#我們的音樂劇
近期工作又要plan又要驚的壓力下，好開心自己撲咗張飛，享受下假期。
還記得《雪狼湖》上演時還是學生，撲了山頂最側嘅飛；《一屋寶貝》由一聽好開心到聽到我毛管都豎埋，仲有《四川好人》嘅三仙，明明幾個月前先聽過，已經彷如隔世。雖然疫情影響好多嘢都go online，相信公關仔嘅event工作即使一切所謂resume normal都不再一樣，但唯獨劇場表演，一定要入場。作為觀眾，雖然同演員嘅互動只有拍掌或歡呼，或者好似我咁睇完覺得好震撼上網9噏下。但係果種一同呼吸、一同投入劇情嘅節奏，同對住電腦真係唔一樣。
恕我敏感，當演員拎住支旗仔邊唱邊跳：支持4號！我的神經跳了一下：會唔會之後唱呢啲都唔得架？唓，好奇咩？西九龍個廣告都有瘋婦罵街啦！
#現場插曲：話説劇場為防疫每四個位隔開坐，公關仔買了左一位，中間坐了對情侶，右一是吉位。
八婆女友：「又話買中間側邊實無人，依家咪又係坐咗人！」（佢真係當我聾㗎喎）
死人頭男友（望我一眼）：「算啦，點知有人一個都買啫。」
公關仔望佢哋一眼，口罩下報以微笑。
我其實好想做個口形：「吹咩？」
對於呢啲願意買飛入場但期望握殺其他觀眾買飛意願嘅人，我衷心祝福佢哋白頭到老，千祈唔好散，出嚟害其他人。
#冷靜冷靜 #難得開心唔好激Q死自己
一屋寶貝 在 《一屋寶貝》粉絲團- Home 的推薦與評價
《一屋寶貝》粉絲團. 739 likes. 讓所有喜歡音樂劇《一屋寶貝》的朋友聚首一堂，發表意見！讓多些人知道香港有如此一齣讓人感動和予有榮焉的舞台創作！ ... <看更多>