鮮蝦菜肉餃：
有人話…我家雪櫃有個黑洞，放極都仲有位 😂 除左一堆凍肉或乾貨，冇事就包定啲餃子，有菜有肉又有蝦，絕對有營又好食，包定唔同形狀，想煎想烚想點都得 👍
PS：肚臍餃係我家小朋友改嘅 😌 有創意吧！
材料：
水餃皮1斤
大白菜1棵(約500克)
鮮蝦1斤
免治豬肉500克
醃料：
蛋1隻
糖1茶匙
生粉2茶匙
蠔油1湯匙
麻油1茶匙
胡椒粉少少
蔥1碗
1. 半肥瘦豬肉，我自己用攪拌器打碎的(自己攪比較衞生)，碎肉後加入兩湯匙的水撈勻
2. 蝦去頭和蝦殼，並挑去蝦腸，蝦肉徹底洗乾淨， 抹乾水份，放入雪櫃15分鐘備用
3. 大白菜洗乾淨，切碎後用鹽兩茶匙，撈勻，待5分鐘，擠出菜水
4. 蝦切成適當大小，和菜、肉、醃料一同拌勻
5. 可以將餡料包入餃子皮中，盡量將餡料逼進餃皮的中間，餡料要適量不要太多 (❤短片附有3種包法)
6. 包好嘅餃子隨時可以煎或水煮
👉煎餃子：平底鑊上加少量水加蓋，煎焗至水蒸發，再加少少油煎多1分鐘令餃子脆
👉水餃： 水滾後落餃子，不時攪拌以防止水餃互相黏貼在一起，煮熟的水餃會浮起
**大白菜用天津會比較甜
**豬肉可以加入少量肥豬肉一齊打碎，口感會比較嫩滑，攪碎的豬肉加入少量水分，會令餃子多汁
**大白菜用鹽醃後出水，盡量擠出菜水，如果唔係包好的餃子，皮就容易破掉
**吃不完的餃子可以放入雪櫃急凍，以後可直接取出煮食
**保存方法：保鮮盒中篩上少量麵粉或生粉，而餃子與餃子之間留少少空位，就不會黏貼
**個人覺得蔥係餃子的靈魂，是必須的😁 蔥會令餃子更香！
#餃皮的分別
(以下資料，係麵檔好詳細咁答我架，希望幫到大家)：
📍白色方形 - 上海雲吞，通常會包成元寶(護士帽)，餡會有大白菜+豬肉
📍黃色四方形 - 廣東雲吞，皮用左鹼水和蛋做的，餡會有蝦+豬肉
📍白色圓形 - 上海水餃，皮比較厚，餡會有韮菜或白菜+豬肉
📍黃色圓形 - 廣東水餃(鳳城水餃)，皮比雲吞較厚，皮用左鹼水和蛋做的，餡會有蝦+豬肉+韮皇+荀+木耳
💡一般廣東雲吞和水餃，都會用同一個皮做，唔會特別分開方或圓形，因為皮入面成份係一樣，除非係專門食雲吞水餃店先會分開
餃皮的分別 在 水晶餃子皮做法2023-在Facebook/IG/Youtube上的焦點新聞和 ... 的推薦與評價
水晶餃的做法和第225篇的港式蝦餃很像，包法簡單一點，主要的差別是皮的含水量。蝦餃要現蒸現吃，所以皮的含水量約100%；水晶餃是煮湯用的，皮的含 .. ... <看更多>