關於 醒咗訓唔番 ，我們在網路上蒐集到這些相關的討論、資訊與評價

｜找 喜歡的工作 #早晨文章🌞

在南蘇丹，大多早上八時半、九時開始工作；下班時間則相較彈性，視乎當天所需完成的事項。原以為需要時間適應，卻又出奇地，完全沒有時差問題，每日的作息也很穩定，就是晚上十一時之前入睡，早上七時左右起床，且精神滿滿。

對上一份朝九晚六的工作，該已可追溯至2013年。離職後，先是空姐，繼而是全職旅人和freelancer。某次訪問，記者問我：「自由身太久，會否不可能再回去全職？」我說：「不會，只要是自己喜歡的工作。」

前年，代表另一間NGO前往印度參與水災支援工作。剛到步第二天，清晨四時多就出門到機場，趕早班的內陸機到項目點，再一直在災區工作至晚上十一時。直至躺在床上前一刻，整天也不覺得疲累，因為是一直做自己喜歡的事情。

某年在七級地震災區，連續工作多天，每天高強度的工作、多方協調、會議，晚上就睡在帳篷，也是完全不感覺累，就是連番餘震也絲毫不察覺。直至機構說要派人員換班時，更反而有點不捨得離開。

身邊很多人羡慕我的自由人生，事實上，我卻是個喜歡上班的人，認為工作是人生非常重要的一部分。不僅僅是金錢的回報，更是在工作中的學習與成長，並在當中找到的自我價值和滿足感。

過去，每當有人向我抱怨工作，我都會鼓勵：「那就找一份自己喜歡的工作！」經常聽到的回覆：「怎會這麼容易？」「身不由己啦！」而我最討厭：「不是每個人都像你這般幸運。」

明白社會上的確有一部份人，無法自由地選擇自己喜歡的工作，但我很肯定，絕大部份跟我抱怨的朋友，他們並不是這一小撮人。大概，就只是在安舒區太久，不捨得也沒勇氣離開，再用一堆藉口說服自己「無得揀」。坦言，每次捨舊嘗新，都總需取捨，你認為我幸運，不過是沒看見我所失去的。至於是否值得，每個人都有不同答案。

就跟拍拖一樣，只有極少數人一開始就選對、走到白頭，大多都是在跌碰中才找到對的人。工作也是，不嘗試，永遠不會知道甚麼工作才最合適自己。與其哭著上班，在你還有能力選擇的時候，不如去找一份能讓你笑的工作。

既沒有完美的另一半，也沒有完美的工作，但每一次都會是好好的一堂課，也讓你更清楚自己想要和需要的是甚麼。

共勉。

#早上閱讀
#醒咗訓唔番
#你也喜歡自己的工作嗎

Goodn morning everyone
俾個電話嘈醒咗訓唔番....😭

醒咗訓唔番就整下花啦

噓……
天空墨黑，厚雲沒星。手錶上指針是凌晨二時，大部分人已熟睡就寢，街上一片寂靜，黑暗滿佈街角，昏黃街燈，照得人睡意濃濃。

嗞嗞……
機器的轉動聲卻在深水埗福華街，一排關閉的鐵皮小排檔叢後，一間鋪頂上書「坤記士多」四個大字，在鐵閘縫中透出幾扇白光，聲音就從這製糕工場發出，訴說着眾人皆睡我獨醒，明碼實價的起早摸黑，辛勤的一天就從這嗞嗞作響揭開序幕。

「由晚到朝，由早到夜，循環不息，兩三點鐘起身開工磨米，做埋洗埋嘢賣埋，兩更人，收埋鋪夜晚八點幾，年中冇息休㗎！不過唔緊要，慣㗎啦！」半頭白髮的傳永祥一口沙啞地說。

傳永祥是坤記老闆和掌舵人，64歲，對這數十年如一日的辛勞已司空見慣。還有弟弟傅永康，三個協力的阿哥阿姐夥計，同時在凌晨開工，默默無語。守在四五十度高溫的火爐邊，人人揮汗如雨，各佔各崗位的忙着磨米、抽出抽入竹筲簊、提上提落重甸甸的石頭壓漿，誰也沒注意到這百忙的街外上一絲靜態。


咔嚓……
一手拉開了店面的鐵閘。時為早上七時許，深水埗地鐡站B2出口旁，這不過百呎，80年代士多的舊模樣，汽水、香煙、啤酒、土炮……，老士多的產品。然而主角是陸續放到店門當眼處的各式老糕，白糖糕砵仔糕芝麻糕紅豆糕……琳瑯滿目，吸引途人。連銷售也數十年不變。現時外面的糕都早已包裝好，這裏卻依舊即切即放磅上秤重量，再入小袋給客，這樣的動作常惹客人投訴慢。

「件糕幾重就收幾多，冇呃秤，夠均真！幾廿年都係咁，冇變過，舊時啲人冇投訴㗎！」

隨時代變遷，深水埗生活改變了，舊的事物正在消失，他仍竭力保留這裏的一點一滴。分毫不動，緊握着舊。

「我都後生過，輕佻過，試過變新，錯咗一次，唔可以再錯！」像他的白糖糕，水靈模樣，心眼兒透亮，會有點調皮。他也曾稚氣未脫，違反父旨，背叛自己，陷於迷惘，卻終歸是貼心的。還不忘父訓：「做人做生意要對得住天地良心。」


一度無心之心，使他念茲在茲，謹遵此宗旨，勤懇守着，天荒地老。縱使父已逝，精神卻長存。

父技藝恭謹以待

嗯……
閉目沉思的他，想起父親，思緒如泉湧。他祖籍順德，鄉下作為魚米之鄉，河澤廣佈，水域通達，適於稻米生長。賦予了製作米糕的創造力。選粘米、糖、水這些家常材料製成的白糖糕、砵仔糕等，是稻米變身的傑作。

看來簡單，實際上製作十分繁瑣。父親傳承的技藝，他不怠慢，淘米、浸米、磨粉、壓水、和餡、發酵、灌籠、水蒸，做足八道工序，糕才爽香可口。

滴噠滴噠……
磨米的滴水聲，回應着石頭壓印米漿滴出的米水聲，格外清脆。他將用半新舊的泰國粘米按比例混合，浸泡一晚軟了的米放進磨機，扭動水喉，米粒漸研磨成漿，奶白的水柱細細流進布袋。紮好裝滿米漿的布袋，然後抬塊大石把米漿重重壓着，待水分全部流走，壓成半乾濕的米粉糰。以壓乾的米粉糰上秤，斤両才準確。

「用磨米壓出嘅米漿嚟蒸糕，啲糕有一種膠質，特別煙韌。」他一時忙着調校不同糕點的糖水米漿，這個要加黑芝麻漿，那個要放紅豆……一時又要磨糯米粉，做煎堆、包茶果。磨米機在一邊動，他也像機器一樣，沒有一刻停下來，多磨人！

最不容易是順德獨有的白糖糕，壓成的米粉糰，加入糖水搓勻，擺放到晚上，粉糰不停發酵，晚上變「老種」，又配搭新加了糖的米粉糰去，再發酵到第二日才蒸，往而復來，日日如是。白糖糕好不好吃？還是靠發酵。米與糖水的比例怎樣？發酵時溫度如何？全靠他拌和米漿時，一雙巧手去感應。

將發了酵的米漿倒在竹箕上，拿去蒸。「蒸起咗啦！蒸起咗啦！」隨着他揭開蒸鍋，熱氣上升，夾著帶酒味的甜米香，一股複合香氣撲面而來。剛蒸好的白糖糕白嫩蓬鬆，密密的小氣孔如同蜂巢一般，光滑剔透。嘗一口，軟滑爽口，甜甜的滋味帶着剛出爐的暖意在舌尖化開，口感綿密帶韌勁，微微似米酒的香氣，意想不到的清新吸引。

家傳秘方不易來

呼……
他大力地呼出一口煙圈。這個做糕的家傳秘方，是寶貴的經驗及睿智，都是他的父輩，順德人一代代口耳相傳下來的結晶。最初，也與一口煙有關。

「我老竇叫傅坤信，戰前喺順德嘅茶樓打工學整糕，佢個師傅做嘅白糖糕爽彈細膩，點樣整？佢就教啲唔教啲。不過呢個師傅係食大煙嘅！」

食大煙，即抽鴉片，當年是合法的，很平常，但價格高昂，普通打工的吃幾遍可花掉一個月人工。他父親知師傅有煙癮，出錢請食，期望師傅上足電，會過招教他。這樣的討好非一推即就，師傅一次不教、兩次不教，直到第八次才教少許。之後不斷請食，師傅才像擠牙膏般逐少逐少地教。

「請佢食個大煙，嗰份糧畀晒佢㗎啦！老竇先慢慢學到做糕竅門！」到他父親成功獲知箇中秘訣，幾已傾盡家財，可謂得來不易。和平後，他父親就帶着這秘方，到香港打工。

做米糕養家餬口

依呀﹗依呀﹗
石磨在轉動，轉一圈就依呀一聲，昔時就是用石磨磨米做糕。「我老竇嗰時喺香港嘅油器白粥大牌檔做糕，用石磨磨米，憑學番嚟嘅秘方整出好食嘅糕，其他師傅都冇佢整得咁好，啲客咪叫我老竇不如自己出嚟做生意！」

1965年，他家住唐九樓，在十樓的天台自立做糕，山寨原始，做批發生意。「點知攞貨買嗰啲商戶客，好生意就嚟攞，唔好生意就唔攞，落雨唔嚟攞又唔找數，啲糕剩喺度唔通倒咗佢，我阿媽咪拎出街賣囉！」山不轉路轉，他母親挑起擔挑，秤兩隻竹籮，糕點放在籮上，到福華街、北河街沿街擺賣。那時小小的傅永祥，已跟着媽媽一起上街。

「老竇真係好勤力，佢一個人，用手磨米、石頭壓水、米漿溝糖水、發酵、入爐蒸，嗰時仲用燒柴，乜都一腳踢！」父親就靠這糕養活一家九口，逐漸做到有生意，坤記的雛形就是這樣形成。

窮人孩子早當家

鈴鈴鈴鈴……
鬧鐘響起，早上六點，傳永祥兒時最痛恨這聲音，他不情不願的起床來。「起身幫老竇開檔，之後七點幾返學，到下晝三四點放學返嚟，又磨米、搓糕，整呢樣整嗰樣，到夜晚九點，先去做功課……」

對一個小孩，體力及精神都往做糕去，上學沒精神，成績也越來越差。「整整下無心機讀書，升唔到班，咪冇讀，一路跟住老竇去做糕。」中二就輟學，這遺憾一度令他無法釋懷。

「人哋放學就去玩去踢波，禮拜六禮拜日去露營、去旅行。我禮拜六禮拜日都要開工，好辛苦架！做糕有咩樂趣？」他很矛盾，對做糕，嘴裏說着嫌棄，實則卻又留有美好回憶。「當年冇咁多電子產品，我細個陪老竇開檔有得食，又同其他檔口嘅細路玩，賣出啲糕，老竇賞我零用錢，幾開心㗎！」多年後憶起與父親一起賣糕的時光，苦中有樂，很寶貴，他特別珍惜！

他與父母漸漸做到生意，從街頭做上排檔，他的工資也多了。「嗰時未識諗，冇儲低！啲錢淨係愛嚟行街睇戲食飯，唔夠咪問阿爸攞囉！」

人迹渺意興闌珊

轟隆轟隆……
地鐵行走聲音劃破寧靜的深水埗，時為79年起地鐵。坤記被迫搬到南昌街的大牌檔。「因為唔就腳，完全冇生意，做糕生意差，搵唔到錢。」同期麥當勞又進軍香港，市民多了選擇，坤記漸被擠到邊緣去。生意不佳，令傅永祥更加意興闌珊。

「我都要支人工，飲茶食飯都要錢。做糕冇前景，都諗轉吓行啦！由細對住呢行咁耐真係厭㗎，邊至想做？當然唔想做！」常言做那行，厭那行。他放下了做糕，離開父母和弟弟。當時他考到的士牌，就去揸的士搵食。

當了的士司機，他才發現爭食的士愈來愈多。「的士多，分薄咗，難搵食，我覺得揸的士已經唔合時宜。」他只好回家再做糕去。

人心之花散落時

哎呀﹗
這痛楚的嘶喊，如被一拳激中喚醒做糕的初心。他離去而再回來，父親沒有責怪，但最終也要靠父母，他感覺像欠了一個情。這時父親年事已高，還交付給他打理。他有感傳統磨米、壓漿、發酵，花工夫又費時，生產能力低。適逢工場拆樓，沒地方磨米，他打出如意算盤來。「新時代講求快，可以用現成嘅粘米粉，節省咗磨米艱辛嘅過程，慳番唔少成本。」

有不待風吹而自行散落者，人心之花是也。人心搖蕩、人性明暗，有跡可循卻難以理解。他騙得了自己，卻瞞不到客人，有些熟客吃過，覺得不是死實實，便是散收收，味道不同了。當他面前，把糕丟進垃圾桶，這恍如大力地摑了他一記耳光﹗「我好唔開心！」

客人騙不了，一個個離去，不單虧本，父親打下來的江山招牌也搖搖欲墜。他痛過，才領會，才醒覺。「老竇曾經同我講，做生意最緊要老實，對得住啲客，如果啲嘢唔得賣畀人，等於呃人。」

痛定思痛，自此，他堅持用傳統方法，磨米蒸糕，慢慢把客挽回來。

兵戎相見終告捷

傾哐！傾哐……
電視機傳來武俠劇的刀劍聲，短兵相接，仿如與同行舞刀弄劍的惡鬥……八十年代，大牌檔人稀少，父母接受他的提議，到較多人流的福華街租鋪，他可以邊看着電視邊賣糕。

如今他不辭勞苦，店仍維持磨米做糕，果然吸客，生意滔滔。那時深水埗有不少經營糕點的行家，見其客人川流不息，不免見獵心喜。某行家到來請教，叫他傳授做糕訣竅。「老竇當年都千辛萬苦先學識，而家問一問就要教你，有冇咁便宜嘅事？況且你又喺深水埗做糕，教咗你，咪搶自己嘅生意？傻㗎！」

他拒絕了，於是行家心生一計，急遽地將其租鋪買下。「佢買咗間舖，繼續租畀我哋，遲遲唔收，等我做旺咗佢先至要返，到時接收晒我啲客，賣佢嘅糕。」

他被擺了一道，但對方有鋪佔了優勢。他覺得租鋪不是長遠計，立意要父親買鋪。機緣下他們買到隔鄰的店，即現址的角落鋪，於是搬到鄰店繼續賣糕。行家業主收回原店，賣同樣的糕品，兩家並列打對台。「大家爭，佢鬥平，佢賣五蚊三件，我一件三個半。啲客嚟買，話我貴，但一樣幫襯，因為我嘅糕好食過佢。」

對家乏人光顧，大拍烏蠅，結果結了業。「以前一直覺得老竇嘅手藝好平常，而家我知道係寶。」他深深感到做糕秘方的強悍和魅惑力，亦全憑這贏了漂亮一仗。

仍不敢須臾或忘

啪啪啪啪……
掌聲響起，在百般磨難過後﹗97年金融風暴後生意轉淡，他想到增加產品提升銷售。「試過加整老婆餅、合桃酥，同芝麻糕、紅豆糕、馬蹄糕。啲客都係鍾意食用磨米做嘅糕，麵粉做嘅老婆餅冇得留低，磨米嘅紅豆糕同芝麻糕都賣得，就繼續賣到而家。」

他將芝麻磨粉混合米漿倒進盤內，先蒸熟第一層，然後第二層、第三層，如此類推，蒸到第九層，做出芝麻糕。入口綿細軟滑，慢慢化開，不甜膩，飄散出芝麻香氣，細嚼還能感覺到點點的黑芝麻末，滿嘴生香。內裏沿用父親的磨米米漿，糕身特別柔韌有米香。

03年，《飲食男女》報道坤記，指明香港製造。「由嗰時開始旺，生意幾倍咁升。到15年攞米芝蓮推介，多咗好多外國遊客慕名嚟幫襯。」

店子紅了，親友都建議他擴大工場、增加產量。「要快就要機器生產，就冇咗手做嘅味道。」用手做糕，時間有所局限，快不得，產量不多，如白糖糕一天最多二十多底，砵仔糕一天只一千幾百碗。他斷然回絕。

「唔會大量生產！我一定唔會再犯錯！」他絕不容犯下些許錯，縱使別人不追究，自己卻不敢須臾或忘。堅持遵循父法，不粗製濫造。09年父親因年邁身故。「我會盡自己能力細心做糕。咁樣做係為咗品質，亦係為咗啲客。更大嘅意義，係為咗阿爸。」他回憶中的父親，為人正直，扛起家庭和事業，勤懇堅忍，從未埋怨過辛苦。做人忠誠，對客童叟無欺，因而儲落大批熟客。

入夜，他開啟門口射燈，照着坤記的招牌，淡淡的糕香，歷五十年而不散，讓人念念不忘，有燈就有人，延續父親的精神。

撰文：孟惠良
攝影：關永浩

坤記糕品專家
地址：深水埗福華街115-117號北河商場地下十號鋪
電話：2360 0328
營業時間：7:30am-8pm
詳情： http://bit.ly/2QLfzLk

你好影補版主，聽咗你呢個台一年，獲益良多，想講一聲多謝。
今次我想分享一下我媾到我女朋友嘅經歷。



先講一下自己嘅經歷，以前自己有真命天女症，
對某一個女仔有好多嘅幻想。不過做人總係要面對現實，
後來有一次面對面出街嘅時候睇穿佢嘅大話，亦都睇清楚佢嘅真面目，
破除咗自己唯一一次嘅真命天女症。



由於性格外向，自己係冇咩AA，唔會怕同陌生人傾計。
以前嘅自己係走暖男flow，
不過自從「真命天女」之後都冇再走暖男flow
（即係話只係用過一次，好彩係自己冇被呃錢）。
之後自己覺得要move on，所以就開始約唔同女仔出街。
自己本身有d contact係手，約過唔少女仔出街，咩國籍都有。
只不過當時仲未建立到自己嘅flow，所以好多時一係媾唔到，
一係冇second date，再唔係就被friendzone。自己嘅約會都係AA制，
亦都冇送到禮物，完全唔再走暖男flow，但係又未進化都走alpha嘅flow。



之後聽咗唔同嘅youtube channel。因為唔同嘅channel都有唔同嘅哲學，
所以自己就學咗唔同嘅方法。題外話：個人覺得影補嘅內容係實戰派，
內容好多時都係約會時實戰嘅flow、觀人術同埋破除真命天女症。
係好容易pick up嘅野，加上影片入面有好多例子，可以觸類旁通。



講咗咁多旁枝末節，係時候入正題。我同我女朋友係大學認識嘅，
我地係一個活動裡面認識。認識個日已經抄咗牌，因為活動時間比較長，
所以我地有好多時間單獨傾計。個陣時都冇話開始了解佢嘅價值觀，
傾計嘅內容都係黃腔同廢話多，都係講d串下佢嘅野，又有時笑下佢咁。
然後係活動就黎完結之前我就約佢之後個日嘅下午單獨出街，因為認識個日印象深刻，
大家有講有笑，所以佢應承咗。



第二日（day 2）出街嘅時候我地去咗一間café，叫野食都係AA，
佢又冇要求我請佢，心中就對佢加分。食飯嘅時候再問佢嘅情史同價值觀，
佢都講咗好多自己嘅野同想法，好多底牌都自己揭露出黎。
相反，我自己嘅底牌、有價值嘅資訊都冇點透露。
個時都未知道佢係咩對弈level，所以就再測試一下佢。
食完lunch之後我就話去公園行下，佢好爽快話好。
然後係公園入面我提議玩韆鞦，我推咗佢一陣之後就叫佢推我啦，
佢又爽快答應，之後仲有同佢玩下隔離嘅滑梯。
過程中都有好多微笑，睇得出佢係真係開心嘅，所以就大概估到佢係點樣嘅人。
係公園玩咗一輪，佢之後再食咗個甜品，就知道要開始入情侶mode。
我提議話行返大學宿舍，佢話好，咁個一刻我知道條yes leather已經建立到，
亦都知道自己暫時攞咗上靶位。



但係係轉情侶mode之前嘅野都冇乜用，充其量都係可以俾你參考一下，
估計下對方轉mode之後嘅反應。行返宿舍嘅路上我知道要拖佢隻手，
但係都有少少驚，不過心知如果自己唔再行動嘅話就未必有下次，
所以我就一下拖咗落去。佢個下係想縮手嘅，
只不過我捉得都比較緊同埋佢抽手個下都唔係好大力，所以我都冇放手。
佢問我「做咩拖我隻手」我答佢「拖咪拖囉，啱嘅咪繼續拖落去囉。出黎約會係咁架啦。」
之後佢都冇格手，不過佢又整咗d shit test俾我，話「咁俾其他人睇到咁點算。」
我話「佢地行路要睇路阿，睇路都唔得閒睇妳阿。
睇到妳都未必認到妳阿。
就算認到，咁又點？關佢地L事？俾人睇到妳同我一齊阿，妳應該自豪啦。」
之後就拖著手去咗我宿舍食晚飯睇戲。
當然，當中都有時候係放開手嘅，不過好快我就再拖落去，等佢習慣突然俾我拖手嘅感覺。
睇戲嘅時候我地挨埋一齊，之後我開始摷，見佢又冇格我就開始錫落去，
打茄輪打咗一段好長嘅事件，之後佢話要返佢自己宿舍，
我開咗燈，同佢坐咗係張床到，但係又冇俾佢走，
就開始同佢傾計。佢問咗我好多關於將來嘅野，
其實就係shit test。佢問咗我好多嘅shit test，
佢問一次，我就嘴落去同佢打茄輪，之後都feel到水溫好高。
（佢個陣黎m所以⋯⋯）咁之後我送佢返佢宿舍。
其實點解要送佢返宿舍呢，一黎個陣已經係朝早3、4點，
都唔係好安全，二黎係push and pull，等佢覺得我唔係100%霸道。



之後第三、第四日（day 3、4）我都冇乜contact佢，
完全係ignore咗佢咁。我第四日個陣有活動，
我第三日同佢講我活動完咗之後會contact佢，
之後一個message都冇。因為我已經摸清楚佢係點嘅level，
所以我係吊咗佢一日。
後尾女朋友同我講番佢個陣心lor lor 攣，
等緊我嘅message。第四日我活動完咗，
我返到宿舍我先打電話佢（個陣已經係凌晨2點，佢未訓覺），
之後我話去搵佢，佢話好。但係女朋友係個d比較怕醜嘅女仔所以我要做多d主動，
之後傾左一陣計，我叫佢去我間房訓。個日開始我地就開始拍拖。



同女朋友拍拖都係我做上靶位，我話一就一，二就二，
但係有時都會俾位佢上，但係個d都係控制範圍之內。
都係以糖棍政策為主，繼續穩坐上靶位。



咁次可以咁快手一擊即中，原因有幾個：

－女朋友質地好，對著我係純純兔，小鳥依人（之後聽返，佢同佢嘅前度出界嘅時候佢完全唔俾佢拖，kino）

－我自己清楚媾女flow要點run，加上約會當日心態同轉數都處於優良狀態

－shit test順利拆解

－已破除真命天女症



之後聽返我女朋友講，佢話我眼神好惡，佢見到會驚，會聽我話。
宜家先醒起，我係day2約會嘅時候kino嘅同時我對眼係望住佢，
可能就係咁佢自己對弈嘅氣勢弱咗。



睇返轉頭，今次可以順利抱得美人歸，都想同影補版主講句多謝，
所以想分享返自己嘅經歷，算係一種回饋。


不過有少少想補充返，因為自己係海外嘅聽眾，所以見唔少鬼妹，發現英國鬼妹好多都臭格，
可以港女閪格嘅文化係前朝遺留落嚟嘅嘢。
自己係外國同過日本，越南，馬來西亞嘅女仔出街，當然都有啲鬼妹啦。
個人感覺，比較之下係港女真係零舍臭格?
鬼妹雖然好容易就可以kino上去，去到扑都仲得。不過長遠嚟講想坐穩上把位其實係難

無言感謝



影補溝女計劃:

多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加

月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略

有興趣 email 我吧
nyksuperman@yahoo.com.hk

blog:
https://learningpickup2018.blogspot.com/

paypal 捐贈
PayPal.Me/nyksuperman

想和我一樣30天升10000訂閱：http://goo.gl/zNT6Ck
Supper Moment溫柔革命演唱會: 3個最有感覺位及啟發

琴晚睇完Supper Moment嘅溫柔革命演唱會，今日真係忍唔住要拍條片分享內心個種滾動。睇開我channel嘅朋友就知道我希望分享各種正能量比大家，希望藉少少綿力影響更多人。第一次睇Supper Moment嘅show係兩年前九展同我嘅同學一齊睇，係可以感動到攬埋一齊流眼淚，之後就到今次會展，睇住佢地慢慢成功，由細場玩到去大場，信念依然不變，唱live越來越好聽，真係好感動！今次我想分享比大家嘅係Supper Moment溫柔革命演唱會令我感受得最深最滾動嘅3個地方。


Supper Moment 溫柔革命演唱會: 3個最有感覺位
1. Sunny話佢自己係Supper之中比較容易頹，無我們想像中無時無刻都咁正面，有好多辛酸都寫咗喺啲歌度。聽完佢咁講之後我忽然覺得聽佢地D歌有另一種深一層嘅體會。因為喺台上嘅佢睇落好輝煌同正面，而當佢咁樣講完之後提醒我地佢都係一個普通人，睇落好似成日好正面，但其實都有好多鬱結同低落嘅時候，只不過Sunny會透過佢嘅音樂同歌詞抒發出嚟，正正因為咁所以Supper Moment嘅歌先能夠令咁多人有共鳴，所以喺我聽完呢番說話之後再想像返佢寫歌時嘅反差真係有更深嘅滾動。 尤其係佢唱懂得快樂個陣，真係好入好入！

2. Supper Moment 每次出show都會有幾首歌令現場所有人都感動到好想喊，我兩年前第一次喺Music Zone同班朋友攬埋一舊一齊唱小伙子唱到眼濕濕，仲有最後唱無盡嘅時候。今次嘅溫柔革命演唱會洋蔥位走唔甩一定係唱最後晚餐嘅時候。唱呢首歌之前播咗一段Gary講嘢嘅片，話佢一開始係被Supper嘅歌詞打動，話喺Supper Moment首歌到有句話唔好愧對自己嘅生命打動到佢。最早期有人話Supper肉酸，Gary就好似佢地老豆咁點都信佢地撐佢地，直到最後今年逝世，而呢個離開就好似象徵住佢完成左呢個任務，貢獻自己嘅生命比一班有志氣嘅樂隊，同時間亦都代表住一個開始，因為Sunny話呢個「溫柔革命」就係會喺未來十年令更多嘅樂隊由細場玩到上大台，雖然Sunny無講出口，但我覺得佢要繼承Gary嘅意志，幫助更多獨立樂隊被更多人認識。播完條片，佢唱最後晚餐嘅時候，我以為佢一定會喊同埋講D野，因為我已經眼濕濕加上我隔離個位已經喊哂口，而最感動我嘅係相反Sunny無講D乜嘢無流過眼淚，佢全神將所有情感都貫注喺呢首歌入面將佢送比Gary，呢首最後晚餐我諗會係最好聽最感動嘅一次，比起Supper喺呢個時候喊同講嘢，我覺得佢地將所有感情擺哂喺音樂上嚟得更專業更感人。呢一part我感受到佢地對Gary無限嘅思念同敬意。

3. 最後當然就係呢一個演唱會嘅主題「溫柔革命」令我有好大感覺，頭先提過，呢個「溫柔革命」嘅意義就係佢地會喺未來十年令更多嘅樂隊由細場玩到上大台，希望有更多類型嘅音樂比大家感受，呢個係一個偉大嘅精神。Supper每次最感染到我嘅都係佢地團火，Sunny嘅眼神每次都好堅定好有火咁話比台下嘅人知佢熱衷夾band熱衷音樂，透過佢地嘅歌，我地可以感受到現實中嘅唏噓，而最重要係唏噓嘅背後往往都帶住冀盼，所以Supper Moment唔單止係一隊band，佢地仲係熱血嘅精神領袖，鼓勵更多人唔好愧對生命，熱血地活一次。佢地堅持自己鐘意做嘅嘢十年，有思想有努力地做好自己，最後能夠登上大舞台繼續感染無數嘅人，我就諗如果由呢一刻開始計十年，十年後大家又會變成點，我又會變成點。透過呢段睇後感，我想分享嘅係我地嘅生命只有一次，每個人都有屬於自己最鐘意做嘅嘢，希望社會嘅洗禮唔好令大家忘記曾經有過嘅目標同理想，呢個社會比我地嘅框框太多，令到我地誤以為自己被逼要做一啲自己唔想做嘅事，而其實我地可以做到嘅比我地認知嘅更多，只要呢個世界有一個人做到過其實你都可以做到，重點係我地嘅態度。我地經常抱怨、不滿地去做嘢定我地識欣賞、感恩正面去做嘢已經可以令你經歷兩個世界嘅分別。睇完Supper嘅演唱會，佢地除左影響我去繼續堅持同努力做好自己之外，希望呢條片都可以影響埋你～去支持Supper Moment，並為自己最想做嘅目標進發！

唔好意思因為都病左好幾日好早訓未拍到一個人的捉迷藏，我會呢幾日拍埋佢！我係Ernest，多謝你睇我channel，我地下次見！

Supper Moment 幸福之歌 溫柔革命演唱會
https://youtu.be/4TvqcA4RPjU
Supper Moment 無盡 溫柔革命演唱會
https://youtu.be/ZmIuSO1LkNE
Supper Moment 無盡
https://youtu.be/4PACFmxlHm8

想留意更多我的動態，記得緊貼Ernest DoCRAZY
Ernest DoCRAZY社交平台：

Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/