1962年 五十八年前 看粵語片尋找往昔香港
丁瑩 張儀主演 外景包括 新界圍村 五六十年代曾出現的「九座位新界的士」(是紅Van始祖),土瓜灣煤氣鼓,當年酒樓點心小姐,山頂纜車,太平山俯瞰跑馬地馬場,往昔香港紀憶。
「新界的士」 是流行於五六十年代的白牌車,主要行走於新界至九龍,隻有9座位,雖然車費較巴士貴、又不合法,但不少人都貪其方便選乘。後來,因六七暴動及受巴士司機罷駛的影響,白牌車因而成為了市民的主要交通工具,政府最終准許白牌車進入市區載客,並於1970年正式對小巴發牌。當年的白牌車,可說是今日「紅Van」的始祖
暴雨紅蓮
#歷史時空
同時也有3部Youtube影片,追蹤數超過80萬的網紅果籽,也在其Youtube影片中提到,|跑馬地蓮園靠粥粉麵起家變千萬富婆 貌似元秋日日鬧伙記智障 尖沙嘴海防道$35淨食豬扒全場最貴 大角嘴車品品$100紅豆沙 陳麗霞,人稱霞姨,在跑馬地無人不識,開了粥粉麵店叫蓮園。我問,通常其他人會怎樣形容你?「鬧人王囉!」久聞「惡」名,但我無想過她如此直接。「客人入到嚟唔叫嘢食,唔叫得快都會被人鬧...
「跑馬地酒樓」的推薦目錄:
- 關於跑馬地酒樓 在 歷史時空 Facebook 的最讚貼文
- 關於跑馬地酒樓 在 梁芷珊Canny Leung Facebook 的最讚貼文
- 關於跑馬地酒樓 在 蝦叔跑步 Uncle Shrimp Running Facebook 的最讚貼文
- 關於跑馬地酒樓 在 果籽 Youtube 的最佳解答
- 關於跑馬地酒樓 在 果籽 Youtube 的最佳解答
- 關於跑馬地酒樓 在 飲食男女 Youtube 的最讚貼文
- 關於跑馬地酒樓 在 寰發洋酒跑馬地店七月最新優惠... - Remfly HK Wines & Spirits ... 的評價
- 關於跑馬地酒樓 在 跑馬地2020 全新樓盤Eight Kwai Fong Happy Valley - YouTube 的評價
跑馬地酒樓 在 梁芷珊Canny Leung Facebook 的最讚貼文
#燒房焗 #Ocheflab取貨點 #跑馬地
#20分鐘搞掂
#屋企餐枱上的大廚手藝
我的活動區:跑馬地。
人生任何階段,我都有絕對原因日日出入跑馬地,
有點緣份,亦有點理由。
中學時期成日行去電車總站,喺附近食嘢;
之後自己住的地區,兜入跑馬地行山路可以避塞車;
油站我去跑馬地,街市我去跑馬地;
搵茶仔去跑馬地,買藥去跑馬地,
馬場和會所喺跑馬地,按摩去跑馬地;
去銀行落跑馬地,投注站我都係跑馬地,
好多朋友住跑馬地,現在我都住近跑馬地。。。
所以,我當自己係街坊,每一條街,點樣穿插,瞭如指掌。
跑馬地,有一陣跑馬地味,
唔鍾意嘅人可能會覺好奇怪:
咁唔方便嘅地方,點解咁得小撮人迷戀?�
係,跑馬哋啲路好斜,啲街好窄,
呢區日頭好多人,夜晚好多狗;
大路巴士多小巴多私家車多,細街標位多,
但無公眾停車場,地鐵亦唔到,
因此無大型屋苑,無跨境學童。
跑馬哋啲鋪頭好細,品味好小眾;
金舖無,鐘錶舖無,莎莎無,連美心酒樓都無,但菠蘿油有;
IT潮店好彩無,但織補檔有,Jeeves都有。
成個區住咁多人,但商場無,酒店都無,
