對於立法會去留的看法，我早已無感－－因為已經過時，比起關注 #12港人送中 #save12hkyouths ，甚或制度接連被土共破壞，真係差天共地。無論你係下賤的親共紅媒，定係睇youtube睇到上腦既網L，請你地唔好塞說話係我把口，我一直主張決心抗戰的留低，但反對躲在民調後面，正如之前寫左好多，不過你地都唔會睇。
政治人物應該領導民意，而唔係為民意所牽引，去留之議初期早已表達，只要努力講清楚留低係咩理由，離開又係咩理由，根本已經足夠。
如果我尚在議會，開局應該再花更多心機寫論述，最重要係政治路線，可能會花好多精神駁斥袁爸爸同老蕭，我真係覺得唔認同呀嘛，咩野美國政府唔喜歡，你都痴線，我留唔留係對唔對得住香港人的問題，關人鬼事？人地真係理得你？不過都唔會有人睇，都無人edit。呢幾個月，係D100留言區睇到最多就係叫人信佢講，而家係度同你講就算撐唔留都唔buy佢說話呀。
事與願違，議會的主流決定做民調，加上相鄰的慢必朱凱廸走，當初的「比香港人見到決心」想法早已outdate。我人微言輕，覺得再講都多餘。
無論今日去定留，係咪對得住大家，係從佢地點樣發揮未來的位置決定，而唔係由係議員決定。我只係有點心結，覺得你留低，對得住付出的人咪得，辭職自己打辭職信，好簡單掛？唔會特登又問人走唔走，問完又唔significant。有留意半澤結局，應該身同感受。
花多D精力關注下、幫助下受逼害的香港人好過啦，打左咁多我都覺得自己浪費時間。
而tanya，佢係過去十幾年，已經付出左極多，包括健康，除了尊重，只有無比的敬佩。
