【識食和牛篇 Part 2 ：部位｜識分先稱得上識食】
🎞情景題：
👩🏻「上次燒個隻肉好好食！今次再嗌！」
😁「好啊！邊part 呀？」
👩🏻「好腍、好juicy個part！」
😁「名呢？」
👩🏻「Er…………🙂」
雖然都係肉，但人地都有名架🤣！識得嗌，仲要知道每個部位點食法，就算去到日本燒肉店都可以係朋友面前自信落Order😉！
🏆最人氣部位 No.1 - 後腰脊肉 （ロイン）：指牛背肉後側部分，係和牛最高級上乘部位之一！最常聽到三款牛扒「肉眼」、「西冷」、「菲力」都係出至依個部位。
✨西冷（サーロイン）：亦叫牛上腰肉，三款後腰脊肉中，肉質最好食，會食到牛脂嘅甘甜味，量少價高！好多餐廳會將肋眼誤當成西冷。佈滿霜降花紋油花並呈網狀分布。
🤤識食要點食：一般會做成牛排，香煎。有時壽喜燒都會烚嚟食，配上香甜湯汁再沾上蛋液，滑上加滑。
✨菲力（ヒレ）：指西冷肉内側，沿住腰椎細長部分。幾乎無運動嘅肌肉，所以肉質中最柔軟，脂肪較少，口感更清爽食到肉嘅鮮味。 其中心位置更有獨特稱呼「夏多布里昂．菲力心」因法國文學家、政治家夏多布里昂特別愛食。其脂肪只有一般里肌肉一半， 入口即溶，所以價格都屬頂級。
🤤識食要點食：一般會厚切，用弱火慢燒，只需灑上輕量鹽即可。
🏆最人氣部位 No.2 牛肋肉（カルビ）：
指靠近牛腹肋骨周邊五花位置，又叫牛五花、三角腩。肉中油脂最豐富嘅位置，呈網狀分佈，且纖維筋腱較多，嫩中帶韌。鐘意食油脂感嘅人必點之一！
🤤識食要點食：7-8成熟最食到油香味，豐富肉汁。
🏆最人氣部位 No.3 牛脷（タン）
：好多港人食燒肉必嗌單品之一，因為無牛腥味，且價格較相宜。
🤤識食要點食：一般會薄切，容易燒熟。如果鐘意有咬口，厚切會更有彈性，再點少少鹽，加幾滴檸檬汁就食得！
🏆最人氣部位 No.4 肩胛骨內側肉（肩バラ）、肩里肌（肩ロース）：
指牛肩位置，一般霜降肉就係指肩胛骨內側肉依個部位，前腳內側到肋骨外側部分肉。無筋夾雜所以係肩胛部最軟嫩部分，亦最重雪花紋，油花分布均勻。肩里肌因靠近頭部所以脂肪比較多，會有靚霜降雪花紋。
🤤識食要點食：較多係壽喜燒烚嚟食，燒肉則油香味更濃。
你地又最中意食邊個部位呢？留言話我地知😉～
📣喂喂喂～我地日日煮推出全新燒肉套餐，仲要來自日本岩手縣靚牛!送到你屋企大家準備好嚐鮮未😏？：https://bit.ly/3yalRtk
鐘意食和牛嘅你，記得要繼續留意之後嘅和牛小知識啦！好快會再同大家見👋～
嫩肩里肌部位 在 好神國際- 牛肉部位介紹【板腱牛排(牛肩胛) (嫩肩里肌)】 看到 ... 的推薦與評價
牛肉部位介紹【板腱牛排(牛肩胛) (嫩肩里肌)】 看到板腱牛排中間有一條就害怕了嗎? ... ... <看更多>