提到,卡通人物艾蒙居然做了噩夢?!!! 而且要是在夢境死亡,現實也會死!!!! 這絕對不是我的童年!!! 童年人物被殺啦!!!!!!! ▶每天都會有新影片! 歡迎大家訂閱我!!☛https://goo.gl/k5ySNC ▶最新精華播放清單☛https://goo.gl/H9z7cd #恐怖遊戲 #毀...
艾蒙twitter 在 法蘭爸 Daddy Frank Facebook 的最佳貼文
今天是 #冬至 ,今晚我想來點不一樣的
#桂花酒釀湯圓
今年冬至來點不一樣的 桂花酒釀湯圓 | 冬天・冬至 |【特別企劃.第三季】 養生食療、養生食譜 78 #桂花釀 #甜酒釀 #冬至湯圓 #酒釀湯圓 #暖呼呼 #養顏美容 #美味 #美味い #scrumptious
Youtube上觀賞 : https://youtu.be/EyhZeq-YcXY
冷颼颼的天氣最適合來一碗熱呼呼的桂花酒釀湯圓了,桂花與酒釀淡淡迷人的香氣,喝了會讓人感到特別地甜蜜、幸福又滿足,常吃酒釀還能改善手腳冰冷的效果喔!酒釀和桂花一起更有養顏美容嫩白肌膚的功效喔!冷冷的冬天也特別注意身體的保暖喲!
1.甜酒釀適合在寒冬進補食用,熱食具有健身暖胃,促進血液循環,靈活四肢的功效,適合血液循環不良,手足肢端冰冷,胃寒人群飲用,而且吃酒釀還能益氣生津,活血止疼,尤其適合正在坐月子的女性食用。
2.酒釀對於平胸女性來說也算是豐胸佳品,因為酒釀中含有能促進女性胸部細胞豐滿的天然荷爾蒙,其酒精成分也有助於改善胸部血液循環,能夠起到豐胸的作用。
3.酒釀還有促進食慾、幫助消化、溫寒補虛、提神解乏、解渴消暑、潤膚等功效。
4.桂花的好處有:具有美白肌膚、排解體內毒素、止咳化痰、養生潤肺的作用。
桂花酒釀湯圓
材料:
花生湯圓 一盒(甜餡皆可)
甜酒釀 半碗
桂花釀 三大匙
雞蛋二顆
砂糖 適量
水 1000c.c.
#二十四節氣 #順應天時 #食療 #食補 #メリークリスマス #healthyfood #healthy #healthyrecipes #scrumptious #youtube #手料理 #手作り
------------------------------------------------------------------------------------------------------------------------------------
【養生食療】影片將在每個月節氣前的週五晚上八點定期更新。(其他影片,不定期 額外更新)
【法蘭爸の健康相談室】Podcast影片上映會在養生食療的隔周周五晚上八點更新
如果你覺得我的影片能幫助到您,請您多多分享出去,能幫助到更多的人。
如果你喜歡我的影片,也請記得訂閱我的頻道喔。
你的訂閱、分享、與按讚喜歡,就是對我最大的動力與鼓勵了!
按此訂閱:https://youtube.com/c/DaddyFrank
外部連結
Facebook
https://www.facebook.com/daddyfrank1973/
Instagram
https://www.instagram.com/daddyfrank1973/
Twitter
https://twitter.com/DaddyFrank1973
#法蘭爸 #艾琳媽
#養生工作坊
想支持我們繼續製作影片嗎? 請到Patreon頁面多多贊助我們!
