#punchoi #ocheflab #食物研究所 #盤菜
盤菜來了 ‘When duck meets goose’ pun choi 「鵝同鴨講」盤菜
食物研究所首次聯乘甘棠燒鵝，
頂級香港鵝（甘棠）遇上頂級法國血鴨 (Carnard Chillans Duck)
#呢部份未入正題
交唔到功課，蘿蔔糕芋頭糕上架工程，
仍在進行中，真係唔好意思，
而家都未上到Robert Gold，
連我啲朋友都追問我：
你有無咁遲呀？
你知唔知通街都賣晒嘞？
你仲喺度訂緊臘腸，
點做嘢呀你。。。
我又係衰嘅，我啲文職同事由聖誕忙到而家無停手，
中間我已經插咗個system migration同實體店搞到個個癲晒，
我真係唔忍心再叫佢哋搞臘腸，
搞鵝搞鴨搞盤菜，
或要佢哋陪我試吓慢慢搞個月亮煎堆，
其實仲有ration packs 同 sous vide 項目。。。
因為所有嘢都塞住晒喺我個腦度，
用咩牛肝菌，咩臘腸，訂貨，計cost，都係我，
我寫description好似寫情信咁寫，
寫完又要譯英文，
交待預訂送貨安排，
Manufacture 同 IT support 方面要夾：
我廚房幾時做好幾多貨，客人預訂唔到就要落入下個batch，
咁喺inventory同訂貨系統中點顯示呢？
仲要分送貨同唔同自取點。。。
係咪聽到都暈呢？
啲悶嘢唔煩你哋，但請各位耐心等候我啲過年食品，
約食飯訂嘢，等多我幾日，
我有：
黑松露牛乾菌Robert Gold
靈芝芋頭糕
When duck meets goose 「鵝同鴨講」盤菜
大煎堆
手繪macaroon
笑口棗
慢煮春雞
慢煮 Sous Vide法式釀黄雞
慢者 Sous Vide 法式釀畿內亞雞
（研究緊）慢煮 Sous Vide 糯米春雞仔
對於食物，我加埋Chef，真係好煩好難服侍㗎，
我哋自己知道㗎，所以成日匿埋試呢個研究所概念好啱我哋，
每次試到都開心到飛起㗎，
喺香港做飲食業係辛苦到爆，
我哋盡力頂住，自己工作滿足感自己搵，
唔通等香港政府畀咩，right?
#而家先入正題
入正題，我哋另一個重點新年食品：新年盤菜。
上次聖誕我哋做咗紅蝦盤菜配紅蝦湯，
另一個係極上牛pot au feu，
玩盤玩到極致送Dansk或柳宗里鑄鐵鍋，
成個tone比較 western，
新年，我哋玩返local 啲，
上次做雞，今次做鴨同鵝。
‘When duck meets goose’「鵝同鴨講」係盤菜英中文名，
特登分別畀鴨同鵝行先，懶公道。
事實上，佢哋都堅勁，排名不分先後。
因為傳統盤菜中好多都用到鴨同鵝，
所以Chef 就有呢個概念：
香港最靚鵝同法國最靚鴨，
嘩，金童玉女呀，
香港靚鵝，由鏞記食到甘棠，我都係棠師傅fans，
Olivier 同棠師傅就直情啱嘴型啦，
法國人都係叻整鴨同鵝嘛。。。
今次係食物研究所首次聯乘甘棠燒鵝做盤菜，
鵝、鮑魚滷鵝汁都係來自甘棠的，
Chef Olivier 就用上法國Chillans 血鴨煮鴨胸肉，以及Qwenli 精選的大虎蝦，
配以日本瑤柱和花菇，芋頭、蓮藕，枝竹。。。
我哋今次都係配日本南部鑄鐵的柳宗里鑄鐵鍋。22cm深鍋。
係，我係傻嘅，可能係史上最不惜工本的盤菜，
但佢保温真係一流，你唔需要一邊食一邊開住爐，
喺廚房熱咗佢之後，你拿出枱面食，
真係可以keep 到鍋裡面啲食物好溫暖，
用個咁靚鍋食盤菜，直情係another level。
兩位起，每位HKD$1,000，
送埋個原價$1950的柳宗里鍋，
每訂2至6位送一個鍋，
都係照舊，如果你真係唔想要多個鍋，
屋企好多煲，都理解，
咁每位減 $120，即HKD$880 一位。
訂盤菜要埋鍋，送貨，要收HKD$200一盤，
我自己無車隊，而家外面啲送貨炒到好貴；
我哋年初一至初四都送，這幾天雙工，
所以運費都要稍為調整，HKD$280
懇請體諒。
我寫自己產品description，係寫好耐好耐㗎，
因為對我嚟講，寫呢段嘢唔係為咗上架，
而係要講出嘅我哋成個project嘅心血，
對我來說，簡直創作作品級數嘅要求。
唉，我又鍾意食，又鍾意寫（單係呢段post 都1,700字），
我有咩辦法出嘢唔慢？
張product 相同啲字都係我今日搞㗎，
個盤菜真係好好好好味，好味到黐線，
當然甘棠嘅鵝同鮑魚鵝汁要狠記一功！
Sorry 我唔客氣都要咁講，我覺得我搞盤菜，又上一層樓。
呢段係我啱啱寫起嘅 ’When Duck meets Goose’ description，
寫呢段嘢，寫到我內心好澎湃，我分享吓，你想像吓。
而我即刻去搞上架，（應該）明天可以訂購，
ocheflab.com
最快星期六可以送貨，你自取的話，明天星期五下午都可以。
其實我哋有個客服短訊號碼 +852 90111331，
但請你如非必要盡量唔好打，text我哋，辦公時間內回覆。
//Chef Olivier Elzer 創作的 2021香港盤菜，以百年歷史的傳統廣東客家盤菜為根基，配以法式廚藝浪漫思維，結合中法舌尖美味食材，以盤菜慶祝團圓。
盤菜以鮑魚湯汁，蓮藕，芋頭，枝竹作底調 ，配以精彩名貴的上乘食材，包括鮑魚，Qwenli虎蝦，法國 Canard 血鴨胸，以及與「甘棠燒鵝」合作的一品滷水鵝。
可以想像這個精緻名貴的新盤菜，在精華鮑魚鵝汁的熱烘托伴之下，每一口滋味都是可掌握的當下幸福。
2020 是世人難忘的一年，2021伊始，我們更要彼此團結。就由這個精彩的「鴨鵝盤菜」開始。//
1月22日開始接受訂購：ocheflab.com
sous chef中文 在 How to Become a Sous Chef | Restaurant Business - YouTube 的推薦與評價
... <看更多>