<<銅鑼灣望住靚景食雞煲。隨變雞煲>>
其實我好耐之前已經幫過呢間隨變雞煲, 不過果時係幫佐敦總店,太久之前記得係好正好好味~得知佢最近在銅鑼灣開左分店,即刻約朋友上去試下啦~~
一上到去,, 第一下的感覺是我係唔係去錯左???😱佢位處商業大樓高層,入面裝潢勁高級好HIGH CLASS, 同我記得佐敦果個好地道好茶餐廳格局咁唔似既???仲耍有落地大玻璃, 將銅鑼灣景致一覽無遺, 真係好好FEEL~~似乎呢間分店要給食客除了味覺上, 連環境都要有極致的享受, 正👍😊。
一場來到就當然要試它最出名的雞煲,
食雞煲之前我地點左啲燒烤作前菜小食，我地點左一夜情（$28）同埋燒芝士年糕（$28）我哋見一夜情個名咁得意就點了，原來係雞中翼同埋芝士腸搞一夜情🤣中翼去咗骨讓入芝士腸啖啖肉，加上佢燒烤有孜然粉等等非常之惹味！另外嘅燒芝士年糕又係必食！外面少許微脆，然之後一撕開中間係拉絲嘅芝士！好soft好正！😍😍😍
跟住就要入到戲肉，我地點左小辣嘅招牌隨變麻辣雞煲(258/隻), 既然係為咗吃佢嘅雞煲，雖然得兩個人我哋都叫夠一隻啦！食雞飽😊😝隨變雞煲特別之處係佢主要用湯去煮，並唔係好似一般雞煲咁樣乾身嘅，當然你想食乾身嘅雞煲都有，不過佢招牌嘅就係麻辣濃湯雞煲，因為佢做到嘅就係火鍋雞煲咁，雞肉仍可以非常入味同埋好嫩滑，一d都不鞋👍😝而且食得出睇到用嘅係鮮雞冇乜雪味，用嘅係黃油雞，油脂亦都相對地少，唔似一般雞煲用肥油雞，加上佢嘅麻辣湯底層次非常之豐富，而且薑蔥蒜洋蔥料頭一啲都唔馬虎，既麻且辣而且恰到好處，佢嘅湯底係令我食完啲雞好想快啲打邊爐嗰隻！果然呢間分店隻雞都一樣咁出色冇令我失望😊😊😊👍
的確食完雞煲之後麻辣湯底越嚟越濃仲加咗一浸雞油嘅香味，真係打邊爐嘅好時機呀！其實打邊爐最緊要就係啲火鍋配料夠新鮮，喺呢度嘅材料絕對新鮮，值得一讚係佢嘅即炸響鈴🔔我哋食到最後一件下面嗰張吸油紙係一滴油都冇㗎，非常之乾爽！手工西洋菜餃，魚腐，豆腐全數很精緻，連午餐肉都是優質的紅肚兜中間有瘦肉果隻，並非梅林牌一口粉，所以真的大滿足！😝
值得一提係佢呢度嘅服務非常之好，有少少海底撈嘅感覺，有美味的食物加上咁靚既環境，雖然每人食左$3xx 有點肉赤，但呢一餐我仍然俾好高分，因為值得👍👍😋
___________________________________
店名：隨變火鍋 (銅鑼灣)
環境🏝：9.5/10
服務💁🏼♀️：9/10
價錢💰：7/10
食物質素🍝: 9/10
整體🙆🏻♂️：8.5/10
地址：
銅鑼灣登龍街18號V Point 23樓
隨變雞煲 在 隨變燒烤麻辣雞煲 - Facebook 的推薦與評價
隨變 銅鑼灣店特別推出全日全單85折，無論海鮮、刺身、火鍋配料、雞煲、串燒定係酒水，全部都有優惠，咁就梗係乜都試啦！ 隨變嘅招牌乾鍋，以多種香料炒製乾上，食材更入味 ... ... <看更多>