每年嘅中秋節,都係家嫂廚房嘅生日!
做完庇護工場女工就總結下三歲生日嘅感想啦😂
今年家嫂廚房嘅目標,就係要開團整野俾大家食~搵咗新嘅共享廚房,地方大啲設備好啲,做嘢的確係爽手啲!超開心大家都鍾意食我嘅曲奇、芝士蛋糕、月餅、蘿蔔糕同埋糭,雖然開團比出食譜或者教班更加辛苦,但知道大部份嘅朋友仔都欣賞我嘅嘢,滿足感都係最多嘅😭❤️
好鐘意Turbo哥嘅金句: 每次開團會整唔同野,會遇到唔同嘅技術問題,但係一定會重複面對嘅,就係自己嘅缺點。
我真係一個超級冇記性、好唔細心嘅人,所以做admin嘢我係極差,要同大家講聲唔好意思,之前嘅團可能出現過入錯貨、漏單嘅情況,今次中秋團呢兩樣嘢都改善咗好多啦,要讚自己嘅 (雖然進步空間仲係好大好大) 希望我會經一事長一智,同埋要學仔細啲,唔使下下錯完先識改返啱啦😩
另外因為寄賣店始終唔係自己地方冇咁free,大家遲咗去攞貨真係要收返存放費㗎,我會再諗吓可以點樣改善,都希望大家早啲去拎嘢食,早拎早享受啊😚
第二就係發現自己嘅抗壓能力都幾低🙈
研究呢個生酮月餅嘅時候,遇到好多問題,
大豆渣版本嘅月餅要由零開始研發啦,個皮一開始好油好濕,起碼改咗10次先做到而家咁微脆乾身! (要多謝 HM Gnap建議我可以點樣加快研究嘅速度! )
奶皇餡口味嘅配搭、用咩牌子嘅茶粉,又實驗咗一大輪。 (每粒月餅有多過10克茶粉㗎,試食譜嘅時候都用咗好多粉。。真係好揼本,多謝每一個試味嘅你❤️)
月餅印模,一開始嘅時候不停印爛,當我以為要用周街都係嘅兔仔模,超傷心嘅時候,turbo哥俾咗建議我,令我可以用返字模,但係追求完美嘅我,訂月餅模都訂咗三次先滿意😂
到finalise 咗食譜,試大量製作嘅時候,又再崩潰🤣流心好容易溶要不停開雪櫃拎啲流心出嚟包,包完印模可能印得唔靚,靚嗰啲拎去焗,焗又可能會焗爆咗或者啲字唔出,每整衰咗一個月餅都好心痛(有整過流心月餅嘅人就會明白🙃😂)
咁多問題同時出現,令到我個人超大壓力,覺都瞓唔到,勁想偷食carbs,加上次次整完失敗咗嘅月餅我都會自己食咗大半,所以呢幾個月肥咗勁多🥲🥲🥲
嚟緊呢幾個月我真係會好好休息吓,同努力改善自己嘅缺點,諗吓啲物流行政野點樣可以再smooth啲,咁個人應該就冇咁緊張㗎啦!!
年尾會有新project,會出我自己嘅低醣食譜書,希望可以幫到大家享受生酮🥰所以如無意外應該新年先會再開團,到時再整多啲又好味又健康嘅嘢俾大家食!
𝗕𝗲 𝘁𝗵𝗲 𝗯𝗲𝘀𝘁. 𝗡𝗼𝘁 𝗷𝘂𝘀𝘁 𝗮 𝘀𝘂𝗯𝘀𝘁𝗶𝘁𝘂𝘁𝗲.
#多謝睇哂全文嘅你❤️
#多謝支持家嫂嘅你❤️
同時也有22部Youtube影片,追蹤數超過3萬的網紅MEeeep More,也在其Youtube影片中提到,月餅做法 材料 、 月餅食譜 | 就快到中秋節啦, 除咗同屋企人去賞月外,不如搞搞新意思,試下自已整中秋傳統月餅,令今個中秋更加有意義同難忘啦 ! 今日教大家整傳統月餅 , 方法簡單,自己係屋企都整到㗎!親子廚房、親子活動 白蓮蓉 奶皇 在家造月餅 homemade mooncake recipe ...
