[安踏新高!]10倍股呀!我真係買到!但又點?
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
TLDR:買得細嘅講乜都假。當然,好過唔買。
1. 我等「資深投資者」(即係廢老),就梗係持老賣老,正如阿叔都問你睇過告魯夫踢波未。咁講股票嘅,我同我啲股友(即係,成班廢老),都有一連串嘅入門問題問下啲小朋友,睇你見過世面冇。
2. 例如乜?例如,你供過股未(唔止隻嘢供,要你有份供)?我就供過無數次。進階版嘅,你申請過超額供股權未?試過隻嘢畀人GO(General Offer,唔係電車GO)未?收過tender list未?試過隻嘢畀人私有化未?試過隻嘢畀人收購未?拎過實物股票未?試過收實物分派未(實物分派唔等於牆紙)?試過隻嘢同對家換股票未?試過隻嘢爆煲(當然係消失咗先算爆煲,100蚊跌到1蚊唔算)未?去過股東會未?投過票未?借過孖展未?買過Pink Sheet未?—以上種種,我全部試過。
3. 不過,仲有一個比較有趣嘅指標:你中過10倍股未?當然係買正股先計,賭波買馬唔計。買輪都應該唔計。
4. 聽落唔難,但其實都唔易。遇到10倍股唔難,買過都唔難,大把人都幾十蚊買過騰訊。我本人都200蚊買過Tesla(拆股前喎!),但坐唔到尾嘅,全部唔計。
5. 10倍股呢個概念,好似係Peter Lynch講起,ten bagger十個乞兒。蔡東豪後來發揚光大。但,真係唔係咁易。但又唔係冇可能喎。
6. 拿,以下呢隻,就係十倍股啦。安踏昨日創埋新高,升到你唔信。我就真係死都唔信。大陸民企,福建佬,姓丁。你懂的。
7. 不過,早排都好似講過,「唔信先要買」。呢個昨日我同諗Sir嘅節目都有講。好多人睇文見到我咁寫,都大感不解,心諗你條友精神分裂的?唔信仲買?錯啦,就係唔信先要買。因為,tail risk,投資最重要嘅五個字:「如果我錯呢?」。
8. 我用買保險嘅講法,你就明晒。正路我都唔會忽然死咗嘅,但,如果會呢?咁你會唔會話「你係咪預自己今年死於非命先,你唔信嘛,咁做乜買保險」?
9. Anyway,絶無造假。呢個1129,係%,唔係銀碼。就係升咗11倍(定12倍?是但)。我特登拉埋隔離個買入價畀你睇。
10. 咁但,重點係乜?重點係:如果我買咗幾球嘢,就退得休了。但,得嗰一手!
11. 你心諗,屌~~~。係,我都係諗呢句!
12. 係喎,皮幾嘢變十幾萬,ten bagger十個乞兒呀,pretty good啦。「但早知買多啲」。但我由頭到尾都唔信間公司嘛,「所以真係唔信先要買」。
13. 不過仲有一個教訓:你計投資回報,梗係計你成副身家。或者計你嘅net worth增長咗幾多(咁一路會有新錢入)。否則我成世唔買其他股票,只係話你知我個倉升咗1129%,有春用咩。
14. 自抽埋自己,咁例如我啲朋友,買層樓收租,一年嘅回報,已經多過我乜鬼10倍股啦。
15. 呢個亦都得罪講句,係我同好多小朋友讀者講嘅。你人工兩三皮嘢嗰啲呢,最應該投資嘅係自己,正職又好兼職又好寫Patreon又好賣相又好乜都好,諗下點提高收入。
16. 固然投資一定要趁早,但唔易的,你而家呢個年代,兩皮嘢人工你儲得幾錢?誘惑又多,好容易去幾次日本就冇晒啦。我唔係咩富人,但都叫中產啦下話?叫做實現咗階級上流啦(即係,我人工高過我老母老豆,當然我老母買咗幾層樓係後話),咁好大程度都係靠加人工。冇人工點投資?
