有媽咪問我平時同小朋友有乜親子活動,其實我哋都好鍾意喺屋企整嘢食,我同小豆有時喺weekend都會整吓小食,除咗可增進親子關係,完成後又有滿足感😍,享受美食時最好開心🍽!
今日同大家分享一個簡單易做嘅 #蜜糖雞翼,小朋友都可以幫手㗎,想知道要預備乜嘢材料同有乜秘訣,即刻睇下我同小豆嘅示範啦🤩!
#豆媽小貼士 :
記住一定要用鍚紙鋪喺焗盤上,唔好睇少呢個步驟,可防止食物燒焦,同時令雞翼受熱均勻,鎖緊肉汁😋,仲有一個好處就係令焗盤更易清潔👍!蜜糖唔建議太早搽,否則雞翼未熟就被燒焦。
#HAHA之家 #豆媽好物分享 #GladHK #時刻新鮮 #減少用油 #煎煮防黏好幫手 #佳能錫紙 #厚韌耐熱 #鎖緊食物鮮味
同時也有1部Youtube影片,追蹤數超過2萬的網紅FLAIR IRON香港調酒工作室,也在其Youtube影片中提到,[阿Ken有話兒之長篇大論] 據說人類感受味道主要來自嗅覺同味覺,所以我地學習調酒當中,有一項比智識更為重要就係打開個人感官本能,做一啲嗅覺同味覺嘅訓練,學懂點樣分辦材料整合之前嘅狀態,對我地調制雞尾酒前,選擇唔同嘅材料,無論各種酒類或新鮮水果,對製成品風味上嘅建立有極大幫助。 有資料顯示要清晰掌握...
鎖緊食物鮮味 在 CANDICE KITCHEN 自家浪漫美食行 Facebook 的最讚貼文
#自家製美味日式料理 #一人前 #名古屋手羽先定食
呢期我好鍾意整自家日本料理
變化多賣相又靚
響屋企都好似係日本餐廳食飯咁
真係好開心好有滿足感㗎
煮婦煮嘢食當然要有好幫手先會事半功倍啦
自我鍾意煮嘢食以來
廚房櫃桶裏面必備嘅
一定係佳能煮食紙及錫紙
不論煎炒煮炸
有佢哋幫手真係方便得多
唔講唔知佳能煮食紙除耐熱堅韌不黏食具外
煎焗蒸烚樣樣掂
毋需額外放油有益健康
清洗食具亦變得更容易
而錫紙能鎖緊水分及有效保存食物汁液
鋪在焗盤或鍋的底部
有助食物受熱更均勻
整出嚟晚餐都特別好味㗎
今次我就整咗超豐富的一人前 - 日本名古屋手羽先定食
配一個錫紙清酒蜆肉粉絲鍋
做法簡單易做
在家用餐也有去日本旅行嘅感覺
大家記得一定要試做啊~~
錫紙清酒蜆肉粉絲鍋 – 佳能錫紙
材料: (2人份量)
蜆1斤
粉絲2小束
清酒50毫升
蔥花適量
鏗魚湯粉1小包
水600毫升
鹽適量
1. 把蜆洗淨, 放在鹽水內30分鐘, 以便吐沙。
2. 浸泡粉絲至軟身。
3. 水滾,加入1小包的鏗魚湯粉,拌勻,煲煮10分鐘,成為鏗魚高湯,放涼待用。
4. 把蜆隔乾水份, 放入滾水內, 煮至開口, 盛起待用。(參考時間1至2分鐘)
5. 預備日式小鍋,在鍋內鋪上佳能錫紙,摺成碗狀。
6. 放入浸軟的粉絲, 平均地放蜆,倒入鏗魚高湯及清酒,煮滾,以蔥花裝飾,完成。
名古屋手羽先 – 佳能煮食紙
材料(2人份量)
日本二節雞翼8隻
白芝麻適量
黑胡椒粉適量
醃料:
麵粉3湯匙
海鹽適量
即磨黑椒適量
醬汁:
蒜片數片
日本醬油2湯匙
味醂1湯匙
日本料理酒1湯匙
糖2茶匙
1. 雞翼洗淨抹乾水,放入食物袋內,以海鹽及黑椒調味,放入麵粉,用手隔著食物袋與雞翼搓勻。
2. 取出焗盤,鋪上佳能煮食紙,平均地放上雞翼。
3. 入爐以180度焗15-18分鐘至金黃色, 取出待用。
4. 預備平底煎鑊,小火,放入醬汁的所有材料,煮滾。
5. 放入焗好的雞翼,與醬汁拌勻,或把醬汁掃在雞翼上。
6. 盛起雞翼,灑上黑胡椒粉及白芝麻,完成。
#GladHK #時刻新鮮 #開心盡享GladMoment #佳能煮食紙 #減少用油 #煎煮防黏好幫手 #佳能錫紙 #厚韌耐熱 #鎖緊食物鮮味 #按右下HD觀看
鎖緊食物鮮味 在 呂慧儀 長腳蟹 Facebook 的精選貼文
鍾意整嘢食俾至愛,但唔夠時間又怕清理麻煩,最好就係搵方法方便自己。我會用佳能煮食紙焗布朗尼,佳能煮食紙耐熱堅韌,於焗爐使用時毋需額外放油,不黏食具,令你清洗食具更容易!