月餅模 食譜 在 Facebook 的最佳解答
流心奶黃月餅🥮𝐿𝒶𝓋𝒶 𝒞𝓊𝓈𝓉𝒶𝓇𝒹 𝑀𝑜𝑜𝓃𝒸𝒶𝓀𝑒
.
.
中秋就到喇🍂上2次用咗Toshiba Toshiba Q20蒸氣焗爐 (MS2-TQ20SC)嘅蒸同燉功能都好成功🤍今次向難道挑戰!用熱風對流烤焗整奶黃流心月餅!今次係第2次整!改良咗少少食譜!好成功🥺因為呢個功能熱力均勻!唔會淨係得上下熱!呢新機都算機細易放!內籠實用可以一次過用到2層!可以一次整到多啲送俾人🥸🖤推廣期內買,多送一套蒸焗盤(價值$270)😙好成功今次焗得😙😎食譜有啲長!睇熟一次先開始整😌
.
.
▶️流心餡同奶黃餡要1-2日前整好!餅皮就當日先整!
▶️整個時最好開住冷氣整🤣如果唔係流心餡會溶就好難包🥲
▶️記得買定月餅模呀🤎
▶️放冰箱是指零度以下的冰格!成功原理是要把雪到冰凍的月餅放入高溫焗爐快速焗熟外皮!而內面的流心餡只是剛溶狀態!太低溫焗或焗得太耐都會令月餅變形!所以時間好重要💪🏻
.
.
<2日前>
💫至少整到16粒💫
🧡奶黃餡: (20g each)
吉士粉 20g
奶粉 20g
低筋麵粉 30g
咸蛋黃 3個
砂糖 60g
蛋 30g
椰漿 100ml
忌廉 20ml
無鹽牛油 40g
鹽 1/8 茶匙
做法:
1. 咸蛋黃蒸10分鐘後用攪拌機打碎
2. 預備一個鍋,用小火把忌廉、砂糖、牛油、椰漿煮至牛油溶化!蛋先和其他餘下材料攪拌均勻!再加入鍋中!繼續用刮刀不停保持攪動,用小火煮至成團狀!煮好後倒入碟上放涼,蓋上保鮮紙放入雪櫃雪1-2晚
<2日前>
🧡流沙餡: (6g each)
熟咸蛋黃 2個
已溶無鹽牛油 30g
水 25g
砂糖 50g
木薯粉 15g
吉士粉 15g
做法:
1. 咸蛋黃蒸10分鐘後用攪拌機打碎
2. 水、吉士粉、木薯粉和砂糖拌勻!加入無鹽牛油!用細火煮至微滾!熄火!加入咸蛋黃碎!攪拌均勻!
3. 每個保鮮膠袋剪成4份!預備約16份,把6g的流沙餡倒上,再一個一個包好,包的時候可以盡量包成圓形,咁樣會方便啲包餡!放入雪櫃冰格雪1-2晚至硬身!
<當日>
🧡餅皮: (25g each)
低筋麵粉 300g
蛋 30g
糖霜 80g
無鹽牛油 160g (放軟)
忌廉 30ml
吉士粉 30g
餅皮做法:
1 . 糖霜、吉士粉和麵粉過篩,再加入牛油搓勻!
2. 加入蛋和忌廉用手搓成至麵團!唔使搓太耐!混合到就得!
3. 用保鮮纸將做好的麵團包好!未用就放入雪櫃備用!
🧡其他材料:
適量高筋麵粉做手粉用
掃蛋水: 1隻蛋黃加入1茶匙水
掃糖水: 砂糖2湯匙加人1湯匙水
❤️月餅做法 :
1. 奶黃餡放室溫回軟10分鐘,再分20g一份,搓圓壓平再快速包入流心餡!再搓圓!要快手否則流心餡會溶!可以逐次從冰箱拿出幾粒流心餡以防止溶化!包好後放入冰箱雪至少15分鐘至硬備用!
