【出書了!作者是林小?】
#我的第一本版畫書 #8頁圖書
天氣咁好,梗係出去走走!是日就帶林小小參加 #屯門閱讀節 2020至2021「喜.閲」巡迴故事分享 暨 社區閱讀推廣日,因為我知道今日活動除咗共讀外,仲有版畫工作坊 ♡ 大人做版畫就要雕刻,小朋友無理由用刀咖,究竟點做?
活動由共讀開始,先由老師講故事,老師就揀咗好多同形狀有關嘅繪本一齊睇,原來想小朋友先了解形狀嘅概念♡ 陣間就運用形狀黎製作版畫! 講完故事,我學就開始製作我地嘅版畫故事書!原來小朋友版畫可以用彩麗皮剪成不同形狀,再好似七巧板咁砌成唔同動物或形象,唔似傳統版畫咁,要慢慢雕刻,呢個方法,連小朋友都可以自己做到!
第一次做版畫嘅林小,全程堅持「媽媽唔好攪」,然後一手一腳完成咗自己第一本版畫書♥️
雖然你剪到一忽忽,
雖然你印到調轉哂,
雖然你碌到變啡色,
但媽媽好喜歡你做嘅呢本小圖書。
下星期屯門閱讀節仲有一日活動咖,到時見啦!
🗓 日期:1月23日 (星期六)
⏱ 時間:上午11:00-12:30
🏡 地址:屯門藍地大街129號百好繪本士多「綠腳丫」
#屯門閱讀節 #喜閱 #共建關愛社區
救世軍屯門青少年綜合服務
#mrs1amology #一點小哲學 #ftbbu
#happyhappy💛💟 #全職bb聯盟
FOLLOW US AT.....
●mewe:
https://mewe.com/p/mrs1am-ology一點小哲學
●FB Page : https://www.facebook.com/mrs1amology
●INSTAGRAM:https://www.instagram.com/mrs1am_ology/
●YOUTUBE: Mrs1am-ology
https://www.youtube.com/channel/UCTqwvn3mkC5ip71LY0sZgSA
同時也有1部Youtube影片,追蹤數超過3,370的網紅網頁設計x廣告行銷,也在其Youtube影片中提到,新頁圖書股份有限公司...
8頁圖書 在 Mrs1am-ology : 一點小哲學 Facebook 的精選貼文
【730日全職媽媽有感】
#千字長文 #慎入 #歡迎留言齊放負
2年前嘅呢一刻,我開始咗全職媽媽之路!兩年時間不多不少,因為我冇陪月、冇工人、冇長老、冇鐘點幫手,爸爸又早出晚歸,放假時間少之又少,仲要林小姐係個 #高需求bb,日訓不夠8小時,呢730日我哋如影隨形,有我就會有佢,有佢就會有我。。。 曾經我會怨嘆因為佢,我冇哂自由,願望卑微到只係想自己一個人靜靜地去洗手間,原來都好難實現。。。 曾經一萬次好想放低佢,重回職場抖抖氣!(全職媽你懂的。。) 然後我慢慢學會用負能量打低負能量,每次覺得自己撐唔住嘅時候, 提醒自己勿忘初衷,要記得自己點解選擇做全職媽媽呢條路!
🌱全職媽媽常提醒自己的十誡🌱
💐1.接納自己有情緒。
當一年365日24小時無限重複做, 每一樣嘢都分秒必爭,不容有失,簡單嚟講可以稱得上係一種慢性精神折磨, 記得頭一年情緒負荷太重, 好小事就會觸發神經,然後發神經, 回想起嗰段日子都覺得好黑暗,但我想同自己講,接納自己情緒, 容許自己唔開心,同自己嘅情緒共存!
💐2.勿偷雞,但找時間偷懶。
當所有事情要一腳踢,BB嘅要求簡直係日新月異, 有時就好似警察的抉擇咁,9樣野同時發生你應該處理邊樣先?尤其面對唔訓覺嘅林小姐,可以偷嘅時間就更少!日子有功我學識咗偷時間,努力multi-task 同偷懶,就可以一日完成更多任務。
☕最快係用電蒸架蒸餸、一個爐頭做炆煮,加一個電飯煲,就可以唔使點睇火,就可以做到2餸一湯白飯任裝了。
☕偷最多時間係因為女女行blw,開始食得比較好又坐得定,我就會放high chair響浴室出面,媽媽就可以一邊望住佢,一邊沖個涼!
