關於 豬踭肉食譜 ，我們在網路上蒐集到這些相關的討論、資訊與評價

杏汁西洋菜陳腎煲豬踭食譜分享

食材及份量

1. 西洋菜 : 900克
2. 陳腎: 3隻
3. 豬踭肉 : 600 克
4. 南北杏 :200克
5. 蜜棗 : 2粒
6. 果皮: 1/4 塊
7. 鹽: 2 茶匙

處理及做法:

1. 南北杏凍水浸泡30分鐘備用, 蜜棗沖洗一下,
2. 陳腎熱水浸泡10分鐘後切厚片備用;
3. 果皮凍水浸軟刮走囊備用;
4. 西洋菜加1茶匙鹽浸水15分鐘, 之後過2次水, 瀝乾水份備用;
5. 豬踭肉洗乾淨, 大火烚10分鐘後撈起, 再用水喉水沖洗, 瀝乾水份備用;
6. 南北杏倒入攪拌機裡, 加入300毫升凍開水, 高速攪拌2-3分鐘;
7. 杏蓉倒入魚袋, 揸出杏汁備用;
8. 清水加入湯煲至7成滿, 開大火, 水滾後加入豬踭肉、陳腎、西洋菜、蜜棗及果皮煲50分鐘;
9. 50分鐘後轉中火, 再煲1小時, 1小時後先撈出豬碀肉;
10. 之後馬上倒入杏汁, 中火再繼續煲30分鐘;
11. 將豬踭肉切件;

最後加鹽調味咁就有好清躁潤肺既杏汁西洋菜陳腎煲豬碀湯飲喇!!!

杏汁西洋菜陳腎煲豬踭食譜分享

食材及份量

1. 西洋菜 : 900克
2. 陳腎: 3隻
3. 豬踭肉 : 600 克
4. 南北杏 :200克
5. 蜜棗 : 2粒
6. 果皮: 1/4 塊
7. 鹽: 2 茶匙

處理及做法:

1. 南北杏凍水浸泡30分鐘備用, 蜜棗沖洗一下,
2. 陳腎熱水浸泡10分鐘後切厚片備用;
3. 果皮凍水浸軟刮走囊備用;
4. 西洋菜加1茶匙鹽浸水15分鐘, 之後過2次水, 瀝乾水份備用;
5. 豬踭肉洗乾淨, 大火烚10分鐘後撈起, 再用水喉水沖洗, 瀝乾水份備用;
6. 南北杏倒入攪拌機裡, 加入300毫升凍開水, 高速攪拌2-3分鐘;
7. 杏蓉倒入魚袋, 揸出杏汁備用;
8. 清水加入湯煲至7成滿, 開大火, 水滾後加入豬踭肉、陳腎、西洋菜、蜜棗及果皮煲50分鐘;
9. 50分鐘後轉中火, 再煲1小時, 1小時後先撈出豬碀肉;
10. 之後馬上倒入杏汁, 中火再繼續煲30分鐘;
11. 將豬踭肉切件;

最後加鹽調味咁就有好清躁潤肺既杏汁西洋菜陳腎煲豬碀湯飲喇!!!

💰Out budget之$203💰兩餸一湯🎉

一有海鮮又煲湯的話就一定貴😭打吾到斧頭呀🙄但系每次行經海鮮檔見到有筍野，冇理由吾買👉🏻👈🏻18隻細鮑魚仔$100都算👌啦！用清酒煮又另一風味😁今晚食呢D👇🏻

✨今晚菜單✨
🐷菜心炒肉片
🥦京蔥清酒煮鮑魚仔
🍲番茄薯仔紅蘿蔔豬踭湯
🍚白飯任裝

💫鍾意睇50蚊/100蚊➡️兩餸一湯或者三餸一湯的話就留言話我知😉等我諗多D同大家分享💕

🏠 $203 三大一小份量及價錢如下：
菜心1/2斤 $6 + 梅頭豬肉$28 = $34
京蔥 $6 + 鮑魚仔18隻 $100 = $106
番茄$20 + 薯仔$5 + 紅蘿蔔$4 + 豬踭$34 = $63