24小時門診有,寵物診所好多。
跑馬地勝在咩都有,但又咩都無。
係好適合人馬貓狗宅宅地、靜靜地居住嘅地區,
鍾意嘅人就係Like佢方便之中唔係幾方便;
你知啦,住香港方便得來太方便,好易被迫宮。
所以,跑馬地,拖喼無,找換店無,但街坊人情味好有。
跑馬地係有警署嘅,燒房焗都有,係餐廳嚟嘅。
由而家開始,跑馬地街坊喺食物研究所O'Chef Lab買嘢,
可以揀選喺喺「燒房焗」取貨,
不設最低消費,1包都可以訂。
燒房焗:跑馬地成和道12號C地下,匯豐銀行對面。
▶️ www.ocheflab.com
▶️ whatsapp 90111661
千祈唔好打電話去燒房焗訂貨,
Chef-owner Bowie一腳踢忙到暈。
#thanksbowie
#食物研究所 #ocheflab #michelinstarredchef #olivierelzer
#燒房焗 #取貨點
#每日1200-2400
#thanksBowie #chefowner
#跑馬地
跑馬地酒樓 在 蝦叔跑步 Uncle Shrimp Running Facebook 的最讚貼文
香港渣馬2019抽籤結果查詢:https://www.hkmarathon.com/dashboard-public.html
【仲跑渣馬搞乜鬼】#舊文重貼 #蝦叔周報
男人駕著寶馬載著人妻撞上貨VAN逃跑,這樣的情節,照計應該大加渲染。但剛巧事情發生在渣馬臨近的這刻,有些記者就是懂得審時度勢,毅然將標題焦點轉移在追截他們的貨VAN五男子的說話:「佢都唔知我地跑馬拉松!」
我不知道這五個男人跑的是不是「香港渣打馬拉松」,更不知道他們會不會像有些人有意/無意地以為「渣馬10K」就等於「馬拉松」。無論如何,他們說出這句話,潛台詞無非是以「參加長跑賽,體力勝過人」為榮。哪怕是很多hard core跑友不屑參加的10K,但在一般人心中,去渣馬玩個10K,其實已經好夠照。尤其在十年八年前,跑步無而家咁興時,跑過渣馬10K已經係一項可以拎出黎曬的成就。例如我,就係當年既得利益者。
回想十幾年前第一次參加渣馬10K,完全係因為一個朋友,仲要係一個只係間中跑下步的朋友的一個隨口問題:「你有跑開?咁你有冇參加渣打馬拉松?」當時我只係有時間就落樓下公園兜圈,周而復始,完全無想過要在這個公園以外的地方跑步。朋友問一問,突然之間個人震左一震:「又係喎,點解唔試下?」
跑步當時對我來講只係為減肥而做的「力役」,談不上享受,更加唔知咩所謂跑步文化,唔會睇過Mark Remy《跑步的197條守則》,唔會覺得「著大會tee出賽係一件柒事」。剛剛相反,著大會tee對我來講係一件升呢的大事。因為我正式由在樓下同一班師奶阿伯一齊跑的死肥仔,晉身去到要專程倒塔咁早搭特別班地鐵去維園的「跑手」了。
你咪話,對於一個新手來講,第一次人玩你玩參加渣馬,經驗係好值得回味。至少在五體不勤的家人朋友當中,跑個步要隆重其事過對面海「攞號碼布」,前一夜煞有介事扣號碼布(我仲上網search過先知原來係要扣前面),然後著起果件白綠色經典款渣馬tee埋鏡左照右照睇下塊布扣得四唔四正,再宣稱自己「今晚要早啲訓備戰」。碌黎碌去訓唔著,未幾又要摸黑在家人的鼻鼾聲中食早餐,成件事真係充滿儀式感,果下會令你覺得自己成個人好devoted落去跑步呢件事上。對於年年學校陸運會都係頹坐在觀眾席上等時間過的你來說,這件事,前所未有咁有型。
