Search
最近我問：「你今個星期有冇做運動呀？」
九成會員嘅表情都係好似呢個公仔咁(冒汗/o嘴/尷尬笑）：「哎喲最近天氣好熱呀⋯⋯戴住口罩做唔到⋯唔戴又總覺得唔安全⋯⋯」
做唔到運動，大家至少出去行下路呀，都有幫助新陳代謝㗎😂 時代雜誌曾經寫：“sitting is the new smoking” 淨係坐喺度，同吸煙一樣危害健康啊！
尤其是曬吓太陽，可以製造維他命D增強免疫力啊！仲可以提升正能量添！
#nofilter #ilovesunshine #staypositive
#飲完茶食得太飽 #行咗一兩個鐘返屋企
airfryer 氣炸鍋食譜 氣炸鍋燒肉 氣炸鍋燒腩仔
網上其實都有唔少用氣炸鍋整港式燒肉同港式燒腩仔嘅短片，不過好多朋友都同我講怕煩，唔想疏針，又唔想雪嚿肉幾日，咁仲有無辦法呢？今日就同大家分享一下呢個唔洗疏針，只需要雪過夜嘅氣炸鍋燒肉做法！家常食譜 簡單食譜 氣炸鍋料理
整燒肉可以去肉檔買新鮮嘅豬腩，不過早幾日行開Aeon，發現有呢啲原條嘅急凍豬腩仔賣，即刻買番來試下啦！想食燒肉嘅前一晚，將急凍豬腩仔解凍之後洗乾淨，我發現豬皮都好乾淨，應該就無乜豬毛要處理喇。因為我部氣炸鍋比較細部，所以我就張條豬腩仔一分為二。
跟住就要準備醃料，我落咗兩湯匙嘅生抽、一茶匙玫瑰露酒、一湯匙嘅糖、一到兩個茶匙嘅雞粉、適量嘅胡椒粉、攪勻。
跟住準備一個咁上下大細嘅玻璃容器，鋪上錫紙，之後企身放入豬腩仔，之後搽醃料上去豬腩肉嘅部份，記得唔需要搽到豬皮位。如果你屋企有掃，可以用掃搽，如果唔係好似我咁用匙羹都可以。搽完有多嘅醃料，可以倒埋落去，之後摺起錫紙，好似我咁包住嚿燒肉，跟住用白醋喺豬皮上面搽幾次，再好似我咁搵生果刀喺豬皮表面大力?幾刀，?完就可以放入雪櫃最高一格就最好，但唔好放入冰箱，亦唔使封保鮮紙。建議放大約15-18個鐘就可以喇！
第二日拎番嚿豬腩仔出嚟，睇下我用匙羹敲下塊皮，硬晒！咁無問題喇。放嚿肉喺室溫解凍大約20-30分鐘，之後搽多一兩層白醋喺豬皮上面，俾多5分鐘佢吸收。跟住就喺豬皮上面鋪上粗鹽就可以準備燒喇！
首先放張煮食紙喺氣炸鍋籃入面，跟住將醃好嘅豬腩肉咁樣放入個籃，再放入氣炸鍋，用180度火焗30分鐘左右。好！30分鐘喇！打開氣炸鍋，燒得唔錯！夾起嚿肉，跟住用刀或者匙羹刮走豬皮上面嘅鹽唔要。另外氣炸鍋入面嘅煮食紙應該裝住咗好多油，趁呢個機會換埋佢！小心啲油，好熱㗎！之後放返嚿豬腩仔入去，盡量豬皮向上，用200-220度火，再焗多10分鐘左右。
搞掂！開嚟睇下先，又香又靚！之後可以夾起嚿燒腩仔，攤凍一陣，如果怕油，可以好似我咁將燒好嘅燒肉用廚房紙吸走表面嘅油，跟住切開細份就可以上碟！食得喇！聽下聲都知鬆脆啦！
#氣炸鍋食譜 #氣炸鍋燒肉 #氣炸鍋燒腩仔
《酒吧利潤點計?》 林鄭禁酒，酒吧點算?
酒吧為何賺到錢?
賣什麼酒最賺錢?
酒吧業主可以點?
內容 Summary
賣酒賺錢三大原因:
(1) 酒吧只需要小食牌照， 廚房可以細一半。
(2) 人手比一般餐廳少一半。
(3) 飲酒水一 high 可以重複好多。
酒水成本點計?
(1) 賣紅酒/白酒， 一般每支行規都係 markup 3/4倍。
(2) 支裝啤酒 markup 5/6/7/8倍。
(3)賺得最多是 Spirit 烈酒，markup 分分鐘幾十倍。
(4) Margin 最少是 draft beer。 每杯成本二三十蚊杯，happy hour 買一送一，冇錢賺。
(5) 手工啤酒 Craft Beer 成本仲貴， 因為產量少及唔放得耐。
賣酒佔餐廳利潤往往三四成，佔酒吧利潤九成以上。
呼籲全港業主幫幫酒吧，業主撐酒吧天公地道。
全文內容。。。。。。
依家企咗係尖沙咀諾士佛臺酒吧餐廳段，呢度嘅餐廳酒吧，正常市況，樓上舖租嘅十零萬，樓下舖租廿零三十萬。
昨日林鄭話全港禁賣酒，酒吧唔準賣酒，等如 Starbucks 唔比賣咖啡，一定大受影響!
如果你係酒吧業主，減租/ 免租啦，唔使講嘢! 大家都要為香港全民抗疫付出，犧牲! Me too.