2. 將月餅皮麵糰搓成長條形切分成25g一份小麵糰用壓平,再包入雪硬了的餡料!搓圓至沒有裂痕!
3. 己包餡之麵糰薄薄撲上少少麵粉,月餅模同樣要撲上少少麵粉!放入月餅模壓出餅紋,再放入雪櫃冰箱雪大約雪半個鐘至硬身
❤️入爐 :
1 . Q20蒸氣焗爐用熱風對流烤焗功能,以攝氏230度預熱至少15分鐘,月餅放在牛油紙上再放上焗盤!
2 . 有月餅的焗盤放上層,再放多層空的焗盤向下層隔熱用!先焗6分鐘後取出!掃蛋水後等約5分鐘再掃第二次蛋水!再放入爐轉230度焗4分鐘至上色!出爐後掃上糖水即成😴
可以去埋 Toshiba Lifestyle Hong Kong了解點用佢哋嘅蒸氣焗爐煮出唔同嘅菜式
#betiskitchen甜品 #betiskitchen中式
月餅模 食譜 在 Kaso Kitchen 家嫂小廚房 Facebook 的最讚貼文
迷酮生酮月餅
@_ketofans_
之前都有聽過呢間餅店嘅蛋糕幾好食,所以想試埋佢哋嘅月餅!食完覺得OK,會試埋佢哋嘅蛋糕😍😍
三式生酮月餅 $388/6個
入邊冇流心,月餅得兩層,所以呢個價錢正常啦,
月餅有3個口味,奶黃、斑蘭同埋黑芝麻,斑蘭俾我屋企人食晒成個,所以我冇影相,亦都冇試味🥲媽咪話淡淡地,唔係好甜。奶黃入邊有粒粒鹹蛋黃,但係蛋黃味都唔係好重,重口味嘅我覺得唔夠喉,芝麻味幾好食,濃得嚟唔會有沙沙嘅感覺!
月餅皮係做到乾身嘅,呢樣真係要讚,因為有啲月餅為咗壓模嘅時候容易啲,落多咗黃原膠,吸咗水之後就會變咗黐立立,不過月餅模嘅字可能太複雜,焗完搽完蛋漿,啲字就化晒🙈
食物:❤️❤❤❣️🤍
價錢:❤️❤❤❣🤍
Encore?會試埋其他野😍
Kaso生酮月餅喜愛榜
1️⃣白老鼠
2️⃣迷酮
3️⃣Infiniti C
4️⃣Ketore
❓Bianca (未食)
❓lowCarb Bakery (未食)
#ketohk #hkketo #生酮月餅 #低醣月餅 #hkbakery #hkketobakery #ketobakery
脂 #食譜#低醣食譜 #低醣飲食
#減醣 #減醣料理 #低碳飲食 #低碳食譜 #生酮飲食 #生酮食譜 #低碳零食 #低脂零食 #健康零食 #生酮烘焙 #生酮蛋糕
#月餅 #奶皇月餅 #低升糖飲食 #低升糖食物
月餅模 食譜 在 MEeeep More Youtube 的最佳貼文
月餅做法 材料 、 月餅食譜 | 就快到中秋節啦, 除咗同屋企人去賞月外,不如搞搞新意思,試下自已整中秋傳統月餅,令今個中秋更加有意義同難忘啦 ! 今日教大家整傳統月餅 , 方法簡單,自己係屋企都整到㗎!親子廚房、親子活動 白蓮蓉 奶皇 在家造月餅 homemade mooncake recipe 广式月饼
首先睇睇所需要嘅材料!
