【你要有一格車 (請讀”居”)】
去到歐洲大家都應該會知道其中一樣消費最貴既就係車費，短距離動輒都要兩歐(心諗香港有時都差唔多，噓～)。所以好似我呢種貧苦學生最應該要識既技能就係踩單車！好彩，細細個老爸老媽從來唔驚我跌倒流血，跌下撞下咁就學識左！
係比利時都唔會例外，如果你唔係富家子弟有格車(真係四個輪個隻)，大部份都係租單車踩返學校。無錯，呢度既學校唔會太近市區，行路都要至少半個鐘。而好就好在，大學都會以按金形式租單車俾學生，當你還車時就俾返錢你。
而重點係，愈近市區既學生宿舍係愈貴租，結果又係大部份學生都會租相對郊區既地方，問題又黎啦，出市區又係需要一格車，兩個輪個隻，咁樣又邊可以唔學識踩單車呢。而又好彩小妹平時都有做開運動，所以踩下單車行下路既體力活動都唔成問題～
雖然「移居」左只係短短幾日，唔可以好肯定咁同你講到底我習唔習慣到六點後就無商鋪會開門、去邊都踩單車、所有字都唔係中文唔係英文而係Flemish、一開窗左近農場既烏蠅就飛曬入黎．．．等等既新「事物」，不過我相信所謂既習慣都係隨年月慢慢適應返黎。
值得一提既係，姐我非常享受宿舍附近既環境，人唔多，多既係馬呀羊呀牛呀，行行下就會出現你面前啃緊草，空氣同香港無得比，噪音就係所謂鳥兒飛過同唱歌既聲。呼，係香港呢個吵鬧繁囂既都市生活左廿幾年，突然走進一個如此寧靜既地方居住，會瞬間愛上。閒時打打文，看看書，沉思一下，再出外跑跑步(暫時，因為仲未開學LOL)，生活啊～簡單不過如此～
人嘛，我明白有時就是身不由己，可以的話誰不想遠離繁囂，簡單過活，去細味一下人生？但無奈總是跟著你走，可我們真的要跟著無奈走嗎？當真要活在「沒法子」底下麼。
我答不上，畢竟每個人都境況都不同。至少我肯定不會容忍自己這樣活著。
Facebook專頁：https://www.facebook.com/backpackersopoor
