【#Buffet導 - 小編超誠實食評 Vol.3】
🏨Cordis康得思酒店The Place平日晚餐buffet － $712.8／位（已連加一）
（而家優惠住一晚+雙人dinner buffet平日連加一都只係$1,417起，仲平過就咁食buffet，咁就梗係住埋抵啦！😎 ）
【詳情】https://flyagain.la/86799
【預訂網址】https://flyagain.la/vt01
Cordis康得思酒店就喺朗豪坊隔離，位置夠哂方便，加上質素都唔差，所以buffet都一直幾貴下，平日dinner都要成七百幾蚊先走到！今次小編就豪一次去試下，睇下係咪真係咁掂！🤓
😷防疫措施
入內需先量體溫，每張枱都有支消毒液俾大家捽手，好方便。出去攞嘢食一定要帶口罩，最impress係好多食物都轉咗係由廚師為你準備，好多食物都封好哂，唔會直接暴露於客人前，衛生程度極好，值得一讚。👍
🛎️環境及服務
裝修較豪華，座位都好舒適，冷氣溫度適中。服務極好，職員收碟速度好快，而取餐區廚師都會好主動幫忙，亦有禮有效率！不過小編就平日去，希望weekend多人時都可以keep到咁正嘅服務啦～
生蠔及刺身 ★★★★☆
生蠔每人每次限3隻，生蠔有海水味但唔太鹹，齋食都得，食落感覺新鮮偏creamy，質素唔錯！😍而刺身就有三文魚、吞拿魚、䲞魚同希靈魚4款，選擇唔算多，但就真心好新鮮！（三文魚最好食！😋）
其他海鮮 ★★★☆☆
其他海鮮有蝦、螺、青口、小龍蝦4款，選擇唔太多，新鮮但味道正正常常，冇咩大驚喜。
熟食 ★★★★☆
熟食選擇分中西印日式，係唯一要自己拎食物的區域，有少少唔好就係個煲蓋好重，女仔的話可能唔係好夠力，不過廚師有時見到都會主動幫忙揭開。選擇唔係特別多，有麻婆豆腐、炒飯、印度薄餅配咖哩、芝士薯蓉等選擇。
小編覺得最最最好食係日式牛肋骨！入口好滑，有點東坡肉的感覺，好驚喜！🥳另外印式辣雞翼係即燒即上，有玻璃窗睇住師傅一大串一大串咁燒都幾有睇頭！🤪
主題食物 ★★★★☆
今次buffet主題係「味遊海陸世界」，即係海陸動物都有得食啦！除咗上面已經講咗的海鮮，仲有幾款特別主打！
🐓海南雞飯：油飯勁有油香味，雞都好嫩滑，但會飽試一碟就好了
🐂美國肉眼扒：熟度剛剛好，一啲都唔un，有水準（但第二次拎un咗）
🐑羊架：冇乜羶味，唔太食羊的都接受到，有香料一齊煎，好香
🦀水蟹粥：輕輕一撈就已經好多蟹，但個粥冇味，要自己加鹽／胡椒
🦆片皮鴨：師傅幫你包埋，有埋青瓜同芽菜，味道不俗，但塊皮唔熱，基本上係凍食，有點美中不足
🦞芝士焗龍蝦：有手掌咁大隻！芝士味濃厚，肉都幾多！
飲品 ★★☆☆☆
有水提供，果汁啤酒等需另外收費😔，但每人會包一杯餐飲（咖啡奶茶檸茶檸水），冷熱同價，杯嘢size都幾大下。😂
甜品 ★★★★☆
雪糕係Movenpick，有成8隻味揀！❤️不過師傅都係每球細細咁俾你，試多幾隻味都唔怕會too much，啱哂選擇困難的me！另外可自己加配料，或請師傅塞落泡芙度（抹茶味限定），泡芙細細粒，唔怕滯，但就太淋。
有多款特色甜品，例如台式芋圓仙草、韓式麻糬曲奇、馬卡龍、日式大福等。小編比較鍾意佢個抹茶奶凍同焦糖燉蛋，兩者都係入口即溶，超滑！🤩另外仲有慕絲、奶凍同蛋糕等等。甜品要向職員講你要咩佢再執俾你。
整體分數 ★★★★☆
Cordis自助餐食物整體質素高，服務環境衛生都做得好好，真係食得幾滿足！🤗不過價錢就真係幾貴，大家想食，記得利用今次優惠住返晚，咁就真係very抵食啦！！😉
蠔係咪齋 在 蠔不是素食#蠔豉不是素食... - 香港素食Hong Kong Veggies 的推薦與評價
蠔不是素食#蠔豉不是素食相信很多老一輩，在每年大年初一都會煮一鑊南乳炆齋，給一家人吃，藉此戒殺積福。但是他們大多數都因為以訛傳訛，而相信蠔是 ... ... <看更多>