「你有參加呀?好勁呀你。」從來跑步無人問,一次渣馬天下知。多得心悠BB同Edison等一眾明星,渣馬一年比一年變得廣為人知。那些年無咁多人跑,即使我其實係1小時10幾分鐘返終點,但完全無問題,唔會有人問你「跑成點」,無人笑你「7分披」。大家只係覺得你去「跑馬拉松」,即係奧運黑人選手啲friend,即係好勁。俱往矣,現在馬拉松里數通脹,倍教人懷念當年跑個10K都可以炫耀人前的「紅利時期」。
此後,就像很多跑友的故事——跑下跑下半馬,跑下跑下全馬,跑下跑下海外馬。見識過外面的世界很精彩,回頭再看渣馬難免又有幾分無奈。曾幾何時明明核突但都令你引以為傲的大會tee,近年換了贊助商,看來沒那麼土氣,但仍然無法勾起你拆開包裝袋的意欲。在盤算著何時聯絡「跑tee共享」之餘,你也不禁開始覺得參加渣馬有點像做節——年年都去那間爛鬼酒樓,菜不好吃,坐得又迫,就是志在與一年見得幾次的親戚聚一聚。
渣馬當然稱不上好好,但問心也肯定不是衰到一無是處。能夠有緣一年出外跑幾次,一直覺得這是我的幸運。生活迫人,有跑友可能跑一轉澳門都要諗過度過。渣馬有幾衰有幾好,佢地好難評論,只知這是他們一年一度難得的大賽。每念及此,難得咁多跑友同時落場,加上回憶糾纏,好多人話唔跑話唔跑,但最終都係不爭氣的又去「做節」了。
有人話:「沒有什麼雪中送炭,這個世界只有錦上添花。你想要錦上添花,你得先變成錦。」搞一場馬拉松,可能都係一樣。唔好話日本,當大家睇到連大陸馬都試圖去變成「錦」時,辦了超過廿載的渣馬,又有沒有安於只係「咁」就算數?今個星期日,我們又來做節了。討厭你這酒樓的早就不來,來得的,都其實貪你就腳,貪你上菜快,不會好介意你係咪好好食。不過老實講,如果你的菜炒得更香,大家又怎會不開心?
跑馬地酒樓 在 果籽 Youtube 的最佳解答
|跑馬地蓮園靠粥粉麵起家變千萬富婆 貌似元秋日日鬧伙記智障 尖沙嘴海防道$35淨食豬扒全場最貴 大角嘴車品品$100紅豆沙
陳麗霞,人稱霞姨,在跑馬地無人不識,開了粥粉麵店叫蓮園。我問,通常其他人會怎樣形容你?「鬧人王囉!」久聞「惡」名,但我無想過她如此直接。「客人入到嚟唔叫嘢食,唔叫得快都會被人鬧。」她在跑馬地賣粥麵甜品31年,在同一條街有2間舖,有不少明星幫襯。上個月糖水店雖結束營業,但霞姨卻有新大計,年尾在九龍區開分店。「我仲要創一番事業,我係一個唔甘心嘅女人,仲有大把火,你睇我幾好火就知道,Hitachi一撻就着,我就未撻已經着了,有一團火呀。」整個訪問中,霞姨是金句王,記者最深刻的金句是「呢個世界如果找唔到錢,係人生悲劇」。她一生傳奇,由中華酒樓夜總會的知客做起,開蓮園後儲到第一桶金,炒樓炒股票,買股票曾輸過兩間舖,如今是千萬富婆,每日習慣不變,在舖頭17小時,最愛仍是去夜蒲,堅持率直性格,更相識滿天下。
https://hk.appledaily.com/lifestyle/20180909/RGZIOAOLCBNHGBEQOHASWM3QQ4/