🍚更多靈感...快D訂閲我嘅YouTube頻道👇🏻
https://goo.gl/Ri2DpA

👗Kelly日常生活、玩、買、食可到IG👇🏻
https://goo.gl/B2ngWp

💕我的Blog👇🏻
https://goo.gl/VPedfc

#食譜 #簡易食譜 #手機先食 #今晚食乜餸
#lovekellyskitchen #自家煮 #家常小菜
#hkfoodblogger #簡單煮 #outbudget之作

一聲鳥鳴，劃破長空。

拍翅下，見三圍六村環抱出屏山一貌。蜿蜒着的屏山文物徑，古木蒼翠，偶爾幾幢青磚土瓦明清建築老房子，石牆上的斑駁，在無聲歲月中落地生根，盤踞在石縫磚隙中，一身老氣，對照出旁邊高聳的新型村屋，卻又顯得特別驕矜。

那是一千年以前的事兒。渺渺時空，茫茫人海，都從中原南下，先在江西再往廣東後遷居於此，得豐盛水土，自稱「客家」，勤儉刻苦，莫失莫忘，且保留了中原古韻。

天真地以為能攀星摘月的七層古塔「聚星樓」，某年風災後只剩下三層，靜默地立在原地。古雅風流倒映在地下出現的一口古井，那一汪清澈冰涼的水中育有搖頭擺尾色彩斑斕的錦鯉，只是架在井面的鐵柵欄狠狠地破壞了錦鯉圖的美感。曾有不少文人進士，寒窗苦讀浪漫軼事的覲廷書室，門前一對蒼勁有力的端莊黑字「德澤流芳、祟山毓秀」，仍舊雋刻在硃砂紅木上，以書香墨魂冷眼河山變改、戰火無情和世事更易，正是千古江山，英雄無覓。


尋常巷陌中，那株開得姹紫嫣紅的簕杜鵑，一樹紫紅放肆任性的開在三層高的村屋前，然而再矚目也不及寫着「屏山盆菜」的大字招牌。

惜舊。一碟一碗皆有情
招牌底下昏黃的舊店裏，一時被兩邊一列長架上堆放着過千的碗碟所震懾，罎罐碗碟、沙煲罌罉，銅皮木製陶瓷，公雞、萬壽無疆、蟠龍翻雲、清花等花紋，有些是民國，甚至清朝時候製的，全是舊食具，也有盆菜、九大簋古盛器。短毛頭圓臉兒的店主鄧聯興(聯哥)，伸手把器笑謂：「全部都係呢條村好多家村屋拆嗰陣時丟嘅，我唔保留就冇㗎啦！」

聯哥是這盆菜店第三代傳人，也是屏山鄧氏的後人。隨時代變遷，圍村生活一點一滴改變了，舊東西正在消失中，他很想保留這裏的一事一物。碗碟叢中，電話猛烈又急促地響起，幾乎是從早到晚響不停，原來不少識途老馬惠顧過他，從此愛上那獨有的圍村客家風味，每年如燕歸來，都會在喜慶時節訂盆菜、九大簋。他拿起電話對客說︰「冇送貨㗎！對唔住！」


一般盆菜店為增生意，多設外送。聯哥寧願賺少些錢，卻堅持傳統，規定只可在鋪吃，或可訂在祠堂內的大地堂吃。「盆菜、九大簋屬於我哋圍村宴席菜，外送拎出去市區食，完全唔夾！要喺我哋條村食，咁先有風味！」他竭力保衛不單是一個失傳飲食，還有它的良美附景──

這天，就有村民大排筵席吃九大簋。「我有盆菜同九大簋，但九大簋佔咗生意嘅七八成。九大簋出面少做，係我至有！」聯哥、兒子Jeff、大廚及四五個女工，早在各有各活兒在忙，有的在巨型鑊前炒呀炒；有的將各款食物舀進銻盆，包上保溫錫紙；有的張羅執拾餐具和食物搬上貨車。眾人浩浩蕩蕩乘着車沿鄉村小路，直抵盛宴氛圍。

顯赫。祠堂寶地見昌盛
「九大簋，傳統喺祠堂食！」
頂着七百多年的歷史，鄧氏宗祠的雕樑畫棟，青磚紅瓦，在風霜刀劍下，仍汨汨細流着官宦世家一時的顯赫，鄧氏後人在此祭祖、慶祝節日喜事、父老子孫聚會等，無法撼動的熱鬧場面，記載着族人的昌盛，如一樹繁花。

