日本料理中，我認為最高享受的一定要是「Omakase」（お任せ / 師傅發辦），因為廚師應當比我們更加懂得選擇時令食材的配搭，這更是客人對師傅功力的認同與信任。
昨晚雖然不是第一次光顧大角咀的武館，但每次來到，都好似第一次嚟咁，每次品嚐的美食都不同，每次都會有新料理知識的得着。食客與食客、食客與師傅之間的互動、開心愉快的一晚，讓我們以為自己正身在日本橫街的小店！
前菜三點：枝豆豆腐
前菜三點：明太子玉子燒
前菜三點：大根麥粒味噌
小吃：櫻花蝦乾 、兵庫縣生果洋蔥、三陸產若布沙律
刺身：金線鯛
日本的紅衫魚
刺身：青森 時不知鮭魚
一萬條先有一條，正常鮭魚九月先返去產卵，但呢隻時不知鮭未夠時候產卵就比人捉左，所以佢既營養比較豐富，油香肉味較重
刺身：青森 原隻活紫海膽
刺身：兵庫 赤穗蠔
刺身：大拖羅魚腩
呈漸變色，可見魚脂分佈由少至多，帶來有層次的味道
刺身：富山 螢烏賊
壽司：北海道 活北寄貝壽司
一般出面食到紅色既北寄貝係熟左唔新鮮，呢隻新鮮嘅，食之前師傅會拍一拍佢，令佢肌肉收縮，口感更爽
壽司：北海道 牡丹蝦壽司
壽司：岡山 蝦蛄壽司
壽司：長崎 火炙赤鯥連肝壽司
屬高級魚，油份重，媲美喜知次
手卷：蔥拖羅手卷
壽司飯用左赤醋，味道冇咁搶，係傳統江戶前風味
北海道 毛蟹
炭燒香魚
魚未煮熟既時候有西瓜香，伴碟嘅醋係用香魚生長環境嘅植物所做成
魚湯
師傅會把當天料理中，料理過的魚的魚骨，伴少許日本海鹽烹煮而成
沖繩 白粟米
當水果食的白粟米、生食香甜無比
靜岡 糖蕃茄
唔同產地既糖蕃茄會有唔同既水果味，如芒果、蜜瓜；靜岡帯有芒果味
全餐除咗前菜三點，拖羅同牡丹蝦之外，全部都係時令野，所有食材都係即日由日本魚市場直送；由於客人眾多，餐廳不接 Walk-in 客人，需要提早預約。
人均：$1000 - $1400 視乎當日時令食材
武館 BUKAN
螢烏賊壽司 在 台湾スシロー台灣壽司郎- 夢幻逸品 富山灣產螢烏賊 登場 ... 的推薦與評價
夢幻逸品✨富山灣產螢烏賊✨登場！ 喜愛到日本旅遊的您知道嗎？ 在黑暗深海中成群結隊閃閃發亮的 「螢烏賊」， 是日本富山灣享有盛名的特產美食！ ... <看更多>