【 鬼上你架車 】
自問細膽,如無必要都不會看鬼片,去戲院貼錢買難受,23年前的《午夜凶鈴》相信是最後一套了。講鬼故或者靈探又如何?畢竟沒有過份設計的畫面和聲效,加上又沒有「天眼通」,根本不會在電視畫面裏看到甚麼「驚」喜位,所以繼ViuTV的《入住請敲門》系列之後,再嘗試挑戰日前於myTV SUPER上架、屬於邵氏兄弟國際影業出品、鄺家銘(Jim)擔任執行監製的全新節目《鬼上你架車》,且看「Carpool講鬼」有乜咁好睇。
阿Jim是資深電視製作人,有線電視出身,最初擔任體育台足球評述員,漸漸轉型成為節目主持,近年更出任節目監製,分別於不同平台出現:《大學五件事》、《自煮女人最漂亮》、《30分鐘大放餸》、《Fit開有條路》、《狗狗診療所》等等都是其製作公司的出品,而最新推出的《鬼上你架車》,則以主持和星級嘉賓一邊開車一邊講鬼故包裝,讓大家在車廂愈講愈驚,呢度講呢度散,唔准帶返屋企。
Carpool?唓,外國興咗好多年啦,美國有《The Late Late Show with James Corden》的「Carpool Karaoke」、韓國有《現場脫口秀Taxi》、泰國有《Friend Club》,就連now香港台亦曾於2014年推出林日曦、陳強和阿Bu主持的《電視節目有好多種》,《鬼上你架車》有乜咁創新?阿Jim承認:「一路開車一路傾偈,喺中外都出現咗好多年,唔好話電視,網上世界都好多,講真呢種模式的而且確唔係新鮮,但《鬼》係唔同,我哋就係Base On呢個原意,加咗講鬼,仲要係開心哋、好笑哋講鬼,我覺得係一個幾得別嘅事。」
何解會邀請Donald與方力申擔任主持兼「柴可夫」?阿Jim坦言,他倆根本就是提供節目點子的人,「條大橋正正係小方同阿奴提供,加上佢哋兩個都係轉數快、講嘢有火花有效果嘅人,所以搵佢哋做亦都好適合。另一方面,阿奴同小方喺創作上有好多參與,Creative方面提出好多諗法,甚至係拍攝期間嘅建議,我哋再Modify,今次唔係製作方做主導,呢個做法幾新。」有別於其他講鬼節目只得驚嚇,今次《鬼上你架車》增加了搞笑元素,非刻意為之,是對話期間自然衍生出來。
「你都知阿奴同小方講嘢都Funny,啲嘉賓同佢哋都會有互動,所以一邊睇會一邊驚,但又會有啲搞笑同開心,有啲Gag位都真係幾好笑。」阿Jim自信的說,這是一個最好笑的講鬼故節目,不過他說節目拍攝期間,他親身經歷不止一次超自然反應,「記得有次喺將軍澳電視城,同胡鴻鈞一齊靈探,係道具房一啲比較少接觸嘅位置,無端端盞燈會自己着下眨下,去到嗰度我自己都驚,咁我覺得人不犯我,我不犯人,就唔理喇。」
效果如何呢?就以剛於上周五(7/5)上架的第一集為例,節目請來「高Ling」高海寧,與小方和Donald一起遊車河。一直以來,觀眾每次見到「高Ling」都會直接想起性感兩個字,但經過今次她在《鬼》節目的分享,才知道學生時代的她跟靈異界特別有緣,多次跟不同鬼魂近距離「接觸」,搞到「高Ling」不堪煩擾而爆粗。
「高Ling」憶述,每逢冬天都會蓋很厚的棉被保暖,貪其帶來安全感,某夜竟然「凍醒」,「原來我同張被中間,有一道冷空氣,即係佢(棉被)浮起咗,所以就凍醒咗,然後我又係郁唔到,你當係你個腦醒咗,但身體仲瞓緊覺,呢個係有科學解釋嘅。咁嗰次我聽到聲,因為我讀基督教學校,團契嘅人教我遇到呢啲事要祈禱,我一郁唔到就祈禱,點知有把聲喺耳仔邊講,好近好近:『耶穌唔得閒理你!』我仲驚,因為媽咪拜佛,我就噏咗一句:喃嘸阿彌陀佛,跟住佢話:『佛祖都唔得閒理你!』好淡定,係一把男人聲,我當時好攰,心裏面就諗咗一句粗口,之後張被就『化』(一聲)跌番落嚟。」果然夠猛!
