最近見家住小區， 有本地豬農飼養兼售賣新開肉檔，早前試其肉質，蒸排骨見不錯，今日行經，見豬排極靚，買了三幾大塊，今晚用作煎，老爺都大讚肉香又軟霖入味。。
[ 中 式 蒜 香 煎 豬 扒 ]
https://www.facebook.com/Maggies-Kitchen-%E7%91%AA%E5%A7%AC%E7%85%AE%E5%A0%B4-781332731908314/
Maggie's kitchen瑪姬煮場
材料......
1......新鲜帶骨豬扒三件， 約切1.5 cm厚
2......獨子蒜兩粒，刨/切絲用，分段用
3......豉油雞汁一湯匙
4......醉雞汁兩湯匙 或 糟滷/紹興酒 亦可
5......糖半茶匙
6......胡椒粉 或 黑椒粉少許
7......麻油一茶匙
8......美極鲜露一湯匙
9......生油 一湯匙
10....生粉一湯匙半
11....凍開水三湯匙
12....油適量
13....芫荽少許
步驟一......
先將豬扒沖洗乾淨，再印乾水， 然後用豬插/义将豬排兩面均勻插鬆。再將周邊靱膜分位切斷。
步驟二.....
將一半蒜絲及三至十一項全部材料加入己插鬆豬排件內，用手将豬排全部均勻上色及沾上醃料。
再舖平碟醃製，再均勻撒放剩餘蕬絲上面，静置醃至少一小時或以上。 醃上三小時也可。
🎈放煎前，將蒜絲全部刮/剔走去，汁料留用。
烹調法..... 新手用易潔鑊較易掌控
1......鑊燒至微溫放下適量油燒熱，火勿太猛，
2......將去除蒜絲豬扒放入，排骨擺向中間，
3......三件豬扒放入鑊後，先定火煎妥第一面，
4......煎一分鐘左右，見肉色己煎至呈焦金時，
5......可将豬排快手翻向第二面，
6......再以同樣手法將第二面煎至呈焦金，
7......然後將剩餘蒜絲汁液一併拌入镬中，
8......將全部扒肉料等兜拌均勻，將火調细
9......快手上蓋焗煮一會，見汁稠時，
10....熄火稍焗一兩分鐘回汁
11....排放上碟，蒜絲汁等舖上，
12....放上芫茜裝飾便成
備註.....
我的配味或與其他做法不同，但我只會取材於我家中所有配料， 我敢於嘗試及配搭，那自然會創出另一番新口味。
很多人會將豬扒用刀背剁/拍，拍得薄薄，但又煎得死死實實。唯恐不熟，實己過火，肉靭無汁。
用有骨豬排，煎時骨厚位放於中央，受火集中，更易煎至透熟，雖見微之處，也需注意。
我較喜歡用豬插/叉，刺插鬆肉，同樣可以鬆肉入味，更不至薄至绵爛，更可保持豬排美美形態。
最後加入剩餘醃汁液料同煮回焗，這可使豬排肉汁回彈，更加肉軟又香熟，汁味豐溢。
蒜香煎豬扒 在 蒜蓉牛油豬扒/超好餸飯/軟腍多汁豬扒竅門/簡單家做 ... - YouTube 的推薦與評價
蒜蓉牛油 豬扒 ... 煎肉餅https://youtu.be/10cv3FcNIms 星洲炒米https://youtu.be/Ui ... ... <看更多>