餅皮
中筋麺粉 120克
菜油 兩湯匙
鹼水 2克
轉化糖漿 85克
餡料
按口味 可選購
鹹蛋黃、低糖白蓮蓉、奶皇
玫瑰露酒 適量
掃面
蛋黃 1隻
水 少許
50克月餅模 1個
一站式買齊所需材料 - 東源號:http://www.tungyuenho.com.hk/
餡料方面,今日我就揀咗低糖白蓮蓉同埋金沙奶皇蓉兩款現成嘅餡料。超市未必有齊以上咁多種材料,尤其係月餅模同現成餡料,我就揀咗去連續6年榮獲Famous Brands Hong Kong 香港著名品牌嘅東源號買,一站式有齊所有用料,睇下!口味多到數唔晒!唔想舟車勞頓,仲可以上佢哋網站一次過訂曬所有材料,應有盡有,方便快捷 !
齊料就開工整月餅喇!首先我地要搓月餅皮,將油同鹼水加到轉化糖漿入面,搞拌混合,再加入麺粉,呢個時候記住唔好再用打蛋器,因為麵粉糰會卡喺打蛋器中間,好難攪拌㗎!粉團搓至無一粒粒就可以啦!然後將粉團包住保鮮紙放於室溫大約3個鐘備用。如果係夜晚整,亦都可以放落雪櫃一晚。
今日其中一款會造嘅月餅係蛋黃白蓮蓉,我哋可以先處理鹹蛋黃。將適量嘅玫瑰露酒倒落鹹蛋黃上,跟住喺焗盤上排好,放入已預熱到150度嘅焗爐焗7分鐘就可以拎出嚟,攤凍待用。
新手造月餅,我會見議餅皮同餡比例大約係18克比32克。首先示範下簡單嘅金沙奶皇餡先!由於唔使放蛋黃,只需要量32克嘅金沙奶皇搓圓就可以喇!
跟住到處理有蛋黃嘅餡喇!先量一量鹹蛋黃嘅重量,之後用低糖白蓮蓉補齊到32克,跟住將蓮蓉壓成薄皮,放入鹹蛋黃,慢慢包好,唔夠蓮蓉嘅部份可以用陰力慢慢向上推,之後搓成圓型,待用。
跟住到抖涼咗嘅餅皮喇!量18克嘅餅皮、上下用兩張保鮮紙鋪平,跟住用棍碌成厚薄均勻嘅餅皮。跟住就可以將頭先整好嘅餡料放喺餅皮中間,慢慢包好再收口,唔好心急!之後再搓圓就可以喇!
跟住我哋再篩啲中筋麺粉,將搓好嘅月餅粉團碌一碌中筋麵粉,再放入月餅模入面,一隻手撳實個模,另一隻手大力壓10下左右,再脫模就可以喇!
將月餅排喺焗盤上邊,用噴壺離遠噴幾下,等餅皮唔使太乾。之後放入已預熱到攝氏160度嘅焗爐焗10分鐘。
焗緊嘅時候就可以準備蛋漿。將少少水加入蛋黃入面再攬勻就可以。月餅焗咗10分鐘後,可以拎出嚟,趁熱用掃輕輕咁將蛋漿搽到月餅面嘅花紋位,搽好一次後可以上多一浸,之後放落已預熱到170度嘅焗爐焗多9分鐘。搞掂!簡單又好食嘅傳統月餅出爐喇!
啱啱出爐嘅月餅表面會比較乾,不過放兩三日之後,月餅就會「回油」,睇吓!賣相唔錯㗎!快啲試下啦!祝大家中秋節快樂!
