#香香食好西
日本封關都有一段時間，香港嘅燒肉店大多都有名無實，始終牛肉質素參差，想食都只能睇返旅行舊照望梅止渴🥺🥺
終於俾我搵到呢間有15年歷史嘅東京過江龍燒肉，係由日本政府農業部轄下機構JA直營，所有和牛都經嚴格挑選同政府認可，保證純種、質素佳😳
⚜️
野菜醋物 $78
紫菜、青瓜片、生菜混合嘅沙律預先以沙律醋拌和，酸甜兼具，清甜爽脆又開胃。
特選日本產和牛肉眼 $550
肉量脂肪比例平均，口感嫩中帶豐富油香，不需大力咀嚼已經化開。
特選日本產和牛牛排肉（鹽燒）$320
比肉眼厚身，雪花呈網狀，肉質較多，肉香亦較濃郁；
口感稔身厚滑，有咬口，唔需要額外調味都夠味。
日本產和牛上牛排肉（鹽燒）$205
口感與牛排肉近似，油花較重，食落會再軟身啲。
日本產豬五花肉（鹽燒）$98
肥瘦分明，本來怕太肥膩，但燒熟後反而好爽脆，又帶些許油煎嘅焦香，加上淋於肉上嘅燒汁更惹味。
日本產梅酒一杯 $60
燒肉必配梅酒，呢款梅酒清甜無酒精苦澀味，好易入口。
檸檬梳打 $55
加入檸檬片同果汁，味道酸甜清爽，梳打冰涼夠汽，正好一解肉膩。
✅設有不同醬料供客人選擇，最左邊嘅牛肉汁加入蘿蔔蓉，鹹甜帶香，尤其惹味。
✅舖頭主打和牛，不同部位以至內臟都有供應，餐牌上亦有仔細說明每一部分嘅味道特點。
#食在尖沙咀
#和牛燒肉純
