【龔成問答信箱】(Q22281-22300)
Q22281:
龔成老師你好,我現有[email protected]大概佔我45%既股票
呢排再跌因為其下衞星場鑽石娛樂場停運
長遠黎講係咪都唔需要太擔心?
而家再跌,應唔應該再吸納呢?
先多謝你既意見!
龔成老師:
對佢會有中短期不利,但長遠,仍是有質素的。澳博控股(0880)有質素的,雖然中短期有點弱,但長遠無問題,仍是一間不差的企業。不過,你單一股佔佔45%,是高風險!
你要在反彈時減持,去翻佔股票組合比例15%以下較穩健。
------------------------------------------------
Q22282:
老師,請問建設銀行仲值唔值得長揸?
我6.07買入,萬咗2萬股,打算收息,但佢最近不斷跌,,目前應該係繼續持有定止蝕? 應唔應該趁依家低位再吸納?謝謝
龔成老師:
建行(0939)本身質素不差,有一定的規模,在全球都有網絡,本身不會無質素的。
不過,這股增長力不算強,只是一隻收息股,現價投資可以,因為在合理價,但唔好對股價有太大期望。
前景不過不失,中短期會因中國經濟有影響,銀行業的賺錢能力不及從前,加上壞賬因素,都會令佢中短期弱。不過,初步已好轉,但不是高增長型。
而長遠,會慢慢穩定的,不過,增長力不強。
你有貨可持有,如果目標是收息,可持有。但如果你想增長,就未必適合。至於是否加注,要睇這股佔你組合比例多唔多,以及你的投資目標。
------------------------------------------------
Q22283:
請問522同6869, 285 那一隻值博率高的,6869已經就快52週低位,請問此刻價位是便宜區嗎?
請問2158醫渡科技幾錢可入,現價都是略貴嗎,幾錢為合理區,因上年都要3x ,現在已接近
請問1833同2158比較,邊隻優質的呢
龔成老師︰
唔好用"52週低位"這種短炒分析,去決定一隻股票平貴。我地應從佢質素、行業發展、財務狀況等,去做估值。
因為過去股價,未必有效反映今天狀,特別係企業本質已經有改變,或者行業已有一定變動。你用過去股價作評估,好易出問題。
現價值博率計,現時長飛光纖光纜(6869)會較高,算係合理區。但佢質素有少少質轉弱的情況,唔建議大注。
而質素上,比亞迪電子(0285)會較好,但現價偏貴,回到$40以下,才好考慮。
醫渡科技(2158)有潛力的。可長線。
提供基於大數據和人工智能(AI)技術的醫療解決方案。集團主要向醫療行業的主要參與者(如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者)提供服務和合作。
根據大行報告,於2019年,集團收入在中國所有醫療大數據解決方案提供商中排名第一,在中國醫療大數據解決方案市場中的市場份額為5.0%。
睇翻大行對佢2020-23年預測,收入和毛利增長分別為73%和83%,增長力唔錯。
佢平台有一定擴張性,長遠受惠更多醫療保健客戶使用平台。不過公司客戶過度集中,以及依賴公共部門。
但佢依然係在燒銀紙狀態,係一個扣分架地方。整體算係有質素,但要注意風險,投資時唔建議大注。
之前貴,現價算是略貴,最好回翻多D先考慮。
至於質素上,平安好醫生(1833)會好少少。現價算合理區頂位,最多只宜小注,或可以用月供去儲貨。
------------------------------------------------
Q22284:
老師,如果買樓,以下地區應該選那一區,我打算自住:
1. 荃灣區
2. 元朗YOHO series
3. 屯門瓏門
4. 將軍澳中心
5. 康城
6. 深水埗四小龍
Burget大约700-800萬, 想買較新樓齡, 地鐵上蓋/交通方便, 未來1-2年要BB, 所以希望有400-500呎, 以上選擇那區較好? 或另有建議嗎?
如考慮借按揭, 借幾多成會較好? 你建議男友將所有積蓄放晒落首期, 之後月供較輕鬆(但就冇$再做其他投資), 你建議借幾多成?
龔成老師︰
地區上,其實現時投資價值差唔多。但將軍澳這個典型的住宅區,雖然現時缺乏就業機會,投資價值較中等。
但未來交通配套會日漸完善,如將軍澳跨海連接路日後落成後有助改善交通,利用跨海連接路及將藍隧道,10分鐘便可到九龍區,會提高了這區的價值。
一般來說,市區的長遠價值會好D,荃灣區、四小龍算是這類。
但由於係自住樓,我建議你從生活角度做主要考慮。你要睇下邊個地區和單位,較配會你餘下幾年生活需要,又有一定投資價值(至少同大市同步),就可以考慮。
現時按揭息口低,我建議盡借。用空出來資金,做投資增值,效果會較好。
------------------------------------------------
Q22285:
老師老師
7.8入1177
$28入1810
$44入左941
近日跌左我應再入D貨定唔理佢??因我聽你講睇長線的
我仲有0001都係想長線收息的,現在佢又係跌左,其實現在咁嘅時世,應該點儲錢???唔通儲金??
龔成老師︰
只要佢地長線投資價值不變,你照持有就可以。但是否加注,要睇佢平貴水平。
中生(1177)和中移動(0941)現價合理,但你已有貨,再等回多10-15%左右,才再加注會較好。
而小米(1810)現價依然略貴,回多1,2成才加注,值博率會高一點。
長和(0001)都有質素,但已經好大間,增長力唔會太高,但用來收息係無問題。現價算合理區中上部,可分注入貨。
但再提你一次,我地投資選股,會因應年紀和風險承受力去做決定。
中生(1177)和小米(1810)係潛力股,若你較年青,持有這類股票係可以。但若你較近退休,這類波動性大的股票,就不太合適。反而中移動(0941)這類收息股,會較適合。
而長和(0001)有平穏增長力,再加一定股息,基本上你是任何年紀,都可以考慮。
------------------------------------------------
Q22286:
1. 龔老師,收到你的回覆,好感動啊!我因為股市下跌好擔心提早退休的計劃受影響,心情極差。我這個人比較重感情,買香港寬頻,不買香港電訊,
是因為之前個女在那裡上班。太傻了,對嗎?現在,她剛轉工了,哈哈!
請問老師我現價應該加注嗎?我上次入了10000股。
我放工去港島可能太趕,請問上課地點會去九龍嗎?
2. 當然,退休後就不是問題。老師,我擔心的原因是公積金1半放股票,而且2成是2星期前才加碼的。其實,因為我從未投資,所以目前計劃是一半錢留俾基金經理繼續投資,
選均衡組合,其中一半全球股票,另外債卷等。一半由自己購入本港的收息股,當然分段購入,以候理想價格。
請問老師認為以上計劃可行嗎?基金經理JP Morgan, Fidelity 之類收費年息1.25%,你覺得我應該花這筆錢嗎?
靜候老師的寶貴意見。非常感謝!
龔成老師︰
1) 明白,但投資唔好太感情用事,我地真的要理性分析。可能你個女從工作角度,係一個好公司。但從投資角度,又可以能另一回事。
當然,香港寬頻(1310)投資價值都不差,你照保留用來收息,係無問題。現價合理,但若佢已佔你組合一定比重,就唔好加注住。
個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
至於上課地點,暫時都係香港島個邊,但我間中都會開星期六班的,通常一年開1、2次,星期六下午時間。
下次可能在今年年尾。你或者可以預早留位,只要whatsapp 55457212我同事,打「留位星期六班」就得。我地有具體資料就會 whatsapp。
2) 其實你已快要退休的話,所以投資都應該係相對保守。股票上,我之前提過的收息股,係適合你的選擇。
基金方面,都係一些收息型保守基金會較好。但由於基金有一定管理費,所以我比較建議係自行買收息股。
如果你唔識選擇,你可以買一籃子收息股的ETF,X恒生高股息率(3110)。它是一個投資收息股的基金,追蹤恆生高股息率指數之表現。
可以視為收息股的組合中其中一員。這基金可投資的,現價合理,可分注。佢是投資香港大型,較穩陣,派息較高的上市公司。
這是不差的收息組合。
而債券,都係可以,但必須係一些A級債券,才好考慮。
------------------------------------------------
Q22287:
呀Sir~ 我沽出了0968~我相信佢係潛力股,我本人對太陽能發電有好大興趣,但佢價位太浮動,我年紀係大,但心智未夠定,所以用呢筆小資金準備購入一手2800
好彩得你鼓勵,我身邊有好多人都覺得女性一到左32歲就年紀好大,潛移默化都令我覺得到左呢個年紀又結唔成婚,事業又無起息好失敗⋯⋯但自從過左期之後
(好多凡人都定義女性過左30就是過期,所以我初頭都咁諗,所有野都想趕在這條線完成)過左期後,好多野都看開了,其實仲有好多路可以行……天無絕人之路,
(現在首要做的就是養活好自己同我屋企人)但我相信根據你的方法⋯⋯就算係無咩天份⋯⋯都可以從衣食住行裏找到優質股,當初就是睇中中電公用股的特質,係價位74左右買了,
令我生活質素改善了。現在都堅持番工帶飯,不知不覺都帶了十年飯,就算比人笑我寒酸也不怕,都好過貼錢買難受,係咁嘅時候都仲帶到歡樂比人……哈哈
好彩我樂天,仲練到我面皮厚左。我一定要努力,就算感情上我是個失敗者(其實係我問題,男方對我都算唔差,係我當時太任性,同比左太大壓力大家
我仲衰花心,同其他男性傾計,係我唔啱)能夠找到可以相守的人很難,大家一齊加油!
