#無聊分享
#一時激死你一時冧死你
最近雷小囡好似反叛期咁，乜都say no 專作對！ 激到媽媽嘔晒血咁...
抗疫屈左成2年，冇學返日對夜對，長期作戰..
到沉日，小囡不合作程度提升到100！
媽媽爆炸了🌋 煮左半餐「飯」停左去「教」女！ 最終得蒸水蛋、豬扒，加埋三色椒雞柳...
冇煮到菜同飯！到爸爸返到嚟見情況不妙，幫手煮個麵，再幫雷小囡沖埋涼，咁就一餐九唔搭八嘅蒸水蛋配公仔麵🍜🤧 想點？
好彩最終雷小囡都俾我（暫時）收伏左，今日總算無驚無險，乖乖地咁啦！
仲乖到嚇死你！
今晚爹地返嚟時，我沖緊涼。到沖完出嚟。
爹地話： 我已經幫你影好碟餸喇！
雷小囡話：媽咪，我都有幫手，我幫手坐低。影埋我tim呀！ 可以食飯喇！
媽媽我真係唔知好嬲定好笑，其實，碟餸唔洗影㗎，冇特別，食啦😂😂
不過見你地咁乖，又咁識欣賞我碟餸，我又點可以唔post 出嚟呢？
🎉請熱烈嘅掌聲👏🏻俾突然幫手影相嘅雷囡爸爸👨🏻
（如果拎開少少枝筆會更完美🤣🤣）
諗深一層，其實呢個誤會、係咪想表達我平時煮得太hea, 有少少伴碟就以為係要出post ?
😂😂
👉🏻👈🏻其實我都好想煮得好啲，但未正式復課，一打二唔係講玩，有得食已經好好，仲邊有時間伴碟呢？🤣🤣
多謝同學媽媽送嘅橙橙，啱啱好用嚟煮 #香橙燴鴨胸 ， 香橙🍊甜甜地，配上咸香嘅煙鴨胸，又真係令人心情愉快嘅😂😂
#雷囡媽媽 #雷囡媽媽hea煮系列
停課停到我就嚟唔識煮飯喇🤣🤣
#hea煮系列 #雷囡媽媽簡單煮
#香橙燴鴨胸 #香橙鴨胸