講真,如果沒有看過那節目,只將那些Gag位寫出來是不會覺得好笑,但一邊看三人的對答,又確實會很自然的笑得出,23分鐘節目,很快便看完,亦期待下一集,嘉賓關智斌會分享甚麼恐怖事情。事實上,第一集「高Ling」說幾次撞鬼經歷已非常精神,沒有冷場,但原來阿奴在節目第二部份分享的「空姐與印度人故事」更加驚嚇,而這些內容,無法亦無需用另外的畫面表達,偏偏製作組加插了很多,有點畫寫添足的感覺,如果單純捕足到車廂內外(攝製隊派出另一架車跟隨拍攝),如實呈現三人錄影時的真實表情和反應,效果會更理想。
(11052021)
#游大東 #游大東影視筆記 #鬼上你架車 #高海寧 #關智斌 myTV SUPER 高海寧 Ko Ling 高海寧國際影迷會 #當奴 Donald 當奴 ILUB TV 阿占 鄺家銘 香港 TVB 影迷粉絲團 做乜膠睇電視 港人講電視 #方力申 Alex Fong 方力申 #carpool
同時也有1部Youtube影片,追蹤數超過2,700的網紅hohoho rebec,也在其Youtube影片中提到,旅遊系列書-《好好好女遊 清邁》即將在今年書展推出!瘋狂兔仔伴遊Matka-Pupu跳出平面,第一站闖入商業電台!到底牠突襲了誰?又有誰願意陪牠一起瘋癲 ?快點CLICK入短片搵出答案吧! 【好好好女遊系列 作者簡介】 Rebec HoHoHo (何穎),出生於香港,曾旅居北京,學歷為銀河系地球大...
阿奴donald 在 港呢啲 Facebook 的最佳解答
【艾粒食辣大對決!!!】
邊個食得辣就邊個抱得美人歸!
阿占同阿奴邊個會贏?!?!
BTW 你哋食過幾辣?!留言講低啦!
🎬第一集傳送門 : http://bit.ly/2PuuxGI
JimYan
Donald 當奴
#有無人仲食得辣過佢哋 #譚仔 #譚仔雲南米線 #始於1996年 #係艾粒呀 #六十三萬分之一 #六十三萬份滋味 #鬥快識人 #你估誰勝誰負 #PerfectMatch #TamsTheory #大辣 #特特多麻 #邊個想挑戰 #這些機會不是我的
阿奴donald 在 CapTV 擷電視 Facebook 的最佳解答
#深夜感性JJ
上次艾粒仔(已不是仔)到CapTV拍完片,阿奴講咗一句:「睇嚟我哋荼毒咗唔少年青人」
我哋都好想講,係呀,我哋好多人都畀你哋荼毒咗。以前中學放學打開收音機就係播「萬世巨星」,一開頭都唔知咩係「陸加俊」同「蔡輕麟」,慢慢就入咗呢個我唔知聽咗咩嘅世界
未有Facebook、IG岀現之前,豔強、大連的子民、文化節目、末日輝、hiphop咖喱河流等等就成為我哋呢代人嘅集體回憶,你講「萬世」,就會有人講「巨星」,返學傾下艾粒係指定動作。
總有啲人覺得騎呢無聊,至少我哋嘅青春係快樂,無聊下又如何?明呢段說話嘅人都有返咁上下年紀哈哈
P.S. 當你見到成個紅館嘅人起晒身跳舞唱歌,又唔捨得走,Encore幾次就知呢個回憶對大家幾重要
#細姨媽
#回看那十幾的我
#仍像片白紙的我
#男孩像我有很多
#沉迷在漫畫公園百貨
#拒絕成長可不可
ILUB TV JimYan Donald 當奴
阿奴donald 在 hohoho rebec Youtube 的精選貼文
旅遊系列書-《好好好女遊 清邁》即將在今年書展推出!瘋狂兔仔伴遊Matka-Pupu跳出平面,第一站闖入商業電台!到底牠突襲了誰?又有誰願意陪牠一起瘋癲 ?快點CLICK入短片搵出答案吧!
【好好好女遊系列 作者簡介】
Rebec HoHoHo (何穎),出生於香港,曾旅居北京,學歷為銀河系地球大學遊樂系一級榮譽生畢業,主修離家出走,副修飲飲食食。2010年初,出版《50+1》私家旅遊系列,先後推出香港、台北、上海、北京、紐約;2013年,出版《好好好女遊》系列,女遊城市包括:台北、廣州、首爾,以及最新出版的《好好好女遊 清邁》;並於多本中港雜誌開社旅遊及食譜專欄:《MILK 新潮流雙周刊》、《汽車消費報告》、《TAO淘寶天下》、《GO OUT》。正職去旅行,副業寫字、煮飯。
〖好好好女遊FACEBOOK〗
https://zh-hk.facebook.com/HohohoGirlyWalk
![post-title](https://i.ytimg.com/vi/t2g_YZkY2FM/hqdefault.jpg)