17. 你個本太細,講幾多%都冇乜意思。我皮幾嘢變十萬蚊添,但對我生活係咪有實際影響?又冇喎(你話球幾嘢買落去就唔同,幾球嘢更好).最搞笑係有啲,因為錢少,想搏多啲。呢個先係錯到九彩。後生嘅,冇乜優勢,但最大優勢正係時間,可以鬥長命。邊有咁撚笨柒唔要自己個優勢?梗係同你慢慢碌。
18. 所以,煩氣一句,你100萬身家拎10萬贏咗5萬,你嘅回報係5%,唔係50%。我就成球成球咁買落去的,唔止一次節目都講過,我戶口係長期唔會有六位數字的,一有十皮嘢以上我就身痕,點都搵啲嘢買。Stay Invested,always bullish,你幾撚時見長淡有發達?
19. 當然,你仲係堅持覺得我係仆街死財演昆你買股票呃你佣嘅。先唔講我已經冇返工,亦唔講我從來冇叫人去任何券商開戶或買股票。最重要又係嗰句:你老味你個倉幾億貨呀(係嘅唔拘!盡情鬧我!)?你睇下出面收多佣?你個倉要幾大,啲佣先夠阿叔打次邊爐呀?阿叔一個月打邊爐都幾千銀啦。
20. 啲人就真係閪撚到一個點,對佢好,免費文,仲要屌返你轉頭。我好撚記得舊年3月啲網友點撚樣留言話我叫人買股票害人去死呀,經濟大蕭條嘛,日日死緊好多人嘛
21. (而講真,你買股票輸錢,關我撚事?我拎支槍迫你買?咁撚大個人,可唔可以盡返少少責任?)
22. 最後一個諗法:幾時批股呢,可?4200億市值呀,傻的嗎?
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
同時也有14部Youtube影片,追蹤數超過14萬的網紅經濟一週 EDigest,也在其Youtube影片中提到,虛擬貨幣衍生的環保問題一直為人詬病,最近ARK 契媽和Square 提出環保掘礦方案! 中環資產投資總監譚新強狠批是「屎橋」一條!為甚麼呢? ▼▼影片重點▼▼ 00:00 利用虛幣公平分配財富 譚新強:加AI 將取代央行 01:49 以太幣將超越比特幣 以物易物時代重臨 03:04 虛幣極耗電...
tesla拆股2021 在 Facebook 的精選貼文
[101]傳Amazon拆股摶入道指,但點解要拆股先入到?道指又點計?又有幾低能?
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
TLDR:拆細可能有誘因,但,真係要入道指?
1. 雖然好多嘢寫,但都寫埋呢單先。話Amazon會拆股,今次業績就會公佈。咁今次業績係幾時?係美股星期四收市後,即係香港星期五天光之前。
2. 呢單都幾神奇,早幾日由狐狸台記者Charles Gasparino獨家爆料。冇乜詳情,只係引述消息人士,話會令到光頭佬Jeff Bezos拋離 Tesla嘅Elon Musk,更加鞏固首富地位云云。因為拆股就會令Amazon成為道指成份股。出完個 tweet後,股價即時彈咗2%,當然股票唔會話你知點解升。實情股票一年250個交易,有大新聞嘅可能得20日?
3. 會定唔會?好快你就知。不過即使Amazon冇拆股,記者亦可以堅持話「因為我篤爆咗佢先縮沙」,量子力學咁,觀測者改變埋個結果(嚴格嚟講:觀測者唔應該評論啦,你做實驗睇光子都唔會吹氣),難以驗證。
4. 呢個猜測一直都有,而近年大家知,蘋果拆過股,Tesla亦都拆過。Amazon會跟亦唔奇,而如果係做嘅,公佈業績時做埋亦好合理。
5. 更重要嘅係,Amazon之前亦都拆過三次股,分別係1997年,同1999年(一年拆兩次)。不過,亦都要問,對上一次拆股超過20年前,做乜過去咁多年唔做,而家忽然改變主意?
6. 先講記者答案:為咗有得入道指,進一步拋離Elon Musk.呢度就可以講多少少。冇錯,Amazon並唔係道指成份股。FAAMG之中,只有蘋果同Microsoft 係道指成份股,Facebook Amazon Google 都唔係。原因?我都唔知,你去問班委員,透明度好低的。
7. 肯定嘅係,雖然全部係「道瓊斯工業平均指數」,但並唔一定要工業股先入選。
8. 不過有一個問題,之前都講過(懶搵舊文),道指係十分古老嘅東西,清朝(冇呃你!)產物,差不多140年歷史。咁當年計算工具同而家爭好遠,所以佢啲嘢十分求其(下面會詳細講),亦因為顧及計算方便(*)。之但係,為咗傳統,就咁多年都冇改,就出現好多問題了。
9. 有名你叫,道瓊斯工業平均指數,就真係30隻嘅平均。點平均法?最初就係30隻嘅股價,加埋佢,咪指數咯。易計嘛!清朝咋大佬,將就下啦。
10. 後來都差不多,只係多咗Divisor,你加埋晒30隻成份股嘅股價,再除返呢個Divisor.而家嘅Divisor大約係0.152(聰明嘅你可以諗下,點解會細過1,附注會答)(**)。咁你問,點計呢個Divisor?可以寫多幾千字講,但實務上,Google 或者搵 Wikipedia啦!仲清朝咩!
