啱啱個星期日，我哋終於完成16個Y2型屋苑嘅驗喉計劃。每個週末一班同事師傅都犧牲咗放假嘅時間去上門免費幫戶主Check喉，都咪話唔辛苦。但你又知唔知辛苦背後其實我哋一班裝修佬諗緊啲咩？
當大家忙緊點樣去慳Budget時，我哋竟然仲去做啲免費嘅服務？好多人都笑我哋痴線。但又真係有一班師傅肯陪我哋「癲」，喺呢個幾月個個星期都同我哋一齊出隊去上門Check喉，一心去幫受影響嘅戶主解困。
你或者會諗我哋係咪真係咁有心，定係存心想上門搵生意呀？作為全香港最大嘅網上裝修平台，我哋會唔會咁傻仔花咁多人力物力去做啲線下宣傳？其實我哋只係想點樣用行對去話比大家知，裝修佬唔單單淨係會出一兩個Post大叫香港加油。而係確確實實去話比香港人知我哋一直都同大家同行，齊心去面對疫症。
又或者你喺印象中裝修師傅一定只會諗點樣賺到盡，邊有咁好死免費入屋Check喉呀。但其實好多師傅都好有情有義，想用自己專長幫香港做更多嘢！而我哋由一開始成立「裝修佬」，就係要打破裝修師傅同埋戶主之間對立嘅假像，創造更多共同得益嘅價值，去達至雙贏局面！
最後，呢排見到好多人嘅防疫意識都鬆懈咗好多！我地都想再同大家講多次，無論我地Check多幾多喉，醫護OT多幾多，如果大家唔自律嘅話，都好難有效控制到疫情。希望大家每人行多步，齊心去對抗疫症！
青衣長康邨康美樓 在 青衣長康邨康美樓 - Facebook 的推薦與評價
青衣長康邨康美樓 by 富林專業家居設計 公屋裝修傢俬設計新穎，手工精緻，價錢優惠. 1 Like. 富林專業家居設計 likes this. Loading... Try Again. Cancel. Loading. ... <看更多>