萬眾（其實係我）期待嘅本季動畫大作：《哥布林殺手》終於出咗第一集
雖然同漫畫版相比粗糙咗少少，但仍然做倒我第一次睇呢個作品嘅時候嘅震撼感覺：虐殺、強姦，理應就係響冒險世界常見嘅事；而所謂弱小嘅敵人之所以能夠響世界生存，就係因為懂得利用醜惡去令自己強大
趁呢個時候我又翻推自己舊文，大家快ＤCLICK入去比Clap，謝謝！
＝＝＝＝＝＝＝＝＝＝＝
《哥布林殺手》係我近排最鍾意嘅兩套作品之一（另一套係《大炮與印章》），我最初先係睇咗漫畫版，後尾欲罷不能買哂電子書來睇（原來手機睇輕小說係最適合）。
《哥布林殺手》個故事好簡單，其實係講個男主角因為細個一家比哥布林殺咗，所以大個做冒險者咩怪都唔殺，只係專揀哥布林殺嘅故事。入面個特別之處係Goblin雖然係最弱小嘅怪物，但係正因為有自知之名，所以會好似人類咁學習好多狡猾嘅謀略同陷阱，結果就專恰一啲初階冒險者，男嘅分屍女嘅強姦，充滿血腥暴力。
首先呢套作品吸引嘅地方係因為漫畫家黑瀨浩介畫女真係有一手：其實睇小說版反而係無乜嘢，漫畫版就會畫到好多ERO（色情）情節出黎，雖然都只係限於青年漫畫尺度，但都真係睇到熱血沸騰。不過慢慢你就會感受到《哥布林殺手》真正嘅魅力，卻係借哥布林展現人性最醜惡嘅一面之餘，同時亦話你聽，當一堆弱小嘅怪物要戰勝「英雄」，就係要靠不斷學習對方技巧，然後放下無謂嘅尊嚴，採用最卑劣嘅策略、用最有效嘅陷阱、然後以無情嘅決心將敵人擊殺──對敵人仁慈就係對自己殘忍，呢個係好多追尋真普選、真民主嘅香港人需要學習嘅教訓。
正正因為《哥布林殺手》強調同傳統英雄冒險有所分別、劍與魔法放大絕屠龍只成為書中勇者大配角陪襯，情節多咗好多行軍打仗嘅戰略布置、同埋由基本裝備開始，講弱者挑戰強者（例如主角挑戰哥布林大軍、哥布林挑戰傳統冒險險伍）所作嘅各種細微考慮同努力，感覺係好唔同──雖然有時為咗商業性考慮，都會有啲戲劇性嘅決鬥情節；甚至乎為咗提升主角冒險嘅「難度等級」，啲哥布林亦都由最初級嘅怪物逐漸升級，加入好多好似哥布林英雄、哥布林王、甚至哥布林聖騎士呀咁，難免慢慢都向緊王道冒險橋段進化緊。
但無論如何，《哥布林殺手》比起主流以異世界轉生、或者奇特主角遭遇作為賣點嘅主流奇幻作品，果種一味只打哥布林、強調最弱小移怪物果種因縱欲同卑劣嘅強大，再加埋女性被蹂躪嘅男性沙文主義，就係有一種異別不同嘅緊張感，建議大家可以先睇漫畫本傳同前傳，因為角色同戰鬥場面都畫得好靚，有興趣先挖埋文字版追看最新劇情。
血腥畫家前傳 在 迪鹿- DeluCat - "原創- 2017 血腥畫家Creepypasta" 一些新版 ... 的推薦與評價
"原創- 2017 血腥畫家Creepypasta" 一些新版相關產物更新... 【故事與閱讀順序】 1. ... 前傳(2013) ... (中文) 血腥畫家wiki: ... ... <看更多>