11. 都話,撇除咗個Divisor影響,道指就係30隻嘅股價加埋一齊。咁戇居都得?就係咁戇居!有乜戇居?好簡單,你諗下兩隻份股,如果一隻而家500蚊,另一隻1蚊,咁有乜後果?即係1蚊嗰隻,基本上升幾倍或跌九成都唔會有影響。500蚊嗰隻?我升1%,對個指數等於你1蚊嗰隻升5倍!亦即係話,股價大嘅公司,對指數嘅影響力就大好多!
12. 冇錯,任何股票指數,都會有啲權重(equal weights嘅例外)(***),weights,加權平均數,我年代中四定中五數學要學。咁你每隻成份股佔幾多比重,就各司各法了。
13. 一般現世做嘅,都係market cap weighted,頂多有啲調整。恒指係咁,標普指數係咁。但道指因為係清朝嘅嘢,就用stock price嚟做weight
14. 咁有乜問題?因為個「股價」per se,係冇意義的嘛!A公司股價高過B公司,不等於佢大過B公司喎。我升1蚊可能係100%,佢升一蚊係0.1%,點可以放埋一齊比?
15. 所以,之前蘋果咪有呢啲咁搞笑嘅嘢,原本在道指嘅比重大約係12%,一拆四之後呢,變咗比重係4%,係咪夠低能?
16. 講咗咁耐,咁同Amazon有乜關係?關係就大。一般相信,Amazon同Google,入唔到道指,就係因為個「股價」太大。我懶慢慢計,但而家道指最重磅嘅係United Health,股價4舊水,佔比重已經7% — 咁我放隻3500蚊嘅Amazon入去,加埋隻2400蚊嘅Google,其實係咪睇呢兩隻得了?
17. 冇錯,道指是一個很低能嘅指數,所以真係「專業」嘅都會講標普指數,例如你見比較啲股市表現呀,都應該用標普。唯獨咩情況會用道指?你見啲要做到好耐data嘅就會,因為標普指數係1957年嘅產物,戰後嘅事。
18. 而媒體照報道指,只係因為習慣,亦因為傳統。扯開少少,同樣地,恒指都係麻麻地,但當然已經後生過道指好多,所以冇呢啲問題。但你見「機構投資者」,好多都睇MSCI 香港指數—咁所以,你話港股咁多年冇寸進嘅,睇你睇乜指數啫。
19. 好啦,講咗咁多,如果Amazon想入道指,應該就一定要拆股啦(雖然拆左亦不代表一定入到)。之但係,有冇諗一個問題:入嚟做乜?又或者,搞咗咁多年都冇入,離埋婚拆多份畀前妻上埋富豪榜,都仲係首富,做乜仲要理咩入道指?
20. 記者講法話,可以令佢身家進一步拋離Elon Musk,我就唔知個邏輯在邊。即管當光頭佬會care,但點解入道指就會身家升?入道指股價就會升?似乎唔係好站得住腳吧。有都只係暫時,同基本因素冇乜關。仲要根本追蹤標指嘅基金大過道指好多。
21. 記住,David Webb(唔係講廣東話嗰個)提過好傳神嘅比喻:你個pizza切多幾切,唔會多咗啲(嚴格嚟講少咗添,餅碎又冇咗啲,把刀又痴實一啲)。
22. 你拆股,拆幾多次都得,但點會影響股價?呢個亦係我見親啲人話煤氣「送紅股」嘅搞笑。屌你,送紅股咪即係拆股!
