讀者投稿《極品老爺奶奶篇》
話說未結婚前，我同99關係一直良好，我覺得她是個易相處99。可惜，當決定結婚後，一切大不如前。直到結婚當晚，我6299所有真面目現哂出來。。。。。
1) 原來99娶大新抱時同時間買多了一對龍鳯鈪，當時金價好高。幾年後，到我話結婚果段時間，金價低過佢買入價，就經常響我面前提住對鈪幾錢，金價好高時買，好貴。
2) 99知道我媽想買條金鏈比我老公，面有難色，叫我媽唔好哂錢。其實我媽送野比你個仔即係鍚你個仔呀，唔好咩？
3) 承上面第二點，我老公本身帶梗條頸鏈好多年，係99買比佢既，99話如果唔帶就比番佢。
4) 婚後半年，99有日忽然同老公講，再睇番d結婚相原來外母買左條金鏈比你呀，早之我都買條比你啦。（結婚時99無買任何野比個仔）
5) 結婚當日，到99家敬茶，我姐妹問99拎紅棗連子。我99話無，比左我。99，你話比左我既意思唔係指過大禮果包連子麻？
之後到擺酒當晚至散席，都好多事發生。
99知道我地結婚後開始變臉，擺99款，淨係金器都攪左好多事出來，結婚當晚當然盡顯6299款啦！
1) 當晚其中有一席係男家女家各半席，到開席時，呢一席仍坐滿男家既人，無意識地坐返隔離枱，我阿姨一家就企響側邊等佢地讓位，後來我姐妹團見到唔對路，就同99講呢枱有半席係女家既，我99就話，叫佢地（即我阿姨）坐另一圍囉。我都係事後姐妹話番比我知，最後我阿哥幫我拆掂。當我知我道後其實我好嬲，但無野可以做到。
2) 因為有幾圍枱有機會坐13個人，d餸都要按人頭增加，開席時我哥唸住每枱點好人數同經理夾番，但我62唔比我阿哥數人頭，好彩無出現13個人得12隻鮑魚既情況。
3) 敬酒時，我6299一直攝住帶頭行，我同我老公只能跟後面，經理見唔對路，都諗辦法安排返我地企響最前面同賓客敬酒。但當經理大聲叫新娘新郎過來我呢邊既時候，我6299好合拍地一支箭樸去經理果度，繼續排頭位，我同老公繼續只係跟尾。最後敬酒果part 既相都唔太影到我地，我d朋友事後都同番我講點解咁奇怪。或者當晚原來係6299壽宴，唔係我結婚。
4) 送客時，因男家比較小圍數，6299見到佢地既朋友親戚己之走哂，就同我地講佢地返屋企先，我d朋友第二日都同我講番，點解響地鐵見到我6299，唔駛送客咩？
5) 到拆人情喇，我地無問過6299出一分一豪架。一路拆就覺得有d人情好似有開過既㾗跡既，以為自己多心啦，後尾有幾封痴得好實什至有膠紙貼住既直頭撕爛左，原來係男家既親戚人情，即係99代我地收果d人情全部經99過目。最攪笑係6299之後要我地比番個表佢話佢知男家每個親戚比左幾錢人情囉。心唸，你地都知道哂啦，仲問我？
當晚之後，我巳同自己講，婚後千萬唔好開壞個頭，如果唔係有排受。
退一步海濶天空！
#退一步海闊天高
#我的極品四大長老
👇設計圖片
過大禮新郎入屋 在 【#過大禮時間流程】幾時要過大禮 新郎、老爺奶奶可以親身去 ... 的推薦與評價
過大禮 時間流程】幾時要過大禮❓新郎、老爺奶奶可以親身去女家過大禮嗎❓對過大禮有好多疑問❓等星級大妗姐話你知～ 即睇答案：https://bit.ly/2UyPEJV ... ... <看更多>