關於 阿諛奉承廣東話 ，我們在網路上蒐集到這些相關的討論、資訊與評價

「所謂的優越感」！

早兩年嘅分享! 今日想再講多一次！

早前跟一個香港男性好朋友聊天
他是著名時裝設計師
經常周遊列國
他跟我說很多時候
他在香港坐地下鐵
偶然看到一些年輕女子
拖著外國男朋友
在有意無意之間
故意提高聲調説英語
因為擔心旁邊的人
聽不到.....她在説「英語」
因為她們覺得自己
「好像」比較優越....
可能這是歷史遺留下來的影響...

我跟他說
現今社會
懂說英語有什麼特別？
又不是說火星🔥⭐️語！
何況英語在外語來說
文法相對亦是最簡單易學
但是無論大家想學任何外語之前
最緊要先好好維護我們的廣東話

我從來沒有覺得男友
或者丈夫是外國人有任何優越感
亦都從來沒有因為想生個
活潑可愛的混血子女...
想跟外國人結婚....
但絕對知道有這種人存在......

緣份就是緣份
無需強求
要發生的事情一定會發生
我總覺得冥冥中自有主宰
世事無常
不用太過執著

我以前已經分享過我的看法
一個富有、聰明、能幹、
英俊或漂亮的人
不需要主動跟人家
「故意」或「不經意」地炫耀

做人要謙虛有品
自信要有但不是自負
不要自以為是
否則好「乞人憎」

一個「心中富有」的人
自信是由內心及人生閲歷散發出來
絕對不需要人家的阿諛奉承
賺取所謂的優越感
來填補內心的空虛

有錢跟有修養
不一定是成正比
我交友之道
不論貧富、男女、年齡、種族
最重要找對「嘴型及feeling 」

DON’T FORGET!!!

‘Treat others as you would like to be treated.'

KK online shop
https://bit.ly/3rcnNOp

外圍的核心內圍《第二回》

上回講到我喺一間體育資訊公司門口徘徊，結果入埋去interview，最終成為員工，而請我嗰位主管叫阿明，為咗令大家更了解成個架構，以下係真實中角色人物分佈 (PS：呢間公司嘅人對我好好，我唔想佢哋身份曝光，所以將所有人名都化咗)。

👉🏽終極Boss鷹哥 (好少返公司，有啲似加藤鷹，所以化名鷹哥)

👉🏽Boss山哥 (金主，大股東，好人，成日返嚟公司Hea)

👉🏽瘦骨仙 (細股東，同佢冇乜交接，不過最後因為佢而冇得做)

👉🏽阿明 (管理晒成個Office)

👉🏽Ricky (管理資料輸入組)

👉🏽一堆嘍囉 (包括我，隸屬資料輸入組，入下足球賽果，打下賽前賽後分析)

公司大約25 ~ 30人，一半以上都有背景，唔係邊個邊個大佬啲手下，就係乜哥物哥啲親戚，是但得罪一個都好麻煩。

Ricky係我直屬阿頭，廢人一個，冇一樣嘢落手落腳做，大部份時間執死雞同埋認叻，喺老細面前扮到好能幹好有衝勁，佢有一句口頭蟬，就係「明白」，每當Boss同佢講嘢，Ricky就會扮晒一臉認真咁聽，每隔幾秒就好似機械人咁答「明白」。

阿明一早睇穿Ricky係閪佬，有一次開會講緊公司行政嘅嘢，Ricky又係咁答「明白」，人哋嗰句說話都未講完，Ricky已經答定「明白」，阿明終於忍唔住扯火：「明明明！你明乜L嘢呀？」當時我哋班嘍囉喺半瞓著嘅狀態都嚇醒，只見Ricky面都青埋，我真係好心涼呀。

社會有千千萬萬個Ricky呢類人，廢唔係重點，識得擦鞋，拉關係同埋阿諛奉承就自然搵到食，我哋都見慣不怪，我只係想多番一兩個阿明呢類主管，心水清之餘仲夠膽爆你一鑊，可惜我之後幾份工都遇唔到，Ricky呢類就大把。

Boss山哥係公司金主，五六十歲，據聞海外業務係賭波公司，所以非常有錢，主力係享受人生，真係唔使做但係大把錢嗰隻，得閒返公司坐下，身邊好多江湖中人，但佢其實冇乜江湖味，仲要幾好人，有啲爸爸feel，會同我哋班嘍囉傾閒計，講下做人道理，佢自己係咁賭波，但就一直叫人唔好賭波。