海防道翻新前有兩三檔,都是以招牌豬扒為主打,其中賣得最貴要數是華香園。老闆叫巫順偉,今年63歲,他的大牌檔已有數十年歷史,由巫順偉和幾兄弟打理。「我們在這裏賣豬扒是始祖,人家枱多過我,價錢賣得平過我,他們想頂死我,但我不怕,我決不會減價。我就要寸畀他們看,不能衰給他們看。」他一份淨食豬扒賣35元,雞翼一份兩隻要20元,以大牌檔來說很貴。「如果你說貴,得!不要來吃,不要來幫襯我,到隔籬、前面檔,你去幫襯他們,那邊是好便宜,食垃圾去那邊吃,不要說我貴。」
https://hk.appledaily.com/lifestyle/20181121/EWAYXOI3BBXT4ZG4MSCJKORPBY/
「車品品在大角嘴開了19年,經歷了這麼多風風雨雨,我累了,這間舖(走到如今)是最後一個月。」今年51歲的老闆娘鄭麗華說。這間大角嘴「小食店」向來是話題所在,評價很兩極化,一是愛死了,一是憎死了,批評她服務差、出餐慢、價錢貴,去年網上報道她賣百元一碗紅豆沙,亦曾引起網民攻擊。如今,她決定結束門市生意,轉另一個模式經營,重新出發。
https://hk.appledaily.com/lifestyle/20190502/VOMIWVAOZVMNBQLEP5VXREC3NM/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#跑馬地美食 #尖沙咀美食 #大角嘴美食 #紅豆沙 #豬扒
#果籽 #StayHome #WithMe #跟我一樣 #宅在家
![post-title](https://i.ytimg.com/vi/17KETmlfJ8k/hqdefault.jpg)
跑馬地酒樓 在 果籽 Youtube 的最佳解答
陳麗霞,人稱霞姨,在跑馬地無人不識。我問,通常其他人會怎樣形容你?「鬧人王囉!」久聞「惡」名,但我無想過她如此直接。「客人入到嚟唔叫嘢食,唔叫得快都會被人鬧。」她在跑馬地賣粥麵甜品31年,在同一條街有2間舖,有不少明星幫襯。上個月糖水店雖結束營業,但霞姨卻有新大計,年尾在九龍區開分店。「我仲要創一番事業,我係一個唔甘心嘅女人,仲有大把火,你睇我幾好火就知道,Hitachi一撻就着,我就未撻已經着了,有一團火呀。」整個訪問中,霞姨是金句王,記者最深刻的金句是「呢個世界如果找唔到錢,係人生悲劇」。她一生傳奇,由中華酒樓夜總會的知客做起,開蓮園後儲到第一桶金,炒樓炒股票,買股票曾輸過兩間舖,如今是千萬富婆,每日習慣不變,在舖頭17小時,最愛仍是去夜蒲,堅持率直性格,更相識滿天下。
《果籽》栽種品味,一籽了然。
https://hk.appledaily.com/realtime/lifestyle/
![post-title](https://i.ytimg.com/vi/A2qTQQ4ITD8/hqdefault.jpg)
跑馬地酒樓 在 飲食男女 Youtube 的最讚貼文
時間,魔力無邊。
醬料雜貨店正和隆,主打自家豉油、麵豉、甜醋,在上水石湖墟65年,如長流細水陪伴街坊每餐家常飯:蘸豉油魚更鮮,兩磚腐乳夠佐粥下飯;逢時過節爆薑下醬炆豬肉煮雞,豐腴滋味比得上酒樓大菜。
街坊就是鍾情這家醬料;但此情,差點成追憶!
