#邊個話打邊爐唔可以帶小朋友㗎 #親子火鍋店推介 #新春優惠
冬天其中一個好節目一定係食火鍋，但生咗兩個小朋友後，朋友聚會多數都只能選擇親子餐廳🍴，想食火鍋就簡直係唔洗諗，都唔敢諗，首要條件BB凳已經冇，其次一定係安全為理由。不過琴日嶠媽相約芊嶠好友QB一家去到新加坡人氣美顏火鍋店「美滋鍋」到「烚吓烚吓」，嚟個開開心心團年火鍋聚❤️
美滋鍋四大特式，令你心郁郁都想去試🎀
首先係佢地嘅招牌美顏養身火鍋湯底，#膠原蛋白養顏美容鍋，耗時 8 小時精心熬煮，湯底以瑤柱、雞肉、雞腳、豬骨及豬手等含豐富骨膠原食材熬製而成，絕對係媽媽或者少女們癲狂嘅【美人鍋】🥰
另外仲有五種不同美顏滋補湯底，嶠媽今次就揀咗鴛鴦湯底：膠原蛋白養顏美容鍋 x 清涼解熱雪耳鮮椰子鍋。提提大家，係未落料之前，可以飲一碗原汁原味嘅湯，補充下啲骨膠原🙂
有靚嘅湯底，梗係要配靚嘅食材㗎啦🤣第二特式就係手工製作優質火鍋食材，美滋鍋提供一系列新鮮食材，包括各款 #火鍋肉類、#海鮮、#蔬菜 同 #麵條。所有嘅 #肉丸，#滑類 同 #餃子 都係手工製作。
必試 #自家制炸響鈴，美滋鍋嘅廚師嚴選優質腐皮，承諾每天新鮮即炸，並只提供最優秀嘅品質；仲有 #本地手切肥牛、#西班牙黑豚五花肉 同埋香港區限定新鮮刺身，#綜合刺身拼盤 & #活養原條鱆紅活魚，即叫即劏，保證鮮甜美味。
✨食物嘅味道固然重要，配埋調味醬料更加可以將食物嘅味道提升！美滋鍋提供20種調味料與醬汁選擇，仲有新鮮時令水果！飲品有3款 #無限添加飲品，只需$25就可以揀一款飲品，無限添加😍分別有熱 #水果茶，#洛神花飲品 & #竹蓆茅根，$25可揀一款無限添飲😋
嶠媽最最最欣賞嘅就係美滋鍋設置 #室內兒童遊樂場，等3-7歲嘅小朋友可以係色彩繽紛嘅軟墊遊樂場內玩，家長們可放心安坐於餐廳內，透過掃描電子餐牌嘅二維碼，從閉路電視睇住著小朋友係遊樂場嘅動態。大人 就可以慢慢嘆住火鍋吹下水，享受一下😍坐係 #粉嫩公主主題 嘅餐廳入面，重拾少女心❤️
🎀記住走之前去同 #巨型粉色小熊 合照📸
🎋美滋鍋 2020 新年優惠🎋
🍲一月份叫 #花膠全份，可無限追加花膠。
🍲年初一至年十五 (2020年1月25日至2月8日)，每位惠顧客人可獲贈「魚意吉祥」魚豆腐一條，再加$50現金券。
⚡️留意：用餐時間只有2小時，大家記住爭取時間坐低就叫嘢食，唔好掛住影相打卡啦😘
+++++++++++++++++++++++
【美滋鍋】Beauty In The Pot
地址：旺角登打士街 56 號家樂坊 8 樓 803 室
電話：3162 8238
網上訂座：http://bit.ly/2Ye6L3E
營業時間：每日中午 12 時至淩晨 3 時 (最後下單時間：淩晨 2 時)
#美滋鍋 #親子火鍋店 #媽媽gathering好去處 #芊嶠與劻霖成長日記
邊個話打邊爐唔可以帶小朋友㗎 在 生活 的推薦與評價
咁通常d男人又粗心大意又只顧自己打機，傾計，玩，唔理自己d仔女既，點只打邊爐，直頭帶仔女出街都未夠班，d小朋友死左唔見左佢都未必知咩事，淨係一心諗住帶個細路出 ... ... <看更多>