23. 咁至於點解啲公司咁鍾意拆股?官方答案話,提高流動性。即係可能一手長實定騰訊定港交所 十幾廿萬(冇check),太貴,散戶買唔起咁。當然實際上,就同點解啲公司供股用埋啲仆街比較一樣,點解要咩13供5呀咁,咪會有大量碎股,咪可以搵鳩你笨收埋你。間間都係咁玩,包括匯控渣打。
24. 之但係,喂,美股係冇一手手架嘛!所以根本冇呢回事。咁點解仲要拆細?可能就真係為咗降低入場費:但,你問我,一股Amazon都係三萬蚊港紙有找,一股都買唔起嘅,不如都係專心讀書返工?
25. 但但但,時代唔同嘛,而家YOLO嘛,鬼佬連登仔嘛,咁你三千幾蚊美金一股,可能啲網友就真係冇乜動力咯。所以,講到尾,可能都真係吸到多啲散戶?
26. 又然後,美股雖然冇一手手,但如果啲股票一路唔拆,升到幾萬美金一股,咁咪變咗又係入場費好高?不過其實而家可以買Fractional share的(****)
27. 無論如何,你睇到篇文時,應該已經有答案。你話睇咗咁多對你賺錢有冇幫助?冇乜,但咪識多啲嘢。況且,Patreon一早寫咗啲對你賺錢有幫助嘅嘢啦
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
(*)正如有一段好長嘅時間(講緊我睇銀行股時都仲係咁!),中國加息減息係要0.27 0.36咁去的,十分低能。點解唔係0.25?因為 0.27 0.36 之類畀9除得盡,易計啲。咁你話9/365 咪又係一堆混吉?錯,佢地用360的。
(**)開估:好簡單,因為啲股票不停咁拆,所以個Divisor要一路縮細先令指數在拆估前後冇變(呢度唔解了)。但點解股票不停拆?因為股票係不停升嘅。又學到嘢了。
(***)冇錯係有equal weight嘅指數,美股都幾常用。但,equal weight咪即係全部權重都係1,一樣有。正如唔選擇都係一種選擇。
(****)呢度真係要搞清楚,有人話Fractional share係碎股,完全錯。Odd lot 先係碎股。香港要一手手買,咁唔足一手嘅咪odd lot,你可以買1股港交所。咁你話,有乜分別?我可以買0.1股 Google,有乜分別?—分別就大啦。你渣住1股港交所,就係股東,你可以入場媽叉李小加或者歐冠昇,1股都係股東,根據我理解佢不能唔畀你入場。之但係,你渣0.1股Google,你就應該冇得入場媽叉皮猜。我唔100%肯定,但就我理解,渣住0.1股嘅唔係股東。法律上最低單位就係1股。你可以去試下。咁你話你唔使媽叉人唔使食西餅嘅,有乜分別?應該冇乜嘅。之但係,美股一股都買唔起嘅,我勸你都係專心返工讀書吧啦。
tesla拆股2021 在 Facebook 的最佳貼文
2.6 投資銀行愚不可及
投資股市嚴重虧蝕不是只有散戶,對沖基金、銀行和政府都可以輸至破產。Archegos被斬孖展倉事件中,瑞信、野村和高盛等市場上鼎鼎大名投資銀行合共損失約60億美元。為何投行借出數百億美元給Archegos Capital Management的負責人標黃炒孖展? 為何投資銀行風險管理集體崩潰? 為何美國監管工作完全失敗?
美國政府宣佈強迫中資股根據美國會計標準披露財政狀況,否則在交易所除牌。中資股除牌危機中,百度和跟誰學等首當其衝中資股卻節節上升。原因莫明其妙。到了Archegos被斬倉,投資者才知道發生甚麼事。被斬出來的東西就是較早前莫明其妙上升的股份。
東京、紐約和瑞士的銀行將數百億美元借給標黃做風險極高的中資股孖展炒作。股價上升的時候,他的孖展倉跟著擴大。孖展越借得多,股價越升得多,風險越大,槓桿比率越高,由兩倍增加至十倍八倍。那就是說,投資銀行借錢給標黃炒孖展炒高了股價,跟著用炒高股價的資產增值再用孖展炒上去。投資銀行犯了嚴重錯誤,特別是事件中的標黃曾經在2012年涉及內幕交易及操控中資銀行股股價被罰巨款,老虎基金將他踢走,美國證交會判他不得參與任何投資顧問工作包括資產管理。被禁止擔任投資顧問工作的人不能成立基金進行高風險炒作。監管機構完全蒙在鼓裡,甚麼都不知道,甚麼都沒有做。2021年3月,Archegos的孖展倉曾經超過千億美元令到這次斬倉事件成為人類史上最大規模單一斬倉慘劇。投資銀行損失慘重,2021年3月29日,野村和瑞信股價插水1成半。
美國證交會的基金管理十分嚴格,甚麼事情都要申報,特別是基金的負責人是誰。標黃到底怎樣避過監管機構申報機制成立Archegos Capital Management?
