#性事傳紙仔 文：@馬天娜 IG@mtna.sc
上次有朋友投稿問我：「我地係點樣知道自己性傾向？」
我會覆兩個詞語：探索，同埋碰撞。
同我地對其他事物同行為嘅喜惡一樣，相信好多人都係喺成長環境同過程中，不斷探索。喺一堆問號、不安同埋說不清嘅情感之中，一步步確認自己嘅性傾向。有人可能生活喺非常嚴謹同高壓嘅家庭教育，內心可能會有好多掙扎；亦有可能有人成長喺有中性打扮長輩嘅家庭中，細個不經不覺中就有接觸到不同性別氣質。亦有人面對現實，「人生階段」嘅大潮流，加上朋輩影響，進入所居地嘅婚姻制度，經歷過不同關係階段，之後想有改變，都唔定。
過往會有人提出：「你對邊一種性別有性衝動，或者想有肌膚之親的想法，你就係有對嗰個性別嘅性傾向。」
呢種算係比較主流的方法，但隨著多咗人提及無性戀（Asexuality）同埋無浪漫傾向（Aromantic），主流的方法都未必可以令自己確定到傾向。當然啦，到底你係恐性，定係無性，呢個就係睇你同你的成長同生活環境嘅關係了。
你亦都可能喺網上見過不少心理測試，都係僅供參考啦。
記住，無人可以幫你你判斷性傾向，因為只有你自己最了解自己。
面對越黎越多嘅專有名詞，我地反而無必要認領一個標籤。
既然我地比前人有更加多字詞去形容性向（真係聽過唔少年紀比我大嘅人話出到社會之後先接觸到lesbian/ gay呢啲字眼！），先慢慢去體會自己的感受，用你嘅說話去形容自己喜好/傾向，你總有一日會知道答案。
無浪漫傾向 測試 在 無浪漫傾向測試、性向測試、性向測驗在PTT/mobile01評價與 ... 的推薦與評價
... <看更多>