《第一次買枱布》
♂：早晨
♀：早晨……我大獲喇，唔知醒，依家要趕過去
♂：你好少唔知醒喎
♀：尋晚訓得唔好掛……我又夢見我做野做錯左
♂：你係咪最近好大壓力啊，呢排你日日都要開工咁滯……
♀：拍劇係咁，最少要忙埋下星期，跟住應該可以休息下
♂：我幾時可以睇到你套劇啊？
♀：最快都半年後啊，其實……你有冇睇過我之前拍既野啊？
♂：你覺得呢？
♀：問得你真係唔知囉……
♂：睇晒啊，J左好多次
♀：……J你個頭咩，好喇，唔好同我講感想
♂：我覺得好似有好多個你咁，但原來個個都唔係你，我覺得只有我真係了解真正既你
♀：你覺得真係了解真正既我？
♂：應該係既
♀：點解咁有自信？
♂：因為我好用心去了解過你囉
♀：……我好怕比人了解自己，應該都同你講過啦……
♂：你唔係怕比人了解，而係怕比人傷害，但我諗唔到有咩理由要去傷害你
♀：可能你有一日會遇到一個更愛既人
♂：以前我會覺得將來既野無人知，我都肯定唔到，但對你，我唔知點解真係會答，肯定唔會
♀：憑乜咁肯定先
♂：唔係我憑乜，而係因為你
♀：唉……你咁講我真係會信你，到時真係領野就更傷心
♂：岑雪兒，又係你講既，曾經開心過就得啦，你同我一齊依家開唔開心？
♀：開心啊……但當你好似擁有左一樣野之後，突然失去就會有更大既失落
♂：愛情都係賭博，買大贏大，你只睇輸個面對件事無幫助，有冇聽過君君臣臣父父子子啊？即係你係個位置就應該做返位置應該做既事，依家你開心緊，就應該享受開心，而唔係諗其他野嘛
♀：呢幾日，你覺唔覺得好甜
♂：甜到糖尿
♀：我都覺……同時間我發覺自己好似蠢左，以前一定會停，一定會拒絕既事都無所謂咁，你變蠢左我知，我睇住你變蠢，依家輪到我……我真係接受唔到啊！！！！
♂：可能有日我地會退化到用bb話溝通
♀：真係唔好……
♂：喂，你要傻我可以陪你傻，你要成熟我可以陪你成熟，總之你係點，我就係點，你永遠都有我係身邊
♀：依……好痺好肉麻啊！我起晒雞皮！
♂：但你無話唔鍾意喎
♀：今晚我想飲西洋菜湯
♂：好啊，你過到黎就有得飲
♀：講明先，我黎m，你肯唔肯幫我買衛生巾先
♂：我唔明有咩咁尷尬囉，收銀個位都唔會認得我，呢種好男人既行為應該投以一種羨慕同欣賞既目光
♀：咁就好喇【圖片】呢個牌子
♂：好啊，我順便買膠枱布添
♀：食屎啦你！！！！！！好核突啊你！！！！！！！
♂：下……我屋企用晒枱布，唔通今晚食飯唔舖？
♀：講得出就唔好玩文字遊戲！
♂：我怕你要用時無得用嘛
♀：愈講愈辛苦……
♂：你講我？定你啊？
♀：你想同我玩野嘛！本小姐就同你奉陪到底！！！
♂：哎呀，我真係好驚
♀：睇下點！我收工喇
♂：等你開餐！
♀：究竟我睇緊咩……
♂：心邪囉你
♀：食屎啦你！！！！蔣艾！！！！
♂：晚安
♀：喂啊，你依家send msg咩料啊！
♂：你竟然睇到！
♀：唔準再send msg啊！！！
#長傾不見 #蔣薇 #小說 #故事 #好久不見
西洋菜湯 在 小農上湯囉 西洋菜豬骨湯--清心潤肺的廣式煲湯... - Facebook 的推薦與評價
灣區小農Happy Farmer · 1. 豬骨(或是排骨)用熱水川燙過後去血水及雜質。 · 2. 水滾後+加上4-5薑片+豬骨(或是排骨)+蜜棗2-3顆 · 3. 水再次滾後，轉中小火煲湯 ... ... <看更多>