Sir ~ 我成功購入一手2800! 好野
Sir 的書成功入手你本80後。
龔成老師︰
現在已經是2021年,唔好再比D固有舊思想影響。好多事情,其實唔會因為年齡,而出現限制。有時個限制唔係人地比,而係你比自己。所以,放開點,好多事件自然可以做到。
同埋,有時我地做野,係為左對自己有個交代。所以,有時唔好太介意人地點睇,因為只有你自己,才最清楚自己做緊乜。
信義光能(0968)係有質素,但佢波動性係較大。若你風險承受力較弱,換成盈富(2800)都係可以。
就算再優質企業(包括2800),中短期股價都會有機會波動。原因不一定是本質出問題,可以係一些與其本質無關的因素。只要長線質素無變,中短期波動我地唔需要理會,長線持有就可以。
至於感情,是一個需要終生學習的課題。過去的就過它過去,吸引經驗,保持正面,自然就會有好事來。
還有,多謝你支持我本書。睇完之後,你可以先睇埋《財務自由行》和《股票勝經》。因為這3本,會係較適合初學者。加油!
------------------------------------------------
Q22288:
我係澳門既粉絲呀!對你既課好感興趣,唔知你會唔會考慮開網課呢?
我都想問下老師呀,因為我係有私人因素一定要賣左依家既自住樓,咁我賣左之後假設我會拎100萬去投資,咁剩低既錢我係咪可以買番間細樓做自住樓呀?
但會唔會供唔到呀?因為我人工唔高,還是租住屋先?謝謝老師喔~
龔成老師︰
網上課程,我暫時唔會考慮。因為只前都試過有人盜錄,比較麻煩,所以暫時只會開辦實體課程。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
每個都有自主需要,由於你終極目標的物業(900萬),相較你現沽出物業(480萬)係有一段隔離。你可以先買入較細物業自住,另一邊用優質股增值,再去細屋換大屋。
至於會不供唔起,你要睇翻你個新物業價錢。你比較年輕,人工未算好多。可能你要預留較多資金,去比首期。
當然,另一個方法就係先租屋,再用套現物業的資金,去投資優質股增值。但這個方法,會令你財富組合,偏重晒係股市,風險會略高。
我會較建議用細屋+優質股的增值,因為這個方法會較平衡。
但緊記,這個細屋係用來將來換大屋,所以必需有投資價值,最少要做到跟大市同步。而且個呎寸唔好太細,少於300呎的單位,最好不要考慮。
------------------------------------------------
Q22289:
老師想請教你,如果我層樓7年前以$340萬買近屯市附近約460呎單位,依家升值$580萬,呢層樓近兩年放租每月收租$11500
我最近諗過因為層樓舊了27年樓齡,想賣咗出去攞d錢換另一層一手樓,資產增值潛力會否高d?定係一賣一買所花嘅費用更唔化算?
計唔計意比些意見我作參考
龔成老師︰
27年樓唔算話十分舊,但主要擔心會係到30年,會出現需要樓宇大維修時,這個成本上的風險。
係香港做物業買賣,成本絕對唔細。除非你現有物業,真係好有問題,否則你應維持現狀,保持以租養樓會較好。
另外,我一直都唔係太建議讀者去買一手樓。因為好多時都有溢價。變相令你買貴左,影響長線回報。
------------------------------------------------
Q22290:
龔sir你好,我26歲的,岩岩上星期7月5才開始真正開戶投資,係一個新手,之前有供一份儲蓄保險(供5年,岩岩今年1月供完,大約30幾萬),
大約一個月一萬三 人工左右,現在開了一個富途牛牛(入左18500)玩港股,sofi(入左25000)玩美股
以下是我持有既股
富途牛牛(18500本)
00451 2000股 0.355入
01725 200股 41.0入
01771 2000股 3.45入
Io. 美金25股 1.83入
sofi(25000本)
voo 美金5股 400.78入
apple. 美金3股 142.81入
dis. 美金2股。173.66入
因為之前唔識,左買右買已經蝕咗3000左右,想問我現持有股的因有d都虧損緊,我需要止損沽空,重新制定方向嗎?
還是應該再等這些股升?因現在比較迷惘是否需要將全部股賣走,重新制定下才再買?感謝
龔成老師︰
我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
協鑫新能源(0451)、恒達科技控股(1725)、新豐泰集團(1771)唔係全無投資價值,但質素只算一般,而且風險會略高,長線不宜持有太多。
Ion Geophysical Corp (IO)為技術中心的公司,其業務主要為全球石油與天然氣行業,提供地球物理技術、服務和解決方案。
本身規模唔算大,而且過往股價都好波動。佢這去數年,一直處於未有盈利狀態,加上近年營業額持續倒退。
可能佢面臨一些不利情況,佢唔係完全無投資價值。但不確定性好大,投資時最多只可以少少注。
其餘股票,都係有筆素,你照持有就可以。
其實你除左選股上經驗不足,令到買入一些較弱的股票外。我見你買入價都好多時係偏貴,這反映你定平貴能力,都係有所不足。
因此,我建議你未來時間,先利用月供模式,去建立一個股票組合,以減低買貴貨風險。
你26歲,應以增值為主,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
月供方面,你可以選擇投資在平穏增長股︰VOO、盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰QQQ、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學(2382)、阿里(9988)、騰訊(0700)、GX中國電車基金(2845)、三星FANG ETF(2814)。
如果你對這些股票,未太了解。我建議你先供一些指定市場的ETF,美股可選VOO和QQQ(後者風險較高),港股可用盈富(2800)。到你有一定經驗,才買入其他股票。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
另外,"保險"只係理財中防守部份,買足夠保障就可以,增值可以留比優質資產(如優質股、物業等)去做。現有儲蓄保可持有,但唔建議再增加這方面的開支了。
------------------------------------------------
Q22291:
你好,龔sir:本人今年35歲,之前都只是持有現金,關注你的F&B和買了你二本書,今年才初次投資股票。
現金:2百萬
儲蓄保險:20年期已供11年,一次領取可領40萬
一層樓:月供8千,貸款剩約1百萬
每月收入:8萬,二夫妻二個小孩。公司退休金:累積左50萬。每月需供養双方父母,所以能存3萬左右
持有股票26萬:
27 @61.6 *1000
1177 @7.38*4000
[email protected]*1000
[email protected]*1000
[email protected]*1000
[email protected]*67 月供2千
[email protected]*1000
[email protected]*2000
[email protected]*300
目標,50歲財務自由。 打算再投資20萬股票,應該如何配置,感謝關注。
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
現時你已經有物業類資產,現有資金,可以較集中在優質股,去做財富增值。
你35歲,應以增值為主,建議你用「平穏增長股」 + 「潛力股」作組合,去創造一個增值平台。2者比例,大約各一半。若你投資經驗較淺,潛力股佔比要下調至2-3成。
你現時持有的股票,都係有質素,你照持有就可以。但當中融創中國(1918)業務不差,有規模、品牌、銷售網絡,但同時有一定風險。
首先,中國樓市如果逆轉會有很大打擊,另外,這股的負債超高,無事就無事,有事大件事。
因此,投資這股不是不可,因為不是完全無質素,但要明白背後的風險,同時明白這一定會令股價較波動,自己最好控制注碼。
現在你每月可儲$30000,但只月供$80000,有點少。我建議先用5成儲蓄做月供(即$15000),其餘先儲起,用一邊月供一邊儲蓄的策略。
現時大市只是合理區,你現有200萬資金,如果無特別用途,我建議用來投資增值。
你可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
至於"保險",其實主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
------------------------------------------------
Q22292:
老師你好,我今年35 ,有17200 股滙豐係手,帳面都蝕緊40 萬,最近考慮緊要唔要放左一半或全部,等跌市再入其他做長線投資,如買其他想問有咩建議,謝謝,不勝感激。
龔成老師︰
你現時狀況,存在2個較核心問題。
首先,匯控(0005)都算係有質素,但佢只係收息股,增長力唔會明顯。
而當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你35歲年紀,應該先做好增值,而唔係儲收息股。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
因此,從資產配置角度,你係需要沽出部份匯控(0005),將佢地換至其他增長股上。唔係佢質素有問題,而係佢唔適合你,同時佢佔你組合比例過重,而造成了不必要的風險。
以下是一些適合你的增長股,你可以沽出部份匯控(0005),轉至這些股票身上。
平穏增長股︰金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、粵海(0270)
潛力股︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。
平穏增長股,現處於合理水平,可分注入市。現潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22293:
成哥你好,非常讚你的資產配置網上課程。學到很多,特別是買樓置業個chapter.想請教一吓操作。
現時我自己的生意前舖後居,所以住方面的租金己包括在租舖的租金內。打算5,6 年後再買一層自住物業。
非常深刻你講過用資產追資產,所以我最近買了一個出租物業325萬,做了7 成按揭。首期90萬左右,租金回報每月1萬2千。
利息方面可以只供息不供本。年利率1.95% ,定息2 年,之後視乎市場息率而定。打算前三個月交給經紀管理,當交學費學做業主。之後自己管理。
這收入要交税20%,末計每年維修之類雜費。請問這個操作時可行嗎?
風險上,我明白如果無人租和利率上升的話,可以會由 "資產", 變成 "負債"。
買原因是同區差不多的單位要差不多350萬。這區租盤比較短缺所以放租能力尚算高。
想請問成哥有其他風險或地方要注意嗎?這供息不供本可行嗎?
