🌠穿梭時空品嘗創新意•韓菜🍴
*
仲帶緊另一半去啲木系，純白小清新，水泥風 依啲咁大眾化嘅cafe/餐廳？係時候搞下新意思！依間係深水埗新開嘅依間餐廳有別於其他店行嘅路線。店內以銀灰係主調，配以會變幻嘅藍色燈光 以及 藍色與橙色擺設嘅配搭，時尚而且充滿未來感🟠🔵 無論店內外都有唔同打卡位，啱哂行型格風嘅朋友仔！菜式由曾任於米芝蓮餐廳副主廚設計，混合意大利及韓國元素，味道創新有睇頭，絕對可以為追求新鮮感嘅你帶來驚喜✨
*
Yukhoe Toast 肉膾牛肉他他 （$158）係比較fusion嘅味道，似係外國嘅牛肉他他x韓式拌生牛肉嘅混合版🐂 除左原先韓式會有嘅雪梨，芝麻油，芝麻等，仲加入左烏魚子，英國辣根，青瓜等配料，入口新鮮帶微辣，感覺加埋生蛋黃整個牛肉質感會更軟滑～
*
Beef Cheek Sourdough 和牛面酸種麵包（$98）平時係cafe就等食得多，就大部分一係牛油果，一係就無花果😂 而依間就添加左韓式元素，仲超足料放大大舊煮得軟淋入味嘅牛面肉配上大大塊酸辣泡菜！兩者味道出乎意料地夾♥️ 係個酸種麵包口感弱左啲。
*
K.F.C 韓式炸雞 （$118/6件）有得選擇原味/辣味醬油/半半口味。外皮炸得金黃脆口，唔會過厚。推介辣味醬油，酸酸甜甜帶微辣，非常過癮🥰
*
KIMCHI JEON 泡菜煎餅 ($58) 兩邊煎得香脆，咬落仲會有啲泡菜粒，酸酸辣辣咁，送酒真心一流！
*
gimbap 紫菜飯卷 ($78) 用雞蛋絲代替壽司飯，對討厭食飯嘅🍔而言真係拍手叫好👏🏽 口感上更輕盈帶層次感，食哂都唔會太大飽腹感
*
Samsaek Perdu 三色西多（$58）雖然賣相唔係話非常突出，但食落就有驚喜喎🍞 首先麵包先泡過牛奶，再兩面沾上砂糖，煎得金黃焦脆，帶焦糖香。食嘅時候再點上一旁嘅幼滑嘅白朱古力香檸醬，非常滿足！麵包質感似鬆餅/蛋糕，幾特別。
*
Baesuk Cocktail 梨熟梳打($88) & Insam Tonic 人參湯力 ($50)
由於餐廳暫時未能提供酒類飲品，只好依段時間用mocktails代替先~兩款都係帶有韓國色彩嘅飲品， 梨熟梳打加入左青檸汁，肉桂等調味，係小清新嘅選擇🌿 之後加入酒精絕對能昇華不少🍸
*
Ppalli Ppalli (深水埗)
深水埗大南街230號地下
麻油醬油蛋 在 麻油香，蛋軟嫩，天冷了，加個薑片煸一下 - YouTube 的推薦與評價
麻油 煎荷包蛋#FriedEggsWithSesameOil# 麻油 薑蛋# 麻油 料理#lodge鑄鐵鍋煎蛋#鑄鐵鍋煎蛋不沾黏#熱鍋熱油加爆薑#立冬#冬令進補#煮婦想想#煮婦上菜. ... <看更多>