【劉威煌 Rebirth 音樂會 2021 感謝祭】
Part two
今次要多謝一班幕後功"神"之《舞台篇》":
Aries & Chris (Vie Simple 創辦人):其實唔係因為佢地,我都識唔到熹哥同浠彤佢地,我最初玩live,根本就無諗過去其他live玩,但Aries比我推完一次又一次都唔放棄,咁我都唔係咁好意思😐,於是就試下既心態玩下啦,點知佢地原來都好鬼專業,個次玩Live既印象係我好深刻既,至個次之後我地就多聯絡左成為朋友,雖然今次音樂會佢地係觀眾既身份,但之前一直好落力幫我做宣傳,成日都話要幫手就出聲,感恩。
熹哥 (A match 老闆、台燈聲包辦):因為Vie Simple Live去左佢地個場地搞,我好記得當日個live咁啱幫忙慶祝熹哥生日,我其實都唔識佢,一話老闆生日唱生日歌時,佢居然係放低左部Cam,我心諗老闆都幫我揸埋機咁激進既?😆完左個Live就真係認識下先,覺得佢好有禮貌又好斯文,實事求事型,最堅既係我發覺佢班同事全部都一定唔過25歲咁款😵,但做出黎又好專業好有心,有一日突然諗,不如試試搵熹哥幫手搞音樂會,睇下佢肯唔肯做先,大家知我幾鬼多要求咖啦…,後來知佢地唔係話超多經驗搞音樂會,但直覺話我知佢地一定會盡心盡力去幫手,結果有目共睹啦,真心堅秋。🙏
阿興 (熹哥團隊、混音師):唔知大家記唔記得,我個次上去玩Vie Simple Live,大家都話我狀態好好又剩咁,其實就係呢個後生仔既功勞,耳機聽得舒唔舒服就會對歌手或樂手都有一定影響,我舞台經驗唔多,但對我黎講佢調出黎既聲係我聽過最好既,我耳機聽得清楚又舒服,我完左live忍唔住去讚佢,佢係一個好搞笑既小朋友,做事好認真同仔細,好少男仔吸引到我,佢係其中一個,搵熹哥部份原因都係因為佢,我覺得佢努力下去必成大器,當然希望佢記得我,我係佢既Fans黎。😂
Ally (熹哥團隊、策劃):我問熹哥,Ally係乜野Post,佢話算係佢既左右手,呢個𡃁妹,睇落得18歲(佢自己介紹係咁講)😐,但我見好多野都關佢事,網上直播機又關佢事,字幕又關佢事,Video又關佢事,連個台既燈帶都話係佢揀,好似好多野都關佢事,真係有料到,做野上晒身,盡心盡力,細細位但係好強既氣😱!成日好羨慕熹哥,成個團隊都好有生氣,正!
阿麟 (Intelligent Production "我估係老闆掛😂"、音樂會監製):超級巨聲時已經識阿麟,當時佢唔係大粒,人品唔錯做野都好認真,其實今次我搵過好多舞台監製,最後都係覺得佢會比較了解我,有佢地我成個音樂會既流程,每個部門既配合就可以環環緊扣,呢個位既難度係要協調每個單位既溝通同安排,好多細節位要處理,流程又關佢事,燈又關佢事,台又關佢事,後台又關佢事,又要跳出黎從觀眾角度去諗,比左我地好多好既意見,其實on show就係佢不斷提我跟住要做D乜,雖然我自己都知,但有人提住真係玩得好安心,好開心可以同佢再一次合作,Good Show!