💐3.當全職媽不是為了做家務。
彷佛全世界都覺得所有家務事都應該由全職媽媽去掌管, 因為大家覺得你最得閒, 事實上忙到連坐低飲啖水嘅機會都冇。。。 曾經我都好希望可以保持家居整潔, 但一個人一對手做唔到幾多, 我就會提醒自己我唔係為咗做家務而做全職媽媽,多啲時間陪伴小朋友先至係我嘅目的, 所以我每日都堅持同小朋友去一個地方玩,家務就返黎先做啦!
🍵試過因為爸爸出trip必須偷懶唔洗碗,用咗一星期紙碗。。。但去左2次迪士尼。
🍵試過因為唔想再抹檯,煮好BB果餐就入食物盒落街食,順便去公園玩!
🍵試過因為冇時間抹地,用左一排地拖拖鞋!
💐4.別要求豬隊友變神隊友。
作為主要照顧者, 其實bb一舉手一投足,睇睇眉頭眼額都大概知道佢係做乜,湊小朋友係全職媽媽嘅專業,( 雖然有邊個唔係由零學起。。) 但我相信花時間比較少野豬隊友, 係唔會有一日變神隊友, 只有冇希望就沒有失望, 冇要求可能會有驚喜呢!
💐5.專心和寶寶玩,別想太多。
全職媽媽嘅通病,就係唔能夠專心同bb玩, 砌2塊積木又諗起要晾衫,睇2頁圖書又突然醒起要煮飯。。 最常同bb講嘅嘢係”你等等先。。然後我學會安排「專心玩」時間,哪怕只有10分鐘,好好享受親子樂!
💐6.相信自己做得好。
因為係全職媽媽, 所以小朋友所有風吹草動,負責人都係媽媽。 面對批評、質疑、唔理解,曾經努力嘗試去解釋但覺得徒然, 我會提醒自己有啲人只係會喺你身邊短暫出現, 佢哋嘅諗法其實本來就不疼不癢?陪伴兒女長大嘅係媽媽,所以要相信自己先係最了解BB果一個,更要相信自己做得好!
💐7.學習欣賞自己的崗位。
做全職媽媽, 冇工返冇收入,成日畀人覺得不事生產,咪又係師奶一個,每日煮飯洗衫之嘛!雖然表面上的確係咁,但其實媽媽嘅「倍伴」對於成長尤其重要,呢個崗位冇人可以取代,學習欣賞自己啦!
💐8. 容許自己犯錯,包容其他人嘅錯。
每個媽媽都係新手媽媽,每個爸爸都係新手爸爸, 我哋總會響一啲細微事情做得唔夠好。。。之前每樣野我都會好緊張,後來發現放鬆心情,包容自己包容別人會好過一點!
💐9. 重新定義自由
無自由係全職媽嘅寫照,全天候被痴實都唔緊要,最辛苦係無論去邊都要先考慮BB需要,冇育嬰室?唔去。冇BB櫈?唔去。冇𨋢搭?考慮下先!甚至,轉2程小巴先到?唔去了。唔可以帶BB?sorry,去唔到了!有咗小朋友先發現,原來香港忽然變得好大好遠!因為湊住小朋友,媽媽已經2年無去過剪頭髮,2年冇做過facial。。。好難以致信?但又的確如是。。。 不過如果識得重新定義自由,相信心情會好好多!比如,原來無人迫我定時開會、無人規劃我每日行程。。。然後我發現迪士尼其實好好玩,一切都係樂趣!
💐10.為母則強!
不斷鼓勵自己做得到! 因為有咩事發生,最能夠保護到BB嗰個係媽媽,又或者話媽媽唔保護BB,又有邊個可以保護佢?有咩事頂硬上啦,因為我係超人媽媽啊!唔知點解,當你無機會話唔得,又會多返正能量!
♥️愛的後記♥️能夠不停為自己回氣加油,其實「媽媽谷」力量真不少!因為只有媽媽最明白媽媽,亦因為只有一眾媽媽長期無覺訓,任何時候打開手機搵人放負,都總有回音,不只是愛,是同命人啊!
#特別鳴謝 #全職bb聯盟 #226可愛麻甩組 #高需求寶寶傾訴群組 #係愛啊 #謝謝一直陪伴