謝謝!
龔成老師︰
其實物業只要有質素,都是資產。就算因為加息,或者無人租,令到你短期負現金流。但只要佢長線有升值能力,我地都會視之為資產類。
現時計,租金回報率算可以。但你要留意2個問題,首先你個按揭只係頭2年定息,之後個息口跟市場。但所謂跟市場,到底會係幾多? 會唔會令你月供大增,造成財務壓力。
到時如果大增,你要轉按,會唔會有大問題? 你要計清楚。
第二,你現睇翻個單位,呎寸會唔會太細。一般我建議投資物業,只好有300呎以上,即一個家庭的最低要求,咁個投資價值會較好。
------------------------------------------------
Q22294:
老師你好. 這幾年一直有關注你, 叫做小有所得. 亦很感謝你於2年前的回答
大學畢業快2年, 目前有26萬存款, 5000股 1177, 1600股 3067, 月入17k. 預計10月後月入23k
1. 本身計劃約2年半~5年後結婚, 現在白表單人身份抽中居屋. 由於基本肯定只會有粉嶺皇后山的300呎以下單位, 老師覺得應否袋住先?
a) 想買的理由是樓價近年升幅太誇張, 300萬的樓用了5年時間就變成近600萬... 如果私人市場繼續用此幅度上升. 再過3年說不定就完全負擔不到了
b) 不買的理由是皇后山居屋並不算太優質 (雖然相比之下真的便宜) 目前一刻並沒迫切需要, 如果樓價升幅不算誇張, 將來完全有能力用購買地點和大小較為理想的物業
c) 個人想法是現在先購入, 將來有需要時一定有地方住. 而有能力的時候可考慮換樓, 雖然失去短時間內買入更佳物業的機會, 但似乎較為保險
2. 想知道老師對2182天長集團有何看法? 上市後很快就能派息. GP較高, 現金一直維持高水平, 口罩業務得到政策支持. 但同時擔心
a) 為買新廠房而作出的借款會拖累公司發展,
b) 太依賴單一顧客,
c) 市場流通小, 股權有點集中.
謝謝老師的意見!
龔成老師︰
1) 香港長線樓市,我預都係會保持上升。你可以先買入此物業,用以資產追資產,去保持增值。
我地買居屋,都有一個好處,就係可以比市價較平的價錢,買入單位。從而空出較多資金,作投資增值。
但你要明白,這居屋單位,位置唔算吸引,投資價值一般。加上你將來轉手,你係要補回地價(除非賣翻比綠表或白居2)。而且,都有一定買賣成本。
到底係先購入居屋,定先用優質股增值,等遲些買較理想單位,其實無一個必然答案。
但現時從投資角度,股市會比樓市較有值博率。你可以從投資角度、未來收入估算、長線生活所需去作考量,估算出一個較適合自己的決定。
2) 天長集團(2182)我未仔細研究這間企業,有派息表面上係利好,但實際上,都要睇佢派息原因和長線政策。
此股派息因素,對我地判估佢投資價值,影響唔大。此企業規模細,盈利和股價都幾波動。
投資價值係有,但唔算十分高,而且都有一定風險。若你投資係可以,但不宜大注。
a) 用供貸買入廠房,唔一定壞事,只要佢產出價值較高,咁就可以。
b) 佢5大客戶佔收入近9成,主要客戶近6成,的確係有過度集中性風險。
c) 都算可以,未到話十分集中。如果你想知邊D企業有這問題,可以上證監會個"股權高度集中公布"網頁,裡面有列出相關企業。
------------------------------------------------
Q22295:
感謝你的回覆,我女友其實仲有一堆銀行股,不過他最近看了你的股票勝經,已知不能在銀行及科網再加碼,她現在每月月供5000,慢慢平衡返個組合。
不過我也留意到公平值變動,其實我不太明。(如進階班有講到我到時再學習)
另外,我真的覺得你太好,明明沒收我們咨詢費,但每次回應的質素很高,內容十分詳盡。
我希望你打造的品牌越來越有認受性。
龔成老師︰
多謝你支持,我希望可以透過這裡交流,去分享一些正確的投資觀念和知識。從以令一般散戶或者新投資者,可以有個更明確的方向。
其實公平值,我係初階都有講。主要係一些會計上數字(非真正現金收入),好似物業類股票,你會最常見到。
每年當物業升/減值時,都會反映在公平值上,而這部份會計入盈利當中,令我們估值時出現偏差。
因此,我地去做估值時,要先排除這些數字,才可以得出一個貼近實況的結果。
------------------------------------------------
Q22296:
龔成老師,港交所新CEO攪重組,對港交所有咩影響?
你好龔成老師,請問晶片股中哪一隻相對穩陣小小值博較高?
早晨龔成老師,中國平安$73買,有冇買貴左?
龔成老師︰
港交所(0388)新政策,暫時唔見佢對集團優勢,造成重大改變,依然係一間好優質的企業。
如果晶片股,其實我較建議台積電(TSM),佢係一間有質素架企業,在全球半導體業界有領先地位。
集團專注生產由客戶所設計的晶片,現時已經是全世界最大的專業積體電路製造服務公司。
如果你睇好半導體發展,可以月供,並長線持有。
中國平安(2318)有質素的,佢有規模,有品牌,近年的發展都不差,不過,股價有時會有少少波動,這主要受投資市場表現影響。
這股有長線投資價值,是平穩增長型。現價算係合理區中下間位置,分注投資就可以。
------------------------------------------------
Q22297:
老師你好,最近見中慨股因為反壟斷法都紛紛回調
As at而家︰
阿里: $196.5
騰訊: $527.3
美團: $285
小米:$26.35
老師覺得可以點部署?而家價位合理值得入嗎?
另外,啲內銀股都除哂淨,呢排睇緊建行同工行,現價分別係$5.57同$4.48,老師又覺得現價入手長揸好嗎?
唔該哂老師
龔成老師︰
中央近期推出不少政策,一眾大型企業股價,都因此而受壓。但我地分析時,重點都係會睇翻企業長線質素。
暫時未見,這些股票的長線盈利能力,有明顯變差,你有貨可照持有。除了小米(1810)要回多1,2成才算合理外,其他已在合理區較上部,若無貨,已可入小注。
建行(0939)和工行(1398)都在合理區,可以分注。但你年紀較年輕,這2隻都係收息,增長力麻麻,唔係太適合你。
------------------------------------------------
Q22298:
成哥有d人話錢小就唔好分散咁多投資,唔係就賺好小,咁長期唔賣,回報率一樣多,仲要冇咁集中風險,咁講岩唔岩。
如果我月供︰
1000巴巴
500小米
500中國平安
1000眾安
500金沙
500新鴻基
500中生製藥
會唔會太散?但我中意呢d組合。
同埋諗深一層,唔知仲投資舊經濟股有咩用,雖然仲有質素,用黎平衡組合,但我小錢直接全部潛力增長股咪仲好?
龔成老師︰
唔係因為資金少,就唔應該分散投資。只係資金少,會較難去做分散投資。任何情況,其實我地都要盡力做一個平衡的組合。
任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
你現時月供組合中,股票都有質素。但眾安(6060)不確定性較高,我不太建議用來月供。
建議你將佢換成指數基金,去提升你組合的平衡性。
至於舊經濟股,雖然佢地增長潛力不及潛力股。但佢地勝在穏定性較高,唔似潛力股咁高風險。
你要明白風險高,不等於回報一定高,這是一個錯誤想法。如果成功,回報當然可觀。但由於佢波動性大,失敗時,損失也會較慘重。
所以,「潛力股」不宜持有過多,要平衡。若你係偏年青,可以佔5成。但若你較年長或投資經驗較少,要下調少少至3成左右。
------------------------------------------------
Q22299:
龔sir, 我有以下股票,我現在43歲,想問我的組合會否太多潛力股?我想增持平穩增長股,你有什麼建議?或者對我組合有何意見?
0823 領展 $60.58 有3手
1038 長建 $41.65 有1手
1177 中國生物製藥 $8.0 有I手
1810 小米 $25.7 有1手
1830 完美醫療$4.8 有8000股
6823 香港電訊$10.54 有1手
謝謝
龔成老師︰
以你43歲計,潛力股大約可以佔你組合3-4成,若你投資經驗較淺,只宜佔1-2成。
你現時潛力股比重,的確係有點高,但主要係完美醫療(1830)近年大升所致。你現時持股,不變都係可以。
但未來資金,要優先投入平穏增長股,去令組合平衡翻。
------------------------------------------------
Q22300:
你好龔成老師, 我32歲, 儲蓄有50萬 (其中有30萬剛剛做完一年定期), 月薪3萬5, 每個月用1萬2做月供股票, 儲1萬3,
有朋友提議我把剛完定期的30萬全部買中銀(2388)收息, 請問你覺得這樣可以嗎? 或者有沒有更好建議? 謝謝!