Archegos Capital Management是無需向證交會申報負責人和行政人員的家庭公司family office。因此,證交會不知道標黃成為Archegos基金負責人炒作孖展。即使家庭公司,資產值超過1億美元也要申報。標黃利用總收益互換Total return swap TRS合約迴避資產超額的申報機制。他將炒作孖展的回報交給投資銀行換取銀行借給他炒作用的「信貸額度」。根據TRS合約,Archegos的資產沒有因為炒作孖展獲利而增加,只是增加了信貸額。即使他的總孖展倉超過千億美元,Archegos控制的資產金額在賬簿上仍然低於1億美元。因此,Archegos炒作跟誰學令摩根史丹利和高盛成為跟誰學最大股東。賬簿上,Archegos沒有任何跟誰學股份,只有TRS合約產生的信貸額度和信貸資產。事實上,投資銀行擔任標黃的掩護讓他暗中炒作孖展。由此可見,上市公司和基金的年報和申報表格只是巧妙運用會計詞彙,不一定是事實。任何人可以使用互換合約隱藏真正投資組合、風險和資產值。
美國證交會宣佈將中資股限時除牌,標黃的投資組合價值暴跌27%,短短兩天時間蒸發掉百億美元。
2.7 中共華爾街
2020年,238隻中資股在紐約交易所掛牌買賣,總市值約2萬億美元。很多這些美國掛牌中資股的註冊地點不在中國。註冊地點在英屬處女島,開曼群島、百慕達等地方。例如百度BIDU的註冊地點是開曼群島。中資公司在美國的股權十分複雜。簡單地說,美國監管這些中資股有很高難度。事實上,中資股從來沒有符合美國上市規則,股權和會計都是「古靈精怪」。
美國為何讓數以百計不符合美國會計標準,公司資料不清不楚的中資企業在美國交易所買賣股份,還讓這些不合格股份在美國交易所買賣多年?
這個問題的答案只有一個,陰謀論。美國故意讓不合格中資股份在美國交易所掛牌買賣,目的是要日後可以砍掉這些中資企業。中共依賴美國和香港的交易所掛牌買賣中資企業股份,政治和經濟上完全被動,被美國牽著鼻子走。美國取消香港特殊地位,香港交易所必然「壽中正寢」。中共只能搞自己的交易所。
2021年3月31日,路透社報導中共國務院要求監管機構研究設立交易所接收從香港和美國等海外市場被迫退市的中國企業,並且希望拉些國際大企業,例如蘋果和Tesla等分拆股份到中國上市。簡單地說,美國將中國和香港分拆出來在美國上市的預託證券從美國市場除牌,中共反過來將美國股份拉到中共這邊上市,替美資股份搞中國預託證券。中共這樣做不是意外,因為中共沒有別的路可以走。
中共搞自己的交易所有個解不開的死結,美元本位。只要仍然實行美元本位,中共搞自己的交易所只能「在內地塘水滾塘魚」。人民幣是不能自由兌換軟貨幣,中共不能在中國境內用人民幣結算美元等外幣,沒有結算能力就沒有交易能力。這就是我在10年前說中共會建立亞元的原因。沒有以人民幣為核心的亞元,中共無法擺脫美國交易所的框框。中共在中國設立交易所是「大話西遊」。
中共要在短時間內設立新的國際交易所有很大困難,擴大現有的深圳和上海交易所和細小的北京交易所是唯一選項。問題是,這些交易所難登大雅之堂。以1990年設立的上海交易所為例,截至2021年2月,1,815家公司的22,941隻證券掛牌買賣,總市值約46萬億人民幣,2018年市值是全球第四位。
美國紐約交易所NYSE市值29萬億美元,納指市值10萬億美元。相對地,上海交易所的市值4.7萬億美元,只有美國市場約1/8。上海交易所的上市股份市值只是和香港差不多,深圳只有3.5萬億美元。全部加起來只有12.7萬億美元,和納指差不多。
從交易量看,紐約交易所包括納指的交易量是30萬億美元。中國兩大交易所,深圳和上海再加上香港交易所的總交易量約為22萬億美元。除了規模不足之外,習近平搞國進民退。中共國有企業上市集資是多此一舉。中國依靠上市集資的私人企業為數不多,也不重要。美國中型、大型及新設立企業主要依靠股市集資。另外,中國股民教育水平低,未達到投資股市的應有質素。從股市功能看,中國交易所真的比不上美國。中國股民將股票市場視為炒賣股票賭場。股價波動至喝醉酒跳彈床的樣子。美國股市的6成股份由機構投資者管理。中國股市的投資者之中,99.6%屬於散戶。中國股市另一致命傷是無法吸引外資企業掛牌,上海和深圳的上市股份之中,外資企業佔的比重只有約5%。