山哥對上係終極Boss鷹哥，唔知係咪江湖中人特別敬重啲大佬，所以山哥口中嘅鷹哥係十分猛料同浮誇：「聶仔，你知唔知鷹哥好有face？費格遜會打電話畀鷹哥，同佢講曼聯嘅出場陣容，佢哋兩個好friend架。」

當年曼聯領隊仲係費格遜，但你打死我都唔信費Sir會Call鷹哥報告出場陣容，我自己開波前上網都睇到曼聯出咩人啦！另外我想問下鷹哥同費Sir係用廣東話交談吖，還是用英文呢？當時我只係覺得山哥幾廿歲人傻得好可愛，點知隔離有啲嘍囉仲要補多句：「係呀，鷹哥同費Sir好熟架，嗰次打嚟同佢講加利尼維利同碧咸會正選出場。」嘩，原來一個二個都係Short架！古惑仔唔係應該好古惑架咩？點解可以Kai到呢個地步？

我唔敢笑，一來未過試用期，二來我知佢哋背景，笑咗我驚冇命返屋企，我唔肯定鷹哥係咪勁到會同加利尼維利周圍食咖哩，我淨係肯定呢間公司啲人係痴根嘅。

呢班老粗字都唔識多隻，佢哋從來都唔知英文字母有26個咁多，數嚟數去都係數到E，所以吊過下鹽水同埋食過下夜香嘅我好快就上到位，喺呢度識得用「You are」好叻架喇，佢哋真係夠膽用「You is」、「How money」同埋「How time」架。

由於山哥覺得我好幫到手，所以十分願意同我傾計，講好多足球圈嘅真實情況畀我聽，後來仲帶咗我去馬來西亞參觀佢個外圍總部，呢啲機會真係有今生冇來世，下回話你知我喺馬拉有咩奇遇。

#賭波害人一生
#唔好賭波
#曼聯
#費格遜

《第一回》
https://www.facebook.com/officedaily/posts/522113084902184

最近一段日子，一些嬉笑怒罵的文章也好、或者一些月旦時事的文字也好，自己都有點兒言不及義的感覺。
今晚，忽然之間想把自己過去數十年的一些真實際遇， 一一轉化成文字，看看讀者們的反應又何如？

第一個故事 ：

《 在台中火車站的一個乞食》

「乞食」， 在台灣的閩南語，不是動詞，和我們粵語的「乞衣」一樣，是一個名詞。

我們追求的衣食無憂，簡單一點說，就是中國政府常用的兩個字 ： 「溫飽」，所以廣東話罵人「無衣食」是頗惡毒的，背後的意思就是要人做「乞衣」、做「乞食」。

那一年，台灣總統仍然是李登輝……

我從台北坐火車到台中跟一個客戶見面， 出了火車站，剛剛要過馬路之際，一個雙手沒有前臂的老伯，攔在我面前。

看樣子，他大約六十來歲，用布條繞過後頸，將一個方形鐵兜架在前胸，上面一個紙牌寫著「口香糖每包十元」。

我瞄了一眼，放下一百元新台幣，匆匆跑過馬路。

說時遲，那時快，後面一把憤怒的聲音即時把我喝住 ：「唏！ 你當我是乞食？」

那炯炯的眼神，今天在我腦海中仍能閃出令人心怯的凌厲氣場，他腰板挺直的站姿，令我猜測，他是一個在戰場上失去雙臂的退伍軍人。

那一刻，不知道是尷尬還是慚愧，我回身拿起一包口香糖(香口膠），並連聲賠罪：「 對不起對不起，忘了拿……」， 當我轉身要走的時候 ，他再揮動那猶如肉棒的半截上臂，指向鐵兜裏面的一堆台幣，「 那你自己找回九十元……」

這個時候，我才意會到他的意思，如果我放下一百元，就應該拿取十包口香糖。

最後，我靦腆地在鐵兜裏拿取了十包口香糖，他才滿意地讓我離開。

廿多年來，這個親身經歷，我不下轉告了過百名至愛親朋，告訴他們，我理所當然視客戶為衣食父母，平時只能卑躬屈膝、阿諛奉承，莫說要直斥其非，連挺直腰板也不敢。

一個可能參加過徐蚌會戰的退伍老兵。
他在台中火車站，遇上香港來的一個乞食……

李懂媽