以下是我持有的月供股:
00823 (188股) @$75.6
00066 (306股) @$44.7
02800 (471股) @$28.52
00700 (7股) @$556.5
09988 (25股) @$205.0
01177 (847股) @$7.06
01928 (393股) @$31.35
02382 (33股) @$222.4
龔成老師︰
你現時月供組合,係可以。
但正如我之前所講,我地投資除了選股要有質素外,你都要留意組合平衡性。
個別行業唔好佔組合3成以上(我見你地產類問題,已經修正好),但個股都不可以佔高於組合15%,否則都會出現過度集中性風險。
中銀香港(2388)係適合你,但不要30萬全數買佢,你要平衡分配在不同行業優質股上。
大市現處於合理水平,那50萬資金,你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有4部Youtube影片,追蹤數超過75萬的網紅志祺七七 X 圖文不符,也在其Youtube影片中提到,✔︎ 成為七七會員(幫助我們繼續日更,並享有會員專屬福利):http://bit.ly/shasha77_member ✔︎ 體驗志祺七七文章版:https://blog.simpleinfo.cc/shasha77 ✔︎ 購買黃臭泥周邊商品: https://reurl.cc/Ezkbma 💛 ✔...
as集團品牌 在 Facebook 的最佳解答
哈佛知識分享:《做生意的三個 S》 - 七集介紹、第一及第二集。
做生意有三個 S: Survive (生存), Sustain (持續), and Succeed (成功).
全文內容:
https://docs.google.com/document/d/1grPxQjlN7OUFarSI3KYLgbQL1-7Bw3-X3uPTqV9_mZA/edit?usp=drivesdk
。。。。。。。
My hobby 《星期六早餐會》!
七/八/九月份早餐會 Topic: Applying "Michael Porter" to your business: How to compete and win!
哈佛分享: 如何應用「米高波特」於你盤生意? 點競爭? 點贏?
講起哈佛策略教授, 無人出名過 Michael Porter. 有幸我2017年在哈佛親身上過他教的課程, 今次早餐會同你分享,希望對你做生意亦有所啟發。
有興趣參加啦 😃 每次限四位 (包括我)。 人多傾唔到計。
7月/8/9月份,逢星期六早上9時開始,約三小時半。地點中環。
對象: 中小企老闆/創業者/公司管理層,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
我唔係靠呢行搵食,免費,我請食早餐 😉 Be friends ..... 有機會到時見你。李根興 Edwin
www.edwinlee.com.hk
www.bwfund.com
聯絡李根興 whatsapp (+852) 90361143
。。。。。。。
1. 先講生存 survive - 即係收入多過支出。連錢都賺唔到,日日蝕做乞衣,唔好講嘢。 絕大部分生意,五年內都係生存唔到!
2. 再講持續性 sustain - 持續地賺到錢,持續地收入多過支出,Sustaining 養活咗99%中小企, 但佢哋永遠都係中小企 ,因為可能幾十年業績都浮浮沉沉!
3. 要成功就講 Succeed, I mean become really really Super Successful - How to win? 就要講策略 Strategy.
Do you have a strategy? 你做生意有無策略?
根據哈佛最出名嘅策略教授 Michael Porter "The first test of a strategy is whether your value proposition is different from your rivals. If you are trying to serve the same customers and meet the same needs and sell at the same relative price, then you don't have a strategy. "
如果你嘅價值主張係同你嘅競爭對手一樣, 即係話你服務緊同一班客, 解決緊同一問題, 收緊差唔多價錢的話, 哈佛教授米高波特就講你係「人做你做」,你「無策略」 。 長遠,你唔會賺大錢! You can only sustain, but cannot be super successful! 咁應該點?
Understanding Michael Porter! 何謂競爭? 何謂策略? 如何勝出? What is competition? What is strategy? How to win?
Michael Porter 相信係仲在生最出名嘅大學策略教授, 佢1979年首次提出嘅 Porter's Five Competitive Forces (行業競爭五大動力), 1980提出嘅 Four Generic Strategies (四個一般策略), 1985年再提出嘅 Value-Chain Analysis (價值鏈分析), 讀過任何 business school 嘅同學都應該學過。 佢今年已經七十四歲, 唔知仲可以教多幾耐書,有幸我2017年去哈佛大學親身上過佢課程,畢生受用。
今次我就一連七集,同你分享呢本書 Understnding Michael Porter。
(1) Competition, what's the right mindset? 你應該點諗「競爭」?
(2) What are the Industry Competitive 5 Forces? 什麼是行業的五大動力? 對你利潤有什麼影響?
(3) Competitive advantage through your value chain 你的企業價值鏈如何令你有競爭優勢?
(4) What is strategy? How do you create value? 什麼是策略 ? 你如何創造價值?
(5) The trade-offs. 要「取」得更多,就要「捨」得更多。 做生意如何「取捨」?
(6) Fit. 成間公司要言行一致! 全部力要向同一個方向走。
(7) Continuity. 持續性,無得急! 路遙知馬力!
有興趣聽多啲,就來我七/八月份星期六嘅早餐會啦! 下一集同你先講 (1) What is competition? what's the right mindset? 乜嘢係「競爭」? 你應該點諗「競爭」?
第一集:
哈佛知識分享:《何謂競爭? 你應點諗競爭?》What is competition? What's the right mindset?
一連七集: 今集同你先講《何謂競爭? 你應點諗競爭?》What is competition? What's the right mindset?
做生意你可以 Me Too, Me Better 或者 .... Me What? 乜嘢? 等陣再講。
Me too, 就係「人做你做」, 你要贏,只能夠鬥平! 同一碟乾炒牛河, 如果一樣味道,你就係要賣平啲,人哋先幫襯你。
Me better,就係你做得叻啲,你做得好啲、快啲、靚啲、新啲, 咁你就可以收貴啲! 你碟乾炒牛河,真材實料的,好味啲,就可以賣貴啲。
可惜前兩者,都係一個零和遊戲。 你贏,就人哋輸。 人哋贏,就你輸。個餅係得咁大,你日日講 market share (市場佔有率),但無新行業價值製造過, 個餅冇大到。
根據哈佛策略教授 Michael Porter, 做生意除咗 Me Too, Me Better, 你要盡量做到 NOT Me Best ... but ME ONLY. Be unique! 你做生意必需具獨特性。
佢話做生意 there is simply NO BEST! 冇話「最好」,因為唔同人客有唔同需要,你嘅產品啱,他們自然有需求。你要「創造需要」!
包括我在內, 之前香港都無「商舖基金」,買賣舖只有鬥平鬥靚。 但如果間鋪又要靚,又賣得平,硬係無錢賺。唯有靠大市升。但萬一唔升? 一個社運/肺炎,馬上個個炒家/投資者停晒。 依家個市好啲, 馬上「短炒」出返曬嚟。 但我覺得做生意係唔可以靠個市升去賺錢。 要個市跌,甚至乎大跌,都搵到食,咁先至係一盤生意。 容許我好自豪地講,社運/肺炎後,我哋買入咗31間香港街舖,沽出咗11間,合共約港幣7.9億嘅街舖,沽得嘅,間間賺錢,論宗數及論回報,都係同期全港 by far,I mean really really by far 最多! 我哋點做? 就係因為我哋行咗 Michael Porter 所講嘅,Be Unique ... be ME ONLY.
根據呢本書,Understanding Michael Porter, 佢講 what's the right mind-set for competition? 你應該點諗競爭?
盡量得,你應該諗 Not be the the best, but be unique。 唔係要做到最好,而係做到最獨特。
Not be number 1, but earn higher returns. 唔係要做到第一,而係要多啲回報,賺多啲錢!
Not focus on market share, but focus on profits. 唔係要市佔率,係要利潤。
Not serve the "best" customer with "best" product, but meet the diverse needs of target customers. 唔係要「最好」嘅產品,畀「最好」嘅客。而係 用唔同嘅產品,滿足唔同顧客嘅需求。
Not compete by imitation, but compete by innovation. 唔係人做你做,而係要創新!
Not ZERO SUM game, but POSITIVE SUM. 唔係「零和遊戲」、互相廝殺, 而係大家從不同層面創造價值, 可以有好多個贏家。
記住競爭,唔代表你一定要贏人。 打到兩敗俱傷,又有乜意思呢? 如果即使你打唔打低人,自己能夠賺多啲錢,咁又 why not? 點解要去打低人呢?
"Strategy explains how an organization, faced with competition, will achieve superior performance. The definition is deceptively simple." by Michael Porter.
好的策略,就係能夠解釋到點解有競爭對手環境下,你公司依然能夠達致較高回報。
Operation effectiveness is different from having a good strategy. 有高嘅營運效率,唔代表有好嘅策略。
Michael Porter 話 Operation effectivness 就好似隻老鼠喺個圈入面係咁跑咁, 無論你點跑得快,你都只係繼續喺個圈入面。 你可以勤力啲、做得快啲、做得好啲,但始終你繼續都係喺個圈入面。
但有好嘅策略,a good strategy , 就能幫你跳出呢個圈,帶去你想去嘅地方。
"If rivals all pursue the "one best way" to compete, they will find themselves on collision course." by Michael Porter
「如果所有競爭對手,都朝著一個「做到最好」的方向競爭, 大家只會撞到頭破血流。」
"Strategic competition means choosing a path different from that of others." by Michael Porter
「策略性競爭是指揀一條同競爭對手唔同的路。」
好似間茶餐廳咁, 你可以炒餸快啲,上菜快啲,服務好啲,埋單走多兩轉, 但係始終都係一間茶餐廳,只係做緊 Me Too 或者 Me Better. 人哋唔去你嗰間,就去另一間,係一個「零和遊戲」。 無論你點做得快啲、好啲,競爭對手一樣都會嘗試追上。 無策略,你會跑得好辛苦。 喺個圈入面繼續跑來跑去。
另一種諗法,或者你可以把間茶餐廳, 變成專做外賣, 加埋其他餐廳上你平台, 加下加下,變下變下,變成間 Deliveroo。同前者一樣,大家都係做食,但你專做外賣,咁你會唔會係 more unique? 更獨特! Earn higher returns, compete by innovation AND 做大啲個餅 positive sum game 呢? 會唔會有原本唔想食茶餐廳嘅人,都叫咗外賣返屋企食呢? Deliveroo 依家倫敦上市嘅市值係超過500億港幣, 試問有幾多間茶餐廳或飲食集團能做到呢?