![post-title](https://i.ytimg.com/vi/auhuePQk6AE/hqdefault.jpg)
月餅模 食譜 在 飲食男女 Youtube 的最佳貼文
唔使排隊搶!教你自製朱古力流心冰皮月餅
https://bit.ly/3bWSeBy
00:00 朱古力流水冰皮月餅
材料:
流心 — @5克, 約16粒
(A)材料 重量(g)
1 煉奶 (鷹嘜) 40
2 唂咕粉(Valrhona) 14
3 淡忌廉 30
4 鮮奶 5~10
【作法】
1) 煉奶+唂咕粉+ 1/2份忌廉攪勻後,再加餘下忌廉混合成順滑朱古力糊,像牙膏的軟度。
※材料要雪過,混合完即時便知道流動效果※
2) 鮮奶小量加入,調稀朱古力糊,像剛溶的軟雪糕就可以,不用全部加入。
3) 裝入唧袋,在牛油紙上唧出約1毫硬幣的豆粒(5克),每張紙唧4粒,方便小量使用避免融化。
4) 《流心》豆放冰箱雪硬便可使用。
朱古力豆蓉餡—:@20克, 約16粒
(B) 材料 重量(g)
1 無糖白豆蓉 220
2 淡忌廉 50
3 原蔗糖raw sugar 50
4 唂咕粉(Valrhona) 8
5 70%黑朱古力片(Valrhona) 36
冰皮部分— @25克, 約16粒
冰皮材料 重量(g)
1 糯米粉 35
2 粘米粉 35
3 低筋粉 15
4 唂咕粉(Valrhona) 8
5 砂糖 25
6 粟米油 (米糠或黃豆油…)35
7 煉奶 (鷹嘜) 70
8 鮮奶* 180
手粉:
糕粉/熟糯米粉 40
___
05:40 流黃奶黃月餅
【甜品食譜】唔使排隊炒 自製流心奶黃月餅
https://bit.ly/2E2ie22
材料:
流心醬及奶黃餡使用
鹹蛋黃(15克/粒)3粒
玫瑰露酒 適量
做法:新鮮鹹蛋去除蛋白,用玫瑰露酒噴灑後,大火蒸5分鐘,熄火焗5分鐘取出,趁熱用切碎機打碎待用。取出15克作流心醬,餘下留待奶黃餡使用。
【所需工具】
食物切碎機(food processor),50克月餅模,保鮮袋,大小烤盤各一(重疊烘焙),矽膠墊,冰墊,磅,油掃
流心醬 6克/粒,約重75克
A)鹹牛油15克
B)吉士粉(獅嘜)7克
木薯粉7克
砂糖25克
水10克
C)熟鹹蛋黃碎15克
___
15:40 抹茶麻糬月餅
【甜品月餅食譜】抹茶麻糬月餅
https://bit.ly/2FioZgT
材料:(8個,50克)
I) 麻糬餡心 6-7g/個
a)糯米粉12.5克
粟粉2.5克
木薯粉2.5克
白砂糖4克
b)冷壓椰子油 2.5克
清水30克
c )麥芽水飴10克
註:這部份材料量比較少,建議最少煮2倍,可減低損耗和操作的麻煩
麻糬做法:
1) 材料a混合後加入材料b拌勻待用。
2) 材料c倒入單柄鍋,稍微加熱融化後,便可倒入步驟1的混合物,邊煮邊攪拌,煮至糰狀後倒出。
3) 趁熱把麻糬分成每粒6-7克,然後放入冷凍室冰硬待用。
註:麻糬非常黏手,製作時宜戴上手套
II) 抺茶豆蓉餡 22g/個
a)白豆沙150克
b)白砂糖26克
淡忌廉22克
麥芽水飴30克
c)鹹牛油25克
d)日本抹茶(青嵐) 2.5克
===================================
? 8折全年睇《蘋果》即慳$121!
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube: http://bit.ly/2Md5V2k
Facebook: http://bit.ly/2MJejcp
Instagram: http://bit.ly/2EA3qpR
相關影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆:好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老 唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台 變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
#月餅食譜 #冰皮月餅做法 #流心奶黃月餅食譜 #麻糬月餅食譜
#飲食男女 #StayHome #WithMe #跟我一樣 #宅在家
飲食男女 打卡大街小巷搵食地圖
https://hk.adai.ly/e/gPF0DIjsB9
《蘋果》每日為你增值 立即訂閱
https://hk.adai.ly/e/kbo0wDsxB9
![post-title](https://i.ytimg.com/vi/IUSHh9MrgaY/hqdefault.jpg)
月餅模 食譜 在 MEeeep More Youtube 的最讚貼文
冰皮月餅 Snowy Mooncake 簡易食譜 - 中秋節人月兩團圓,一家人坐埋食飯嘅同時,如果可以品嘗自己親手做嘅月餅,榴槤月餅、綠茶月餅就更有創意,亦可以成為親子廚房活動!今日就教大家整冰皮月餅,冰皮月餅材料唔難搵,唔好以為好難整喎,其實就算新手都一樣OK㗎!抹茶冰皮月餅
冰皮月餅做法 - 首先睇吓要準備嘅材料!