想當年,老闆陳璧堃十足指腹為婚,不情不願從父親手上接過正和隆。做醬煮醋幾十年,沒有仇,卻賺得一身痛、半點恨;捱到65歲,把心一橫,擬於去年12月31日退休結業「脫苦海」。
怎料日月發酵,恨愛相生;準備離開,竟是徹底的歸來。
上水石湖墟巡撫街,水喉五金、紙紮、文具……生活小店當中有正和隆。店前西斜,老闆陳璧堃掛起紙皮遮光擋熱,裏外互相看不見,街坊是識途老馬,熟練地撥簾進出。小店不夠百呎,鮮有地整齊:樽樽罐罐不見有塵,豆類、雜穀一格格井然有序。所賣醬醋各有三五個品牌,店家出品的生抽老抽、原曬豉磨豉、甜醋和腐乳,售價貴幾元,卻最多人要。
「麵豉嗰日炆豬手炆得好靚,好食。」老街坊陳太一屁股坐在片糖缸改成的櫈子上,又告訴陳老闆:「我起碼一個月之後先行出嚟喇,因為腳痛要入院做手術。」今天她特意來入貨,買麵豉、豉油。
豉油,又恨又愛
陳璧堃,街坊都叫他「豉油佬」,皆因正和隆做豉油起家,他是第二代。上世紀40年代,父親陳根秀由南海來港,投靠開醬園的親戚做豉油;50年代初自設小工場做豉油、麵豉和甜醋,並在石湖墟開鋪。1955、56年間石湖墟被兩次大火吞噬,57年逐步重建,正和隆也在巡撫街現址重新啟業。
陳璧堃有四個姊妹,他是老三、排中間。「細細個住木屋,又是工場又是住家。兩個家姐睇鋪,我就周圍走,好百厭。」他怕父親,從來沒問過店名由來,只記得過年家中總掛一對對聯:「正直好生意 和氣定興隆」。
「老竇無咩讀過書,點作到咁好嘅對聯呢?」他哈哈大笑,轉瞬又皺眉:「做豉油做醬好辛苦,畀我揀我唔會做,但我讀書唔成,無得走!」他是唯一的兒子,二十多歲結婚後即接手店鋪;太太負責鋪面,他負責生產。
「做豉油會有一陣罨味,以前真係要用手去攪,一攪,陣味就出嚟,我都接受唔到;不過,呢啲係錢嚟㗎!」
他的工場在上水搬過幾次,90年代初因為業主收地被迫結束,自此在古洞一間豉油廠掛單租場,只做半加工。譬如豉油,已交給豉油廠師傅做,仍用自家招紙。
「做豉油最緊要用料靚用料足,夏天有熱頭曬就香啲。」他說。當年他試過十幾間豉油廠,找到一間的味和香跟自己做的相似。「我知道佢哋用加拿大非基因改造黃豆,發璜(按:煮好的黃豆混入麴菌、麵粉)撈美國麵粉,比日本麵粉膠質重啲、好啲;我自己一個人做太辛苦喇!雖然利潤無咁高,我寧願用佢嘅豉油。」
現在店中賣兩款自家頭抽和一款老抽,其中一款頭抽名為「鮮味生抽」,用豆比一般的多三分之一,濃稠如漿,鮮而豉味極重,可算鎮店之作。
麵豉甜醋,親手做
豉油外判了,只有麵豉和甜醋,他至今堅持親手做。
麵豉,一般貨色是發酵豉油剩餘的豆渣,鮮味盡去,很多時需加味精增味。但他做的賣的兩款麵豉:原曬豉和磨豉醬(前者仍見豆狀,後者是磨爛幼滑版)都沒抽製過豉油,保持原汁原味。「以前我啲磨豉係出咗豉油嘅,價錢平啲,主要交畀酒樓整叉燒;後來我只做零售,銷量少,乾脆用原曬豉攪磨,一樣係靚。」
市面常見的麵豉都是啡黃色,他的麵豉卻深啡色,驟眼看黑糊糊。他解畫:「麵豉好似人一樣,曬得愈耐會愈黑,愈黑就愈香。生曬啲豆喺豉油缸入面,上面曬到黑,下面嘅較黃,所以要成日翻佢,將底下嘅翻上面,不斷循環。」
他65歲了,依然記得父親當年的話:「醬,做就好易,打理好難。」