至於小朋友最愛嘅焗粟米,我會用佳能錫紙,佳能錫紙可以鎖緊食物水分及有效保存汁液。
用鍚紙鋪在焗盤或鑊的底部,有助食物受熱更均勻,又可以令煮食盤或廚具更易清潔!
#GladHK #時刻新鮮 #開心盡享GladMoment #佳能煮食紙 #減少用油 #煎煮防黏好幫手 #佳能錫紙 #厚韌耐熱 #鎖緊食物鮮味 #老闆最喜愛 #秘書愛入廚 #HaeBaomamaskitchen
鎖緊食物鮮味 在 FLAIR IRON香港調酒工作室 Youtube 的最讚貼文
[阿Ken有話兒之長篇大論]
據說人類感受味道主要來自嗅覺同味覺,所以我地學習調酒當中,有一項比智識更為重要就係打開個人感官本能,做一啲嗅覺同味覺嘅訓練,學懂點樣分辦材料整合之前嘅狀態,對我地調制雞尾酒前,選擇唔同嘅材料,無論各種酒類或新鮮水果,對製成品風味上嘅建立有極大幫助。
有資料顯示要清晰掌握認知一個材料味道感受,原來嗅覺比味覺有更大嘅影響,亦都有研究指出感受味道70%來自嗅覺,30%來自味覺嘅講法。
味覺功能可感受到五味,包括甜、酸、苦、鹹同埋鮮。辣呢?原來辣係一種熱嘅特別感覺,會令各種味道形成刺激性狀態,暫時學者仲未搵到與辣味結合嘅味蕾受體。至於鮮味方面,都係近年被肯定有味蕾受體能辨識出來嘅第五味。
而鹹、甜,通常被認為能引起食慾,驅動我地去進食,對煮食或調酒嚟講有提升風味作用,例如煲湯點解要落鹽,做蛋糕點解要落糖,亦都有所謂「吊味」嘅廣東話說法,將材料味道牽引出來。而苦同埋酸則通常被認為倒胃口,同時警示可能有潛在危險,例如有毒或變壞之類嘅可能性,但對調酒嚟講係兩個功能相反嘅平衡點。
何謂平衡點?原來係將兩各種味混合所產生嘅味道基本味道會互相壓制,因此增加某一種味道會削弱另一種味道,此消彼長嘅效果,兩者均等就算是平衡,但當然隨著唔同人嘅味蕾感受,每個人都會有差異。例如凍檸檬茶去理解甜同埋酸,先感覺甜後加上檸檬嘅酸度就有截停風味作用,作為一個平衡點,如果缺乏就可能帶來好腬(廣東話所謂甜到漏)嘅感覺。而甜同埋苦就例如五花茶或咖啡,先感覺甜後加上苦(或者解作為甘)就有延長或停留風味作用,同樣亦可被視為一個平衡點。
將兩種或以上不同類嘅味覺混合,就會向大腦發出混亂複雜嘅信息。例如Daiquiri就係甜酸,Negroni就係甜苦,咁Margarita呢?就係鹹甜酸嘅三種組合嘅款式。除此之外仲有一啲類型,例如Dry Martini,有啲調酒師就偏向調出純香味及溫度上嘅感受,當中甜酸苦就非常之低,亦都有調酒師喜歡加入適量嘅需要,例如選一支帶微甜嘅Gin,或者選一支帶微酸嘅Vermouth,或者選一支帶苦(或者解作為甘)嘅Orange bitters,所以各家各法實在千變萬化。
當中我地亦可以從過程當中得到的口感,以及得到的溫度,不同口感及不同溫度亦會影響味蕾感受上多少。口感舉例如清湯較稀而忌廉湯較杰,就比喻為Rusty Nail及Ramos Gin Fizz出來所謂Body上嘅效果。而溫度高低就好似食雪條一樣,越凍味道越鎖緊(小啲味),慢慢溫度上昇會開始釋放(多啲味),當然大部分雞尾酒都係凍,溫度較低,但其實都有熱嘅雞尾酒。
至於舌頭其實亦可以感受到有關食物其它感覺,而唔係僅僅局限於五味。例如澀,麻,油膩,涼(薄荷),氣泡感,金屬礦物等等等等。
有人話學調酒要考試,要死背配方,我就話只要學識啟動自己感官本能,享受味道整合嘅樂趣,先係踏入調酒世界嘅第一步。好好愛護自己嘅嗅覺味覺功能,學懂運用嘅方式,只要有心,人人都可以係食神。
-Ken Lam 2017
Flair Iron香港調酒教育及娛樂
酒會.表演.課程.工作坊 - http://www.flairiron.com
網購.調酒工具及材料 - http://shop.flairiron.com
Like us on FACEBOOK ........ http://www.facebook.com/flairiron
Tag On!
#調酒教學flairiron 、 #雞尾酒教學flairiron 、 #學調酒flairiron 、 #cocktails 、 #bartender 、 #barstar 、 #調酒 、 #調酒教學 、 #雞尾酒教學 、 #雞尾酒 、 #花式調酒 、 #花式調酒教學 、 #調酒師 、 #學調酒