唔想咁大改變? 試想想賣漢堡包。 麥當勞係全球最大快餐店,唔駛講。 佢嘅漢堡包係賣得最快,最多! 但你識唔識呢個女人? Lynsi Snyder. In-N-Out Burger 第三代接班人。
Michael Porter 話相比起麥當勞,佢唔係要最快最大最多,In-N-Out Burger 係要最新鮮嘅食材,never frozen, never microwaved,最有傳統風味,最具 family tradition 家族色彩, 餐牌/秘方基本上70年都不變過。McDonald / Burger King 餐牌有超過80樣嘢揀,佢只得少過15。
佢要嘅係家庭傳統 family tradition! 佢係要做少啲,做好啲,每人分多啲。雖然每間分店都賺到錢, 以舖比舖,平均每間In-N-Out Burger 舖嘅營業額係每年450萬美金,高過麥當勞的舖平均每年260萬美金,高出七成。每間 In-N-Out 舖嘅 Profit margin 估計高達20%,比同行競爭對手亦高出一倍, 佢就係要特登開少啲,開慢啲。用咗70年時間, 只係開咗三百幾間,全部自己直接經營兼自置物業, 為咗容易管理,絕大部分分店都係喺美國西岸。 佢每開一間分店往往啲人都要大排長龍, 有人揸幾個鐘頭車,甚至乎搭飛機/酒店過夜專登去食。
......
因為每間舖賺到錢,個個員工人工都特別高。例如,根據網上薪酬統計網站 Glassdoor.com,In-N-Out Burger 嘅 Store Manager 店長平均人工加花紅,係年薪美金16萬3千元。 麥當勞? 係美國只係4萬4千美金。In-N-Out Burger 高出近3倍。 最基層員工,人工都比市場高出5成。人工高,自然員工做耐啲,平均Store Manager 店長都做17年,員工上下一家人感覺強啲,對人客笑容自然多啲,服務好啲。
比起麥當勞,佢哋唔係鬥快鬥多。In-N-Out Burger 每個客往往都要等成起碼十分鐘先有漢堡包食。提起 Mobile ordering 手機落單, 咁啲人客唔使等咁耐? 聽下佢 CEO Lynsi Snyder 點講?
......
Be definition of Michael Porter, In-N-Out Burger is pursuing a different path from that of others. 行緊條自己嘅路。Be unique! Not to be number 1, but to earn higher returns. Not to focus on market share, but on profit. 唔同嘅客有唔同需求,既然自己回報可以高啲,點解需要打低競爭對手呢? Positive Sum Game, 個餅係做大咗! 雖然佢聲稱永遠都唔搞 franchise,永遠唔搞上市,全部自己親自經營,根據2021年福布斯富豪榜,In-N-Out 第三代老闆 Lynsi Snyder 身家現有36億美金,係榜內最年輕女士。 麥當勞嘅創辦人呢? 都唔知去咗邊度!
你呢? 你又打算點樣同人競爭? 記住,Michael Porter 話:
"In the vast majority of businesses, there is simply no such thing as "the best.""
絕大部分嘅生意, 冇嘢叫做絕對嘅「最好」!
BE UNIQUE. 做到 ME ONLY!
"Winning without beating others!" 「唔使打低競爭對手都勝出!」咁先至係「贏」嘅最高境界。
有興趣聽多啲 Michael Porter,就來我七/八月份星期六嘅早餐會啦! 下集我再同你講 (2) What are the Industry Competitive 5 Forces? 什麼是行業的五大動力? 對你利潤有什麼影響?
有時間就睇埋幾年前 CBS 對In-N-Out Burger 嘅報導,家族經歷過幾次嘅悲劇,依家留到第三代,佢哋嘅堅持可能亦對你做生意有所啟發。
第二集:
哈佛知識分享: What are the Industry Competitive 5 Forces? 什麼是行業的五大動力? 對你利潤有什麼影響?
The real point of competition is not to beat rivals. It's to earn profits.
競爭,最重要唔係要打低競爭 對手,而係要賺錢! - My favorite quote from Michael Porter.
今次一連七集同你講 Michael Porter. 上集同你講咗《何謂競爭? 你應點諗競爭?》What is competition? What's the right mindset? 今集同你講 (2) What are the Industry Competitive 5 Forces? 什麼是行業的五大動力? 對你利潤有什麼影響?
巴菲特 Warren Buffett 曾經講過: “When a management with a reputation for brilliance tackles a business with a reputation for poor fundamental economics, it is the reputation of the business that remains intact.”
當好聲譽嘅經理, 遇上差回報聲譽嘅行業,通常係行業嘅聲譽會繼續留低。
因此我經常話「先揀行業,後諗點做!」 做生意就好似賽馬比賽咁,要勝出,行業就係隻馬,老闆就係個騎師。 隻馬識飛嘅,騎師煲兩口煙都能勝出, 如果佢再加把勁, 鞭多兩下,咁就不得了, 可能賺到盤滿缽滿! 但如果隻馬係跛嘅,唔通騎師跑埋一份咩?! 咁就騎師唯有先要醫番好隻馬,再去比賽, 咁勝出機會率才更大。
但如何分析隻馬 (即係個行業) fit 唔 fit? 根據哈佛大學最出名嘅策略教授 Michael Porter,佢1979年首次提出嘅 Porter's Five Competitive Forces (行業競爭五大動力), 從五個層面分析個行業得唔得, 亦都係可以就住呢五個層面加強隻馬嘅競爭力。
分別係:
(1) Bargaining Power of Buyers 買家的議價能力。
(2) Bargaining Power of Suppliers 供應商的議價能力。
(3) Barriers to Entry 入行門檻。
(4) Threat of Substitutes 代替品的威脅。
(5) Internal Rivalry 內部競爭的激烈程度。
近年好多人提出,應再加多第6個:
(6) Availability of Complements 互補商品的存在。
要賺錢就係希望價錢 (Price) 高過成本 (Cost), 相差越大,你就賺錢越多。 但你要賺錢,你要知道你唔單止係同你競爭對手爭緊, 你同一時間係同緊你嘅買家、供應商、代替品、及潛在入行競爭者爭! 逐個逐個同你講,因為:
(1) 越大買家的議價能力 Bargaining Power of Buyers,就會把你價錢越撳低, 因為買家佢哋會講價,所以唔可以太依賴某個買家。
一般嚟講,如果最大嘅客戶佔你超過10%營業額,或者最大五個客戶佔你25%或以上營業額, 你就有customer concentration risk, 過份客戶集中的風險。 因為你好怕佢哋走, 佢哋議價能力就自然提升。 好多廠,某個歐美大客訂單都分分鐘佔咗超過一半生意額, 因此經常畀人牽住鼻子走,好多嘢做,但賺唔到錢。
"Powerful buyers will force prices down or demand more value in the product, thus capturing more of the value for themselves." by Michael Porter
「議價能力強嘅買家,會把價格推低或者對產品要求提升, 從而買家自己得到更大價值。」
包括我自己在內, 前排某大美資基金,管理美金資產幾百億,話同俾我幾十億同我合作投資商舖,但條件多多, 又呢樣又嗰樣 ... 唔只一間,仲有好多其他,我全部 say No。 就係因為我唔想過份依靠某大客,當我無本事。 我想細細間,慢慢增長,玩耐啲。遠遠好過霎時間爆發得太快,遲早市況一逆轉就爆鑊。
我成日話,我每季只係希望集資港幣6000萬,加我自己 top up 25%, 冇咁大個頭,唔好戴咁大頂帽 。我自己個 fund 每季集資,每年淨資產增長四五億港幣,每個月拉勻買入港幣5000萬街舖,沽2000萬,I'm happy! 買下買下,好快就買足1000間街舖。要依賴就依賴我自己,信得過多好多。
為咗增長,你又有冇過份依賴某個或幾個大客呢? 如果佢哋鏈你或者執咗,你又會點呢?
仲有, 唔單止客人大,佢哋嘅議價能力先至強。如果你嘅產品係市場係冇乜差異化, no differentiation, 人做你做, me too strategy, 個個都係度格價的話,佢哋買家議價能力都係好強。因為人哋平一蚊,佢哋就走咗,buyers are very "price sensitive", 你為咗留客,唯有減價。因此,you have to be different, 同其他競爭對手有所唔同, 咁即是你加價,買家都留低幫襯你。 但問心,你盤生意同人哋又有幾唔同呢?
