《觀塘海濱玻璃屋✨ chill住望海景食西餐🌊》
其實成日都經過觀塘海濱呢間玻璃屋餐廳🍴，夜晚附近漆黑一片只係見到呢間掛住好多黃色鎢絲燈💡嘅餐廳，環境同氣氛其實都幾浪漫💕。
.
餐廳分為兩個用餐區，有室內同室外。見到好多食客都鍾意坐戶外，感覺比較chill，好啱同朋友摸住酒杯底傾吓計。當日咁岩遇到日落🌄個景真係好靚㗎。
.
今次只係點左兩款主食同兩杯嘢飲。
.
📍 “IMPOSSIBLE” 素肉千層麵 ($168)
“IMPOSSIBLE” Vegan Beef Lasagna
素食而家越嚟越流行，Impossible meat應該都冇乜人唔識。呢款素食千層麵中間加入菇菌🍄，有咬口得嚟仲可以增添香味👍🏻。芝士份量唔少又可以拉絲🧀，食落成個口感同普通嘅千層麵冇乜大分別，旁邊嘅蕃茄醬唔會過酸🍅，食落好香番茄味。最重要係成個千層麵嘅口感係融為一體，唔會覺得突兀，質素都唔錯❤️。
.
📍 焗紅鯛魚柳配香茅椰子汁($188)
Baked Red Snapper Fillet with Coconut & Lemongrass Sauce
鯛魚非常厚身，魚皮香口煙韌，魚肉唔算嚡🐟，不過口感較木實。最大失分位喺感覺冇落調味☹️，雖然配有香茅椰子汁🌿🥥，但仍然係唔夠味。旁邊伴有炸薯角、車厘茄同青豆做配菜。可惜薯仔🥔一早炸定唔係熱辣辣，扣咗分。青豆同蕃茄唔錯，新鮮又冇渣。整體上配菜都好似俾個魚柳出更出色🙈。
.
📍Cold press Apple juice ($45)
味道香甜，雖然冇咗蘋果汁原本嘅酸味，但飲落舒服自然。
.
📍是日水果茶（$38）
水果茶可以揀凍或者熱，原壺奉上份量唔少，而且感覺係用上新鮮果汁🍹。應該落咗蘋果🍎同熱情果，飲落有生果嘅香味同微酸，唔錯。
.
其實個素食千層麵真係唔錯，有啲驚喜🥰。不過魚柳真係唔太理想，而且價錢唔平，需要改善。
.
La Serre (觀塘)
觀塘海濱道90號地下1號舖 @ La Serre
素食千 層麵 在 【低敏食譜】純素芝士蔬菜千層麵| 蜜兒廚房@MAB MAK... 的推薦與評價
做法： 1. 先將洋蔥切碎；蕃茄切細；意青瓜及茄子切片；羅勒切絲，備用。 2. 用中大火爆香洋蔥，再下蕃茄和水轉成小火燉煮30分鐘，加入羅勒絲、鹽及黑胡椒碎調味。 3. 煮千 ... ... <看更多>