以前做HR嘅時候，有間公司上嚟sell一套聲稱係「人工智能」嘅系統，話可以自動篩選求職者，自動配對適合嘅人。
我心諗：「你sell我，我sell畀老細，咁即係推我去失業啫！」
後來我發覺自己嘅擔心係多餘，嗰個智能系統會隔走send多過一次CV嚟嘅candidate，當佢哋係spam，強調明明唔適合仲不斷send嚟係騷擾，等我哋唔使煩又唔使塞爆個email，但我嘅經驗係一個candidate今次apply冇被取錄，唔等於半年後再apply依然唔適合，我請過啲人直情係幾個月前in過，幾個月後重新apply再in，最後都加入咗我哋公司。
另外，由於佢個系統係set晒keyword，而有啲工作嘅keyword唔係睇字面咁簡單，例如好多做Marketing或者做Sales嘅朋友，Title會係Account Executive或者Account Manager，因為”Account”呢個字可以解客戶，點知個系統自動歸納佢為「會計」，sort出嚟嘅時候就亂晒籠。
以為AI會令人失業，點知搞AI嗰個率先失業，嗰套軟件可以試用三個月，未夠期已經退貨嘅時候，佢哋個sales因為兩個月開唔到單所以冇做喇。
唔係話AI唔好，事實上呢種科技亦慢慢取替緊某啲行業嘅人，不過唔係全部，坊間依然有好多用嚟招聘嘅系統，但HR始終不可或缺，因為喺死板嘅框架以外，仲有好多臨場感覺同反應，呢啲叫做人性化。正如對於識得揸車同埋鍾意揸車嘅朋友嚟講，無人駕駛科技根本唔吸引，自動泊車更加會唔開心，乜都AI食殘廢餐係享受唔到駕駛嘅樂趣，完全唔夠人性化。
每個行業嘅人都有佢專業判斷性同埋人性化處理方式，呢個係人類不被淘汰同埋值錢嘅地方，如果一個12歲嘅細路女跑過，莫講話手無寸鐵，佢身上連一個背囊同一個袋都冇，你都判斷唔到呢個小朋友係因為驚慌同埋覺得唔安全先急步跑開，仲話猛力撞低佢，再加幾個人粗暴撳落地係覺得形跡可疑，咁你份工之前嘅經驗累積同埋training係有咩用？你份糧值錢嘅地方又喺邊？係咪應該要被取代？
我忘記咗，成篇嘢講緊專業同人性化，有啲職業係連呢兩個keywords都冇。
account manager人工 在 account manager人工2023-在Facebook/IG/Youtube上的焦點 ... 的推薦與評價
account manager人工 2023-在Facebook/IG/Youtube上的焦點新聞和熱門話題資訊，找account management工作內容,account management中文,account manager做什麼在2022年該 ... ... <看更多>