「你做,用料十足,曬得夠,一定做得好。不過擺耐咗就會有罨味,你點可以調番正呀?所以,唔係整好之後就冚埋,你要時不時拎出嚟曬,畀啲醬見下陽光會香啲。」
醬沒加防腐劑,放不久,所以他每次只做一小批。現在天時暑熱,醬賣少了,他也做少一些,「過咗中秋慢慢好,麵豉賣得最好,啲人有番胃口,多咗炆嘢;我都做得密啲,每次過千斤豆,一個月多啲就要做一次。」
講到做醬,最辛苦的步驟還數煮醬消毒。「唉!我做一次,就痛一次。」 他摸摸腰部,肌肉已成硬塊,隱隱作痛。
「啲醬容易黐底容易燶,要不斷剷,隻鑊又大,你要伸手彎住腰剷。室溫又高,得把牛角扇吹吹下,我一個人連續煮幾個鐘頭,不停流汗,煮一次起碼要飲4公升水。」最後洗鑊更辛苦,因為腰彎得更低。幸好十多年前起,煮醬有機器輔助,輕鬆了,但幾十年積下的舊患,纏身不去。
煮甜醋,相對沒那麼費勁,但一樣要忍。他採用本地酒房出產的白醋,加薑、桂皮、陳皮、丁香等等藥材做成甜醋。「煮呢個醋,一大鑊,嗰種藥材味好犀利,十足催淚彈,醃眼!咳!」
甜醋,他賣自家的,也賣其他品牌,「各有各鍾意啦,人哋要八珍,你無,佢會走咗去;我哋自家牌子就賣貴五六蚊。」
這日街坊王太帶了手拉車來買醋,「我孫仔啱啱出世,買去觀塘畀個新抱。」她嫌其他牌子太甜,「呢間鋪頭出嘅特別香,舊年冬天隔籬個事頭婆用佢煲薑,成條街都香晒。」
有人記住,陳璧堃笑瞇瞇,說:「到天時冷,啲人鍾意煲薑醋食下;事實上年尾多人結婚,到第二年10月、11月就有BB出世,甜醋特別好賣。」
以前煮完甜醋,五六桶藥材他當垃圾倒了,後來有朋友老遠從跑馬地來上水要「下欄」甜醋陳皮,他才識寶,現在煮完醋會挑回陳皮,但為非賣品,「而家?下人,有熟客寒咳唔係好囉!」
老店,差點結業
做醬煮甜醋,入缸,搬貨,幾十年陳璧堃獨力做,「我哋小型生產,唔請人。無辦法!為咗……我唔知點講呀!」他瞄瞄跟前在幫手的大女兒和二女兒,苦笑:「賺到痛,之外都係痛!近十幾年,我個個禮拜日就好似返學咁,要去做推拿。」
去年他和太太邁向65歲,本擬12月31日退休結束正和隆;就在12月中煮甜醋時,從不在工場拍攝的他,忍不住拿手機拍下那鑊滾滾冒煙的甜醋,題記:「人生最後一次」。
「唔捨得㗎!」說着,他眼圈紅起來,思緒飛回去年底:「瞓唔着囉!直情神經衰弱。」有個星期天,他試不去推拿留在家,「電視睇完又睇睇完又睇,無地方去。」以前他想像退休「呢度去嗰度去」,事實上英國朋友早邀他去歐洲玩,他又買了「200蚊深圳通」,偏偏成行在即已失去興趣,一副心神無處安放。
決心分手,原來放不下。他三個女兒,十多年前已表明不想接手家業,臨別秋波,也發現情難捨。
店一直由他和太太合力支撑,沒請人。二女兒陳敏怡(Agnes)說,每逢過年店就最忙,三姊妹必定預留整個星期的假回來幫手,想不到自己成為了第三代傳人。陳璧堃笑言,由1月1日起店轉了她名下,自己變做顧問兼打雜。
70後的Agnes在銀行做了十多年,連MBA也讀了,兩年前工作太辛苦辭了職,「嗰時爸爸媽媽正計劃退休,我哋三姊妹都好開心,因為新年終於唔使返鋪頭喇!」
去年年底,他們通知熟客和包租婆不做,「啲客人同爸爸講:『你退休,咁我哋去邊呀?我由做女食到而家喇!』我聽到,突然之間好唔捨得。呢個招牌六十幾年喇!」