(2) 越大供應商的議價能力 Bargaining Power of Suppliers,就會把你成本提升,因為供應商佢哋會加價。員工、舖嘅業主都係間茶餐廳嘅供應商。 銀行就係財務公司嘅供應商, 我最大嘅供應商就係嗰班沽舖嘅業主, 因為每個月我洗緊五千萬入貨。
"Powerful suppliers will charge higher prices or insist on more favorable terms, lowering industry profitability." by Michael Porter
「議價力強嘅供應商,會收貴啲價錢,或者要求更有利嘅條款 ,導致降低成個行業嘅利潤率。」
香港好多生意都係代理某品牌/產品或 franchise (特許經營)開始,佢哋都係供應商。但如果咁多年不斷都只係靠做代理/franchise,好就好,萬一外國某品牌易手或同第二代唔啱,咁就大鑊。
Michael Porter 話,如果 switching cost (轉換成本)係高嘅, 例如果佢哋要重新當地請人 、重新開舖、重新鋪設個網絡,供應商都可能焗住留低,佢哋嘅 bargaining power (議價能力)會下降。 但如果, 一下子終止代理或 franchise 協議,就所有嘢歸佢,咁你就大鑊! 供應商嘅議價能力極強, 就好似香港嘅7-11咁。
7-11而家在香港開到一千間分店,當中大約400間係特許經營。話就話係特許經營比創業者創業,實質上所有嘢都係歸牛奶公司 (7-11母公司), 加盟者其實只係攞住嚿錢打份工, 話走就走,人客都唔知發生乜事。 問心,你同我都唔知邊間7-11是嗰400間特許經營。咁樣供應商的議價能力 bargaining power of supplier 就極強。 因此, 我認識好多711的加盟者, 勤力守規矩一定搵到食,但發達,住山頂洋樓養番狗?! 我 so far 仲未聽過。
做生意目標,根據 Michael Porter, 就係要把你嘅供應商議價能力降低。 從多啲唔同渠道入貨,流程盡量標準化,好似大家樂/McDonald's 咁,咁對員工既依賴程度亦都會降低。 做代理嘅,就 make sure 即使唔做,啲人物、網絡係歸你。 我識好多朋友,都係一面做代理,另一邊就建立自己品牌, 打長短棍做生意。 代理係短棍(賺錢),自己品牌係長棍(投資),睇長線。
你又打算點降低你對供應商嘅依賴程度, 增強你自己嘅議價能力呢?
(3) 越低入行門檻 Barrier of Entry 就會把你價錢下降及成本提升, 因為多人入嚟爭,自然大家都減價促銷及加價搶人搶貨。
"Entry barriers protect an industry from newcomers who would add new capacity." by Michael Porter
入行門檻會減低新加入者增加產量。 產量多,自然價格下跌。 向供應放入貨都會多咗,亦都會搶高來貨價。 因此做生意嘅你,就要盡將個入行門檻提升。主要有三方法:
(1) 做到好大,有規模經濟(economies of scale), 咁你每件貨生產嘅平均成本就會下降,即是規模報酬遞增(increasing returns to scale), 咁競爭對手就好難入嚟同你爭。
(2) 做到好專, 只要你有某專業知識,人客就會好依賴獨有技能。 例如我自己唔單止淨係投資地產,我係專買街舖。 我唔單止係領展/黑石等大地產基金,大我唔夠他們大,但我係專買香港五六千萬以下街舖嘅商舖基金。 當你做得專,人客自然好難搵替代品。
(3) 當多一個人客使用,對原本個人客價值就提升,this is what we call "Network Effect" (網絡效應)。例如whatsapp/wechat/facebook/youtube,全世界只得你一個人用就冇用,越人用對你嘅價值就提升。
如果你有齊以上三樣嘢,恭喜你,新競爭對手好難入嚟同你爭! 你有排賺錢。 但如果你三樣都冇,你只係 Me too Me Better 嘅策略的話, 我估你只會繼續浮浮沉沉, survive (生存) and sustain (持續)唔難, 但好難 become super successful (好成功).
第四動力 : (4) 越大代替品的威脅 Threat of Substitites 就會把你價格下降, 因為人客可以選擇其他商品,唔駛用你。
"Substitutes - products or services that meet the same basic need as the industry's product in a different way - put a cap on industry profitability. " by Michael Porter
「產品或者服務嘅代替品, 會把整個行業嘅利潤封頂。」
例如 DVD rental 租碟, 令到好多人唔駛買碟. 有 Netflix 嘅 streaming 就唔駛再去租碟。 有高鐵就搭少啲飛機, 有whatsapp就打少啲電話, 有數碼相機就少人用菲林相機。It's all true!
因此你經常都要諗下你嘅行頭會唔會突然間有代替品 substitutes 去衝擊你成個行業。 咁你點應對呢?
包括我自己在內,有網購,就自然落少間舖買嘢。 因此長遠舖價必定受網購影響。 但我只買街舖, 香港有大約有十萬間街舖, 我只想好似7-11咁,當中揸住一千間,我係業主。即1%。 我相信網購點發達,都唔會快過你行過條街口喝入去7-11買包嘢飲。 因此我揀舖都要好小心。 我只買街埔,係因為街舖冇新供應。 網站可以有好多個,商場可以再起一千個,但街鋪無。 啟德、東涌、將軍澳、明日大嶼都好,都係無街舖賣。 物以罕為貴。而我盡量都只買可以做飲食及服務業嘅街舖, 難被網購取代。如果純粹做零售、乾貨,投資就要好小心。
你行頭嘅產品或者服務,又輕唔輕易被替代品取代呢?
最後 (5) 越大內部競爭的激烈程度 Internal Rivalry 價格就越低及成本也越高,因為大家同行都鬥平鬥靚, 可能導致割喉式競爭。
"If rivalry is intense, companies compete away the value they create, passing it on to buyers in lower prices or dissipating it in higher costs of competing." by Michael Porter
如果行頭有割喉式競爭,任何價值製造嘅利潤, 都會因為減價或者成本上升而消失。
咁你又點知道你個行頭易唔易會有割喉式競爭? 睇6樣嘢:
(1) 大家競爭對手係唔係差唔多大細,好多好散。好似街市咁,咁就好容易減價競爭。 但如突然有一兩個大嘅龍頭冒起, 好似百佳/惠康咁,反而會穩定價格。
(2) 大家賣嘅產品差唔多, 好容易格價。 例如手機品牌、電子產品。
(3) 好多人入嚟爭,唔係為錢而爭, 而係為社會貢獻或者國家任務而爭。
(4) 整體行業增長好慢, 甚至乎收縮,變成「困獸鬥」
(5) 產品係 "perishable" 即係 時間係敵人! 呢一刻唔要,之後想要返都唔得。 例如: 酒店房,今晚唔住,聽日就有其他人。 機位今日唔答,聽日就已經飛走咗。 因此今日就大家都要劈價求售。
(6) High Exit Barrier 高離開行業嘅門檻, 好多生意,唔係話走就走,好多面子面俾、好多員工要炒、好多數要找、 老豆、阿爺留落嚟, 阿孫阿仔焗住要做, 有生意但唔識變通嘅,唯有減價。
"Price competition is the most dangerous form of rivalry." by Michael Porter
價格競爭係最危險嘅競爭。
好彩我選擇買舖。因為間間街舖都唔同,有獨特,無炒家會入嚟做蝕本生意,即時今日唔減價賣,一百年後間舖都仲喺度,時間係朋友,舖價仲分分鐘升咗。
自問,平時你又有幾大劈價求售嘅壓力呢? 你點樣可以做得獨特性,唔同人哋割喉式競爭呢? 把時間變成朋友呢?
以上就係 Michael Porter 1979年首次提出嘅 Porter's Five Competitive Forces (行業競爭五大動力), 近年好多人都提倡應該有第六個。
(6) Availability of Complements 互補商品的存在 (仲於有個好嘢!) 。越多就越把價錢提升及成本下降,因為多咗馬路 (車嘅 complements) 就自然更多人想買車, 更多人想買車,就自然車價格上升,每架車生產及銷售成本也下降。
做餐廳嘅,Deliveroo 可能係 complements 互補品, 馬上送外賣成本下降。 做電動車嘅,多啲充電站就係互補品,令到多啲人買電動車。4G/5G 上網快咗,係手機遊戲嘅 completment. 唔同嘅 Apps 都係買手機嘅 completment. 越多人創業,都係我買舖嘅 complement.
Michael Porter 話做生意,就要明白以上五加一項的行業推動力,點樣影響整個行業嘅利潤。 頭五樣,is not Add-Up effect,唔係睇總和,而係只要一個差至極點, 成個行頭及你盤生意好易玩完。
例如有咗手機網上新聞之後, threat of substitute 代替品嘅威脅,舊式嘅報紙檔/雜誌社就執一間少一間。 如果你做餐廳只得一間舖,咁多年來太依賴某業主單一位置, 唔知係咪因為風水好定心頭好,萬一業主一沽舖,下手買家大幅加租,盤生意也馬上玩完。記住 Bargain power of supplier 業主就係你供應商, 如果你冇得搬,佢議價能力就好強。
因此,做生意你就係要盡量想辦法, 把握以上五加一動力,加強你自己嘅生意穩定性及賺錢能力。記住,一開場我話:
The real point of competition is not to beat rivals. It's to earn profits.
競爭,最重要唔係要贏對手,而係要賺錢! 要賺錢,長遠賺得穩定,就要好好把握頭5大動力,把他們盡量推下降,及第6動力盡量拉上升。
有興趣一齊研究下點做? 聽多啲 Michael Porter,就來我七/八月份星期六嘅早餐會啦! 下集我再同你講 (3) Competitive advantage through your value chain 你的企業價值鏈如何令你更具競爭優勢?
。。。。。
My hobby 《星期六早餐會》!
七/八/九月份早餐會 Topic: Applying "Michael Porter" to your business: How to compete and win!
哈佛分享: 如何應用「米高波特」於你盤生意? 點競爭? 點贏?
