上集剛講完支持奧、羅的比例為分佈之後，
今天又有一則新聞可以做多一次的應用，
對於新的電視牌照發牌與否，
中大與港大皆做了民調，
結果分別為 74.5% 與 85% 的支持度，
為何不同？哪一間大學做錯？
兩間都無錯，因為大家都只係嚮香港700萬市民當中，
選出部分作為調查的樣本 (sample)
而大家都明白，sample愈大，所涉及成本就愈高，
所以相信兩間大學的 sample 都可能千計左右，
有偏差是正常的。
明白調查結果有偏差，即係結果唔係十足可信，
這個缺陷反而變成香港市場調查公司的生存空間，
何解？
舉個例，我本來的市場佔有率只係4成，
但我想於廣告上話自己已經佔市場 50% 以上，
我可以點做？亂吹當然係一個做法，
自己嚮廣告度自吹自擂，
話自己係最多人選報，
這個做法係最低級的做法，
因為 IQ 稍為高於 80 都知道，你只會知自己有幾多學生，
無可能知埋人地有幾多學生，呢個所謂的結論只係老作出黎，
所以高明少少的做法係找好幾間 市場調查公司，
幫自己做市場調查，正如之前所講，sample得出黎的結果係會有偏差，所以結有時會大於4成，有時會少於4成，
找一個對自己最有利的報告公佈出黎，
那麼市場一哥的地位就可以誔生，
仲有無更狗的做法？
當然有，叫市場調查公司找一個不公平的民調方法，
例如︰等我屯門最多人果班放學的時間，嚮屯門市廣場做民調，
屆時行人多數為我的學生，你問佢地數學補邊個，
咁就梗係 herman yeung，
到時唔單止係一哥，仲會係壟斷之勢，
到時廣告就可以話，
根據 XXX調查公司 發現 Herman Yeung 果然係最堅最強。
這就是市場推廣
大學時間，我係讀會計，好多人都問我點解唔做會計或者從事商界工作，
從前我的答法係因為911襲擊，當時商界發展空間細所以轉行，
慢慢做左教育界愈耐，我先慢慢了解自己，
當天經濟不景只係一個藉口俾我自己放棄一個讀左三年的學科，
而內心真正的理由係我唔太認同好多好多商界所謂約定俗成的做法，
可能我太了解商界的陰暗面.....
各位同學，無奸不商呢句雖然有點兒武斷，
但你如果內心像我一樣接受唔到 爾愚我詐 的工作環境，
還是選另一科去做你 jupas 的 first choice 會令你日後開心一點。
http://hk.apple.nextmedia.com/news/art/20121120/18073447
香港市場調查 在 香港市場調查網Panel.hk 的推薦與評價
香港市場調查 網Panel.hk. 104 likes. Company. ... <看更多>