本來諗住好認真咁打篇長文大推《#聖慾》，不過太過咬文嚼字咁寫唔夠吸引、唔夠大眾化。好希望話俾文藝影迷以外嘅電影觀眾知道，呢套戲其實唔太刁鑽唔太過火亂玩電影語言，取而代之係情節豐富峰迴路轉，有很強勁的戲劇性，一般街客入場都會被深深吸引著。
.
－我諗... 很多人去睇呢套戲都因為海報那半粒Lin。的確戲中唔止半粒，至少四粒，修女不倫關係係宣傳核心，亦有很意淫畫面滿足到獵奇心態。不過又唔係想像中咁大篇幅，由頭扑到尾令人吃不消嗰款。反而就把主角經歷無修飾地拍出來，好多嘢睇。由純潔虔誠至同性戀、上位、計謀、神蹟、求生，令你覺得呢段真人真事夠晒傳奇。
.
－故事大概講主角修女開始見到神，正路見到神應該係喜悅，但奇怪佢感受到嘅係身心傷痛。開始與另一位修女發展愛情，慢慢出現野心，發生喺佢身上嘅聖痕、神蹟得到大眾注視，成為上帝嘅代言人，在城內呼風喚雨，亦引來他人妒忌、對抗。睇完，你會諗究竟佢所展現嘅神蹟係真定假？係神一路俾指示佢上位定係聰明女借用神名義去達己所欲？無好明確答案，但就係好有趣嘅思考。而非常虔誠嘅教徒未必會好頂得順，甚至可能會嬲，接受唔到腐敗、貪錢、戀權嘅教廷。
.
－講故事節奏跟睇開嘅商業片一樣咁快，完全唔悶唔作狀。劇情發展似宮廷劇，一班女人各出奇謀鬥上位。甚至係政治片，追求權力運用權力，用手段施罪除異己。亦係宗教片，話你聽古時教廷幾咁黑暗，口講信耶穌心底唔係，又借耶穌去行惡。不同元素很有條理順暢地溝埋一齊，唔敢話講到好深入好勁好masterpiece，但一定係極juicy極有娛樂性咁俾你知多啲、諗多啲，已經好夠。
.
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 影患有救！
謀神 在 日本战国武将录：战国谋神毛利元就 - YouTube 的推薦與評價
日本战国武将录：战国 谋神 毛利元就. 37K views 2 years ago 【蘭爸爸说故事】之說日本系列 · Daddy Lan. Daddy Lan. 20.8K subscribers. ... <看更多>