【賽後有感】
首先感謝和團之友讓一位超過兩年冇踢過正式比賽打一個咁重要嘅位置。因為版主至少六七年冇踢過石地嘅比賽，而且自斷手指後加上工作甚少踢比賽。就算連玩波都好少。
當初話要踢呢對石地界咁有名氣嘅球隊絕對係受竉若驚，不竟太耐冇練習同比賽，對自己嘅能力係絕對有懷疑。要搵都搵個後生仔，加上覺得自己冇咁嘅能力。結果將一個本住收山嘅球員帶番去當初學踢波嘅起點 - 石地場。
自知能力有限，希望唔好累人地輸波已經足夠。結果喺連踢兩場都冇失禮。唔敢講踢得好，仲有好多地方需要學習同改良。同時感謝球隊上下對呢位回歸石地場嘅「老將」多番包裝。
而呢兩場波，正正喚起版主當初踢波嘅初心。因為呢幾年版主對踢波嘅熱情係冷卻左。特別斷手指及就覺得自己踢唔到。出去踢波係唔上心，唔上力。欠缺左一份爭勝嘅心態。欠缺左對踢波或比賽嘅熱情。而呢兩場波，就正正搵番當年做仔嘅心態。
至於咁耐冇比賽，仲要踢石地。今晚嘅表現對得住自己同隊友。不過自問仲有可以改善同進步嘅空間。希望喺餘下嘅比賽盡力爭取好成績🙏🏻
身邊有朋友或者學生可能因為工作及家庭等因素淡卻左對足球嘅熱情，慢慢離開左曾經令你好開心好自豪嘅地方。當喺而家嘅環境，每一日都遇到咁多困難。只要你仲鐘意踢波，都多啲出黎踢下波，做下運動。那怕用一個買煙嘅藉口都偷偷地落去球場踢幾腳，即使平日嘅生活再枯燥，再鬱結。只要做你鐘意做嘅事會令你得到快樂。喺足球場上將所有煩惱喺短短嘅90分鐘踢走晒。
唔好再搵藉口啦，趁自己行得走得。就唔好再比自己後悔。
加油呀各位💪🏻💪🏻我地一齊努力🙌🏻
#和團之友 #足球令人快樂 #版主回歸 #尋找你踢波嘅初心 #H3Sporthk #Goalkeepers #守門員 #好好享受 #一齊努力 #感謝
goalkeepers 在 Goalkeepers Forum - Facebook 的推薦與評價
Open to all goalkeepers around the world.... A forum meant for goalkeepers, let's come around, talk, gist, react and share ideas.... We are the only... ... <看更多>