外資企業不想在中國的交易所掛牌,因為中共政治掛帥,股市由中央全權控制。2015年7月,中國為了救市,將超過半數股份停牌,差不多等同關閉交易所。跟著下來,中國證監會禁止持股5%以上股東、董監事及高層主管在6個月內賣出自家股票,否則「嚴肅處理」。交易所打開門口做生意,怎可以指定某些人不得買賣股票。股價暴跌的時候,其他投資者沽貨止蝕,持股5%以上股東只能眼巴巴看著股價下跌,不能沽貨止蝕。這樣的「共產黨一黨尊政」股票市場如何能夠吸引外資參與?
中資股份的政治風險大,透明度低,有除牌危險,中美關係惡化,投資美國股市不要沾手中資股份,任何情況下不要買場外交易股份和「懷疑中資背景」股份。中資股除牌危機和中共設立新交易所的不明朗因素困擾之下,有能力在美國投資的話,最好將香港及中國上市股份沽清,轉到美國股市。待市場情況明朗之後再部署。記著,君子不立危牆下。千萬不要看見中資股反彈就盲目入市高價搶貨搏反彈。很多逃離火場的人不知何故走回去,結果死在火場。大丈年做事,拿得起,放得下。避險要死心眼,無論發生甚麼事,股價如何爆升,避了就是避了,不會再次買入。
tesla拆股2021 在 經濟一週 EDigest Youtube 的精選貼文
虛擬貨幣衍生的環保問題一直為人詬病,最近ARK 契媽和Square 提出環保掘礦方案!
中環資產投資總監譚新強狠批是「屎橋」一條!為甚麼呢?
▼▼影片重點▼▼
00:00 利用虛幣公平分配財富 譚新強:加AI 將取代央行
01:49 以太幣將超越比特幣 以物易物時代重臨
03:04 虛幣極耗電 不環保 契媽倡環保掘礦搵嚟搞
#虛擬貨幣 #譚新強 #Square #ARK #契媽 #環保掘礦 #環保掘礦 #挖礦 #比特幣 #再生能源 #新能源股 #綠電挖礦 #碳排放 #以太幣 #ED_E #虛擬貨幣耗電量
成為會員即送追揸沽貼士:
https://www.youtube.com/channel/UCGw6s7FZV9AOwznWA-_Bt3Q/join
▼▼查看更多▼▼
?下載全新《經濟一週》App ,盡享足本內容及獨家投資分析:http://p.nmg.com.hk/ackx09
全新聲音節目《經一開咪》:http://p.nmg.com.hk/cehuv1
喺屋企或喺辦公室都可以隨時聽,點擊收聽更多節目!
【經一拆局】► https://bit.ly/2MwYd4o
【Big Boss Theory】 ►https://bit.ly/2A3943e
【有樓生活】►https://bit.ly/2AJpCxm
【經一移民局】►https://bit.ly/2Y13Mxb
【理財真人Show】►https://bit.ly/3ePSVNb
追蹤《經濟一週》各大平台:
FB ►https://bit.ly/3cAI9J6
IG ►https://bit.ly/374j8Fq
TG ►https://t.me/edigesthk
Linkedin ►https://bit.ly/2XyvBO9
![post-title](https://i.ytimg.com/vi/YOj0LpBH3xk/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLCfnor33k4qf6Ngypewq89YQ9m5Wg)
tesla拆股2021 在 經濟一週 EDigest Youtube 的最讚貼文
耗能問題困擾Bitcoin發展,虛擬貨幣係咪已玩完? 其實未必,資深投資者力奇點出左右虛擬貨幣走勢的兩項因素!