Mandy Mak (舞台經理):成日都話唔好睇小"女仔",新相識見到阿麟帶住兩個小妹妹幫手,我以為係幫手寫下野、記錄下野咁,點知原來係好有料,我覺得佢做既野好似仲多過阿麟😆,會聽我既諗法同意見,再建議我點樣可以做得更好,交比佢地真係好放心,勁有安全感。
Reyan Tse (製作助理):呢個小妹妹雖然我同佢溝通唔係好多,但感覺上所有既文書記錄既工作都好似關佢事,默默耕耘既感覺,我同阿中成日開會係度天馬行空亂咁吹,如果我係做筆記個個一定激死,但佢完全無投訢"最少我無聽到"😉,成日話成功既男人後面一定有個好好既女人,我覺得團隊都一樣。😁
其實以上只係整個幕後團隊既冰山一角,例如FM阿賢、Eric等等,我4月28號入台參觀既時候,成個場有成五十幾人做緊野,到on show最少有三十幾個工作人員,三日黎由朝到晚去為左呢件事付出,我只可以講,有D野並唔係話用錢就可以得到,專業再加上有心等於無得輸,我感恩遇到你地每一位,能夠實現我腦海入面既幻想,我做唔到每一個手足都親自道謝,希望你地都真係Enjoy係呢個音樂會,我衷心感激,如果再有多次機會既話,呢個組合仍然係我不二之選。
待續....
超級巨聲1結果 在 Facebook 的最佳貼文
2010年4月9日。
謝謝你出現過❤️
每次睇到呢張合照都好感恩,好在有參加過超級巨聲,好在有好多好好嘅同事,好在我追星追到街知巷聞。係呀,我雖然係人哋嘅偶像,但我都係為咗追自己嘅偶像而博曬老命,呢張相亦係好多好錫我嘅人幫手影,當年仲有TVB週刊🙈係佢哋call我入去俾我合照一張㗎。當年我仲同自己講,要再努力啲,去台灣發展,用呢一個身份跑去台灣追星,哈,原來我都幾鍾意發夢。
然後有一日,我個夢碎咗。
唯有每晚都發夢,去你個星球繼續追星。
#今日明明唔係monday
#但真係好抑鬱
#我曾經好天真咁覺得努力有用
#亦覺得呢個世界好公道
#大個先至知 #好人係無好結果
#怪自己無本事 #sor今日放負
#聽日會好啲
#成日聽老生常談話
#好人會早死
#希望你哋完成咗今世嘅使命
#去下一世享福❤️🙏🏼
#我會喺呢邊繼續好掛住你哋
#有一天再見
超級巨聲1結果 在 許廷鏗 Alfred Hui Facebook 的精選貼文
致 提醒我的初心的同路們
因為參與今年 #全民造星III
我重看了當年 #超級巨聲一
對比我當年的懵懂
你們比我成熟得多
也比我更早認識自己
必須說 你們的導師會是你永遠的恩師
一直以來你們的演出都讓他們驕傲
剩下來的這一晚
好好享受 為自己做好這一次
替你們緊張
同時為你們加油
「既是有力挺起胸膛 即管好好作反
儘管出走別折返」
無論結果如何
這個演出都會是你們最難忘的聖誕禮物
#今晚就係喇 #一齊睇 #我都變全民造星粉絲 #搞到啲青澀飛曬出黎 😂
超級巨聲1結果 在 球員被觸身球陸續砸中險衝突?!草爺再戰職棒級王牌教練 的推薦與評價
![影片讀取中](/images/youtube.png)
球員被觸身球陸續砸中險衝突?!草爺再戰職棒級王牌教練,擊出場內全壘打?!對決結果出乎意料!【含羞草日記】FT. @superteam.1 @cyfang58 @user- ... ... <看更多>
超級巨聲1結果 在 Mobile01: 首頁 的推薦與評價
Mobile01是台灣最大生活網站與論壇,報導範疇從汽車到手機,從機車到居家裝潢,還有相機、運動、時尚、房地產、投資、影音、電腦等領域,集合最多精彩開箱文與評測推薦 ... ... <看更多>
超級巨聲1結果 在 超級巨聲2 的推薦與評價
睇完天梯大結局, 之後仲有隊長,閔大人,坤哥陪大家!仲有1個鐘左右J2! fans 唔好錯過啦! ... <看更多>