她問爸爸取帳簿算了一番,「都ok嘅!我想留住個招牌。」又游說從事文職的大家姐陳敏慧回來幫手看鋪,自己負責市場推廣。姊妹同心,盼可斷金,帶着正和隆走進2017年。
十年如一日
陳璧堃搖搖頭說:「我準備退休,以為可以脫苦海啦!結果有啲抑鬱,百無聊賴,個女話做番,我又好似開心啲。」
不過,他認為做醬這行式微了,尤其新界東北發展如箭在弦,古洞的豉油廠分分鐘無得做。「一收地,你一係返大陸做,但水準、原料難控制,而且豆都係外國嘅靚啲。」女兒正在搶時間,找新貨源、拓客路,像早前便去了樂富街市擺車仔檔,臚列自家品牌豉油、醬醋和腐乳。
幾十年來,陳璧堃和朋友合作生產腐乳。十多年前朋友搬廠上深圳,招紙也「均真」地印着「Made in China」,同屬正和隆招牌貨,輕柔鬆化而不死鹹。
醬料之外,40多年前陳璧堃接手時已兼賣雜貨。今天雜貨不多也不雜,而每種乾貨他只賣一款,都是精挑細選,譬如蝦子麵,找到第四五個供應商才敲定。
「搭下貨囉,要維持到租金嘛,而家都要1000蚊一日㗎!」陳璧堃說。
除了鋪租,過去半世紀上水翻天覆地,但對正和隆和陳璧堃而言,只是微細的漣漪,就像醬醋味道,始終如一。
「雖然間中都有自由行嚟幫襯,我哋主要做街坊熟客。有人搬咗出九龍、港島、大嶼山都返嚟買醬,甚至移民去外國,都會帶啲醬過去。附近有圍村,新年依舊會煮盆菜,用好多醬。」
七八十年代,他的豉油、麵豉曾交給酒樓,但經常被人拖數、走數,「好多次喇!千幾蚊都彈票,嗰個年代唔算少數目。咪搞啦!我寧願淨做門市,收一蚊就係一蚊。」弱水三千,他只取一瓢。知足,常樂。
夏日炎炎,酸梅麵豉蒸排骨夠醒胃,有街坊要炆肉,大喊一聲「混醬,唔該!」只見陳老闆從五個醬缸輪流舀出小半勺倒入透明膠袋,用繩一紮,遞與客人,叮囑道:「返去放雪櫃,呢幾日好用喇!唔係會變酸。混醬鹹㗎,加啲冰糖,炆鴨炆腩肉都快啲腍。」這混醬,有自家磨豉、黑赭油(類似星馬的黑豉油)、甜醬、麻醬和南乳,即叫即混,也是父親傳下來的基本味道,就在日月蒸煮當中,摻着陳璧堃幾十年調出來的小變奏。
正和隆
地址: 新界上水石湖墟巡撫街2號A
電話: 2670 3486
![post-title](https://i.ytimg.com/vi/UK4Ym8LWaos/hqdefault.jpg)
跑馬地酒樓 在 跑馬地2020 全新樓盤Eight Kwai Fong Happy Valley - YouTube 的推薦與評價
![影片讀取中](/images/youtube.png)
聳立於傳統豪宅地段 跑馬地 ,即使生活在繁華綻放的大都會,同時能擁有寧謐親和生活空間,帶出 跑馬地 嶄新生活風尚體驗; 跑馬地 半山地段,盡覽山林翠綠 ... ... <看更多>
跑馬地酒樓 在 寰發洋酒跑馬地店七月最新優惠... - Remfly HK Wines & Spirits ... 的推薦與評價
寰發洋酒跑馬地店七月最新優惠歡迎親臨了解更多香港跑馬地景光街28-30號利景樓地下及閣樓Ground Floor and Cockloft Floor, No. 28-30 King Kwong Street, ... ... <看更多>