「力奇」小檔案﹕
1. 27歲成為財經刊物投資版主管
2. 獲李兆基的投資旗艦招攬
3. 全職投資多年, 由畢業時的欠債到管理8位數股票資產
4. 在網上公開的雪球投資組合年均回報逾20%,更勝巴菲特的長年平均回報
▼▼影片重點▼▼
00:00 虛擬貨幣已死?
02:00 因素1﹕礦商遷徙潮
03:58 低耗虛幣冒起
相關文章﹕https://bit.ly/2RlJpLT
#比特幣 #耗能 #挖礦 #虛擬貨幣 #污染 #力奇投資記 #投資有道 #2021投資展望 #投理滿門 #狗狗幣 #力奇 #ED_E #環保 #bitcoin #elonmusk
成為會員即送追揸沽貼士:
https://www.youtube.com/channel/UCGw6s7FZV9AOwznWA-_Bt3Q/join
▼▼查看更多▼▼
?下載全新《經濟一週》App ,盡享足本內容及獨家投資分析:http://p.nmg.com.hk/ackx09
全新聲音節目《經一開咪》:http://p.nmg.com.hk/cehuv1
喺屋企或喺辦公室都可以隨時聽,點擊收聽更多節目!
【經一拆局】► https://bit.ly/2MwYd4o
【Big Boss Theory】 ►https://bit.ly/2A3943e
【有樓生活】►https://bit.ly/2AJpCxm
【經一移民局】►https://bit.ly/2Y13Mxb
【理財真人Show】►https://bit.ly/3ePSVNb
追蹤《經濟一週》各大平台:
FB ►https://bit.ly/3cAI9J6
IG ►https://bit.ly/374j8Fq
TG ►https://t.me/edigesthk
Linkedin ►https://bit.ly/2XyvBO9
![post-title](https://i.ytimg.com/vi/LFdArpqOLc0/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLCPamPsNyJ5XBERjga6Lyy5RYYChQ)
tesla拆股2021 在 經濟一週 EDigest Youtube 的最讚貼文
豐盛金融黃國英10年前開始成立基金,截至2021年2月26日 ,累計連股息總回報為244.3603%(已扣管理費,惟未扣表現費),年回報達到20%,基金資產總淨值達到 3.42 億美元。回望呢10年,英Sir又有冇咩心得同難忘經歷?
有咁好表現,難怪網民經常討論佢嘅身家,佢自己就覺得過億身家一啲都唔係出奇事!
▼▼影片重點▼▼
00:00 9位數身家絕不出奇 錯失機會成「港版契爸」
03:15 投資無一鋪發達 不被清袋就有機
04:47 管1億到近30億 持倉越趨全球化
#黃國英 #美股 #Tesla #契媽 #Bitcoin #豐盛金融 #金融風暴 #大時代 #老虎基金 #騰訊 #經一拆局 #ED_E #經濟一週 #CathieWood #投資 #港股 #A股 #股票 #電動車
成為會員即送追揸沽貼士:
https://www.youtube.com/channel/UCGw6s7FZV9AOwznWA-_Bt3Q/join
▼▼查看更多▼▼
?下載全新《經濟一週》App ,盡享足本內容及獨家投資分析:http://p.nmg.com.hk/ackx09
全新聲音節目《經一開咪》:http://p.nmg.com.hk/cehuv1
喺屋企或喺辦公室都可以隨時聽,點擊收聽更多節目!
【經一拆局】► https://bit.ly/2MwYd4o
【Big Boss Theory】 ►https://bit.ly/2A3943e
【有樓生活】►https://bit.ly/2AJpCxm
【經一移民局】►https://bit.ly/2Y13Mxb
【理財真人Show】►https://bit.ly/3ePSVNb
追蹤《經濟一週》各大平台:
FB ►https://bit.ly/3cAI9J6
IG ►https://bit.ly/374j8Fq
TG ►https://t.me/edigesthk
Linkedin ►https://bit.ly/2XyvBO9
![post-title](https://i.ytimg.com/vi/JtgINKL3fPo/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLCZ25aUVrr0z_eSaTVMjcSAwmDrlA)
tesla拆股2021 在 TESLA提拆股勢頭猛炸不得? 日圓或驚現6算翻鄉下執平貨 ... 的推薦與評價
... <看更多>