https://www.patreon.com/DaddyFrank
艾蒙twitter 在 報導者 The Reporter Facebook 的最佳解答
#即時【泰國政府打壓學運再升級,關閉捷運、出動水炮車、逮捕學運領袖,抗爭者誓言今天下午回歸】
持續整個夏天的泰國學運昨(10月16日)進入新階段。在政府接連頒布嚴重緊急狀態、警告頒布宵禁下,民眾在過去兩週仍三次大規模上街,泰國警方昨日以水炮車、胡椒水噴霧等手段,強行驅散和平抗爭民眾,在現場,記者看到類似香港抗爭中的傘陣、年長者下跪阻擋警方、民眾自發發起的車隊接送等新的運動態勢,官方與民眾的衝突推升至新高度。兩天之內,數十名運動參與者以不同罪名被捕,多個學運團體共同發布聲明稿,譴責任何對民眾的暴力,在主要領袖被捕之下,學運組織仍號召支持者今天下午4時再度集會。
■多名學運領袖被捕、甚至被控「意圖傷害王后」;泰王發言意有所指、引發議論
曾接受《報導者》採訪的學運領袖們,也在這波行動中幾乎全數被捕,包括曾朗誦10點「王室改革」聲明的帕努莎亞(Panusaya Sithijirawattanakul)、學生組織《自由青年》創辦人塔帖・魯安普拉拜吉慈利 (Tattep Ruangprapaikitseree)(截稿前被保釋)及前薩拉亞學生聯盟共同創辦人本格農(Bunkueanun Paothong),皆被警方以不同罪名逮捕。其中,本格農被被控的罪名最為嚴重——泰國刑法第110條「侵害王室人身安全及自由」,若遭定罪,將處以16年以上有期徒刑,最重為終生監禁,為本次學運至今最嚴重的罪名。
對王室改革的訴求,也是學運三大訴求(停止侵害人民、重新起草新憲法、解散國會)遲遲未得到實質回應下,所激起的另一波不滿。這是泰國史上第一次大規模公開討論王室改革議題。10月14日,當現任王后蘇堤達(Suthida)座車行經抗議現場時,群眾舉起象徵「反獨裁」的三指手勢,並不時高喊「我們的稅金呢?」等口號,人在現場的本格農及另一位社運人士艾格猜(Ekachai Hongkangwan),事後立刻被警方以帶頭阻擋王室座車為由通緝,本格農隔日為證清白而選擇主動投案,艾格猜也被捕。
泰王拉瑪十世則在昨日街頭實施鎮壓的同時,在「供僧衣節」的佛教活動上發表引起爭議的言論:「我們現在只需要那些熱愛國家、擁戴政府的人民......作為長輩,我們必須『教誨』年輕世代明白這件事。」
■總理帕拉育拒下台、警告要宵禁,被批「已等同軍事政變」
面對泰國媒體形容的社會衝突與分裂,作為民意要求下台的首要目標,泰國總理帕拉育(Prayuth Chan-ocha)強硬回應:「在曼谷市的非法集會已造成騷亂及失序,甚至影響王室車隊的行進,政府有充分理由相信,這些行為已經危及國家安全(National Security),非憲法所容許的和平集會。」他警告首都可能因此實施宵禁。
如今,泰國政府已能禁止集會,在無拘票的狀況下可逮捕任何嫌疑人,調查7至30天。當局亦有權限制大眾媒體、網路、社群媒體等,一切影響國家安全或和平的「不實資訊」。
曾在接受《報導者》訪問時,強調「人民才是國家權力最高的主人」的塔帖,在被捕前接受《路透社》訪問時形容:「目前的情況已等同於軍事政變(The situation right now is tantamount to a coup)。」他指控軍人出身的現任總理將帶領泰國進入一場實質戒嚴。截稿前傳出消息塔帖已被保釋,是又一次泰國政府任意拘捕後保釋的恫嚇手段。
如今,在歷經「大抓捕」、暴力鎮壓後,泰國學運正式進入下一階段:真正「去中心化」、「無領導」的游擊戰,學生團體利用社群媒體Twitter動員,以每日不同的hashtag在網路上號召群眾,以今日為例,網民們以 #ม็อบ17ตุลา,(#mobOct17)預告今天下午另一波地點未定的抗議行動,展現高度機動性。政府則立即以關閉特定捷運線(MRT)作為回應。
經歷一夜的強力驅散,水炮車、傘陣、以及年長者加入與警方對峙的畫面,已經刻入人心。過去泰國民眾在嚴刑之下不敢論及的改革議題,正式進入主流輿論場域,民意之流在水炮車面前雖被強力驅散,但也讓這場運動走進新的高度。泰國政府未來如何回應改革訴求、學運於泰國社會甚至國際串聯中如何維繫動能,全球都將持續關注。(文/編輯部;照片提供/REUTERS/達志影像)
#延伸閱讀
【專訪泰國學運領袖:無懼15年刑罰,為何他們激進喊出「王室改革」?】https://bit.ly/2T25DQ9
【政治書籍、民主社團遍地開花,「街頭外的學運」啟蒙泰國新世代】https://bit.ly/2FzHgGm
#報導者 #泰國 #學運 #StandWithThailand #BunkueanunPaothong #Panusaya #Tattep #奶茶聯盟 #MilkTeaAlliance #拉瑪十世 #Thailand #Bangkok
艾蒙twitter 在 森零 Youtube 的最讚貼文
卡通人物艾蒙居然做了噩夢?!!!
而且要是在夢境死亡,現實也會死!!!!
這絕對不是我的童年!!! 童年人物被殺啦!!!!!!!
▶每天都會有新影片! 歡迎大家訂閱我!!☛https://goo.gl/k5ySNC
▶最新精華播放清單☛https://goo.gl/H9z7cd
#恐怖遊戲 #毀滅童年
遊戲鏈接:https://dave-microwaves-games.itch.io/a-nightmare-on-sesame-street
Facebook☛https://www.facebook.com/Forest0
Twitter☛https://twitter.com/Forest_Zer0
業務諮詢 ▶ white10156@gmail.com
喜歡這部影片的話可以按個喜歡,並且幫我分享
想要看更多的話可以訂閱哦
有任何意見都可以在底下留言
我會努力下去的!!