講起哈佛策略教授, 無人出名過 Michael Porter. 有幸我2017年在哈佛親身上過他教的課程, 今次早餐會同你分享,希望對你做生意亦有所啟發。
有興趣參加啦 😃 每次限四位 (包括我)。 人多傾唔到計。
7月/8月份,逢星期六早上9時開始,約三小時半。地點中環。
對象: 中小企老闆/創業者/公司管理層,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
我唔係靠呢行搵食,免費,我請食早餐 😉 Be friends ..... 有機會到時見你。李根興 Edwin
www.edwinlee.com.hk
www.bwfund.com
聯絡李根興 whatsapp (+852) 90361143
#michael_porter #競爭策略
as集團品牌 在 Facebook 的最佳解答
#葉郎每日讀報 #娛樂產業國際要聞揀1加2條
│密談合作多時的 Comcast 確定將和 ViacomCBS 聯手在歐洲市場推出新串流品牌│
• 眉來眼去一兩個月的兩個好萊塢媒體集團 NBCUniversal 的母公司 Comcast 以及 Paramount 的母公司 ViacomCBS,今天終於宣佈他們確定將合作的項目:不是先前謠傳的合併兩家公司,也不算是將各自的串流旗艦品牌 Peacock 和 Paramount+ 合併成一家,而是雙方將在歐洲市場聯手推出一個新的串流品牌,以便與目前稱霸歐洲市場的 Netflix 和 Disney+ 在同一個量級上爭霸。有趣的是這個新品牌名稱沒有 Peacock 也沒有 Paramount 這些字眼,而是選擇用 Comcast 旗下既有的歐洲衛星電視品牌 Sky 和 ViacomCBS 旗下的美國電視網 Showtime,組合成新的名稱—— SkyShowtime。
• 這樁合作密約最早爆開是大約一個月前華爾街日報獨家報導 Comcast 執行長 Brian Roberts 和 ViacomCBS 董事長 Shari Redstone 六月底在紐約的秘密約會。外界猜測兩人除了針對各自家裡的串流服務遠遠落後對手的慘狀(Peacock只有4200 萬用戶而 Paramount+只有3600萬用戶的)互相取暖之外,很可能談及了雙方在串流業務甚至整個媒體集團上的合作。
• 其實就在密會發生的差不多時間前後,華爾街日報就引用消息人士的話指出擁有 NBCUniversal 的電信業者 Comcast 有意透過併購機上盒業者 Roku 或是與競爭對手 ViacomCBS 合作甚至合併,來擴大自己在串流大戰中的量體規模。當時報導稱更早之前 Comcast 和 ViaccomCBS 曾密切就交往可能性談過一陣子,但後來 ViacomCBS 推出自家的 Paramount+ 服務之後就失聯了。
• 媒體原本猜測 Comcast 和 ViccomCBS 眼前能在串流大戰中做出的最激烈手段不外乎合併兩家的串流服務,或是像 WarnerMedia 和 Discovery 那樣索性合併兩家公司。後面這個選項鑒於今年以來美國新政府對於反壟斷政策的標準緊縮而變得不切實際。兩週前 Hollywood Reporter 則掌握到了接近局部正解的內部消息,指出 Paramount+ 將藉助 Comcast 簽下歐洲的電視服務 Sky 的幫忙開始進入歐洲市場。今天揭露的方案中的合作深度遠比兩週前的報導還要深入許多,因為最終這個新平台 SkyShowtime 上將囊括兩個集團內包含 Showtime、Nickelodeon、Paramount Pictures, Paramount+ Originals、Sky Studios、Universal Pictures 以及 Peacock 等多個內容部門的影視節目。等於是兩個集團跳過了美國市場和美國政府的監理,手牽手跑去歐洲變身成一輛巨大的串流坦克,開始砲攻歐洲市場。
• 過去的好萊塢電影藉由授權或是在地分公司發行的方式征服全球市場。但經營一個跨國界的串流服務要面對的市場和法規更加破碎,甚至還有各種外國人一時半刻難以全盤掌握的道德地雷區不停引爆爭議。比其他平台早了好幾年布局全球市場的 Netflix 因此站在一個其他競爭對手短時間內難以超越的制高點,得以在沒有競爭對手的情況下侵吞蠶食各國市場好幾年。其他好萊塢的串流服務除了 Disney+ 正在努力追趕之外,其他家都以舉步維艱的速度掙扎著前進。反應在數據上,如今 Netflix 的用戶成長力道就完全來自國際市場,也使他們將節目的製作中心迅速從美國中心化轉向各國在地製作遍地開花。在美國串流市場吃鱉的 Comcast 和 ViaomCBS 宣佈聯手經營歐洲串流 SkyShowtime,也等於抄了 Netflix 的決戰海外策略。反正國內一時半刻追不上,不如先去別的沙坑打有勝算的仗。
◇ 新聞來源:
Comcast, ViacomCBS to Launch SkyShowtime Streaming Service in Europe(https://flip.it/KxGJkD)
ViacomCBS Teams With Comcast’s Sky to Launch Paramount+ in Europe(https://flip.it/Tjv-Ex)
───────────────
其他今天也可以知道一下的事:
│迷因股民在電影院產業各種壞消息之中繼續推高 AMC 電影院的股價│
◇ 新聞來源:AMC Continues to Soar as Meme-Stock Phenomenon, Despite Bleak Future of Cinema(https://flip.it/_LCCpu)
│Spotify 透過他們併購的 podcast 製作公司 The Ringer 取得美國職業摔角 WWE 的獨家 podcast 合作協議│
◇ 新聞來源:Spotify and WWE Ink Exclusive Podcast Deal, The Ringer to Develop New Slate of Wrestling Shows(https://flip.it/RwrfO2)
as集團品牌 在 志祺七七 X 圖文不符 Youtube 的最佳解答
✔︎ 成為七七會員(幫助我們繼續日更,並享有會員專屬福利):http://bit.ly/shasha77_member
✔︎ 體驗志祺七七文章版:https://blog.simpleinfo.cc/shasha77
✔︎ 購買黃臭泥周邊商品: https://reurl.cc/Ezkbma 💛
✔︎ 訂閱志祺七七頻道: http://bit.ly/shasha77_subscribe
✔︎ 追蹤志祺IG :https://www.instagram.com/shasha77.daily
✔︎ 來看志祺七七粉專 :http://bit.ly/shasha77_fb
✔︎ 如果不便加入會員,也可從這裡贊助我們:https://bit.ly/support-shasha77
(請記得在贊助頁面留下您的email,以便我們寄送發票。若遇到金流問題,麻煩請聯繫:service@simpleinfo.cc)
✔︎ 如有業務需求,請至官網瀏覽「服務方案與說明」:https://bit.ly/2ZCQ5Jh
#勒索駭客 #勒索軟體
各節重點:
00:00 開頭
01:09【七七業配】廣告段落
01:59 REvil是什麼?
02:46 REvil 的特殊經營模式
03:55 美國總統也被駭
04:37 大企業也難逃魔爪
05:42 橫行世界的REvil
06:32 消失的REvil:樹大招風?
07:25 消失的REvil:美俄出手?
08:18 被遺忘的受害者
08:52 我們的觀點
09:37 問題
09:57 結尾
【 製作團隊 】
|企劃:品維
|腳本:品維
|編輯:宇軒、土龍
|剪輯後製:鎮宇
|剪輯助理:歆雅/珊珊
|演出:志祺
——
【 本集參考資料 】
→橫行全球後消失 駭客組織REvil去哪了?:https://bit.ly/3lfOws0
→JBS Paid $11 Million to Resolve Ransomware Attack:https://on.wsj.com/3tObt9D
→REvil攻擊17國企業 勒贖開價7000萬比特幣:https://bit.ly/3lnaCZH
→Kaseya 勒索事件再擴大!駭客獅子大開口要求 7000 萬美元:https://bit.ly/3hqIymV
→「川普性醜聞」贖金127億!暗網駭客「偷法律文件」放話:公開沒人會想選他:https://bit.ly/3C8VSnF
→病毒事件 台積電損失26億 低於預期:https://bit.ly/3hKHGKb
→宏碁驚傳遭駭!同一勒索集團也曾找上川普、Lady Gaga:https://3c.ltn.com.tw/news/43666
→連川普、蘋果都沒轍,發動全美最大供應鏈勒索的駭客組織 REvil 還有什麼秘密?:https://bit.ly/3942Bmo
→獨家/廣達遭駭1/遭REvil入侵資料庫 客戶設計圖全都露:https://bit.ly/2YFBY5l
→REvil: Ransomware gang websites disappear from internet:https://bbc.in/3tDocvn
→Biden presses Putin to act on ransomware attacks, hints at retaliation:https://reut.rs/3hu45uT
→Russia’s most aggressive ransomware group disappeared. It’s unclear who made that happen.:https://nyti.ms/2XfdDmp
→What is Ransomware as a Service? RaaS Explained:https://bit.ly/2X6Qy5b
→How REvil Ransomware Took Out Thousands of Business at Once:https://bit.ly/3nmqDBE
→When Ransomware Group REvil Vanished, Its Victims Were Stranded:https://bloom.bg/3AaXk8D"
【 延伸閱讀 】
→全球最大肉商JBS遭俄羅斯駭客攻擊,付款1100萬美元妥協,廣達也曾被該組織「三重勒索」:https://bit.ly/3C4OTw7
→Kaseya拿到REvil勒索軟體的通用解密工具了:https://bit.ly/3nnM1GF
\每週7天,每天7點,每次7分鐘,和我們一起了解更多有趣的生活議題吧!/
🥁 七七仔們如果想寄東西關懷七七團隊與志祺,傳送門如下:
106台北市大安區羅斯福路二段111號8樓
🟢 如有引用本頻道影片與相關品牌識別素材,請遵循此規範:http://bit.ly/shasha77_authorization
🟡 如有業務需求需要聯繫,請洽:hi77@simpleinfo.cc
🔴 如果影片內容有誤,歡迎來信勘誤:hey77@simpleinfo.cc
![post-title](https://i.ytimg.com/vi/HSXDGCsTu80/hqdefault.jpg)
as集團品牌 在 志祺七七 X 圖文不符 Youtube 的最佳解答
本集廣告與「臺中市政府」合作播出
臺中市第二屆青諮會委員招募❗️熱烈開跑 🏃♀️🏃
歡迎加入臺中青諮會,一起成為改變臺中的力量!