繁花散落處，是這個過萬呎的大地堂前，擺好的二十多圍筵席，喜氣不言而喻。「通常我哋村民結婚、BB滿月、舊時新居入伙，同埋點丁燈，先會擺九大簋。傳統一圍枱人係雙數，所以要坐八仙枱。」八仙枱其實是四方枱，坐八個人，後期改為圓枱，人數再沒有規定。

開席了！祠堂門前的一根火苗，燃點藥引，數十萬台的紅衣鞭炮就措手不及在耳邊炸開，硝火及散開的紅衣頓時在空氣中飄飄而下，驚惶的心被期待開餐的興奮掩蓋。「喺祠堂擺酒近村屋，祠堂門前燒炮杖，村兄弟聽到炮杖聲，就知道開餐，走嚟食。」

上菜講次序，先來的是湯，其他出場不分先後，離不開雞鴨豬手冬菇……中間上子薑菠蘿，消滯去膩，最後才是小盆菜。「食到咁上下，主人家會逐枱敬酒，都係最長輩嗰個行先，譬如結婚，就由老爺奶奶率領。」

鄉情。添飯加菜作叮嚀
吃九大簋，味道其外，碗碗藏鄉情，像添菜，「主人家客氣啲，客人嚟到好似唔夠食，覺得唔好，會抽個裝食物嘅桶，譬如冬菇豬肉，睇吓邊啲唔夠，逐圍添加。」如有吃剩的菜，也會送給朋友親戚，充分如俗語說「又食又拎」般慷慨豪情。其他沒有請來的，主人家都會分給同巷，或隔離巷的鄉里，這份鄉土人情在城市裏，真正少見。

舊日請喜酒，取好事成雙，連餸菜也呈雙數，如「四簋」、「八簋」，但客家人認為九大簋的「九」與「久」同音，有長長久久之意頭，才有九缽。其實九大簋還有一款飯，加起來共十款，就是飯菜齊備，十全十美，人生的圓滿就捧在一手間，見證於觥籌交錯中。「以前唔係咁富有嘅，請食盆菜已經好好。係富貴人家，捨得使，先請九大簋，請最好嘅俾人食！」

昔時九大簋食材貴重，主人家一頓飯宴，揮擲千金萬丈豪氣。聯哥自小就見識有錢人排場，筵開百席是閒事，設流水席，大宴群親好友吃足三天三夜不足為奇，相比今天這樣的場面，當年盛況，由衷地帶點悲壯。

一碗。百菜百味筵席盛
「九大簋矜貴在每一樣餸都係獨立，唔似盆菜嘅食物混埋一齊，一菜一碗，比盆菜好食。」
簋，在古代是貴族放食物的器皿。他們客家人吃九大簋就用九個大簋放食物，後來簋經過演變，叫兩杉四缽。「杉，係大碟。缽，即係大湯碗。用碟同碗將餸分開嚟裝，唔好撈埋一齊。」

現時九大簋已全然以碗盛載，還因應時節調校不同菜式來宴客。「天冷天熱唔同，天熱煮清啲嘅好似梅子鴨，天冷煮南乳鴨，就濃啲。」口味的轉換，使人不易生厭。菜式獨立，百菜百味，使味蕾每次都有新衝擊，吃出其中的風味，這才是九大簋精緻之處。

近年在香港，大時大節吃盆菜愈演愈烈，愈趨普遍，但對吃九大簋，大眾多聞所未聞。

「做九大簋好少人識。譬如我同村都曾經有人做過，味道唔得，冇咗啦！美心啲大廚都嚟試食過，跟足啲餸推出，出晒報紙、電視，最後都係冇做。你唔係我哋圍村人，又唔係好似我做咗咁耐，係做唔到嗰種味！」聯哥帶點自豪說。
客家人靠山吃山，靠水吃水。九大簋菜式在不同村或會有差異，主要視乎村內有甚麼食材便用甚麼，如村有魚塘，便有淡水魚。或者宴席主人家的要求，捨得出錢的，便有山珍海錯。聯哥則身為屏山鄧族，傾盡識才，續承庥美。「我由細到大喺條村嘅九大簋大多都係呢九款，陳皮鴨湯、了酸豬手、黃酒雞、南乳鴨、炸門鱔、雞汁燴花菇、魚肉丸、子薑菠蘿、小盆菜，加埋雞鴨飯，總共十款。」

