Search
💛【正宗牛肉麵/滷肉飯/鹽酥雞/蛋餅！】一間要encore嘅台式小店！】
-
只要嚟到旺角，一想食台灣錯就會諗起佢地！一街之隔就有兩間分店，因為佢地嘅台式料理食物大大份，價錢親民又好味，屬旺角高性價比嘅食店！充滿正宗台灣味道，呢度每張枱上都放咗佢地自家製嘅台式麻辣醬，最緊要係用嚟點咩食都好夾。
-
大份嘅《芝士肉鬆蛋餅 $42》上枱要趁熱食，煎香又煙韌嘅蛋餅入而夾咗大量滿滿嘅肉鬆，蛋餅皮薄得嚟又有蛋香味，加上芝士、粟米、醬汁，甜甜咸咸好有台灣味！ 《台式炸大腸 $39 》超香脆！處理得乾淨又炸得夠乾身，肉質煙煙靭靭好惹味！
-
跟餐有3個小菜嘅《炸排骨便當 $56》有碗大肉肉燥/滷肉飯（自選），鹽酥雞外面好脆雞肉夠嫩滑，拌飯食夠哂份量～滷肉飯單點$35，所以叫便當仲抵食，滷肉係半肥瘦，呢個滷肉飯相對抵食，又足料，呢間小店可以長期懲罰！
-
阿木台灣麵
地址 : 旺角豉油街60-102號鴻都大廈地下3-4號舖 / 旺角廣華街8號地舖
星期一至日：11:30-22:00
#PND旺角 PND台式 #PND小食 #PND黃幫襯
💛【限定全店$58！牛肉壽喜燒 / 吉列牛扒 / 天婦羅丼 定食！】Food court高質日本丼飯！
-
呢間小店俾大家嚟到MOKO Food Court多個選擇～呢間丼飯專門店主打高質美國特級/美國極黑牛肉丼飯、天婦羅丼、吉列美國牛肉丼、美國特級牛肉壽喜燒定食等等，呢期全部丼飯、定食全部係劃一$58，定食仲會包埋前菜、湯、日本米飯等等，都幾高性價比！
-
主打《吉列美國安格斯牛肉定食$58》夠哂抵食！肉味濃厚嘅安格斯牛肉蘸上吉列粉漿後炸到金黃香脆，吉列牛肉切開勁juicy，配埋少少鹹多多脆嘅炸漿，撈埋熱辣辣丼飯食，值得一試！
-
都想食美國牛但係想冇咁熱氣？可以叫《美國特級牛肉壽喜燒定食》/ 《美國安格斯牛扒定食》！除咗牛丼，仲有各式天丼，好似即叫即炸嘅《野菜炸蝦天婦羅丼($58)》就食到大大隻炸天婦羅蝦！絕對係糧尾恩物！
-
極の丼戶
地址：旺角MOKO L3層食代館13號舖
星期一至日：09:00-21:00
#PND旺角 #PND日本菜 #PND黃幫襯
💛【炭燒熟成雞肉串燒超香口！】雞雞雞全部都係雞！
-
呢間新開嘅日式料理裝修型格時尚，最啱同朋友慶祝、飲吓酒嘆吓串燒～佢地主打炭火烤雞（YAKITORI），仲提供唔同部位嘅即烤雞肉串燒，由$34起，好似雞腿、雞腹肉、雞皮、雞頸、雞翼、雞軟骨，連坊間少見嘅燒雞肝、雞心、雞心元，雞腎、雞尾等等都有，值得一試！
-
除咗炭火烤雞，仲有炭火烤牛、炭火烤豚肉、蔬菜、炭火燒白鱔等等，好似厚燒和牛崩沙腩就比較少見～另外佢哋仲有揚物同飯麵，《親子丼$75》、《濃香雞湯溫素麵$75》、《炭燒鱔玉子丼》等等，可以伴著炭火串燒食！
-
要試嘅items唔少得《炭火燒雞皮》同《炭火燒雞腿肉》，前者嘅脂肪被烤至香脆滋味，炭火已經將多餘嘅脂肪去除，食落又脆又濃郁～後者經過熟成嘅雞肉呈橙黃色，燒到外層勁脆又充滿油脂，咬落肉質超鬆軟又juicy，配埋佢地提供嘅調味，係正嘅！
-
炭火地雞 YAKITORI25
電話：98087581
地址：銅鑼灣永光中心25樓
#PND銅鑼灣 #PND日本菜 #PND燒烤 #PND黃幫襯 #PND小食
