［香港 尖沙咀］位於金巴利街嘅 晴空 日本料理🗻 雖然只係新開無耐，但晚上都幾𝙛𝙪𝙡𝙡 𝙗𝙤𝙤𝙠𝙞𝙣𝙜，建議提早訂座😉 晚市有2款𝙊𝙢𝙖𝙠𝙖𝙨𝙚，點咗較便宜嘅晴𝙃𝙖𝙧𝙚 𝙎𝙚𝙩($800)，包括：前菜、刺身3點、和食、壽司6貫、手卷、吸物及甜品🥰
🗻前菜： #雜錦海鮮
用上多款魚刺身角切，鋪滿脆口晶瑩嘅蟹子，口感十足！
🗻刺身： #鰈魚薄切
鰈魚咬下去帶清甜，蘸酸汁鮮味更鮮明😗
🗻 #煙燻鯖魚
全晚其中一道好難忘嘅料理👍🏻 #鯖魚 肉質細緻，唔單止上枱聞到，入口都盡是煙燻香，更加襯托出鯖魚獨有嘅魚味💨
🗻 #拖羅配山葵漬
#拖羅 魚油豐腴，肥美無筋，巧妙地配搭wasabi及紫蘇葉，食落唔會覺膩😌
🗻 #汁煮鰤魚骹
鰤魚口感嫩滑，同時煮得入味香甜。不過👦🏻嘅鰤魚骹大小同我嘅爭好遠🤭
壽司6貫一次過上，分別有：中拖羅、右口魚邊、馬糞海膽、銀鱈魚、北寄貝及金目鯛🍣
魚料新鮮，特別鍾意 #銀鱈魚，輕輕火炙過更加逼出油香，非常肥美！壽司飯唔會握得鬆散，不過始終一次過上，溫度同口感都係爭少少🤏如果舍利酸度調高一點都會更好。
🗻 #吞拿魚蓉手卷
用上赤身吞拿魚蓉，魚味比較濃郁😉
🗻 #帶子蟹肉湯
帶子粒分量慷慨，湯頭清甜，飲落有絲絲蟹肉，口感豐富🦀
🗻甜品： #北海道蜜瓜
夏天蜜瓜當造，有多汁又香甜嘅北海道蜜瓜作結實在太幸福啦🍈🍈🍈
因為我哋無坐吧檯，所以無機會同師傅交流，有d可惜😞如果上枱時店員可以稍為介紹食材及進食嘅先後次序會更好。整體刺身用料新鮮，不過呢個價錢我又會期望刺身處理手法或配搭上會有新鮮感🧐 聽聞lunch set抵食好多，或者下次會試吓午市😛
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk
💖MEWE Group: Mewe.com/join/missfoodieshk
鰤 魚 香港 在 Food Taste 鮮味- Hamachi 鰤魚（夏媽池） 即一般香港人叫的 ... 的推薦與評價
Hamachi 鰤魚（夏媽池） 即一般香港人叫的油甘魚台灣人稱之為青魽英文名Yellow Tail 黃尾魚肉白中透紅油甘魚口感柔軟細滑刺身一流肉身油分較重 肥而不膩入口即溶令 ... ... <看更多>