獨特。自家佳餚自家味
做九大簋，逐樣做，炆、炸、煮、燉、燴、滷、醃樣樣齊，比起盆菜，工夫多，利錢低，但聯哥廿多年來，仍恪遵一份客家人特色。其他人依循抄襲，卻做不到同樣的美味。他的九大簋味味是精品，首重用料精。「我哋嘅炆豬肉同了酸豬手，係用每朝劏嘅新鮮豬。」連炸門鱔都是新鮮即日捕，門鱔來價貴，外面會用較平宜的炸芋頭、炸花枝丸代替。「圍頭客家近海，舊時喺大埔東嘅海面有好多門鱔魚，所以我哋嘅九大簋一定有門鱔。」

再者，聯哥是元朗原居民，魚販和豬農必然將新鮮門鱔及本地新鮮豬先預留給他。而且坊間沒有多少人做九大簋，要煮出真正味道，他須用圍村傳統的獨有調味。「炆豬肉嘅麵豉醬，係用黃豆加麵粉自己整；黃酒雞嘅黃酒，用糯米同酒餅自己釀；子薑菠蘿嘅子薑，每年六七月啱時候用醋嚟醃，味道先正宗。」調味可說是做九大簋的靈魂，更重要還有手藝。

「煮九大簋，主角係做小盆菜嘅炆豬肉，豬肉炆得好，啲汁滲到入盆底嘅蘿蔔、豬皮同枝竹，成個盆菜都好味。」

他選腩肉和前胛，斬了件，燒熱巨鑊，下油，加入豬肉、香料、糖，之後加水。大灶火力猛，豬肉容易黐底，所以要揸起大鑊鏟不停攪動。一鑊豬肉，炆上一小時，來來回回翻廿多次。要懂得用力，不須太大力，順着力去剷。豬肉炒到六、七成熟，才下麵豉醬和南乳，既不黐底，醬料香味發揮得最好。他還有秘技，就是炆好的豬肉，不要趕着吃，攤放兩至三小時，更臻入味。

眾望所歸的炆豬肉，樣子紅彤彤，乾淨利落，不見有油水蔓延，鬆軟不油膩，吃時展露山賊氣質一口吃掉，入口的瞬間，豬皮帶點嚼勁，豬油與醬汁完美的邂逅，令嘴角上揚的味道，毋須言語，就有口水直流的魔性！

宗親。人人為我厚恩情
這無法停口的炆豬肉，手法技藝是傳承自聯哥父親，也是他人生的第一個大恩人。他父親以前在村裏務農，懂煮幾味撚手家鄉菜。遇有同村喜事要煮盆菜或九大簋，就會叫他來幫手。

「老竇完全係義務，永無托手踭，每次做完喜事，封番封利是仔，小小心意！唔會賺到錢。大家同村，你幫我、我幫你，人情味好好﹗」聯哥憶述說。聯哥十一歲起，就跟父親到祠堂煮九大簋，他充當小幫手，切菜起爐生火等。「我好鍾意做呢樣嘢，有得玩又有得食！」而父親負責掌勺，他看得多，慢慢學會了煮筵席菜。酒菜圍繞，鄉親為屏，長年累月浸淫在筵席的氣氛中，團聚的熱鬧、鄉里的恭親，種下對老鄉土深微綿邈的感情來。

九五年，其父因年邁而退休。「成條村都冇人做，我唔接手做，九大簋就會失傳！」他惟有繼承父親的衣缽，把手藝延續下去，也保留了當時碩果僅存的盆菜和九大簋。

「老竇係業餘，搵唔到食。我要開鋪，煮九大簋嚟做生意。」起初他的字號寂寂無名，三日打魚，兩日曬網，大拍烏蠅。同村的人知道他的難處，也念起他兩父子經常為村出心出力，都不時帶朋友回村，藉詞宴客，特意叫聯哥煮九大簋，讓他有生意可做。甚至容許他在富濃烈圍村色彩的祠堂擺席。

