關於 hkfoodie_life_氷川菓室 ，我們在網路上蒐集到這些相關的討論、資訊與評價

📍Hong Kong 🇭🇰
<蜜瓜沙冰配皇冠靜岡蜜瓜>@季節限定
評分：8/10
白桃嘅期間限定完結之後就由蜜瓜接捧，雖然就冇以前既白桃沙冰咁吸精，但係睇得出店主都落左好多心機去裝飾，務求整到靚一靚，可以呃下LIKE丫嘛！
蜜瓜有2款可以揀，分別係北海道赤肉蜜瓜同皇冠靜岡蜜瓜，而兩者就相差＄10（北海道赤肉蜜瓜沙冰售價為HKD $48），小編個人比較鍾意綠色嘅蜜瓜所以就揀咗後者。
沙冰味道飲落帶有好重嘅茉莉花香（好似Tempo味😂）蜜瓜嘅味道就略為淡左少少，真係要好仔細先飲得出，不過好彩都仲係可以飲到蜜瓜嘅清甜。其實最而想不到嘅就係估唔到兩樣夾埋其實都幾match，入口嘅味道仲幾清新下架！小編左好似飲到有少少蜜瓜果肉添！而裏面嘅奶凍雖然就冇乜味但係配個沙冰個口感就變得非常豐富。上面嘅忌廉同之前嘅一樣都係超級重奶味呀，撈埋個沙冰一齊食別有另一番風味。最重要嘅就梗係要介紹下片靜岡蜜瓜啦，蜜瓜真係超級清甜而且仲好juicy添！
好彩之前店主冇呃我，如果唔係小編就真係柒出個宇宙來。
---
PS：想食蜜瓜氷？要注意啦，刨冰而家都仲未出，不過又比小編八到好似話下個禮拜會出。到時一定要再去食過💪
---
價格：HKD $58
——————————
店舖名稱：氷川菓室
環境：3.5/5
服務：4.5/5
地址：尖沙咀山林道10-12號山林閣地下2C號舖
——————————
#hkfoodie_life_尖沙咀
想睇店舖其他既食評👇
#hkfoodie_life_氷川菓室
想睇翻同類型既食評👇
#hkfoodie_life_蜜瓜
#hkfoodie_life_飲品

📍Hong Kong 🇭🇰
<水蜜桃茶沙冰>@季節限定
評分：9/10
今日小編又去幫襯左呢間鋪頭，佢呢個沙冰真係超級吸精，有半個白桃插左係杯嘢上面，難怪一直都咁多人介紹。
好彩講得切係佢哋呢個期間限定完之前去試到姐，佢呢個白桃沙冰真係超級正，沙冰有好濃嘅白桃味，而且亦都好夠凍，消暑一流呀！佢上面個桃啱啱熟，有桃味之餘仲好juicy添，而且都幾甜下，食得個桃泥個胃已經半飽啦！而且係杯嘢飲裏面仲有幾片超薄片嘅桃喺度添！最重要嘅就係價錢唔係貴但已經有半個日本桃喺度，真係超級抵飲！
另外今日小編同店主傾計嗰陣，店主透露白桃嘅當做季節完咗之後就會轉赤肉蜜瓜，唔知你又有冇興趣呢？
價格：HKD $48
——————————
店舖名稱：氷川菓室
環境：3.5/5
服務：4.5/5
地址：尖沙咀山林道10-12號山林閣地下2C號舖
——————————
#hkfoodie_life_尖沙咀
想睇店舖其他既食評👇
#hkfoodie_life_氷川菓室
想睇翻同類型既食評👇
#hkfoodie_life_桃

📍Hong Kong 🇭🇰
<山梨白桃刨冰>@季節限定
評分：8.5/10
今日特登行過去就係為左試尼個刨冰，佢果然冇令小編失望。
刨冰入口超級綿身，亦冇話食到有冰粒，而且聽聞店主係訂日本北海道天然水做既冰去整尼個刨冰架，不過小編略嫌刨冰既份量有D少，但換個過説法就係岩獨食。而且刨冰溶得超級快，底既冰8mins內已經溶得七七八八。而刨冰面頭仲有店主自家制既白桃糖漿，白桃味道一D都唔假，亦唔會話太甜，同個刨冰都幾夾下。小編食食下先發現原來有一層煉奶刨冰係到，奶味都幾香濃下，而且有兩種口味既刨冰係到入口一D都唔單掛。而令小編最驚喜既就係係刨冰既中間竟然有個白桃水信玄餅係到，水信玄餅散發著既清淡既清新既白桃味，小編特別欣賞丫！而且白桃既份量一啲都唔小家，小編估計都有接近半個白桃係到。
---
PS：店舖比較細，只有4個座位同1個企位，如果想食得舒服D最好就避免繁忙時間去啦！
---
價格：HKD $68
＊
食評懶人包：
✔️有接近半個白桃
✔️刨冰既口感同味道都幾豐富，唔單掛
✔️刨冰冇冰粒，整體都幾綿身
✔️價錢唔算貴
✖️刨冰份量少，只適合獨身
✖️刨冰溶得超級快
✖️座位十分少
——————————
店舖名稱：氷川菓室
環境：3.5/5
服務：4.5/5
地址：尖沙咀山林道10-12號山林閣地下2C號舖
——————————
#hkfoodie_life_尖沙咀
想睇店舖其他既食評👇
#hkfoodie_life_氷川菓室
想睇翻同類型既食評👇
#hkfoodie_life_刨冰
#hkfoodie_life_桃