尋日咁好嘅天氣，我梗係出街玩啦，不過出街玩其實主要係為搵食。我就揀咗好耐好耐好耐冇去嘅沙田茵餐廳 Shatin Inn。
係呀冬天去太凍，夏天去太熱之外又有蚊，只有呢個天氣去最啱。去到得兩枱人，點知坐低冇耐，就有成七八架車到，都好熱鬧。呢個地方如果唔揸車，都真係幾難到。
沙嗲係呢度最出名嘅，但係佢地已經冇用炭爐好耐啦，另外叫咗炒麵同埋炒菜，價錢貴咗好多啊，不過依家乜嘢都貴，佢亦都相對算合理。
嚟得沙田茵，就一定係要飲忌廉溝鮮奶啦！可惜啊，原來佢哋已經冇賣鮮奶好耐喇，明嘅，而家已經冇咁多人嚟呢度啦，同以前比真係冇得比，鮮奶又容易壞！不過我問咗佢啦，佢話可以自己帶鮮奶，唯有下次自己帶盒鮮奶去，再喺嗰度叫枝忌廉慢慢溝，至可以尋回美好回憶呀！
#何嘉麗callmegaga #何嘉麗 #為食路上 #沙田茵餐廳 #ShatinInn #七咪半呢個地址堅係型