冰皮:
粘米粉 40克
糯米粉 40克
中筋麵粉 20克
砂糖 40克
牛奶 180克
煉奶 5湯匙
菜油 2-2.5湯匙
50克月餅模 1個
另備20-30克糯米粉作為糕粉用
一站式買齊所需材料 - 東源號:http://www.tungyuenho.com.hk/
餡料方面,我哋今日就介紹大家用現成嘅餡料,對於新手來講唔需要顧咁多嘢,亦都有更多味道嘅選擇喎!睇吓!除咗我今日揀嘅綠茶味之外,連榴槤、豆蓉等等好多味道都有㗎!
好多時要買齊以上嘅材料,都未必可以一次過喺一間超級市場買到。今日我就嚟到呢間專賣食材的東源號,一次過買齊以上嘅材料同埋月餅模,方便慳時間!亦都可以去佢哋嘅網頁訂購,款式一樣咁齊㗎!
首先將粘米粉、糯米粉同麵粉過一過篩,記住一定要做呢個步驟,如果唔係冰皮就會起粒同唔滑。之後可以落埋糖同菜油,攪拌。
將牛奶同煉奶喺另一個碗攪勻,跟住逐少分幾次加入去篩好嘅粉入面,用打蛋器或者攪拌棒攪勻成糊狀,見到有粉粒要壓散。因為今次我整綠茶味嘅冰皮月餅,我就加咗兩茶匙嘅綠茶粉。
準備一個糕盆,可以用即棄嘅錫紙糕盆或者呢啲有邊嘅碟,搽上一層薄薄嘅菜油,跟住將頭先嘅餅皮糊漿倒入糕盆內,盆面放一張煮食錫紙,以免有倒汗水滴落餅皮糊漿上面,再用大火隔水蒸30-35分鐘。蒸好嘅餅皮粉團,喺室溫下攤凍,待用。
喺蒸緊月餅皮嘅同時,用平底易潔鑊以中細火將20-30克嘅糯米粉慢慢炒成糕粉,大約炒5-7分鐘、見到本來嘅糯米粉開始變成黃黃哋就可以收火,倒起待用。
今日我就揀咗用現成嘅綠茶餡,大家亦可以揀唔同嘅味道一齊整,如果雪咗落冰格,記得整嘅前一日放返來雪格解凍。我會建議新手以1:1嘅比例做餅皮同餡料。將綠茶餡分成25克一個,如果怕整得慢,可以每個用保鮮紙包住,保住入面嘅水份。
跟住可以好似我咁將凍咗嘅粉團連埋表面嘅油重新搓一次,熟咗嘅菜油朔返落去粉團入邊,冰皮就更加煙韌同香滑喇!跟住將粉團搓成25克一粒,再壓成餅皮。大細要放得落頭先搓起嘅餡料,如果想整好嘅月餅切起餅皮均勻,就要內厚外簿喇!跟住就放入餡料,慢慢將餅皮收口,再將缺口位搓靚。
跟住將包好嘅粉團放落有糕粉嘅碗入面碌一碌,將粉團壓細再放入月餅模入邊,記得收口位向外,之後一隻手撳住月餅模底部,另一隻手大力撳落去幾下,咁靚嘅冰皮月餅就差唔多搞掂喇!跟住將完成品放入保鮮盒、上面加張廚房紙,再放落雪櫃,自製嘅冰皮月餅就完成喇!係唔係好簡單呢!等我切一個雪起嘅俾大家睇下啦!
祝大家中秋節快樂!
![post-title](https://i.ytimg.com/vi/7nYj0yLsjfI/hqdefault.jpg)