▌號召對象:15-35 歲(民國 75 年至民國 95 年出生),設籍、居住、就學或就業於臺中的青年
▌報名時間:110/6/24(四) 至 110/9/3(五) 截止
▌防疫第一!採網路線上報名方便又安全!
▌看更多招募資訊:https://contest.bhuntr.com/tw/3hc1ujwdnzuwy2ctfp/home/
#臺中青諮會
#臺中市政府青年事務諮詢委員會
本集節目內容由志祺七七頻道製作,不代表「臺中市政府」立場。
✔︎ 成為七七會員(幫助我們繼續日更,並享有會員專屬福利):http://bit.ly/shasha77_member
✔︎ 體驗志祺七七文章版:https://blog.simpleinfo.cc/shasha77
✔︎ 購買黃臭泥周邊商品: https://reurl.cc/Ezkbma 💛
✔︎ 訂閱志祺七七頻道: http://bit.ly/shasha77_subscribe
✔︎ 追蹤志祺IG :https://www.instagram.com/shasha77.daily
✔︎ 來看志祺七七粉專 :http://bit.ly/shasha77_fb
✔︎ 如果不便加入會員,也可從這裡贊助我們:https://bit.ly/support-shasha77
(請記得在贊助頁面留下您的email,以便我們寄送發票。若遇到金流問題,麻煩請聯繫:service@simpleinfo.cc)
00:00 前導
01:06「臺中青諮會委員遴選活動」廣告段落
02:07 觀察一:超市食物搶空,居家浪費也大幅減少
02:40 觀察二:雖然民眾沒浪費,但生產源頭還是浪費了
03:34 觀察三:雖然可以用外送,但餐廳未必想要這樣做
04:23 觀察四:「非典型」外送平台興起
05:15 觀察五:講求「服務」和「氛圍」的餐廳,被迫轉型
06:10 觀察六:餐飲人才流失
07:18 觀察七:吃飯也要疫苗護照了嗎?
08:21 台灣的創意變通:聯名組合
09:16 台灣的創意變通:各種形式的外送與外賣
10:25 我們的觀點
11:14 結尾
【 製作團隊 】
|客戶 / 專案經理:Pony
|企劃:Elanor
|腳本:Elanor
|編輯:土龍
|剪輯後製:Pookie
|剪輯助理:珊珊、歆雅
|演出:志祺
——
【 本集參考資料 】
→美食家的自學之路 Self-taught Gourmet :如果餐廳要做外帶外送:https://bit.ly/3A8h8tG
→高琹雯:疫情警戒延續,外帶外送是一門長期生意:https://bit.ly/3h2VVK7
→美食家的自學之路 Self-taught Gourmet:疫情下餐飲業可能的走向:https://bit.ly/2UDJ1th
→Lockdown: 'We will have to throw our beer down the drain':https://bbc.in/3dsf1Hk
→Covid-19: Pub closures 'will waste 87 million pints of beer':https://bbc.in/3w36LEl
→名廚:餐飲人的挑戰:疫情期間怎麼做生意?:https://bit.ly/3jlQN5u
→名廚:餐飲人的挑戰:疫情期間怎麼做生意 系列短文 02:https://bit.ly/3Aa9ajJ
→名廚:餐飲人的挑戰:疫情期間怎麼做生意 系列短文 03:https://bit.ly/3jkdx5U
→餐飲人的挑戰:疫情期間怎麼做生意 系列短文 04:https://bit.ly/3A98Xxh
→東京餐飲圈破產創新高,名廚是怎麼持續展店的?:https://bit.ly/3h1yaC8
→逾 300 間餐廳永久歇業的紐約,台灣團隊卻異軍突起:https://bit.ly/3A7l6Tj
→後疫情時代,麵包店不賣麵包要賣什麼?:https://bit.ly/3Abj8kL
→數度封城的倫敦街頭空蕩蕩,台灣飲食潮牌 BAO 卻將迎來第六家分店!:https://bit.ly/2SxfCQQ
→法國政府超強紓困方案,仍有三分之二餐飲旅館業者再也無法重啟生意:https://bit.ly/2Tk0lmX
→台菜餐廳募款送餐挺醫護 一個月捐出近9千個便當:https://bit.ly/3jwIN1o
→I spent 30,000 euros on food for the restaurant and now I have to throw it away? :https://bit.ly/3Aa9r6f
→「高雄好家載」計程車外送服務上線 「LINE熱點」點餐付款一鍵搞定:https://bit.ly/3gZcczL
→Food waste: Amount thrown away totals 900 million tonnes:https://bbc.in/3xYn9aq
→EXPLAINED: The rules in Germany on outdoor dining as bars and restaurants reopen:https://bit.ly/3qwvPm5
→抑制疫情 德政府將提供民眾免費快篩:https://bit.ly/3x5XsVw
→疫情沒人來!北市43年「菊元日本料理」宣布熄燈 餐具設備也要賣:https://bit.ly/2UbgKdi
→「疫起應援」萬華青年護家鄉 咖啡小店串連自救:https://bit.ly/2UFCuyg
→原文網址: 疫情沒人來!北市43年「菊元日本料理」宣布熄燈 餐具設備也要賣 | ETtoday旅遊雲 | ETtoday新聞雲:https://bit.ly/3hg06RQ
→防疫在家也能吃好料!台南「5家人氣美食」集合大禮包:糯夫米糕、蜷尾家冰淇淋,免排隊直接宅配到你家!:https://bit.ly/3y5DI4s
→餐飲抗疫應對祕辛公開!豊賀大酒家、週末炸雞俱樂部五大品牌聯手推「臺菜便當外送」,讓餐廳體驗走進居家:https://bit.ly/3jlRj3q
→外送平台比一比》熊貓、Uber Eats、Lalamove、Cutaway,誰對餐飲店家最友善?:https://bit.ly/2UQMbKr
→乾杯集團雲端燒肉「宅家乾杯」上線:https://bit.ly/3A9MC2M
→乾杯不打價格戰,推月付3600元和牛訂閱制!「雲端燒肉」有哪些新鮮體驗?:https://bit.ly/3xZhYHa
→未央咖啡店防疫咖啡車:https://bit.ly/2UeVljK
→疫情當前,Fine Dining餐廳的求生術:https://bit.ly/3y5vKZa
→2021當疫情襲擊,身為餐飲人的你可以怎麼做?Foodie Amber抗疫5大提案!:https://bit.ly/3w6fpSt
→Covid-19: Pub closures 'will waste 87 million pints of beer':https://bbc.in/3vYqQvq
→The New Eleven Madison Park Food Truck Will Deliver 2,000 Free Meals a Week to New Yorkers in Need:https://bit.ly/3h2ZuA3
→Solo Pasta:https://bit.ly/3AbMSOw
【 延伸閱讀 】
→Podcasts 美食關鍵詞:https://apple.co/3w12Pnr
\每週7天,每天7點,每次7分鐘,和我們一起了解更多有趣的生活議題吧!/
🥁七七仔們如果想寄東西關懷七七團隊與志祺,傳送門如下:
106台北市大安區羅斯福路二段111號8樓
🟢如有引用本頻道影片與相關品牌識別素材,請遵循此規範:http://bit.ly/shasha77_authorization
🟡如有業務需求,請洽:hi77@simpleinfo.cc
🔴如果影片內容有誤,歡迎來信勘誤:hey77@simpleinfo.cc
![post-title](https://i.ytimg.com/vi/G4A1Li_F6KA/hqdefault.jpg)
as集團品牌 在 SkyWude的翻譯天空 Youtube 的最佳解答
► Original URL:https://www.youtube.com/watch?v=t_KdbASIkB8
► Original channel:https://www.youtube.com/channel/UCVjlpEjEY9GpksqbEesJnNA
▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂
SkyWude的粉絲專頁 ➜
https://www.facebook.com/SkyWude
▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂
⚠ 每部翻譯影片僅是提供給更多網友欣賞及分享
⚠ 若有任何侵權疑慮需要將影片撤下還煩請告知,非常感謝!
▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂
This video is a translate practice for share, no intention to infninge the copyright.
It will be removed if requested by contacting SkyWude as soon as possible.
▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂ ▂
註1.sriracha"是拉差香甜辣椒醬",是拉差香甜辣椒醬是一種在美國加州生產的辣椒醬。
註2.Capri Sun,Capri Sun是德國Capri Sun集團控股公司在瑞士擁有的濃縮果汁飲料品牌
註3.直接上新聞連結比較快 https://www.bbc.com/news/newsbeat-45246009
#羅傑叔叔 #蛋炒飯 #味精
![post-title](https://i.ytimg.com/vi/C4bQiUDAp7g/hqdefault.jpg)