呢幾日天氣好濕，除咗煲祛濕湯、祛濕茶之外，蘇家還有一個 #祛濕粥 的食譜！每逢呢啲天氣，蘇生就會叫我煲一個 #蘇媽祛濕粥！
今日打電話比奶奶，祛濕粥點煲呢？佢話去藥材舖執一包祛濕的湯包，入面就有齊赤小豆、白扁豆、生熟薏米、木棉花、蓮蓬、燈芯花等材料，然後買塊冬瓜加杯米一齊煲；煲好之後就夾返走木棉花、蓮蓬、燈芯花等材料（奶奶話因為唔好睇😂）
我跟足做法，不過落咗一杯半米，可能個煲太細，唔係好夠水，最後再加了些少熱水，前後大約煲了個半鐘左右。
蘇生話食嘅時候再加糖，同蘇媽煲嘅一樣味！
大家都可以試吓！😂
#難極有個譜系列 #ECNotApprove #EC問我點解唔煲湯要煲粥 #我都唔知要問返奶奶喎 😂
