話說，我上司高我兩格，其實都只係大我兩年，好就好在我地無代溝。唯獨係語言上有時候溝唔到，尤其是係佢突然走過黎問我野，我一時間又要諗答案，又要諗英文點講，就會死機進入暴走模式：手舞足蹈地用身體語言回答。喂，大佬，我啲英文係得中七程度，聽無問題，寫就經常都會串錯字，日常對話還可以，溝仔簡直係native，但一被突擊就「er... er... this thing... er... I am... er... 」
總的來說，溝就溝唔到，但溝通係無問題的。
又話說，公司附近有間健身室，大家午飯又是下班後都會去做下運動減壓。有時候見到同事都會打下招呼，不過大家都好識做，只談風月不講公事，有咩email要追，你等陣著返件裇衫先黎搵我。
而通常我係午飯時間偷兩個鐘去做gym（返九點半、放五點，仲好意思做兩個鐘頭gym？！）我上司就好乖咁連食午飯都係度做野，但佢從來唔會俾說話我聽，反而好支持我，佢話我病少兩日，條team已經賺左16個鐘，咁計條數無蝕嘅。
不過偶爾由於晚上要落酒吧，晨早流流五點收工，又真係無乜嘢搞，所以都係會去健身房跑下步，今次，終於野生捕獲我波士。
「這麼晚才來啊？」我跑完步，回更衣室洗個臉，剛好和他撞個正著。
「你到了很久了嗎？」他一面解下裇衫鈕，一面跟我聊著。
「我剛跑完半小時，回來洗個臉就出去做點簡單器械訓練，在外面見了哦！」老實說，我是有點心虛的，始終慣了香港那套「老闆未走，無人可以起身」的奴工規矩。
「外面見！」
男人嘛... 無論幾多歲，都係小學雞。只要同場有另一個自己認識的同性存在，明明平時推開20公斤，就會死都要推夠25，仲要故作輕鬆；明明平時做三組已經哭爹喊娘的，今次死都頂夠四組，仲要扮晒野每組只係休息分半鐘。由於兩個人死頂唔肯投降，結果，我地渡過左異常充實的45分鐘。
「I’m done... I have run for 30 mins before starting」我不是投降，而是老子早過你開始，當然早點走。
「Me too, I didn’t sleep well last night...」他擦了擦汗說，本來他就不是常做運動的類型，無緣無故被我chur 了45分鐘，當然吃力。
「I bet you will sleep well tonight then.」睇你虛脫咁款，你今晚仲唔昏迷？！
接下來回到更衣室，才發現一個尷尬的問題：那麼要一起脫衣服洗澡嗎？！
不脫，成身汗穿不回西裝，而且也很odd；脫了的話，那麼我們這個團隊也太「坦誠相對」了吧？！
最終，大家都係繼續扮野到世界的盡頭，腰間圍著一條毛巾就上場了... 而這刻更令人尷尬的是：眼睛不知道要望哪裡啊！！！
換了是和直仔做運動，我肯定會大方地邀請對方來揉我的胸肌兩下「展示成果」，孔子曰：一揉泯恩仇，你沒揉過對方的話，怎能算是好基友？但這個怎樣也是上司，會被me too吧？不過下屬性騷擾上司又能算是me too嗎？等一下，明明這是朋友間也會做的事情，我以前讀書時也是這樣啊，不給揉才是小器，這不算是騷擾吧？定係鬼佬讀書時唔會咁呢？無理由架佢地應該玩得仲癲啦！但佢係直架喎？癡線，如果佢都係同志，我才不會俾佢揉啊！
就係咁，呢20秒內，巨蟹座的內心小劇場正在瘋狂上演。幸好的是，由於內心戲太強大，反而令我忽略了現實的違和感。
到最後，第二日返工，我同佢對望左一眼，我忍不住說句：「手臂好痛啊，舉手打字好辛苦，下次我地都係舉輕啲算啦...」
我讓佢之嘛，哼！
最後，配圖係沖涼界KOL Johnny Rapid 同Rafael Alencar的名作劇照，老規矩，請勿在公眾地方搜尋這兩位演員的名字，原因嘛，你懂的。
#呢套直情係馬戲表演
#咩叫船堅炮利
#來互相傷害啊
#同事三分親
#喺公司識到好多朋友
#係好開心的一件事
#返工係一件好減壓的事情
#要開八點半會嗰日例外
#收買人命啊
#我平日係八點半起身囉唔該
#唔夠訓會殘架
#我係公司唔出樣嘅偶像派職員代表
#偶像派唔出樣呢件事會不會太矛盾了