「最感激係同宗兄弟鄧達智，市區人先至認識我。」九五、九六年時著名時裝設計師鄧達智與傳媒、文化界，在圍村吃過聯哥煮的盆菜宴後，經過報道，盆菜開始廣受大眾認識，聯哥越見名氣，即使沒賣廣告，生意大旺。連明星周潤發、甄子丹、郭富城，政界唐英年、葉澍堃等名人都是常客。

人情，就是人人為我，我為人人，交心而生。「老竇教我，對鄉親要好，因為同村都係兄弟，自家人，有力出力，有心出心。」他對父親的教誨，仍刻記在心。像是每年清明拜山祭祖，他一切都以村事為先，年年為此都推卻不少大宗的九大簋生意，也幫族人煮山頭。只要村裏要他幫手，他從來都是義不容辭。

每朝六七點，天邊方呈魚肚白，沉睡的鄉村，巷弄後小門半掩，漆黑中廚房亮着一團燈光，冒出縷縷煙霧，傳出咔嚓咔嚓聲響。一個肥圓身影，汗涔涔地已提起鑊鏟，鏟挖着鑊中豬肉，繁忙的氣力活早就展開了。聯哥臉上仍含笑說︰「我幾乎日日都咁早，一直做到晚上六七點，十二三個鐘㗎！但一啲都唔辛苦！」
他奮力以煙火、菜甜、肉香，留住屬於圍村風味的九大簋，以食物的味道譜寫宗族和鄉村人情的記憶，透過節日、慶典，寄語一代又一代人的祝福，不忘祖、不忘根，如一根無形的絲線，把人與人拉近了。

撰文：孟惠良
攝影：陳秉謙、魯雋華

屏山傳統盆菜
地址：元朗屏山塘坊村36號(屏山文物徑路口)
電話：2617 8000
營業時間：11am-9pm
詳情： http://bit.ly/2UxOwEC

立即免費下載《飲食男女》App： http://onelink.to/etwapp
《飲食男女》網站： http://etw.hk
新店食評，名家食譜，一App睇晒！
立即免費下載飲食男女App： http://onelink.to/etwapp

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)

菜乾除了煲大白菜之外，不妨試試改用馬蹄、蠔豉、黃豆、蘋果煲豬踭肉，清熱解毒同時滋潤滋陰 。蠔豉清熱解毒之餘，有滋陰養血功效，更年期婦女最適合。

馬蹄 生津清熱，黃豆健脾一樣有解毒功效，肺燥、煙酒過多朋友最適合。

1）菜乾 2 紥
清熱解毒、養胃生津、潤腸排毒，肺熱咳適合、開胃健脾
白菜含豐富粗纖維，有潤腸功效
2）蘋果 2 個
生津止渴、除煩、潤肺開胃、益脾止瀉
3）蠔豉 4両
清熱解毒、除濕、滋陰養血、補五臟
體虛、陰虛內熱、失眠、心神不安 更年期婦女適合
4）無花果 6-8粒
潤肺止咳、清熱潤腸、治療咳喘、咽喉腫痛、便秘、痔瘡、催乳
5）陳皮 1 個
理氣、化痰濕、健脾胃
紓緩腸胃氣脹 止嘔，化滯
6）黃豆一両半
益氣健脾、解毒
7）南北杏 約 2 両
止咳平喘、潤肺止咳
8）馬蹄 6-8粒
清熱、生津、涼血解毒、消積、利尿
治療熱病，喉嚨腫痛，肺熱、痔瘡出血
9）豬踭肉 一斤


做法：
1）豬踭肉氽水
2）馬蹄洗淨，去皮，每粒切開一半（更容易出味）
3）陳皮用室溫水浸軟，用小刀刮瓤（白色果邊）
4）蘋果去皮，去芯，切件
5）蠔豉、黃豆洗淨，用清水浸 10 分鐘，隔水備用
6）無花果洗淨剪開
7）菜乾洗淨，洗約 15 分鐘，再用清水略沖
8）陳皮可隨凍水落，水大滾，大滾 10 分鐘，轉細火煲 2 個半小時，加鹽調味 ，完成