【職場新人是這樣煉成的】- 蘑菇定律（Mushroom Management）
#我們都是這樣撐過去 #人力資源管理學 #蘑菇定律 #UCD
-----------------------------------
踏入7、8月又係有一批新Fresh Grad投入勞動市場，而佢地都會有一樣共同特徵，就係心裡面都有團火，Interview時已經感覺到佢地已經ready響公司大展拳腳誓創一番事業，同樣相信自己有改變世界的能力…不過呢團火可以keep到幾耐真係因人而異，慢則半年，快則一星期，而最大原因就係佢地對於自己公司擔任角色expectation太高。
可能睇得太多電視劇，好多新人都打算一踏入公司就會負責做策劃、甚至參與影響公司前途的決定，而現實係因為欠缺工作經驗初期只係負責做「手板眼見工夫」，例如聽電話、資料搜集、整理文件等簡單工作，「蘑菇管理定律」正正反映到現象，公司對待新入職同事就好似種蘑菇一樣，俾左最基本生存空間同條件後同時都要靠自己能力生存，就好似蘑菇有左養份後都會響陰陰黑角度慢慢培植，等待成功長大的一日；而同樣無論先前學業成績有幾屈機，入到公司後所有新同事都受到一視同仁，都要由最基本工作做起，雖然初期工作看似無聊，但可以鍛鍊意志、增強忍受力、消除不切實際幻想，等佢地腳踏實地做野，長遠黎講對佢地發展未賞唔係好事，而當能夠好好完成手頭上工作，自然得到上司信任然後再加以委託重任。
當然每個行業同公司都會有自己特性同潛規則，若然自問經歷過「蘑菇期」後仲係覺得空有一身好本領，能力唔可以充份發揮或苦無晉升機會，睇唔到career path下出去闖下都係另一個選擇。
只要捱得過黑暗時期，團火係可以越燒越旺盛。
蘑菇定律（Mushroom Management）參考資料:
http://www.zwbk.org/zh-tw/Lemma_Show/109577.aspx