酒吧可以分為 Sport Bar, 清吧， 拳手酒吧，Live Band 酒吧， 飛鏢酒吧，跳舞Club 酒吧，Gay Bar, Cocktail Bar, 專門酒吧，例如: Sake Bar, Gin Bar， Whisky Bar ，Shisha Bar 等。賣酒賺錢好搵個個知。 三大原因:
(1) 酒吧只需要小食牌照， 1000呎嘅舖餐廳嘅大牌就起碼四分一要係廚房。細牌，廚房可以細一半，坐客自然多啲啦。
(2) 人手比一般餐廳少一半， 一間酒吧，平均四五個人手就搞掂。慳返個廚房/洗碗， you know ... 好市時，又難搵又重皮。 洗碗人工仲貴過請補習老師。 因為好多人係為理想而做教育，但冇人喺為理想而去洗碗。
(3) 食個早餐快餐常餐晚餐，最多一人隊一兩個。 你唔會食十個豬扒飯。但飲洒 high 一 high，好容易一個人吹水一晚就飲成打啤酒。咁酒水成本點計呢?
賣紅酒/白酒， 一般每支行規都係 markup 三/四倍。來貨$150，就賣$500。
支裝啤酒賺再多啲，markup 5/6/7/8倍。來貨價幾蚊支。 例如嘉士伯，七/八蚊支左右， 分分鐘就賣四五十蚊支， 甚至乎再貴啲。睇間吧地段係邊度。 籣桂芳梗係貴過諾士佛臺，亦都梗係貴過屋村樓下間酒吧仔。
賺得最多應該係 Spirit 烈酒，即係酒精濃度較高嘅酒，例如 Vodka, Rum, Gin, Whisky, Brandy, Tequila 等。 一支 Vodka 成本可能低至$40蚊支， 加啲七喜加啲冰可以開到50杯， 你計計數啦，成本可能得嗰兩三蚊，就賣你50/60蚊杯，markup 分分鐘幾十倍。
Margin 賺最少可能是 draft beer生啤。 來貨價每一keg 即係每一桶酒就千幾蚊， 開到大約50杯，最衰嘅就係一開咗就要兩日內飲曬， 如果唔係好易變壞， 經常揼， 好嘥。 成本已經二三十蚊杯，happy hour分分鐘買一送一，即係等於冇錢賺， 但勝在銷量多。 近年好興嘅手工啤酒 Craft Beer 成本仲貴， 因為產量少及唔放得耐。
當然間間酒吧食肆定位定價都唔同， 好難一概而論。但一般來說，賣酒佔餐廳利潤往往三四成，佔酒吧利潤九成以上，總之酒吧唔畀買酒一定無得做。但為了全民抗疫，無辦法。
Come on， 業主大把錢， 呼籲全港業主幫幫酒吧，#業主撐酒吧天公地道。 減租，免租， 甚至乎送錢畀佢洗，畀條生路人行下啦! 全民抗疫，香港人，加油!
#酒吧成本點計，#林鄭禁酒
......................................
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
第131故事《送花的故事》 預祝你聖誕及新年快樂。小女孩的一支玫瑰， 帶出對生命的什麼啟示呢?
故事內容全文:
從前有個成功男仕，開車到花店位打算訂一束花，請店員安排送去住在遠處故鄉的媽咪。
當佢正要走進店門時，發現有個小女孩坐在門邊哭，咁佢就走到小女孩面前問她：
「孩子，為什麼坐在這裡哭？」
「我想買一朵玫瑰花送給媽媽，可是我的錢不夠。」孩子說完，個男人聽了感到心疼。
「這樣啊......」於是男仕叫小女孩先入花店，自己先訂了要送貨給母親的花束，然後給小女孩買了一朵玫瑰花。走出花店時男仕向小女孩提議，要開車送她回家。
「真的要送我回家嗎？」
「當然啊！」
「那你送我去媽媽那裡好了。可是叔叔，我媽媽住的地方，離這裡很遠。」
「無問題。」
男仕照小女孩說的一直開了車過去，沒想到走出市區大馬路之後，隨著迂迴曲折的山路前行，揸咗十分鐘，竟然來到了個...... 墓園。
小女孩把花放在一座新建成的墓碑前面，原來她為了給一個月前剛過世的母親，獻上一朵玫瑰花，而從墓地向花店走了一大段遠路。位男仕將小女孩送回家之後，然後再度折返花店。仲乜嘢?
他取消了要寄給媽咪的花束，而改為自己買了一大束鮮花，親自揸車到離開幾小時車程的母親家中，因為他要親自將花獻給媽媽。
故事帶出什麼理念?
小女孩這一朵玫瑰花令佢明白到，為離世者，獻花紀念， 大花金錢大搞喪禮，倒不如在他在世時， 善盡孝心。 珍惜眼前人。
我唔夠膽講我係好孝順， 但平日一二三四五我從來唔約人食lunch，因為我想專注睇舖，每日都唔知去到香港邊個角落頭道，好難約人， 唔想嘥時間 .... except 我爸爸媽咪。他哋一有時間話食lunch，我都盡量屯門/天水圍都好，撲返嚟中環附近同佢哋見個面傾下計，佢哋食lunch，我則食自備水果。每星期都起碼有一兩次，成日畀我媽鬧唔食飯。 但唔緊要，最緊要係一家人見面傾下計， 互相關心下。
我喺個好幸運嘅小朋友， 無我爸爸媽咪支持，我無本事做到今日。今個聖誕新年季節，好好珍惜你同屋企人，同父母嘅時間啦。朋友見唔晒， 但阿爸阿媽只得一個。
得嘅話，送紥花畀阿媽，吻阿爸一啖。就係咁簡單。
最好的已在身邊，珍惜眼前人!
#最好的已在身邊，#珍惜眼前人，#記住買花給媽媽
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw
